حاجة استفزتنى

[زهرة]

السلام عليكم ورحمة الله وبركاته

من شوية كدة كان على mbc4مسلسل whith out a trace لو حد يعرفوا ...

عموما كان موضوع الحلقة عن واحد ارهابي اسمه الدكتور انور والمهم مجريات الحلقة اخدتهم

وجابوا وكالة الارهاب تحقق في اختفاءه وبتشكك في معرفه العرب وبتستجوب شيخ المسجد في امريكا

ان الدكتور ده بيروحلوا .....

في الاخر استنتجوا بعد ما اطلقوا النار عليه ان برىء من تهم التطرف والارهاب المنسوبة له

الموضوع مش الحكاية ديه....

لكن المغزى مؤخرا في الافلام الاجنبية ان لو الفيلم اكشن بقى وعايز يتشهر يجبلك واحد عربي

ويطلعه ارهابي والممثلين الامريكان بيحاولوا يفسدوا الارهاب ده وهم (الملايكة بجناحين !!)

كذا فيلم شفته مصورين صورة العربي في صورة ارهابي متطرف للدين وللدولة ....

ولما حد منهم يقول عكس الفكر ده ويطلع العرب في صورة غير عن معتاقدتهم يعارضوه اشد معرضة و

ويهاجموا الفيلم او المسلسل اين كان !!!

حصلت حاجة مستفزة ...

مرة واحنا ماشيين في شرم الشيخ في (...)اول ما دخلت مع اخوتى لقيت نص الاجانب هنالك فضلوا

يبصوا والي كان قاعد ووقف كانهم شيفينا ماسكين قنابل !!!وفيه بنت اول ماشفتنا معديين من جنبها

جريت لبابها وقعدة تعيط !!!




ليه العرب رسموا صورة لنفسهم الارهابيين واي واحد مسلم يبقى ارهابي ؟؟

وليه برضوا الامركيين يفتكروا نفسهم الملايكة والمحاربين الي زي في الرسوم المتحركة بيحاربوا

الشر ويدافعوا عنه مع ان في نفس الوقت (هما البؤرة نفسها )تنبثق منها اي حاجة بيحاولوا يحابوها

واي عملية تدمير من امريكي او جماعة هنالك يلزقوها ان في جماعة اسلامية عربية
ارهابية هي الي عملتها حفظا لماء الوجه .....

الوقتى الاجانب بيحرصوا على تعلم اللغة العربية ليعرفوا لغة وكيفية التعامل مع عدوهم الاول

ياريت العرب يدافعوا عن دولتهم واسلامهم بصورة ايجابية تؤثر على تفكير الاجانب تأثير ايجابي

وتخليهم يحبوا الاسلام بل ويعتنقوه

بدل من ان يخيفوا الاطفال بل وانفسهم من كل عربي و يالفوا حكايات تتوارث مع الاجيال عن العرب والمسلمين وكم هم سيئين ويخلقوا جيلا من الكارهى والناقمى علينا !!!!

والسلام عليكم ورحمة الله وبركاته احبائي

[نيهال]

ما حد يقدر ينكر اللى بيتقال لان اللى المفروض يكونواسفراء لينا فى كل دو لاعالم لم يحركوا ساكنا ورسموا بانفسهم بعض من هذه الصوره المشوهه
لما يطلع منهم فاسد او متطرف ساعتها راح يقولوا كل اللى من هذا الوطن مثله
اليس كذلك؟
ولا تنسى دور الاعلام اللى همه مسيطرين عليه بصوره لا تقبل النقاش سوى فى بعض القنوات
ولكن ...راح تعمل ايه دى وسط الغول اللى يسمى الاعلام المريكى الصهيونى.؟
لما يتعرض احدث افلام فلان الفلانى....والا .....
وتلاقى بسم الله ما شاء الله التذاكر بتخلص هوا
....يبقى منتظره ايه من اعلامهم...لما على طول نكون تابعين لهم
من اسبوعين تقريبا شفت حلقه على الجزيره عن المصور سامى الحاج المعتقل فى جوانتانامو.....وقتها لما شفت اللى خرجوا من هذا المعتقل وهم يتكلمون عن كل ما حدث معهم ومازال يحدث فى شباب كتير.....من وقتها لم استطع ان انسى هذه الحلقه مطلقا
لما يهان الانسان لاقصى درجه.......كل العالم يشاهد ويصافح امريكا واسرائل....ونستقبلهم بالورود والاعلام المرفرفه؟
نفسى بجد انسى الحلقه دى.......مش قادره
بتصور انى ممكن وانا قاعده لا بيا ولا عليا ويحصل لى كده.....
لما ينتهك عرض المعتقل على مرئى ومسمع منه....يبقى ايه الحال
مش قادره اشيل الصوره من عقلى.....مش قادره

[مستكة]

صحيح العرب قبل كده كانو في سبات عميق

ولم يدركو اهمية الاعلام ابدا قبل احداث 11 سبتمبر

بيتهيالي ان الاعلام عندهم متمثل فقط في الفن اللي يهدم اي قيم ومباديء

وفي الاخبار الداخليه الملفقه البعيدة عن اي وعي داخلي او خارجي

انما الان لا انكر ابدا ان هناك صحوة اعلاميه حدثت

علي المستوي العربي عموما

ساعد في ذلك انتشار الفضائيات الخاصه

وارتفاع صقف الحريه

بايدي بعض الحكومات ورغما عن البعض الاخر

اي ان كان السبب ...

لكن ما يهمنا بالفعل انه يوجد وعي اعلامي الان

سواء علي المستوي الداخلي او الخارجي

وان كان الداخلي ما زال يتحكم فيه مقص الرقيب