كوريا العربية الجنوبية عملت مظاهرة تنادى بسقوط مبارك..!!
مظاهرة في كوريا الجنوبية تطالب بتنحي الرئيس المصري !! الخبر ده مش إشاعة و لكن حقيقة فقد قام الكوريوون مع بعض المصريين الذين يعيشوف فى كوريا بعمل مظاهرة احتجاجية على حكم مبارك المستبد للشعب المصرى مطالبينه بالتنحى !!
و هذه المره التانية اللى يقف فيها الشعب الكورى بجانب الشعب العربى و المصرى على الخصوص حيث كانت المره الأولى عندما رفض الشعب الكورى الحرب على العراق و عمل مظاهرات احتجاجية فى سول ضد أمريكا فى نفس الوقت اللى مفيش حكومة عربية قالت لأ أو اتحركت ... و وقتها قامت مظاهرات فى مصر و كانت الناس بتهتف و تقووول .. عاشت كوريا العربيه !!!
للدرجة دى صعبنا على الكوريين ... فاضل ايه تانى بس ... سكان المريخ يعملوا مظاهرات و يدعوووك للتنحى و انك تعتق الشعب المصرى شوية اللى مش لاحق يفوووق أبدا ... و احسن احنا نسيبلك البلد كلها تعيش حياتك و تعمل اللى يعجبك ... نعمل ايه بس
شاله الضوو حطوو شاهين ...
لأ بجد .. للأسف يا باسم مفيش حد الواحد ممكن يتخيله رئيس لمصر .. يعنى اضعف الأيمان هو كمال الجنزورى رئيس وزراء مصر الأسبق ... غير كده للأسف انا معرفش حد...
إقتباس:
عموما الشعب المصري شعب ثوري يعني صعب ان الاختناق و الظلم يوصل للذروه
الشعب المصرى كان شعب ثورى أيام ما كان فيه وعى سياسى عند الناس لكن دلوقتى الناس من كتر القهر و الفقر اصبحوا للأسف سلبيين جدا جدا ...و اعتقد احداث كتير حدثت وضحت ده ... الناس دلوقتى كلها بتقولك و انا مالى ... معظم الناس تقولك .. يحصل اللى يحصل و انا مالى اهم حاجة تكون بعيد عنى .... قولى انت كده يا باسم عمرك سمعت عن حد قال لأ للحكومة و الا لاقيت الراجل او الشخص ده اختفى تانى يوووم ... و اكبر مثال ... عزل كمال الجنزورى من رئاسة وزراء مصر علشان الراجل ده مش كان بيعجبه الغلط و كمان أيمن نور شوفت مصيره فين دلوقتى !!
المصريين عمرهم ما كانوا كده لكن للأسف بابا مبارك و اللى معاها عرفوا ازاى يقضوا على ايجابية و ثورية الشعب المصرى...بس طبعا كلامى مش معناها اننا نيأس و نسلم .. لآ أكيد برده فيه ناس تانية رفضه الغلط و مهما طال الليل لازم حتيجى شمس من جديد تنور ...
إقتباس:
و لو تفتكر ان المظاهرات و الحركات الي كانت بتناهض صدام حسين هي السبب في ان العراق بقي كدا دلوقتي
لا أعتقد يا باسم ان المظاهرات التى كانت بتندد بنظام صدام كانت هى السبب فى اللى جرى للعراق .. كل الناس عارفة ان اللى حصل للعراق هو نتيجة طمع الأمريكان فى السيطرة و التحكم فى الخليج و منابع البترول و علشان كمان تبقى امريكت موجوده زى مسمار جحا فى الشرق الأوسط فأستغلت هبل و طمع الحكام العرب و كانت الضحية دولة كانت عربية اسلامية و هى اللى كانت بتسمى بالعراق !!
لأن فيه فرق كبير قوى بين العراق بتاعة زمااان و العراق الموحد بتاع دلوقتى ...
إقتباس:
لان الشعب الامريكي زي حالاتنا كدا غير واع سياسيا علي الاطلاق
على فكره انا كنت فى امريكا ايام الدراسة و عيشت هناك فتره .. الشعب الأمريكى مش نقدر نقول عليه غير واع سياسيا لأن السياسة ليست من أهتمامات الرجل الأمريكى .. هناك كل اللى يهمهم هو البيزنس و بس ... تصدق انى قابلت ناس هناك مسمعتش عن ازمة فلسطين و اسرائيل !!
الف شكر لك يا باسم على مشاركتك و على رأيك و على هذا النقاش كماااان
بس الفتره الاخيره هي اللي حصلت فيها تضخمات 
النمط الخطي
