من اجل ابن مصر نحاول تانى

[نكش]

احب فى بداية الموضوع اشكر ياسمين صاحبة الفكرة الاساسية
ناقشنا مشكلة خمول المنتدى وهجرة اعضائه وبعدهم عنه
وان المنتدى ما كانش كده فى السابق

عايزين كل واحد يقول فكرة علشان نحاول احياء منتدى ابن مصر ثانية فنحن ندين له بالكثير
انا فى دماغى عدة افكار
اولها ان احنا نقسم نفسنا اقصد طبعا المشرفين والاعضاء الحاليين فى دعوة الاعضاء الهاجرين عن المنتدى ثانية عن طريق الرسايل الخاصة واللى يعرفهم ياريت يحاول معاهم ويعرف اسباب بعدهم عن ابن مصر
عايزين نحاول نحصر اهم الاعضاء البارزين اللى ابتعدوا عن ابن مصر مثل الاخ ابيتوس وحنين ولولى ونبض القلب وغيرهم
وياريت ميسم تحاول تساعدنا فى حصر الاعضاء صدقونى يا جماعة الموضوع ده بيرفع المعنويات كتير وخصوصا لما الانسان بيحس ان لسه فيه ناس فاكراه وحسه ببعده
يعنى مثلا لما غبت فترة عن ابن مصر ولقيت رسالة تهنئة بعيد ميلادى من المنتدى فرحت جدا وحاولت بكل جهدى توفير وقت لدخولى المنتدى تانى
تانى فكرة
عايزين نغير فى المواضيع بتاعتنا ونكتر مشاركتنا فى المواضيع الموجودة اصلا ونحاول نعمل دعوة للاعضاء لدخول المواضيع المميزة عن طريق الايميل
تالت فكرة عايزين اتصال ما بين الاعضاء على فكرة معينة
على سبيل المثال يتولى بعض الاعضاء موضوع معين يشتركون فيه وكل واحد يدلو بدلوه فيه
مثلا موضوع يتكلم عن الفرق الاسلامية او الصحابة لا يتولاه شخص بمفرده بل اكثر من شخص كل منه يكون له اسلوب بالاتفاق بينهم حتى لا يحدث ملل فى الموضوع وهكذا
ديه الافكار فى اللى فى دماغى دلوقت وياريت كل واحد يقول اقتراحه ونحاول فى النهاية نختار افضل الاقتراحات وننفذها ان شاء الله

[maysam]

اشكرك يا نكش على هذه الدعوة وعلى هذه الروح البناءة

دي الروح اللي نحن محتاجينها في الوقت الحالي

انا ما عندي مانع في اي شيء ممكن اقدمه وافكارك رائعة جدا ، خصوصا استرجاع الاعضاء

ان شاء الله حافكر بوسيلة مناسبة

واي حد عنده اقتراح برضو ما يبخل

[Half-Magic]

الف شكر لك يا نكش على طرحك لهذا الموضوع و لهذه الدعوه ... و انا موافق على افكارك و معاكم فى أى حاجة تكون مطلوبة منى .... و إن شاء الله كل الأعضاء يشاركو معانا ...

[نكش]

المشاركة الأصلية بواسطة maysam

اشكرك يا نكش على هذه الدعوة وعلى هذه الروح البناءة

دي الروح اللي نحن محتاجينها في الوقت الحالي

انا ما عندي مانع في اي شيء ممكن اقدمه وافكارك رائعة جدا ، خصوصا استرجاع الاعضاء

ان شاء الله حافكر بوسيلة مناسبة

واي حد عنده اقتراح برضو ما يبخل

جزاك الله كل الخير يا ميسم على مرورك وتفاعلك
بس بجد احنا عايزين كل الاعضاء تقول اقتراحتها واللى ما عندوش اقتراح على الاقل ممكن يساعدنا فى تنفيذ اقتراح تانى احنا محتاجين لكل عضو بيحب ابن مصر بجد
اكيد كل واحد حيكون لى دور بس مين اللى مستعد يشارك بجد من اجل اعادة ابن مصر كما كان بل احسن مما كان ان شاء الله

[نكش]

المشاركة الأصلية بواسطة Half-Magic

الف شكر لك يا نكش على طرحك لهذا الموضوع و لهذه الدعوه ... و انا موافق على افكارك و معاكم فى أى حاجة تكون مطلوبة منى .... و إن شاء الله كل الأعضاء يشاركو معانا ...

اكيد Half-Magic حيكون ليك دور معانا ودور مهم كمان
بس احنا بنحاول نجمع اقتراحات دلوقت ووقت التنفيذ اكيد حنحتاج لكل عضو واكيد حنحتاج ليك لأنك عضو ومشرف مهم فى ابن مصر

[sehr_3inik]

نكووووش

ازيك ياقمر

عامله ايه

اقتراحاتك حلوه اوي

بس نتمنى الكل ينفذ

شكرا ليكي ياقمر

من اختك في الله شوشو

[نورالقمر]

نكش ربنا يكرمك يارب على تشجيعك ومحاولتك
وان شاء الله ابن مصر يرجع احسن م الاول كمان يارب ان شاء الله
وانا بالنسبه لاقتراح ليا فانا هقول حاجه صغننه ومحدش يزعل منى
المنتدى محتاج اهتمام كبير وتنظيم اكتر شويه وفى قسم انا شايفاه اصلا مش موجود
يمكن انا وجهه نظرى غلط واصحاب المنتدى لما مش عملوا القسم ده كان ليهم وجهه نظر
وان شاء الله المشرفين والاعضاء كلهم يرجعوا بالف سلامه وخير للمنتدى
وان شاء الله كمان عدد الاعضاء يزيد اكتر واكتر

[نكش]

المشاركة الأصلية بواسطة sehr_3inik

نكووووش

ازيك ياقمر

عامله ايه

اقتراحاتك حلوه اوي

بس نتمنى الكل ينفذ

شكرا ليكي ياقمر

من اختك في الله شوشو

اهلا شوشو اكيد الكل حينفذ
بس فين اقترحاتك يا جميل

[نكش]

المشاركة الأصلية بواسطة نورالقمر

نكش ربنا يكرمك يارب على تشجيعك ومحاولتك
وان شاء الله ابن مصر يرجع احسن م الاول كمان يارب ان شاء الله
وانا بالنسبه لاقتراح ليا فانا هقول حاجه صغننه ومحدش يزعل منى

]
وان شاء الله المشرفين والاعضاء كلهم يرجعوا بالف سلامه وخير للمنتدى
وان شاء الله كمان عدد الاعضاء يزيد اكتر واكتر

اهلا نور القمر
لكن انا مش فاهمة اقتراحك بالضبط
انت تقصدى انهى قسم
فى اقسام فعلا العمل فيها قليل جدا
ايه رايكم لو كل مجموعة تتولى مهمة تنشيط قسم من اقسام ابن مصر

[أحمد سليمان]

السلام عليكم ورحمه الله
ممكن أشارك؟؟

نفكر بموضوعيك
و محدش يفهمها على أنها أحباط

لو كل مجموعه أشتركت فى تنشيط قسم معين
كده احنا هنكون بنعالج عرض و ليس المرض ..يعنى بنضحك على نفسنا

بمعنى العدد الموجود هنا غير كاف

لازم نبدأ من البنيه التحتيه للمنتدى نفسه

عوامل الجذب مش متوافره...لا دى معدومه

كلنا بندخل منتديات تانيه
و بنشوف الفرق التقنى الرهيب
اختيارات اوسع ...أستايلات على حسب المناسبات ... أهتمام بالغ بالأعضاء الجدد ..مشرفين بيتتبعوهم و يشجعوهم على المشاركه ... بيدخلوا فى نقاشات مع الأعضاء

يعنى ارى بأختصار شديد:
1- تغير شكل المنتدى كامل ...و العمل على الترقيه لنسخه احدث و تركيب هاكت مناسبه جديد ( توفير عوامل الجذب )
2- حمله أعلانيه عن طريق لمنتدى بأيمل لقاعده بيانات أيميلات كل الأعضاء المشاركين فى المنتدى
3- مطلوب من الأعضاء التحمل قليلا ...لانه من لاممكن تضطروا تبدؤا من الصفر ... لان فى مشكله فى قاعده البيانات هنا...يعنى كله هتبقى مشاركاته صفر و مفيسش مواضيع ..( أبيض يا ورد )
4- أختيار المشرفين ...يكون بالترشيح ... ناس ترشح نفسها و الأعضاء يختاروا ... بلاش أسلوب الحكومه المصريه اللى نعرفه احسن من اللى ما نعرفوش ... و زيتنا فى دقيقنا ...اللى اعرفه ان مشرفين ابن مصر هما هما تقريبا من سنين
5- المشرف يبقى عارف واجباته قبل حقوقه الأشراف تكليف..مش المشرف يظهر بص علشان يبص على الأعضاء من فوق.. و شويه شويه هيتكلم معاهم بالفصحى ...لا ...انت عضو قبل ما تكون مشرف... و المشرف مشرف فى المشاكل و المخالفات و فقط
6- أزرع فى أرضك ...محدش هيزرع لك ...تابع تعبك بنفسك ( دى لآحمد كمال )


و اغلب المشاكل التانى
المشرف العام نفسه عارفها
تناقشت معاه فيها قبل كده لما قابلته فى هندسه القاهره ( عايزين نكررها يا هندزه )


لى عوده أن شاء الله

[نكش]

المشاركة الأصلية بواسطة أحمد سليمان

السلام عليكم ورحمه الله
ممكن أشارك؟؟

نفكر بموضوعيك
و محدش يفهمها على أنها أحباط

لو كل مجموعه أشتركت فى تنشيط قسم معين
كده احنا هنكون بنعالج عرض و ليس المرض ..يعنى بنضحك على نفسنا

بمعنى العدد الموجود هنا غير كاف

لازم نبدأ من البنيه التحتيه للمنتدى نفسه

عوامل الجذب مش متوافره...لا دى معدومه

كلنا بندخل منتديات تانيه
و بنشوف الفرق التقنى الرهيب
اختيارات اوسع ...أستايلات على حسب المناسبات ... أهتمام بالغ بالأعضاء الجدد ..مشرفين بيتتبعوهم و يشجعوهم على المشاركه ... بيدخلوا فى نقاشات مع الأعضاء

يعنى ارى بأختصار شديد:
1- تغير شكل المنتدى كامل ...و العمل على الترقيه لنسخه احدث و تركيب هاكت مناسبه جديد ( توفير عوامل الجذب )
2- حمله أعلانيه عن طريق لمنتدى بأيمل لقاعده بيانات أيميلات كل الأعضاء المشاركين فى المنتدى
3- مطلوب من الأعضاء التحمل قليلا ...لانه من لاممكن تضطروا تبدؤا من الصفر ... لان فى مشكله فى قاعده البيانات هنا...يعنى كله هتبقى مشاركاته صفر و مفيسش مواضيع ..( أبيض يا ورد )
4- أختيار المشرفين ...يكون بالترشيح ... ناس ترشح نفسها و الأعضاء يختاروا ... بلاش أسلوب الحكومه المصريه اللى نعرفه احسن من اللى ما نعرفوش ... و زيتنا فى دقيقنا ...اللى اعرفه ان مشرفين ابن مصر هما هما تقريبا من سنين
5- المشرف يبقى عارف واجباته قبل حقوقه الأشراف تكليف..مش المشرف يظهر بص علشان يبص على الأعضاء من فوق.. و شويه شويه هيتكلم معاهم بالفصحى ...لا ...انت عضو قبل ما تكون مشرف... و المشرف مشرف فى المشاكل و المخالفات و فقط
6- أزرع فى أرضك ...محدش هيزرع لك ...تابع تعبك بنفسك ( دى لآحمد كمال )


و اغلب المشاكل التانى
المشرف العام نفسه عارفها
تناقشت معاه فيها قبل كده لما قابلته فى هندسه القاهره ( عايزين نكررها يا هندزه )


لى عوده أن شاء الله

هناك الكثير من النقاط اللى انت قولتها يا اخى مهمة جدا وخصوصا موضوع الدعايا للمنتدى
اما بالنسبة للاعضاء فاظن ان الامر مافيش فيه مشكلة احنا مش بنشارك علشان اعداد مشاركتنا تكتر
لكن اظن ان كل الاقترحات اللى طرحتها خاصة بادارة المنتدى والمشرفين
واظن ان الاعضاء كمان لازم يكون ليهم دور الى ان يتم تنفيذ ما اقترحته اقترحاتك فعالة جدا
لكن اظن عضوة مثلى لا تستطيع المساعدة فيها وان كنت اقدر اساعد فياريت تخبرنى عن دورى المهم المنتدى يرجع زى ما كان

[بكــار]

فى غيابى عن المنتدى الفتره المنقضيه
كان كلى همى وشغلى الشاغل ان ابتكر افكار عدة
كى اقدمها عند رجوعى ان شاء الله والحمد لله
هناك كثير من الافكار
التى وردت الى ذهنى وسأقدمها فى الفتره القادمه
تحياتى لكاتبة الموضوع وتحياتى لياسمينا