|
فجر نفسك
 من المذيع المشهور
المخنوق إلي هاينفجر من الغيظ
محمد الشرقاوي
هل تعرفونه ؟
مش متأكد
لكن إلي متأكد منه إنه مصري زينا
و الغريب إن المصري بيتهان على يد المصري بإسم الحفاظ على الأمن العام
أي أمن ؟
أمن الرياسة و أمن اللصوص الكبار إلي خربوا إقتصاد البلد
و كل ده ليه علشان الإنسان المصري بيطالب بحريته و بيساند القضاة و بيطالب بتغيير رئيسه لأنه مش عاجبه الحاجات إلي هو بيعملها و الإفراج عن المعتقلين
كل دي أصبحت تهم بيتهم بيها أصحابها
زي عهد الملكية بالظبط أيام فاروق و إلي سبقوه
تهمة إهانة الذات الملكية = تهمة إهانة الرئيس ( و كأنه أستغفر الله ، إله منزه عن الخطأو لا يحاسبه أحد )
تهمة مساندة القضاة و الإفراج هن المهتقلين = الإخلال بالأمن العام ( أمن مين ؟)
المطالبة بالحريات = التمرد على الدولة و الخيانة العظمى
و غيره و غيره .. زي المطالبة بمنع حبس الصحفيين و المطالبة بمحاسبة الكبار و الحكومة
لا حول ولا قوة إلا بالله
جاء زمن ينقلب فيه الحق إلى باطل على يد هاؤلاء الفاسدين
شعب مصر من أكثر شعوب العالم فقراء إقتصاديا و مظلوم سياسيا و مخنوق حكاميا
نعود للشخص إلي كنت بتكلم عنه
محمد شرقاوي
عضو في حركة كفاية المناهضة للحكم
إيه أهميته ده ؟
أهميته إنه إنسان بيطالب بالحق و ماخدش غير الضرب و السحل و الإعتقال زي أي مواطن مصري شارك في مظاهرة
و إيه يعني طب ما مصرييين تعرضوا لكتير من ده إشمعنا ده يعني ؟
بعد خروجه من المعتقل مباشرة و بمدة قصيرة أختطف من الشارع و هو راكب المواصلة علشان يروح بيته في الإسكندرية ليزور أهله من قبل 20 مخبر طور من بتوع أمن الدولة ، إتاخد في أحد أبواب البيوت و نزلوا عليه ضرب وبالأيدي و الأرجل و بعدين عبوه في عربية و إتاخد على قسم قصر النيل ، و أعيد ده هناك و زاد عليه ( نزع ملابسه الخارجية و الداخلية و هتك عرضه بالكامل ( بمعنى هتك عرضه ) و بعدين بعد ما لبسوه هدومه إلي إتقطعت خدوه لواحد من ظباط أمن الدولة إلي نيمه على الأرض و وقف على ضهره هو وزميل له تم ضربه أيضا (إسمه كريم الشاعر) ، و من أول رحلة العذاب حتى نهايتها شتائم من أقبح الألفاظ بالأب و الأم و له أيضا
هل أصبح حماتة القانون هم من ينتهكونه ؟
هل إلى هذه الدرجة وصل الفساد إلى داخل هذه الدولة ؟
هل أصبحت مصر منبر النور إلي كانوا بيقولوا عليه زمان كهف مظلم ؟
أين العدل الذين يتحدثون عنه ؟
أين النهضة الإقتصادية التي وعدنا بها منذ ربع قرن ؟
أين و أين و أين؟
مهما تحدثت عن الظلم و الفساد في مصر لن أنتهي حتى ينقشع ضباب الفساد عن جو و سماء مصر ؟
إنهضي يا مصر و نزلي إلي ركبوا فوق كتافك و دلدلوا رجليهم
قال و بيسئلوا ليه التفجيرات إلي بتحصل كل يوم و التاني
يسألوا نفسهم قبل ما يسئلوا حد تاني
و مش بعيد نسمع قريب عن محمد شرقاوي فجر نفسه جوه نيابة قصر النيل علشان إلي إتعمل فيه هناك
و كل مصري يوم بعد يوم ضغطه بيزيد و خنقته بتزيد و هايبقى عامل زي القنبلة الموقوتة ، و أكيد يوم من الأيام هايبقى فيه ثورة زي الثورات السابقة لنحر الظلم
نصيحة مني
إقرأوا جريدة الدستور بتاعة الأربع ده 31/5
__________________
PLEASE .... KILL ME
ليس معنى أني لم أرد .. أني لم أدخل زيارة هناك ..أكيد من يهتم الكلام إلي إحنا بنقوله بيحمل مشاعرنا شئنا هذا أم أبينا سواء أخفيناها أم لا
و أشعر بما تشعرون به عندما تكتبون
أخفوا مشاعركم كما تشائون فأني ( أشم ) ما تشعرون
الشبح المجنون الحزين
|
النمط الخطي
