كرسي الاعتراف ...كرسي اعتراف بجد - Page 2

نيهال · 20-06-2006, 04:18 AM

نبدأ
انا مش عارفه نبدأ امتى؟

يا ريت حد يقوللى احنا كده خلاصى اتفقنا علىعتاب؟
ولو اوكى؟
يبقى اسال الاول
س
كان نفسك تكونى بنت ام ولد......وليه؟
انا لا اقصد اعتراض على امر الله لكنه سؤال

عتاب · 21-06-2006, 08:04 PM

طيب انا هاجاوب اهو
بصراحة والله-و مش بقول كده مناصرة للبنات- عمرى ماحبيت اكون ولد وطول عمرى سعيدة انى بنت
بالرغم من ان البنات كتير بيكونوا مظلومين من الاهل والمجتمع بس دايما بحب انى بنت
يمكن يكون لان طبيعتى وشخصيتي ماينفعوش علي ولد نهااااائي
اولا واخيرا طبعا لان دى حكمة ربنا واكيد اختارلي الافضل والاحسن انى اكونه
كمان انا بحب الطرف الاخر هو اللي يسعى ويدور ويجري ورايا وماينفعش اكون ولد واستنى البنت تجري ورايا دا حتى هابقي ولد خيبة اوى هههههههههه
انا حابة اكون بنت يمكن مش لاقيه اسباب كتير اقولها بس من جوايا سعيدة انى بنت الحمد لله
اسئلتك خلصت معايا يا نيهال حد غيرك يسأل بقي هههههههههه

نيهال · 22-06-2006, 11:22 AM

ايه ده؟
هوه سؤال واحد ليا ؟
مليشى دعوه
انا زعلانه كده

عتاب · 22-06-2006, 03:17 PM

ههههههههههههههههههههه
خلاص ياقمر اسألي كمان بس بسرعة
شكل ماحدش هايسأل غيرك انا هانزل من علي الكرسي. يالا بسررررررعه

نيهال · 22-06-2006, 04:22 PM

بسرعه بسرعه
بتعرفى تطبخى..........واحكيللى مره بوظتى الاكل وعملوا فيكى ايه؟

عتاب · 23-06-2006, 04:23 AM

باعرف اطبخ الحمد لله واكيد انتى فاكرة يوم المكرونة هههههه
مش بابوظ اكل لانى باخد بالي كويس
كمان حتى لو باظ ماحدش هايزعقلي لانى بطبخ لما ماما بتكون مسافرة
وحتى لو ماما موجودة هاتخاف تزعقلي هههههههههههههه

=BASSEM= · 23-06-2006, 07:12 AM

انا بحجز مكان و حق في الاسئله كلها يومين و اجي اسئل عتاب حبة اسئله خفيفه

بس هسأل سؤالين علي الماشي

1 - ماهي اكبر مخاوفك ؟

2 - عرف6ي عتاب في جملتين ؟

3 - اكتر 3 حاات جرحت عتاب في حياتها ؟ " مش لازم مواقف ممكن تكتفي بكلمات زي الغدر و الهجر الخ ..... ؟

اروح اكمل شل و ارجع بعد كدا اسال علي رواقه

عتاب · 23-06-2006, 10:20 PM

اكبر مخاوف عتاب الفراق بجد بخاف جدا من انى افارق اللي بحبهم

لو هاعرف عتاب في جملتين هايبقوا كتير اوى بس ممكن اعرفها في جملة واحدة
عتاب هى انسانة رومانسية جدا وعقلانية جدا عارفة انكم هاتستغربوا بس هى اى حاجة بتبدأها بعقلها ويوم ماتوصل لقلبها بتكون في قمة الرومانسية

اكتر 3 حاجات جرحت عتاب في حياتها هى
1-الفراق والبعد عن الاهل
2-خسارة الاصدقاء او اللي كنت اظنهم اصدقاء
3-الظلم سواء في حقي في التعيين معيدة او في الحياة عامة

زهرة · 23-06-2006, 10:25 PM

ايه ده ؟؟؟

فين يا جماعى الاسئلة المحرجة !!!

نورتى يا عتاب الكرسي

1-ايه العيوب الي شايفاها في المنتدى ..؟؟
2-مين اكتر شخص جرحك او زعلتى منه ..وياريت موقف !
3-تحبي تقولى كلمة (انا اسفة )لمين ؟
4-ايه اكتر شىء ندمتى عليه ؟

نيهال · 23-06-2006, 10:32 PM

روحتى فين يا عتاب؟

نيهال · 23-06-2006, 10:44 PM

سؤال؟
ضربتى حد قبل كده؟
انضربتى قبل كده؟
ايه الموقف اللى ما تنسيه حتى الان اذا كنتى انضربتى؟
اعترفى
ههههههه

عتاب · 23-06-2006, 11:03 PM

انا هناااااااااااااااا
اهلا زهرة ايه الاسئلة الجامدة دى
اكتر عيب في المنتدى انه كتير بيكون نايم في اوقات مش بالاقي حد غيري

اكتر شخص جرحنى او زعلت منه كانت صديقتى اعز صديقة عندى اتخلت عنى في مواقف كتير صعبة وحرمتنى اقف جنبها في مواقف كتير سواء حلوة او وحشة مفيش مواقف تنفع تتحكى لانها تخصها

مفيش في دماغى حد معين اقوله آسفة بس باقولها لأى واحدة من صاحباتى حبيتها بدرجة كبيرة وممكن اكون خنقتها بحبي ده واقول انا اسفه لماما لانى مش باعرف اقدملها اى حاجة تساوى ولو ذرة من اللي بتقدمهولي

مفيش حاجة الحمد لله ندمت عليها لانى مش باخد اى خطوة في حياتى الا باستخارة وعشان كده مش باندم علي اى شئ مهما سبب لي مشاكل

اى خناقات يافندم بلاش احراج تانى هههههههههه

عتاب · 23-06-2006, 11:11 PM

إقتباس:

المشاركة الأصلية بواسطة نيهال

سؤال؟
ضربتى حد قبل كده؟
انضربتى قبل كده؟
ايه الموقف اللى ما تنسيه حتى الان اذا كنتى انضربتى؟
اعترفى
ههههههه

هههههههههههههههههههههههه
ممكن في خناقات مع اخواتى وانا صغيرة اكون ضربت او انضربت كتييييييييير
لكن وانا كبيرة الحمد لله ماحصلتش حتى ماكونتش بانضرب في المدرسة لانى كنت شاطرة وهادية

فيه موقف بس مانضربتش فيه وقتها جريت واستخبيت

في مرة كنت باتخانق مع عمتى انا كنت طفلة وهى شابه في الجامعه وكنت بحب اتخانق معاها وبابا سمعنى وانا باتخانق معاها وطبعا اعتبر دى قلة ادب وطلع يجري ورايا عشان يضربنى وانا استخبيت منه وعمتى هى اللي بعدته عنى

وقالتله انى باهزر معاها

والموضوع عدى علي خير الحمد لله

زهرة · 24-06-2006, 12:01 AM

شيدي حيلك يا عتاب
جيت اقويكى ..رجعالك بأسئلة

نيهال · 24-06-2006, 12:17 AM

على فكره
انتى قاعده قاعده على الكرسى
انسى بجد تنزلى دلوقتى

خيارات الموضوع
عرض نسخة للطّباعة ارسل هذه الصفحة لصديق
طريقة العرض	قيّم هذا الموضوع
النمط الخطي التحويل إلى النمط الشجري التحويل إلى النمط المتطوّر	قيّم هذا الموضوع: