كيف تستخرجين كلمات الحب من فم زوجك

[محمدحسين]

إذا أردت لزوجك أن يتغير .. وينطلق لسانه بالكلمات العذبة التي تتشوقين لسماعها منه ، فعليك بممارسة هذا التغيير على نفسك أولاً ، وأعطيه الفرصة ليتعرف على المشاعر التي تولدها لمسة عاطفية أو لحظة اهتمام .. فإن محصلة اهتمامك به ستكون مثيرة لاهتمامه بك بالطريقة العاطفية ذاتها .. مثال على ذلك :-

عندما ترينه جالساً على مكتبه أو مستلقياً على سريره .. فتقدمي إليه بلطف واسأليه هل يريد .. هل يطلب .. هل يتمنى .. هل يشتهي أي شيء ؟ ثم بعد ذلك أسرعي بتحضير ما طلب – ولنفرض أنه طلب منك تحضير فنجان قهوة أو شاي



وقدميه له واحرصي على أن تكون يدك في أسفل هذا الطبق ، وعند تقديمه له حاولي أن تلمس يدك يده بحنان وأنت تداعبينه بأطراف أصابعك .. متبعة ذلك بابتسامة رقيقة ، وحاولي في هذه الابتسامة عن ألا تزيد من أن تظهر مقدمة الأسنان ، لا أن تظهر الفم وما حوى !! وقولي له تفضل ( حبيبي ) .. أو تمهل ( حياتي ) فهو لا يزال ساخناً .. انصرفي واتركيه يشرب على مهله ، وبعدها عودي وتأكدي من أنه قد انتهى من شربه ، خذي الكأس أو الفنجان ، وانصرفي وقبل ذلك طبعاً لا تنسي الابتسامة التي طلبناها أثناء التقديم ، وقولي له بالهناء .. عسى أن يكون قد أعجبك .. هل تريد المزيد ؟ فإن طلب المزيد فلا تتأففي بل سارعي على الفور وبنفس الأسلوب مع حركة أخرى .. مثال : إن طلب كوباً من الماء أو العصير .. حاولي أن تسقيه بنفسك إن استطعت ، واسأليه إن كان بإمكانك أن تشربي معه من نفس الكأس ، فإن وافق ، فبادري على الفور بسؤاله عن المكان الذي شرب منه ، ولا تتقززي من هذا الفعل .. ثم أتبعي ذلك بقولك إن العصير أو الماء قد أصبح طعمه أحلى .. هل تعرف لماذا ؟ لأنك شربت منه .. ثم دعيه ليستريح وانصرفي لعملك ، وقبل ذلك اطلبي منه أن يغمض عينيه ، فإن فعل ، فلا تبخلي عليه بقبلة رقيقة لا تكاد تسمع إلا كالهمس .. ضعي كلمات الحب في أذن زوجك ، حتى يتعلم كيف ينطقها .. واطبعي كلمات الحب أمام ناظريه ، حتى يعرف متى يستخدمها ، ودعيه يشعر بالألفة مع تعابيرك العاطفية .. مثال على ذلك : احرصي دائماً على ترديد كلمة ( أحبك ) على مسمع زوجك بين الفينة والأخرى ، واسأليه بعدها هل هو أيضاً يحبك ؟ ولا تقبلي أن تكون إجابته بهز الرأس أو الإيماء ، وإنما حاولي أن تستخرجيها من فمه قدر المستطاع حتى يتتدرب ويعتاد لسانه على نطقها .. ولا تطمعي حتى يقول ما تتطلعين إليه بشكل كامل ، ولا تيأسي من محاولاتك واصبري عليه ؛ لأن الرجل يتعلم منذ طفولته كيف يخفي عواطفه خلف مظهر هادي وصامت ، حتى يعطيه صورة الرجل الحقيقي في نظره !! . مثال آخر : قومي بكتابة بعض الكلمات الجميلة ذات المعاني النبيلة والتي تثير انتباه الزوج ، وتختلف هذه الكلمات بحسب حالة الرجل ، مثل كلمة : ( أحبك .. حياتي .. عمري .. روحي .. مشتاقة لك .. فديتك .. تصبح على خير .. صباح الخير .. ) إلى غيرها من الكلمات التي تسري في النفس البشرية ، وتعمل في قلوب وأحاسيس الرجال العجائب .. وبعد كتابتها قومي بوضعها على فراش زوجك ، أو على مكتبه في البيت أو في درج السيارة ، أو في أي مكان ترينه مناسباً .. بشرط أن يكون في مكان يثير انتباهه .. (( لطيفة )) .. بعض الزوجات المبدعات في حياتهن الزوجية ، يحرصن على أن لا تغيب هذه الكلمات عن نظر زوجها ، وخاصة حينما يكون في البيت .. فتستغل كل وسيلة ممكنة للتعبير عما في خلجات نفسها من عواطف جياشة لزوجها .. فتقوم بكتابة بعض الكلمات أو العبارات الجميلة الرقيقة في أماكن لا تخطر على بال أحد ..أو أن تقوم باستغلال شاشة التوقف الخاصة بالحاسب الألى الخاص بالزوج ، وتقومي بكتابه ما تريدين من كلمات في المكان الخاص بها .. وحينما يقوم الزوج بتشغيل الجهاز ليقوم بعمله ، قد يتركه لبعض الوقت فتظهر شاشة التوقف و يقرأ ما سطرته أنامك الرقيقة من كلمات ..

[عتاب]

موضوع جميل اوي يا محمد

بس خايفة نكون خياليين

بيتهيألي اغلب الرجاله لما زوجاتهم يعملوا كده هايعتبروهم اتجننوا

وفيه منهم ممكن يطلب لها مستشفى الامراض العقلية ههههههه

يمكن اللي زي حالاتنا لما نتجوز نعرف نطبق النصايح دي من اولها ونعوده عليها ....يمكن

انما الزوجات اللي من زمان صعب دلوقت يعملوا كده لان الراجل معدش بيأثر فيه حاجة هههههه

على العموم هي نصايح جميلة اوي كلها رومانسية

وسهلة في تطبيقها بس يارب نلاقي استجابه ههههه

شكرا يا محمد على الموضوع .... تسلم ايديك

[اهلاوي عاشق]

موضوع جميل اهوا البنات تتعلم حاجة للزمن

[Half-Magic]

موضوع جميل يا محمد .. بس للأسف صعب انه يتنفذ فى الزمن ده ...

للأسف المرأة بعد الزواج شئ اخر على النقيض .... يعنى انسى ان بعد الجواز انك تقول لمراتك عايز فنجان شاى و لاحظ ان انت اللى طلبت هنا هى مش جت من نفسها .. من المؤكد حيكون ردها كالتالى ..

طب ما تعمل شاى و هو انت مش تعرف تعمله لوحدك .. و ياريت تعملى معاك علشان تعبانة و مش قادرة اقووم ...

اغلب الزوجات بتعتبر تحضير الغذاء لزوجها هو كل حاجة و بعد كده تقول .. انها بقت تعبانة من تحضير الأكل !!! و تقضيها نووم يا اما تكلم مامتها فى التليفون ... يا نايمة اقدام التلفزيون ...
ده بجانب عدم الأهتمام بمظهرها فى بيتها مع زوجها .... يعنى تحس انها بيتقول لنفسها و انا اهتم بالمظهر ليه ماخلاص اتجوزت ... و كأن اهتمامها بالمظهر فقط كان من اجل الزواج !!!

يا سواد ليل الراجل لو كانت مراته بتشتغل ... ده يبقى مامته داعية عليه ... لأنه فى الحالة دى احتمال كبير انه هوو اللى يعمل شغل البيت ...

للأسف فى الزمن بتاعنا ده ... اختفت هذه الرومانسية اللى انت بتتكلم عنها .. يمكن زمان كان ممكن تلاقى نساء بالشكل ده لكن دلوقتى .. يبقى انسى ...

الموضوع كبير و محتاج صفحات و صفحات علشان نحكى و نقوول اللى بيحصل .. وأن شاء حيكون لى موضوع مستقل عن المرأة قبل و بعد الزواج ...

على فكره انا كلامى ده حقيقى و اللى قولته ده بيحصل و شوفته على الحقيقة .. لكن طبعا لا انكر ان لكل قاعدة شواذ...


الف شكر لك يا محمد و أسف جدا على الأطالة ... معلش اصلى صعبان عليا اللى بيحصل لنا احنا الرجالة ... :(

[عتاب]

المشاركة الأصلية بواسطة Half-Magic

موضوع جميل يا محمد .. بس للأسف صعب انه يتنفذ فى الزمن ده ...

للأسف المرأة بعد الزواج شئ اخر على النقيض .... يعنى انسى ان بعد الجواز انك تقول لمراتك عايز فنجان شاى و لاحظ ان انت اللى طلبت هنا هى مش جت من نفسها .. من المؤكد حيكون ردها كالتالى ..

طب ما تعمل شاى و هو انت مش تعرف تعمله لوحدك .. و ياريت تعملى معاك علشان تعبانة و مش قادرة اقووم ...

اغلب الزوجات بتعتبر تحضير الغذاء لزوجها هو كل حاجة و بعد كده تقول .. انها بقت تعبانة من تحضير الأكل !!! و تقضيها نووم يا اما تكلم مامتها فى التليفون ... يا نايمة اقدام التلفزيون ...
ده بجانب عدم الأهتمام بمظهرها فى بيتها مع زوجها .... يعنى تحس انها بيتقول لنفسها و انا اهتم بالمظهر ليه ماخلاص اتجوزت ... و كأن اهتمامها بالمظهر فقط كان من اجل الزواج !!!

يا سواد ليل الراجل لو كانت مراته بتشتغل ... ده يبقى مامته داعية عليه ... لأنه فى الحالة دى احتمال كبير انه هوو اللى يعمل شغل البيت ...

للأسف فى الزمن بتاعنا ده ... اختفت هذه الرومانسية اللى انت بتتكلم عنها .. يمكن زمان كان ممكن تلاقى نساء بالشكل ده لكن دلوقتى .. يبقى انسى ...

الموضوع كبير و محتاج صفحات و صفحات علشان نحكى و نقوول اللى بيحصل .. وأن شاء حيكون لى موضوع مستقل عن المرأة قبل و بعد الزواج ...

على فكره انا كلامى ده حقيقى و اللى قولته ده بيحصل و شوفته على الحقيقة .. لكن طبعا لا انكر ان لكل قاعدة شواذ...


الف شكر لك يا محمد و أسف جدا على الأطالة ... معلش اصلى صعبان عليا اللى بيحصل لنا احنا الرجالة ... :(

فين ده الزوجة اللي بتقول لجوزها اعمل انت الشاي
ده انا اعرف ازواج بيصحوا مراتاتهم عشان يجيبولهم يشربوا مية
وازواج تانيين مايعرفوش مكان المطبخ اصلا
وواحد تانية مايعرفش مكان المكواة
وتالت ورابع .... هانقول ايه والا ايه
دا احنا معبيين منكم حمالين قسية
وفي الاخر على رأي المثل ( لا حمد ولا شكرانية ) وفيه مثل تاني (لا حمد ولا جميله)
طبعا مش بقول ان كل الرجاله كده انما الاغلبية كده مع الاسف

زمن الرومانسية ضاع على ايديكم ايها الرجال

لما تظلموا المرأة وتخلوها تشتغل بره البيت وتشتغل شغل البيت
ده غير طلباتكم اللي مش بتخلص
ومش بيهون عليكم تساعدوها في كل حاجة

وياريت بتشكروها على ده .... انما كمان بتعتبروا اللي هي بتعمله واجب عليها
مع انها ممكن تقعد في البيت وماتشتغلش بره وتستريح (وابقوا شوفوا هاتاكلوا وتشربوا منين)
واوعوا تنكروا ان شغل الست بيساعد كتير في مصروف البيت واغلب الشباب دلوقت محتاج مساعدة مراته
دي الست يوم ماتفكر تطلب من جوزها يخرجها هاتسمع موشح عن عدم الاحساس بالمسئولية والرفاهية اللي هي عايشة فيها
مع انها مجرد خروجهم هايفرق معاها كتير (حتى لو كانوا هايتمشوا في الشارع لا اكل ولا شرب)

دي لو ست سألت جوزها انت بتحبني؟؟؟
هايرد عليها بقصيدة اسمها ايه الرومانسية بتاعتك دى
هو انا لو مش باتنيل بحبك كنت هاتزفت اتجوزك ليه
اه منكم يا رجالة وشباب اليومين دوووووول
وطبعا لكل قاعدة شواذ

[دقه قلب]

جميل اوى الموضوع
شكرا يا استاذ محمد

[مستكة]

إذا أردت لزوجك أن يتغير .. وينطلق لسانه بالكلمات العذبة التي تتشوقين لسماعها منه ، فعليك بممارسة هذا التغيير على نفسك أولاً ،

اه طبعا .. لايغير الله مابقوم حتي يغيروا ما بانفسهم


وأعطيه الفرصة ليتعرف على المشاعر التي تولدها لمسة عاطفية أو لحظة اهتمام .. فإن محصلة اهتمامك به ستكون مثيرة لاهتمامه بك بالطريقة العاطفية ذاتها ..




مثال على ذلك :-

عندما ترينه جالساً على مكتبه أو مستلقياً على سريره .. فتقدمي إليه بلطف واسأليه هل يريد .. هل يطلب .. هل يتمنى .. هل يشتهي أي شيء ؟ ثم بعد ذلك أسرعي بتحضير ما طلب



تحب تغسل الاطباق ولاتنشر الغسيل ولا تمسح الشقه

– ولنفرض أنه طلب منك تحضير فنجان قهوة أو شاي





وقدميه له واحرصي على أن تكون يدك في أسفل هذا الطبق ، وعند تقديمه له حاولي أن تلمس يدك يده بحنان وأنت تداعبينه بأطراف أصابعك .. متبعة ذلك بابتسامة رقيقة ، وحاولي في هذه الابتسامة عن ألا تزيد من أن تظهر مقدمة الأسنان ، لا أن تظهر الفم وما حوى !!



وقولي له تفضل ( حبيبي ) .. أو تمهل ( حياتي ) فهو لا يزال ساخناً ..



انصرفي واتركيه يشرب على مهله ، وبعدها عودي وتأكدي من أنه قد انتهى من شربه



، خذي الكأس أو الفنجان ، وانصرفي وقبل ذلك طبعاً لا تنسي الابتسامة التي طلبناها أثناء التقديم


، وقولي له بالهناء .. عسى أن يكون قد أعجبك .. هل تريد المزيد ؟ فإن طلب المزيد فلا تتأففي بل سارعي على الفور وبنفس الأسلوب مع حركة أخرى








.. مثال : إن طلب كوباً من الماء أو العصير .. حاولي أن تسقيه بنفسك إن استطعت







، واسأليه إن كان بإمكانك أن تشربي معه من نفس الكأس ، فإن وافق ، فبادري على الفور بسؤاله عن المكان الذي شرب منه





، ولا تتقززي من هذا الفعل .. ثم أتبعي ذلك بقولك إن العصير أو الماء قد أصبح طعمه أحلى .. هل تعرف لماذا ؟ لأنك شربت منه


.. ثم دعيه ليستريح وانصرفي لعملك

اه انتي باه روحي الحقي كملي الخمستلاف طبق اللي في الحوض وحمي العيال ولبسيهم واغسلي ورتبي وامسحي وانشري علي ما الباشا يرتاح .. بيتعب الحقيقه

، وقبل ذلك اطلبي منه أن يغمض عينيه ، فإن فعل ، فلا تبخلي عليه بقبلة رقيقة لا تكاد تسمع إلا كالهمس .. ضعي كلمات الحب في أذن زوجك ، حتى يتعلم كيف ينطقها .. واطبعي كلمات الحب أمام ناظريه ، حتى يعرف متى يستخدمها ، ودعيه يشعر بالألفة مع تعابيرك العاطفية

اه ما الست عمارة البيت او خرابته


.. مثال على ذلك : احرصي دائماً على ترديد كلمة ( أحبك ) على مسمع زوجك بين الفينة والأخرى ، واسأليه بعدها هل هو أيضاً يحبك ؟ ولا تقبلي أن تكون إجابته بهز الرأس أو الإيماء ، وإنما حاولي أن تستخرجيها من فمه قدر المستطاع حتى يتتدرب ويعتاد لسانه على نطقها

ممكن نخليه ينطقها بطريقة تانيه برضه

بس خليني اقول كلمة من واقع اني من بنات حواء ..

المرءه مهما كانت عاطفيه فهي لاتتسول الحب




.. ولا تطمعي حتى يقول ما تتطلعين إليه بشكل كامل ، ولا تيأسي من محاولاتك واصبري عليه ؛ لأن الرجل يتعلم منذ طفولته كيف يخفي عواطفه خلف مظهر هادي وصامت ، حتى يعطيه صورة الرجل الحقيقي في نظره !!

ياسبحان الله

اومال ليه فترة الخطوبه بيكون مركب للسانه تلات السنه فوقه

وبيقول سبع تلاف كلمة اعجاب في اليوم

ولا هو بيتعلم يخفي عواطفه بعد الزواج عشان ميصحش

. مثال آخر : قومي بكتابة بعض الكلمات الجميلة ذات المعاني النبيلة والتي تثير انتباه الزوج ، وتختلف هذه الكلمات بحسب حالة الرجل ، مثل كلمة : ( أحبك .. حياتي .. عمري .. روحي .. مشتاقة لك .. فديتك .. تصبح على خير .. صباح الخير .. ) إلى غيرها من الكلمات التي تسري في النفس البشرية ، وتعمل في قلوب وأحاسيس الرجال العجائب .. وبعد كتابتها قومي بوضعها على فراش زوجك ، أو على مكتبه في البيت أو في درج السيارة ، أو في أي مكان ترينه مناسباً .. بشرط أن يكون في مكان يثير انتباهه .. (( لطيفة )) .. بعض الزوجات المبدعات في حياتهن الزوجية ، يحرصن على أن لا تغيب هذه الكلمات عن نظر زوجها ، وخاصة حينما يكون في البيت .. فتستغل كل وسيلة ممكنة للتعبير عما في خلجات نفسها من عواطف جياشة لزوجها .. فتقوم بكتابة بعض الكلمات أو العبارات الجميلة الرقيقة في أماكن لا تخطر على بال أحد ..أو أن تقوم باستغلال شاشة التوقف الخاصة بالحاسب الألى الخاص بالزوج ، وتقومي بكتابه ما تريدين من كلمات في المكان الخاص بها .. وحينما يقوم الزوج بتشغيل الجهاز ليقوم بعمله ، قد يتركه لبعض الوقت فتظهر شاشة التوقف و يقرأ ما سطرته أنامك الرقيقة من كلمات ..

اد ايه الكلام ده جميل جدا

لكن اسمحلي نظري جدا جدا

لان الزوج اللي زوجته تعمل كده هيكون حاجه من الاتي :

اما انه يقدر ده فعلا ( كما هو الهدف من الموضوع ) ودي نسبه تكاد تكون منقرضه من الرجال

او انه هيشتكي انها خنقاه بحبها ليه .. ولازم تديله فرصة للتنفس لان الرجل بطبعه بيحب الحريه وعواطفه مش ناقصه خنقه


انه اصلا معاق عاطفيا ولا هيحس ولا هيفهم كل الي هي بتعمله من الاساس .. يعني من الاخر كده بتنفخ في قربة مقطوعه



طيب عشان متقولوش اني متحيزة للزوجات وضد الرجال

بالله عليكو بنظره موضوعيه كده تعالوا نتخيل يوم الزوجه

انها بتهتم بــــــ






وطبعا عشان مايتقلش عليها مهملة لازم تهتم بكل الحاجات دي في نفس الوقت تكون علي سنجة عشره عشان الباشا ميبصش لبره

وبعد هدة طول النهار في البيت ومع الاولاد لازم يرجع يلاقيها ريلاااااكس وهاديه وبشوشه وبتضحك عشان هو تعبان في شغله والمدير مزهقه في حياته ولما يتعصب عليها لازم هي تاخد كل الكلام بصدر رحب وتبتسمله لان الابتسامه في وجه اخيك صدقه

فما بالك باه الابتسامه في وجه زوجها ..

حد يسالني يقول طب الزوج ليه مش يبادر .. اقوله لااااا بلاش نخبط في الحلل باه

هو الزوج متزوج عشان يعد يتعب نفسه ويفكر ازاي يكون عاطفي مع زوجته مش كفايه اصلا انه تعطف وتكرم عليها وتزوجها اصلا هي هتنهب .

وبعدين الزوجه دي المفروض تكون حاجه كده فول اوبشن لاتكل ولاتمل دا حتي الاصدارات الجديده منها في السوق حاليا بكاميرا وميموري كارد سعته كبييييييييره

كان الله في عون الازواج بيتعبوا فعلا

احذروا التقليد باه


موضوع جميل جدا جدا يا استاذ محمد

بس كان هيكون اجمل لو كملته واجب الزوج تجاه زوجته كمان

[عتاب]

المشاركة الأصلية بواسطة مستكة

اد ايه الكلام ده جميل جدا

لكن اسمحلي نظري جدا جدا

لان الزوج اللي زوجته تعمل كده هيكون حاجه من الاتي :

اما انه يقدر ده فعلا ( كما هو الهدف من الموضوع ) ودي نسبه تكاد تكون منقرضه من الرجال

او انه هيشتكي انها خنقاه بحبها ليه .. ولازم تديله فرصة للتنفس لان الرجل بطبعه بيحب الحريه وعواطفه مش ناقصه خنقه


انه اصلا معاق عاطفيا ولا هيحس ولا هيفهم كل الي هي بتعمله من الاساس .. يعني من الاخر كده بتنفخ في قربة مقطوعه



طيب عشان متقولوش اني متحيزة للزوجات وضد الرجال

بالله عليكو بنظره موضوعيه كده تعالوا نتخيل يوم الزوجه

انها بتهتم بــــــ






وطبعا عشان مايتقلش عليها مهملة لازم تهتم بكل الحاجات دي في نفس الوقت تكون علي سنجة عشره عشان الباشا ميبصش لبره

وبعد هدة طول النهار في البيت ومع الاولاد لازم يرجع يلاقيها ريلاااااكس وهاديه وبشوشه وبتضحك عشان هو تعبان في شغله والمدير مزهقه في حياته ولما يتعصب عليها لازم هي تاخد كل الكلام بصدر رحب وتبتسمله لان الابتسامه في وجه اخيك صدقه

فما بالك باه الابتسامه في وجه زوجها ..

حد يسالني يقول طب الزوج ليه مش يبادر .. اقوله لااااا بلاش نخبط في الحلل باه

هو الزوج متزوج عشان يعد يتعب نفسه ويفكر ازاي يكون عاطفي مع زوجته مش كفايه اصلا انه تعطف وتكرم عليها وتزوجها اصلا هي هتنهب .

وبعدين الزوجه دي المفروض تكون حاجه كده فول اوبشن لاتكل ولاتمل دا حتي الاصدارات الجديده منها في السوق حاليا بكاميرا وميموري كارد سعته كبييييييييره

كان الله في عون الازواج بيتعبوا فعلا

احذروا التقليد باه


موضوع جميل جدا جدا يا استاذ محمد

بس كان هيكون اجمل لو كملته واجب الزوج تجاه زوجته كمان

بت يا مستكة هاتموتيني من الضحك يخرب عقلك
هم يضحك وهم يبكي

[مستكة]

موضوع جميل يا محمد .. بس للأسف صعب انه يتنفذ فى الزمن ده ...

للأسف المرأة بعد الزواج شئ اخر على النقيض .... يعنى انسى ان بعد الجواز انك تقول لمراتك عايز فنجان شاى و لاحظ ان انت اللى طلبت هنا هى مش جت من نفسها .. من المؤكد حيكون ردها كالتالى ..

طب ما تعمل شاى و هو انت مش تعرف تعمله لوحدك .. و ياريت تعملى معاك علشان تعبانة و مش قادرة اقووم ...


هو عيب الزوج يساعد زوجته اذا كانت تعبانه ولا ايه

مش بقول دايما .. لو هي مش بتعمله طلباته دايما ساعتها تبقي غلطانه وانا اول واحده بتخنق من الزوجات دي ... لكن اذا كانت تعبانه طب ايه المشكله

اغلب الزوجات بتعتبر تحضير الغذاء لزوجها هو كل حاجة و بعد كده تقول .. انها بقت تعبانة من تحضير الأكل !!! و تقضيها نووم يا اما تكلم مامتها فى التليفون ... يا نايمة اقدام التلفزيون ...
ده بجانب عدم الأهتمام بمظهرها فى بيتها مع زوجها .... يعنى تحس انها بيتقول لنفسها و انا اهتم بالمظهر ليه ماخلاص اتجوزت ... و كأن اهتمامها بالمظهر فقط كان من اجل الزواج !!!

انا معاك ان فيه زوجات بتعمل كده فعلا .. وده طبعا غلط

لانها مادامت ارتضت الانسان ده زوجا لها لازم تعرف انه اصبح اهم اولوياتها في الحياه

تزرع باه عشان تحصد ..

بس تخيل كده معايا زوجه اخدت بالها من كل شيء ورضا زوجها اهم حاجه وفي الاخر لقته مش مقدر ده او متبلد عاطفيا او كلكع وكعبر في شكله

بالله عليك مش من حقها يجلها احباط واكتئاب .. ماهو الشكل برضه يهم المراه تماما كما يهم الرجل .. ولا انتو شايفين حاجه تانيه

يا سواد ليل الراجل لو كانت مراته بتشتغل ... ده يبقى مامته داعية عليه ... لأنه فى الحالة دى احتمال كبير انه هوو اللى يعمل شغل البيت ...

وفيها ايه لو ساعدها

الرسول عليه الصلاة والسلام كان رسول وزوجاته لا تعمل

ومع ذلك كان بيساعد في بيته

انهارده لو الزوج عمل كوباية شاي لنفسه يبقي هد الدنيا

للأسف فى الزمن بتاعنا ده ... اختفت هذه الرومانسية اللى انت بتتكلم عنها .. يمكن زمان كان ممكن تلاقى نساء بالشكل ده لكن دلوقتى .. يبقى انسى ...

معروف ان المراه عاطفيه اكتر من الرجل

وانها ودنيه .. يعني اي كلمة حلوة ممكن تاكل بعقلها حلاوة

يوم ما المراه تستوحش يبقي العيب مش عليها

العيب علي اللي معرفش يكسبها

الموضوع كبير و محتاج صفحات و صفحات علشان نحكى و نقوول اللى بيحصل .. وأن شاء حيكون لى موضوع مستقل عن المرأة قبل و بعد الزواج ...

يارييييييت ... عشان انا كمان عندي كلام كتير اوي في الموضوع ده

الواحد معبي وساكت من اللي بيشوفه حواليه

على فكره انا كلامى ده حقيقى و اللى قولته ده بيحصل و شوفته على الحقيقة .. لكن طبعا لا انكر ان لكل قاعدة شواذ...



لحقت نفسك


الف شكر لك يا محمد و أسف جدا على الأطالة ... معلش اصلى صعبان عليا اللى بيحصل لنا احنا الرجالة ... :

فيه ايموشن نفسي احطة تعليقا علي العباره دي بس للاسف مش لاقياه

بس والله انتو مش مظلومين ولا حاجه

الرجل هو اللي معاه عجلة القياده واذا تنازل عنها فده مش ذنب المراه

[كتائب الاقصى]

المعاشرة بالمعروف وحسن الخلق:
قال الله تعالى مبيِّناً هذا الحقّ: (وَعَاشِرُوهُنَّ بِالْمَعْرُوفِ) (النساء: 19).
وقال عليه الصلاة والسلام: "خيرُكم خيرُكُم لأهله، وأنا خيركم لأهله"([1]) .

ولأجل إنفاذ هذا الحق فإننا نطالب الزوج بالتزام المنهج الشرعي في معاشرة الزوجة بالمعروف، ومعاملتها بالحسنى امتثالاً لقوله تعالى: (فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ) (البقرة: 229).
يقول الشاعر مصوِّراً الوُد الطبيعي والمتكلف، ومبيناً صفات كل منهما وأثره:

إذا المـرء لا يلقـاك إلا تكلفــا

فدعه ولا تكـثر عليـه التأسـفا

ففي الناس أبدال وفي الترك راحة

وفي القلب صبرٌ للحبيبِ ولو جفا

إذا لـم يكـن صفـو الوداد طبيعة

فلا خــير فــي ود يجـيء تكلفـا

ولا خير في خـلٍّ يخـون خليلَـه

ويلقـاه مـن بعـد المــودة بالجفـا

وينكر عيشـا قـد تقـادم عهـده

ويـظهـر سـرا كـان بالأمس قد خفا

سلام على الدنيا إن لم يكن بهــا

صـديق صـدوقٌ صـادق الوعد منصفا

وليعلم أن الناس في العشرة طرفان مذمومان.
فمنهم من لا تعرف الرحمة والعطف إلى قلبه سبيلاً.
ومنهم من يفرط في التساهل والتسامح حتى ينفلت زمام الأمور من يده، والحق وسط بين الغالي فيه والجافي عنه.

[amour82us]

بصراحة كلامك 10/10 يامستكة (بس مش تيجى على الراجل كدة)دا هوة غلبــــــــــــــــــان...بس احب اقولك ان الموضوع فى الاول والنهاية عملية توافق مش اكتر ودية حاجة طبيعية هتدينى حنان أكيد هتلاقى رشــــا (مش اديك تقول مخدش.......دى اغنية بس عارف لمين) اهم شى مراعاة ربنا للزوجين