المستكة طعم مميز وفائدة بلا حدود

[محمدحسين]

المستكة طعم مميز وفائدة بلا حدود


المستكة
تعتبر المستكة واحدة من المنتجات النباتية المحببة للشرقيين والغربيين في العالم منذ آلاف السنين، وعادت ما تضاف إلى أطباق الأطعمة بسبب رائحتها الزكية، وطعمها المميز.
وبالإضافة إلى هذا الطعم المميز تقول دراسات علمية حديثة، إن المعدة وتقرحاتها، وصحة الفم والأسنان فيه، والقولون واضطراباته، حتى السرطان وآثاره, كلها مجالات طبية وصحية دخلت المستكة على خط سبل الوقاية وأدوات المعالجة فيها.
وقال الباحثون، إن القيمة الطبية الواعدة والجديدة للمستكة هي في الوقاية أو تخفيف أعراض سرطان القولون، وتبين من التجارب أن المستكة عملت على الإخلال بتتابع انقسام الخلايا السرطانية وأوقفت بالتالي سلسلة التكاثر والانتشار لها، كما أنها عملت على تخلخل التصاق الخلايا السرطانية بكتلة الأنسجة الرابطة بين الخلايا.
أيضا: الفم والأسنان مجال آخر رحب لأبحاث فوائد المستكة، فصحة اللثة والأسنان مبنية في جانب كبير منها على سلامة الفم من البكتيريا، للمستكة دور في القضاء على هذه البكتريا.
كما أن القيمة الصحية الواعدة الأخرى للمستكة تقع في جانب كبير منها على خصائص غامضة تمتلكها المواد العديدة في مكوناتها للقضاء على بكتيريا المعدة الحلزونية، وهي من أكبر أسباب قروح المعدة والإثنى عشر وحرقة الفؤاد أو ترجيع محتويات المعدة إلى المريء.

[عتاب]

شكرا يا محمد علي الموضوع
يافرحة قلبك يا مستكة (بتاعتنا) بالمستكة اللي بتتاكل ههههه
اكيد هاتفرح اوى للموضوع وهاتحس بقيمتها اكتر واكتر

[مستكة]

ميرسيه كتير يا محمد علي الكلام الجميل ده


من زمان مش عايزه انزل الموضوع ده لاني محبش اكلم عن نفسي


تواضع باه وبتاع

اكيد هاتفرح اوى للموضوع وهاتحس بقيمتها اكتر واكتر

هو عشان انا متواضعه وبكلم معاكي عادي يعني هتاخدي عليا ولا ايه

[maysam]

ههههههههه يا سلام كنت فين من زمان يا محمد

شايف مستكة انشكحت قد ايه بالموضوع

انا بحب المستكة كتير يعني ما حد يقدر ما يحبها
واهي طلع لها فوائد كمان يا فرحتنا ب مستكة

تسلم يا محمد على الموضوع

[مستكة]

[yasmina]

يا فرحتك يا مستكة بالموضوع



شوفتى قيمتك عالية اد اية وليكى فوايد كتير ازاااااااااى

[نور الفجر]

والله يا محمد انت كدة هتخلى مستكة يعنى تكلمنى بقى بمواعيد والسكرتير وكدة
وفين وفين على متاخد منها معاد يلا مش مشكلة امرنا لله
مشكور اوى محمد على الموضوع

[Honey1900]

أستغفر الله العظيم يا رب
كدة يا محمد يا حسين
كدة مش هعرف اكلم مع حماتي
و حتي لو ردت عليا هيبقي بتتفضل عليا
عموما خير

و انت بقي يا حماتي مش عايز تكبر عليا يوم ما هشم ريحة تكبر هسيبلك بنتك تقعد جمبك
و ابقي افرحي بقي بالمستكة بتاعتك و خليها تنفعكو اتنو الــــ 2

و للحديث بقية طالما ف العمر بقية
فاصل و نواصل ابقو معنا

[زهرة]

تسلم يا محمد على الموضوع المفيد
مين ادك يا مستكة ..!!

[مستكة]

ميرسيه كتير يا جماعه

مكنتش اعرف انكم بتحبوني كده

اجاملكم في الشوربة يا رب

وخطيب بنتي ده اللي مصدق

ويقولي هسيبلك بنتك

ميعرفش اننا ميهمناش

اصلا انا كنت عايزاها تاخد حبهان ابن خالتها

بس ياله باه امرنا لله نصيب

متفكرش انك بتهددني لااااااااا

اعرف انت بتقول ايه والا ملكش حاجه عندي

دا انا مستكة

اعوذ بالله من قولة انا

[عتاب]

هههههههههههههههههههههههه
حلو اوى. الموضوع اتقلب عليا
واحد يقول هاسيبلك بنتك !!!!!!!!
وحماته تقوله تتجوز حبهان ابن خالتها
وانا ماليش رأى والا ايه ؟؟؟؟؟!!!!!!
انا عايزة عنتر قصدى زعتر ابن عمى هههههههه

[محمدحسين]

الحقيقه عندما قراءت موضوع مستكه كمنتج نباتى وجدت فوائده كثيره للأنسان ولم أكن اعلم هذا من قبل رغم ان الوصفات القديمه كانت توصى به
ولكن عرضت الموضوع لشيئين
الاول فوائد مستكه النباتيه
الثانى لانه يرتبط بأسم أختنا الجميله مستكه
وبصراحه كان الموضوع أستفتاء من الجميع على حب مستكه وما يحمله الجميع من أحترام وتقدير
وبعدين ياهانى لو حماتك مستكه يبقى ربنا راضى عنك فى حد يبقى عنده حماه دمها خفيف كده ولذيذه
ويارب تلحقى يامستكه عتاب فى جمعتها علشان الفرحه تبقى فرحتين والسنه القادمه نجد أطفالكم بيجروا فى المنتدى

[مستكة]

ربي يكرمك ويعزك

اخجلتم تواضعنا

شكرا لرفع المعدنيات

[بكــار]

ههههههههههههههههههههه
اجيبها منين يا عمنا ؟؟؟؟

[ميرميد]

بغض النظر عن اهمية الموضوع نفسة

المنتدى دة دماااااااااغ

وانا زعلانة انى اتاخرت عليكو شوية

بس ملحوقة

وتتعوض ف الشوربة الجاية

سورى الموضوع الجاى