سؤال للشباب والبنات؟؟؟؟

[yasmina]

ايه رأيكم تقولولى رأيكم فالسؤال ده
اول سؤال .........ايه الحاجه اللى بتخليكو تتغاظو من الولاد وبتخليكو كمان مش طيقنهم وايه اللى بيغظكو فالبنات
يعنى ايه الحاجه اللى شوفتوها فولد والحاجه دى نرفزتكو على الاخر


والعكس صحيح طبعا

السؤال دة للولاد كمان

[مستكة]

يعنى ايه الحاجه اللى شوفتوها فولد والحاجه دى نرفزتكو على الاخر

هي حاجه واحده يا ياسمين ..

قولي ايه الحاجااااااااااااااات اللي مديقانا منهم ..


بس عشان خاطرك هقول حاجه مؤقتا علي الماشي يعني ...


اكتر حاجه بدايقني فيهم التحكم والاذدواجيه ...

بمعني معظم الاولاد مش هقول كلهم عشان محدش يقولي بتعممي بيكون في تعامله بره البيت بشخصيه مختلفه عن جوا البيت ...

للتوضيح اكتر ...

الولد بيسمح لنفسه بحاجات كتيره جدا نفس الحاجه دي بيمنعها ويحرمها علي اخته


دا غير انه بيعمل فيها ابو العريف ... وميحبش يطلع غلطان قدام حد



من الاخر كده بيعملو فيها ابو العريف وتلقيهم في الاصل ابو لمعة

[رينو]

هههههههههههههه مستكة عندها حق هههههههه

الحاجة الى بتغيظنى انى وانا ماشية حد يصرخ فى ودنى وانا ماشية وانتى اكيد فاهمة يا ياسيمن ههههههههه

الحاجة التانية اكون ماشية وحد يعلق على اى حاجة فيا

وفى حاجات تانية كتيررررررررر

[نيهال]

اقولكم حاجه بتغيظنى فيهم.......انهم( بعضهم طبعا) انم بيصروا على حاجه....جميل , الاصرار مش وحش, لكن المشكله لو بييصروا على حاجه غلط كانوا يحسبوها صح.....وللكرامه مثلا يصروا على غلطهم مع انهم كتير بيريدوا يرجعوا عن اللى قالوه لكن ..مش بعرف هيه نشوفيه دماغ ولا كرامه
اخويا بيكبر فى نظرى قوى لما بيعترف انه كان غلط مش بينقص حبى واحترامى ليه ...لكن اللى بينقصها هوه عكس ده

عايزه اقول حاجه بتغيظنى فى البنات ....ممكن؟
لما واحده تشوفك لاول مره وتفصصك...عارفين معناها طبعا
يعنى تجيبك من فوق لتحت ...مش عارفه ليه
فى المواصلات
فى الكليه ....مش بعرف السبب لغايه دلوقتى
وبجد حاجه تغيظ
يا بنتى انا فيه حاجه غلط مثلا....مش بعرف مالها

[بكــار]

ايه دا ايه دا
كل البنات الى ردت
وكلكم اتفقتوا علينا
لا استنوا
لما انتو بتقولوا كدا علينا احنا نقول عليكم ايه ؟؟
عمتا انا مش هتخلف معاكم عشان بضعف
وهقول وجهة نظر
العمليه بتبقى على حسب الشخصيه
يعنى مش كل الولاد وحشين ولا كل البنات وحشات
فسه حاجات بتضايق الولاد فى نوعيه معينه منم البنات وفيه
حاجات بتضايق البنات فى نوعيه معينه من الشباب
طبعا مش فاهمين حاجه
لانى ااسا سا مش فاهم

[نيهال]

بكار
ايه الكلام الكبير ده
عن جد حيرتنى....................انت الوحيد اللى فاهم كلامك ده.................صح؟
ربى صبرنى
شو اللى ما بيعجبك فى البنات؟حدد بليز
وايه اللى ما بعجبك فى الشباب
بحياديه تامه
وانت عارف........احنا ديمكراتييين اد ايه
قول قدام منى احسن ما تلف وتقول من قدام منى برضه

[yasmina]

المشاركة الأصلية بواسطة بكار

ايه دا ايه دا
كل البنات الى ردت
وكلكم اتفقتوا علينا
لا استنوا
لما انتو بتقولوا كدا علينا احنا نقول عليكم ايه ؟؟
عمتا انا مش هتخلف معاكم عشان بضعف
وهقول وجهة نظر
العمليه بتبقى على حسب الشخصيه
يعنى مش كل الولاد وحشين ولا كل البنات وحشات
فسه حاجات بتضايق الولاد فى نوعيه معينه منم البنات وفيه
حاجات بتضايق البنات فى نوعيه معينه من الشباب
طبعا مش فاهمين حاجه
لانى ااسا سا مش فاهم

بجد بجد ما فهمتش حاجة

وبعدين اان محددة انك تقول اللى بيضايقك فى النبتا والعكس صحيح لو الكلام لبنت





انا عن نفسى اللى بيضايقنى فى الولد

التحكم الزيادة


او اللى بيمشى يعاكس على الفاضى والمليانة

وحاجات تانية

بس هفتكر وارجع تانى

[نيهال]

فيه حاجه كمان
انهم بيعلوا صوتهم وبيزعقوا لاتفه حاجه

[sehr_3inik]

يسوووووووم

ازيك ياحبي عامله ايه

ايه ياجميل المواضيع الجامده والاسئله اللي في الجول دي

المهم ياستي

اللي بيفقعني من الاولاد

ان معظمهم مش بيدي علشان يلاقي

بمعنى الراجل كتير بيشتكي من الزواج

لكن لو دورنا على السبب بيكون هو الراجل

انه مش بيخلي باله من مراته

مش بيقولها كلام حلو

مش بيعبرها بهديه

مش بيفتكر المناسبات

فكل ده بيخلي الست مش طايقاه

وانا اولهم بصراحه ههههههههههه

انا احب جدااااااااااا اللي يهتم بيا ويخاف عليا ويغير عليا

كده يعني




اللي بيغظني في البنات

ان كل واحده بتبص للثانيه

مش زي الاولاد كل واحد في حاله وكل واحد يلبس زي ماهو عايز

بث خلاث


شكرا ليكي ياحبي

وانا زعلانه منك اكد انتي عارفه ليه

سلام ياقمر

من اختك في الله شوشو

[عتاب]

بيايقنى في الولاد انهم فاكرين انهم من طينة تانية غير البنات
وكل حاجة يقولوا انتوا هاتعملوا نفسكم زينا والا ايه تقولوش جابوا الديب من ديله ههههههههههه

[أحمدكمال]

ياااه احنا طلعنا وحشيين قوي

انا مقدرش اقول ايه مش بيعجبني في البنات ككل لان كل شخص ليه عيوبه ومميزات الخاصه بيه مش بجنسه...
لكن في فصيل كبير من البنات احتكيت بيهم وخاصة في مشاريع الكلية عندهم تكلف زائد عن اللزوم ...

[retage]

السلام عليكم و رحمة الله و بركاته
دة موضوع جامد قوى حيخلينا نخبط فى بعض
أنا متفقة معاكى يا نيهال ان بعضهم مش كلهم
بيصروا على أخطائهم و ما بيحبوش يعترفوا بالخطأ
و بعضهم بيحب يتصرف بجنتلة علشان البنات تقول
عليه انو جنتل, وبعضهم بيحب يصاحب بنات كتير علشان
يتقال عليه انو واد فتك و مقطع السمكة و ديلها
(سمكة ايه و ديل ايه بس) أنا عارفة ان الولاد
زعلوا بس هى دى الحقيقة المرة
أما بقى بالنسبة للبنات فأكتر حاجة مابحبهاش
ان كتير من البنات بتتصرف باسلوب رقيق مع زمايلها
علشان يقولوا عليها انها رقيقة و لكنها فى الحقيقة....................
أنا بقول الى شفته فى حياتى و فى الكلية بالذات وكفاية كدة عليكم

[نيهال]

صح يا دودى
فكرتينى بالشله اياها......نسمه نسمه كده مع الشباب........... ومعانا..لو يطولو ا يخنقونا ما بعرف ليه يعنى؟احنا عملنلهم ايه؟
يا باشمهندس احمد.....انتم مش طلعتوا وحشين ولا حاجه .لسه لسه اصبر
انا قلت مش كلنا ولا كل الشباب طبعا
لكن كل واحد بيصادفه حاجه بتغيظه راح يقولها طبعا.ليه ....لان الواحد ما بيشوف عيوبه......يبق4ى لازم نتكلم ويتكلم الشباب برضه علشان يكون فيه نوع من اللطف فى المعامله
ايه مش عجبنى ؟ايه مش عجبنى؟
عن جد مفيش لسه .....اشوف وارجع لكم
ههههههههههه

[=BASSEM=]

اللهم ماطولك ياروووووووووووووووووووووووووووووووووووووح


ياريت ياجماعه اللي يرد يرد ردود منطقيه يعني بلاش التفكير اياه دا اللي انا مش عايز اقول اسمه


انا هقلك اللي مش بيعجبني في البنات ياياسمينا


لما تلاقي البنت محجبه و لابسه لبس مينفعش تلبسه رقاصه دا مش بيعجبني

لما تلاقي بنت قاعده مع ولد لوحدهم و تقلك الحب حلال دا مش بيعجبني

لما تلاقي بنت بتتدخل في اللي ليها فيه و مالهاش فيه دا مش بيعجبني

لما تلاقي بنت اعراض الناس لبانه في بقها دا مش بيعجبني

لما تلاقي بنت فاكره انها لما تكلم ولاد كبير يبقي كدا هي روشه دا مش بيعجبني

لما تلاقي بنت مشاعرها خفيفه دا مش بيعجبني

لما تلاقي و لما تلاقي حاجات كتير قوي من هنا لبكره


لما تلاقي بقي كل البنات دول متجمعين في مكان واحد


يبقي انت اكيد في مصر


نورت مصر

[=BASSEM=]

عندهم تكلف زائد عن اللزوم ...

معلش هضيف نقطه من رد ابو كمال

اللي احمد بيقوله دا اسمه التنــــــــــــــــــــــــــاكه

حيث ان البنت المصريه واخده في نفسها فولت كهربا عالي جدا

يعني ممكن بنت و انتي معديه في الشارع تصعب عليكي و ممكن تسيبلها ربع جنيه كمان و تلاقيها بتتنك

سبحان الله فعلا

لما تلاقي بقي البنت تنكه و علي فكره بنات الوطن العربي كلهم مفهمش عرق التناكه الرهيب اللي معشش في

دماغ البنات هنا


ادفع خمسين قرش و اعرف

علي ايه بس ؟