10 طرق أكيدة للعكننة على زوجتك0

[هيثم حمدي]

السلام عليكم

ومازلنا اعزائي واحبائي الشباب نستكمل طرق تطفيش زوجتك واسقاط جميعات المراة

10 طرق تعكنن على مراتك



1-

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى




2-
اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كله 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب


( ملاحظة : اغلب النساء ذو ثقافة كروية ضعيفة )




3-
اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة


طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض




4-
فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة




5-
لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها




6-
متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دي ياحياتي حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!




7-
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !




8-
لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية





9-
لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟




10-
وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى


تحيـــــــــــــــــــــــــــــــــــــــــاتي

للجميـــــــــــــــــــــــــــــــــــــــــــــ ـــــــــــع

[عتاب]

ايه ياهيثم مالك اليومين دول
مش عشان ابن عمى هاسكتلك يعني
طيب انا هاحاول ارد معاك كده ونجيبها من الاول
اولا طبعا هى هاتصحى وانت هاتقولها بالمرة حضري فطار هاتقولك حاضر يا حبيبتى وتغيب ساعتين تكون انت اتاخرت علي الشغل بتاعك وهاتاخد جزا والمدير هايخصملك 3 ايام دا غير التهزيق والذى منه وفي الاخر ترجعلك تقولك مالقيتش اكل في البيت فلوس الشهر خلصت هات فلوس انزل اشتريلك فطار

ثانيا بقي التليفزيون اغلب الستات بتحب المسلسلات يعني لما تقولها اخر حلقه هاتهتم وهاتقعد تشوفها وتلزق للمسلسل كل يوم ولما يتعاد علي كل القنوات هاتشوفه كل مرة بحجة انها مستنية الحلقه الاخيرة اللي بتفكرها بقعدتك معاها تتفرج . اما لو ماتش كورة فالاكيد يعني من عاشر القووووم هاتعمل زى واحدة اعرفها تحب الماتشات وتزهق جوزها من كتر ماهى عايزة تشوف الماتش وهو لا

ثالثا تصحى سيادتك يوم الجمعه وبعد ماتبوظ اللي تقدر عليه في المطبخ تلاقيها بتقولك انا لازم اروح لمامتك النهاردة انا قلقانه عليها حلمت بيها ولازم اطمن عليها دلوقت حالا وانت صلي الجمعه يا حبيبى وارجع حضر الغدا عشان لو لقيتها كويسة هاجيبها معايا تتغدى وطبعا سيادتك هاتغسل وتصلح كل اللي عملته

رابعا هى طبعا اول ماتلاقي الخمسين شمعه حاجة من اتنين اما هاتلاقي وشك محتاج يتزين بالتورتة وهاتلبسهالك اما تكون طيبه وتقولك ياه يا حبيبى انت اعتبرت يوم ميلادى هو يوم ميلادك وقررت تحط شمع ليك معايا كمان . انا لازم احتفظ بالشمع ده للذكرى وياريت بقي تديني فلوس اشترى 50 شمعه تانيين عشان عيد ميلادك قرب ياعمرى

خامسا الريجيم اعتقد بقى اغلب الستات بتعمل الريجيم عشان جوزها اللي تندب في عينه رصاصه مايبصش بره ولان لسانه في الغالب بيطول ويقولها انتى تخنتى اوى المفروض تخسي وعشان كده احسن عقاب ليه عشان يبطل طفاسة انها تبوظ الريجيم وتاكل اللي بيشتريه كله وتقوله هات كمان عشان التلاجه مافيهاش غير دستة جاتوه بس النهاردة

سادسا موضوع الطبيخ اعتقد بالنسبة للراجل الشرقي مابتفرقش معاه الطبيخ حلو وحش اهو بيملا معدته وخلاص ومش من عادته اصلا انه يقول علي اى اكله حلوة ولو عملت بامية وقالها الملوخية دى حلوة رايي انها تهريه بامية لحد مايقولها هو كل يوم باميه كل يوم باميه ساعتها بس هاتعرف انه بيستهبل ويمكن وقتها ترحمه منها ولو انا مكانها هاعيشه عليها مادامت البامية عجبته علي انها ملوخيه

سابعا موضوع الغسيل انتوا تقريبا رجاله ساذجه جدا ماتعرفوش ان الغساله هى اللي بتغسل يعني هايوقع الهدوم وينزل يجيبها يحطها في الغساله تغسلها وبرده هو اللي هاينشرها تانى وابقوا خليه يوقعها تانى عشان يعمل رياضه علي سلالم العمارة طالع نازل وياسلام بقي لما تيجي بعدها وتقوله هات اشترى فستان عشان انت لما وقعت الهدوم فستان اتسرق منهم وانا عايزاه ضرورى لفرح بنت اختك

ثامنا وهى بتمسح الارضيه والارض مبلوله انا لو مكانها تحط صابون في الميه اللي بتمسح بيها وهو بس يفكر يروح يستنى التليفون اللي هايرن وساعتها بقي الله يرحمه ويحسن اليه او علي الاقل رجله تتكسر وياسعدها بقي لما يتجبس وتبقي عارفة هو فين طول اليوم بدل ما بتلف وراه وهو مابيتهدش ابدا

تاسعا تكسير الكوبايات بقي اعتقد دى حاجة ماتضايقهاش في حاجة غير انها هاتقولك اوعى تكون اتعورت يا حبيبى فدام مليون كوباية بس هات بقي اشترى طقم كوبايات بدل اللي اتكسرت اخوك ومراته جايين عندنا وبيحبوا يشربوا في الطقم ده بالذات ( وادفع يا باشا وابقي كسر كوبايات براحتك بعد كده )

عاشرا انت هاتطلب منها كوباية الميه هاتقولك طبعا يا روحى من عينيا وتعمل نفسها بتقوم وتقوم واقعه وتقولك اه رجلي تقريبا جالها شد ممكن تجيبلي ميه دافيه يا عمرى عشان احطها فيها عشان اقدر اقوم اجيبلك تشرب

دى شوية ردود علي قدنا يعني بما ان اكتر حاجة بتغيظكم هى كلمة هات فلوس

[monmon_2006]

جدعة يا عتاب ... ايوة كده ردي عليه

بصراحة انت مفتري يا هيثم ... و مش هتقدر تغير حاجة في جمعيات المرأة .. احنا وراكم وراكم

[نيهال]

يا الله
كل ده شايله فى قلبك .........يا عينى علينا
ده احنا غلبانين قوى بالنسبه للمخطط ده
بس شاطره يا عتاب
تستاهللى بجد تكونى رئيسه الجمعيه
ومن موقفى هذا
اقول
بالحلل ....والشوك والمعالق
معاكى يا عتاب

[Honey1900]

السلام عليكم
شكرا يا هيثم علي النصايح العشرة الغالية دي
طبعا عندنا زيها كتير لو فقسو دول مش هيفقسو الباقي

و كدة كدة كدة يا عتاب
طيب اما نشوف هعمل فيكي ايه ؟؟؟
هوريكي النجوم ف عز الضهر
الفلوس بتروح و تيجي البني ادم هو اللي باقيلك
و ابقي خلي الجمعية تنفعك ولا تربيلك العيال

[عتاب]

هههههههههههههههههههه
اولا طبعا ميرسي يا مونمون ونيهال علي كلامكم الحلو ده
دا من بعض ماعندكم يافندم
اما بالنسبة لهانى فانت عارف انى ماباتهددش
وانت عارف انا ناويه علي ايه بالنسبة لتربية العيال من بعدك فاكر والا افكرك
وبعدين ماهو لازم الجمعية تنفعنى امال انت اللي هاتنفعنى يعني-حاجة غريبة!!!-
وخليكوا فاهمين كويس لو عندكم 10 نصايح غير دوا احنا عندنا ميت رد عليهم والبادى اظلم

[maysam]

هههههههههه والله عشنا وشفنا كلها اساليب مضروبة لا تنفع ولا تضر
ونسيت يا هيثم ان كيدهن عظيم

انا احيي اللي طلع المقولة اللي بتقول
ثلاثة أنواع من الرجال لا يفهمون النساء...الشبان و الشيوخ و الكهول

[هيثم حمدي]

المشاركة الأصلية بواسطة عتاب

ايه ياهيثم مالك اليومين دول
مش عشان ابن عمى هاسكتلك يعني
طيب انا هاحاول ارد معاك كده ونجيبها من الاول
اولا طبعا هى هاتصحى وانت هاتقولها بالمرة حضري فطار هاتقولك حاضر يا حبيبتى وتغيب ساعتين تكون انت اتاخرت علي الشغل بتاعك وهاتاخد جزا والمدير هايخصملك 3 ايام دا غير التهزيق والذى منه وفي الاخر ترجعلك تقولك مالقيتش اكل في البيت فلوس الشهر خلصت هات فلوس انزل اشتريلك فطار

ثانيا بقي التليفزيون اغلب الستات بتحب المسلسلات يعني لما تقولها اخر حلقه هاتهتم وهاتقعد تشوفها وتلزق للمسلسل كل يوم ولما يتعاد علي كل القنوات هاتشوفه كل مرة بحجة انها مستنية الحلقه الاخيرة اللي بتفكرها بقعدتك معاها تتفرج . اما لو ماتش كورة فالاكيد يعني من عاشر القووووم هاتعمل زى واحدة اعرفها تحب الماتشات وتزهق جوزها من كتر ماهى عايزة تشوف الماتش وهو لا

ثالثا تصحى سيادتك يوم الجمعه وبعد ماتبوظ اللي تقدر عليه في المطبخ تلاقيها بتقولك انا لازم اروح لمامتك النهاردة انا قلقانه عليها حلمت بيها ولازم اطمن عليها دلوقت حالا وانت صلي الجمعه يا حبيبى وارجع حضر الغدا عشان لو لقيتها كويسة هاجيبها معايا تتغدى وطبعا سيادتك هاتغسل وتصلح كل اللي عملته

رابعا هى طبعا اول ماتلاقي الخمسين شمعه حاجة من اتنين اما هاتلاقي وشك محتاج يتزين بالتورتة وهاتلبسهالك اما تكون طيبه وتقولك ياه يا حبيبى انت اعتبرت يوم ميلادى هو يوم ميلادك وقررت تحط شمع ليك معايا كمان . انا لازم احتفظ بالشمع ده للذكرى وياريت بقي تديني فلوس اشترى 50 شمعه تانيين عشان عيد ميلادك قرب ياعمرى

خامسا الريجيم اعتقد بقى اغلب الستات بتعمل الريجيم عشان جوزها اللي تندب في عينه رصاصه مايبصش بره ولان لسانه في الغالب بيطول ويقولها انتى تخنتى اوى المفروض تخسي وعشان كده احسن عقاب ليه عشان يبطل طفاسة انها تبوظ الريجيم وتاكل اللي بيشتريه كله وتقوله هات كمان عشان التلاجه مافيهاش غير دستة جاتوه بس النهاردة

سادسا موضوع الطبيخ اعتقد بالنسبة للراجل الشرقي مابتفرقش معاه الطبيخ حلو وحش اهو بيملا معدته وخلاص ومش من عادته اصلا انه يقول علي اى اكله حلوة ولو عملت بامية وقالها الملوخية دى حلوة رايي انها تهريه بامية لحد مايقولها هو كل يوم باميه كل يوم باميه ساعتها بس هاتعرف انه بيستهبل ويمكن وقتها ترحمه منها ولو انا مكانها هاعيشه عليها مادامت البامية عجبته علي انها ملوخيه

سابعا موضوع الغسيل انتوا تقريبا رجاله ساذجه جدا ماتعرفوش ان الغساله هى اللي بتغسل يعني هايوقع الهدوم وينزل يجيبها يحطها في الغساله تغسلها وبرده هو اللي هاينشرها تانى وابقوا خليه يوقعها تانى عشان يعمل رياضه علي سلالم العمارة طالع نازل وياسلام بقي لما تيجي بعدها وتقوله هات اشترى فستان عشان انت لما وقعت الهدوم فستان اتسرق منهم وانا عايزاه ضرورى لفرح بنت اختك

ثامنا وهى بتمسح الارضيه والارض مبلوله انا لو مكانها تحط صابون في الميه اللي بتمسح بيها وهو بس يفكر يروح يستنى التليفون اللي هايرن وساعتها بقي الله يرحمه ويحسن اليه او علي الاقل رجله تتكسر وياسعدها بقي لما يتجبس وتبقي عارفة هو فين طول اليوم بدل ما بتلف وراه وهو مابيتهدش ابدا

تاسعا تكسير الكوبايات بقي اعتقد دى حاجة ماتضايقهاش في حاجة غير انها هاتقولك اوعى تكون اتعورت يا حبيبى فدام مليون كوباية بس هات بقي اشترى طقم كوبايات بدل اللي اتكسرت اخوك ومراته جايين عندنا وبيحبوا يشربوا في الطقم ده بالذات ( وادفع يا باشا وابقي كسر كوبايات براحتك بعد كده )

عاشرا انت هاتطلب منها كوباية الميه هاتقولك طبعا يا روحى من عينيا وتعمل نفسها بتقوم وتقوم واقعه وتقولك اه رجلي تقريبا جالها شد ممكن تجيبلي ميه دافيه يا عمرى عشان احطها فيها عشان اقدر اقوم اجيبلك تشرب

دى شوية ردود علي قدنا يعني بما ان اكتر حاجة بتغيظكم هى كلمة هات فلوس

السلام عليكم

هههههههههههههههههه
ميييييييين بنت عمي عتااااااااااب

مش عارف اعمل ايه ولا ارد بايه ههههه مش عارف

المشكله اني مقدرش علي بنات عمي والمشكله الاكبر ان بنت عمي دي رئيسه جمعيه المراة

يا بنت عمي سيبك من الجمعيه دي وخلي مؤيده للبشمهندس هاني
دي نصيحه غاليه من واد عمك خلي اي حد من افراد الجمعيه يمسك مكانك
يا بنتتتتتتتتتتتتتتتتت
عمممممممممممممممممممممممممممي

سيبي الجمعيه وخليكي مؤيده لهاني ولينا
وخلي واد عمك يرد ويتكلم ويزعق في المراة براحته

ماشي دي نصيحه غاليه من واد عمك اعملي بيها ومش حتندمي لكن تواجههي واد عمك هيا دي مش لاقيه ليها حل لحد الان ومش عارف حتي ارد عليكي بايه
لا تعلييييييييييييق

[هيثم حمدي]

المشاركة الأصلية بواسطة monmon_2006

جدعة يا عتاب ... ايوة كده ردي عليه

بصراحة انت مفتري يا هيثم ... و مش هتقدر تغير حاجة في جمعيات المرأة .. احنا وراكم وراكم

السلام عليكم

ههههههههههه
يا اهلا يا اهلا بعضوه الجمعيه
وبجد شرفتي حواري وكيفيه التعامل مع المراة

ههههه مشض عارف ليه بضحك وبقول حاسس كده ان الموضوع اللي كتبته عجبكم واثر فيكي يا منمون

وبداتي تقلقي من حواراتي عن المراة

وشوفي انا عاوز اقولك اني حقدر حغير في جميعات المراة واخليها متقدرتش تتكلم بنص كلمة والايام اللي جايه تثبت ليكم كده
واللي يتحدي الصعيدي يخسر
وبلاش

انا حاليا بقول اني ممكن اقدر باحتمال واحد بس ان بنت عمي عتاب تسيب الجمعيه وتتركها بعدها حتعرفوه ايه اللي بيحصل للجمعيه
وحتي ولو الاحتمال ده متحققش مصيري برضه حعرف ازاي اخلي المراة دي متقدرش ترد عليا
وبالذات اعضاء الجمعيه دي

وبكره تشوفي يا منمووووووووووووووووون

[هيثم حمدي]

المشاركة الأصلية بواسطة نيهال

يا الله

كل ده شايله فى قلبك .........يا عينى علينا
ده احنا غلبانين قوى بالنسبه للمخطط ده
بس شاطره يا عتاب
تستاهللى بجد تكونى رئيسه الجمعيه
ومن موقفى هذا
اقول
بالحلل ....والشوك والمعالق
معاكى يا عتاب

السلام عليكم

ازيك يا بشمهندسه يا غاليه
يا اهلا وسهلا نورتي حوار الحرب علي المراة

ههههههههههه
وانتوه ايه غلبانين ااااااااه ما هو باين من كلامك يا بشمهندسه
بالحلل والشوك والملاعق وما خفي كان اعظم
بس عليا مين ما خلاص بتكشف خبايا ومساؤي المراة
وكلها بتطلع حقيقه يعني مش مخطط ولا كلام في الهواء
ولا ايه يا بشمهندسه

انا الحمد لله مش شايل عارفه ليه لاني عارف مين المراة دي وعارف اشياء كثيره عنها
انا بس بنوه لاخوتي الشباب اللي ميعرفوش المراة كويس
وكيفيه التعامل معها
وقال ايه يا عيني عليكم لا صح
بتعكسوه الجمل والحقيقه((يا عيني علي الشباب الذي لا يعرف جيدا من هيا المراة))

وبالنسبه ان عتاب رئيسه الجمعيه
عاوز اقولك اننا مش نتهدد اذا اتخليتوه عنها او ما زلتم تتمسكون بها
او تجيبوه خيبره من بلاد بره برضه مش حيقدر حد يمنعنا اننا نكشف من هيا المراة

ههههههههههه

[هيثم حمدي]

المشاركة الأصلية بواسطة honey1900

السلام عليكم

شكرا يا هيثم علي النصايح العشرة الغالية دي
طبعا عندنا زيها كتير لو فقسو دول مش هيفقسو الباقي

و كدة كدة كدة يا عتاب
طيب اما نشوف هعمل فيكي ايه ؟؟؟
هوريكي النجوم ف عز الضهر
الفلوس بتروح و تيجي البني ادم هو اللي باقيلك
و ابقي خلي الجمعية تنفعك ولا تربيلك العيال

السلام عليكم

البشمهندس هاني هناااااااااااااااااااا

ايوه يا هاااااااااااااااني فينك يا غالي
مفتقدك يا غالي والله حاسس اني بزعق ضدهم لوحدي ودايما منتظر هاني معايا

ايوه يا هاني ميه ميه
زعق وعليي صوتك وبالذات رئيسه الجمعيه دي
شفت يا هاني شفت كلامها اللي ردت عليا بيه
شفت
عاوزك دايما يا هاني ترد عليها

منورنا يا غالي

[هيثم حمدي]

المشاركة الأصلية بواسطة maysam

هههههههههه والله عشنا وشفنا كلها اساليب مضروبة لا تنفع ولا تضر
ونسيت يا هيثم ان كيدهن عظيم

انا احيي اللي طلع المقولة اللي بتقول
ثلاثة أنواع من الرجال لا يفهمون النساء...الشبان و الشيوخ و الكهول

السلام عليكم

ههههههههههههه
لا مش مضروبه يا ميسم

وبلاش انك تحاولي تضللي علي الشباب ويفتكروه بان اللي بقوله عن المراة وكيف تتعامل معها بلاش تاثري عليهم

وما نسيت ان كيدهن عظيم
بس انا دايما ححاول جاهدا اكشف خبايا ومساؤي المراة علشان الشباب كلهم يكونوه عارفين
ايوه بس نسيتي واحد فقط نسيتي تذكريه مع الشباب والشيوخ والكهول

نسيتي الاطفال
علي راي المثل اذا مقدرتش ترد علي المراة سلط عليها عيل صغير وياخد بحقك