نشرة اخبار ابن مصر

[عتاب]

انا فكرت ليه مانعملش موضوع نكتب فيه اخبار الاعضاء
يعني لو حد نجح نكتب لو حد اتجوز او لا قدر الله حصلت حاجة عنده مش كويسة
بمعنى اننا نكون عارفين اخر اخبار بعض
لو حد غايب نكتب هو غايب ليه عشان ماحدش يقلق عليه
وهكذا يعني من الاخر نشرة اخبار ابن مصر تكون عندنا كلنا
وممكن كمان نعمل اعلانات للمواضيع في النشرة
اللي عنده موضوع مهم ومحتاجله عدد كبير ينزله خبر هنا
بس مش هابقي مسئولة عن الموضوع اختاروا عضو متخصص
يطير يجيبلنا اخبار الاعضاء انا لا تخصصي ولا من هواياتى جمع الاخبار
انا اقترح المواضيع بس.يعني فكرة عتاب واعداد وتقديم ..........
ها مين هايشترك في النشرة وعلي العموم ممكن كلنا نكون مسئولين عنها واللي عنده خبر يكتبه
مستنيه آراءكم واخباركم

[MaNoNa]

عتاب موضوعك حلو اوى
بس للاسف مش هاقدر اشارك فيه لانى معرفش غيرك هنا
ممكن اكتب بقى عنك وخلاص ههههه

[THE GAME]

و انا كمان للاسف ماعرفش اي حد نهائيا
ممكن اذا عرفت مين من الاعضاء عايش في الكويت

[=BASSEM=]

الموضوع حلو جدا ياعتاب كان فيه منتدي زمان لاخبار ابن مصر الداخليه بس اتشال

انا هقلك عموما الاخبار اللي اعرفها


the game عضو جديد سجل معانا مصري مقيم بالكويت

------------------------------------------------


باسم عمار وراه امتحانات و محتاج دعواتكم جدا جدا عشان دي اخر سنه و انا معايا بدل

الماده عشره بالاضافه للمشروع

-----------------------------------------------


ظاهرة مسلسل الاختفاء مازالت مستمره في المنتدي و فيه اعضاء بيجوا ينورونا و يمشوا

بسرعه و مش عارف السبب بصراحه ؟؟


-----------------------------------------------



دا الي انا اعرفه يامعالي الباشا الوزير


بس هو صحيح ياعتاب لو وزيره مثلا يتقلها ايه يامعالي الباشا الوزيره ؟؟

[THE GAME]

بالتوفيق انشاء الله يا حج باسم
و خللي بالك من مزاكرتك اهم حاجه علشان الامتحانات طلعتلي قرون و خلتني اشد في شعري و اصوت و اضرب في الأرض ....... الخ
اعمل الي عليك و الباقي على الله

[عتاب]

شكرا يا منونة علي مشاركتك وماعنديش مانع تكتبي اخباري لو لقيتي عندى اخبار هههههههههههههه
شكرا يا game فيه عضو معانا عايش في الكويت وهو honey1900 هاتوا اخبار بعض بقي
شكرا ياباسم علي اول اخبار المنتدى وياريت علي طول تجيبلنا اخبار بس تكون حلوة
بلاش الامتحانات ووجع القلب ده وياريت الناس المختفية تيجي بقي عشان وحشونا

علي العموم فيه خبر اهو
بكرة ان شاء الله التلات 30 مايو هانبدأ تلقي اسامى المشتركين في الختمة الجديدة عشان نبدأ علي طول يوم الاربع اللي عايز يسجل اسمه يروح الموضوع ويكتب اسمه في الختمه الجديدة وادى اللينك اهو
http://ebnmasr.net/forum/showthread.php?p=293451#post293451

[Honey1900]

المشاركة الأصلية بواسطة THE GAME

و انا كمان للاسف ماعرفش اي حد نهائيا
ممكن اذا عرفت مين من الاعضاء عايش في الكويت

ماشي يا اخ لعبة

انا مصري و ابويا مصري

و طبعا بشتغل ف الكويت و يكون لي الشرف اني اتعرف عليك واقابلك

اخوك / هاني ابراهيم

مهندز (الزاء) كمبيوتر

مراسل مصر ( المنصورة يعني ) ف الكويت

و طبعا مش هحط موبايلي ابعتلي رسالة خاصة

سلام

[maysam]

فكرة ممتازة يا عتاب
بدل ما كل مرة ينزل موضوع مستقل اهو نجمع الاخبار عندك

انا شايفة ناس كتير متغيبة بس حقيقة مش عارفة هم فين ولا عندي اي معلومة

ربنا يرجعهم بالسلامة

انا حابدأ اغيب من الاسبوع الجاي عشان الامتحانات برضو
بس مش امتحاناتي امتحانات اولادي

[عتاب]

ههههههههههههههههه انا برده قلت امتحانات ايه دى
يارب بس غيبتك ماتطولش يا ميسومة
المنتدى من غيركم بيبقي وحش اووووووووى