أضحك وفى قلبى ألم

[MaNoNa]

أضحك وفي قلبي ألم

أضحك وأمثل فرحتي

أضحك وأخاف من الكلام

وأخفي عذابي وحسرتي

أفضل ابقى في سكوت

وتفضح عيوني دمعتي

أرسم بدمعات الحزن

بسمه تزيف فرحتي

صمت وعذاب وكل شيء

أصبح عذاب بنظرتي

حتى الفرح اصبح جروح

هذه حقيقة قصتي

[sendrella]

يعني يامنونة بجد مش عارفه اقولك ايه

انا بقرا في كل المواضيع ومش عايزة ارد

لكن بجد اجبرتيني اني اقولك رائع

احساسك ماشاء الله عالي

مواضيعك بتمسني جدا يامنمن

تحياتي حبيبتي

وكفايه كتابة مواضيع حلوة بقي

[عتاب]

هههههههههههههههههههه
الحقي يا منونة بلاش مواضيع حلوة احسن ساندى هاتكسر الحيطة
بجد احساسك عالي جداااااااااااا كل يوم باكتشف فيكي حاجة جديده احلي من اللي قبلها

[MaNoNa]

شكرا حبيبتى ساندى
اما انت بقى يا جميل مش عارفه اقولك ايه
بس انا عايزه اعرف الناس ان انا متواجده فى المنتدى بفضل ربنا سبحانه وتعالى
ثانيا بفضل عتاب هى اللى دعتنى وبشكرها بجد لانى مبسوطه جدا هنا معاكم
ولو مواضيعى حلوه زى ما بتقولوا ان شاء الله هاجيبلكم احلى واحلى ان شاء الله
طيب كفايه كده بقى علشان انا رغاية أوى لو فتحت مش هاقفل هههههه

[عتاب]

هههههههههههههههههه
ارغي براحتك ولا يهمك انتى مع عتاب
يعني ماحدش يقدر يكلمك (مفترية هههه)
وبلاش فضل دى احسن اتغر وماحدش يعرف يكلمنى

[بكــار]

اختى الغاليه
كم هي قصه مؤلمه
ملئيه بكلمات معبره
تقبلى فائق احترامى وتقديرى

[MaNoNa]

السلام عليكم
شكرا بكار على ردك الغالى
عتاب ببلاش الغرور دا والنبى احسن هاقول على الحقيقة وانتى حره بقى

[maysam]

خاطرة جميلة يا منونة
جمالها طبعا لأنها بتصور حال البشر كله

كثيرا ما نضحك وفي قلوبنا دموع
وكثيرا ما نرتدي اقنعة الفرح لنخفي ورائها الكثير من الاحزان

منتظرين يا منونة مشاركاتك الحلوة دايما

[عتاب]

حقيقة !!!! ربنا يستر ياترى هاتقول اييييييييه!!!!
وحشتيني يا منونة ماشوفتكيش النهاردة ادخلي بقى

[MaNoNa]

حبيبتى انتى كمان وحشتينى انا جه اهو
شكرا سوما على ردك وبجد انا بتمنى انى اكون بقدر اضيف كل جديد للمنتدى الرائع دا