الجـرح يـزيـد ولا يحـتـمـل المـزيـد

[هيثم حمدي]

الجـرح يـزيـد ولا يحـتـمـل المـزيـد

:

:

يا من أنعم الله عليها بنعمة الزواج
في مجلس به مطلقة أو فـتاة
لا تتحدثي عن مغامراتك العاطفية والرومانسية مع زوجك

ولكن إذا كان ولابد فقولي ( ولستِ كاذبة في ذلك )
الزواج له متاعـب ومشاغـل قد تعيق المتزوجة من الحرية
وطلبات الزوج والأولاد والبيت كثيرة ومنهكة ولاتنتهي أبداً

فالجرح يزيد.. ولا يحتمل المزيد



يا من أنعم الله عليه بنعمة الوظيفة
في مجلس به عاطل عن العمل أو موظف براتب منخفض
لا تـتـحـدث عن مشاريعك الاستثمارية والعقارية ورحلاتك الصيفية

ولكن إذا كان ولابد فقل ( ولست كاذباً في ذلك )
الأرزاق بيد الله وبركة المال في الكيف لا في الكم
وكم من صاحب أموال لا يجد السعادة ولا يذوق طعمها

فالجرح يزيد.. ولا يحتمل المزيد



يا من أنعم الله عليها بنعمة الأمومة
في مجلس به امرأة حرمها الله نعمة الحمل والإنجاب
لا تتحدثي عن أطفالك وجمالهم وبراءتهم وسعادتك بتربيتهم

ولكن إذا كان ولابد فقولي ( ولستِ كاذبة في ذلك )
الأطــفــال والأبناء مـسـؤولــيــة كــبــيـرة وخـطـيـرة
وبقدومهم قد تـقـل الرومانسية والخصوصية بين الزوجين

فالجرح يزيد.. ولا يحتمل المزيد



يا من أنعم الله عليه بنعمة الشهادات العلمية
في مجلس به شخص لم تسعفه الظروف لمواصلة تعليمه
لا تتحدث عن مؤهلاتك العلمية وثقافتك الواسعة ودرجاتك العلمية

ولكن إذا كان ولابد فقل ( ولست كاذباً في ذلك )
الـعـلـم لـيـس بـالـشـهـادات والـدرجـات والجامعات
وكم من عالم جليل وقدير تفوق وهو لا يقرأ ولا يكتب

فالجرح يزيد.. ولا يحتمل المزيد



يا من أنعم الله عليهم بنعمة الوالدين
في مجلس به أُناس فقدوا أحد والديها أو كليهما
لا تتحدثوا عن حنان وعطايا وهبات أمهاتكم أو آبآئكم لكم

ولكن إذا كان ولابد فقولوا ( ولستم كاذبين في ذلك )
فقدان الوالدين قد يزيد من سرعة النضج وقوة الشخصية
وقد يكسب الشخص خبرات وقدرات عالية في تحمل المسؤوليات والمهام


فالجرح يزيد.. ولا يحتمل المزيد

[dalia]

كلمات جميلة و حكيمة

و الاجمل ماهو موجود بإمضاءك

أجمل لحظات عمرك
حين يفهمك من حولك فيداوون جروحك
أو يجعلونك تستند عليهم في مصائبك


تحياتي

DALIA

[زهرة]

بجد راااائعة الكلمات ديه
تسلم ياهيثم على الموضوع
احسنت اختيار توقيعك..

[Honey1900]

جميل بجد
و كلام اكثر من رائع
مشكووووووووووور اخ هيثم

[مستكة]

واما بنعمة ربك فحدث


كمان شويه هتقلنا علقوا خرزه زرقه


انا ممكن اراعي في كلامي شعور اللي قدامي عشان مكنلوش نصيب في نعمه معينه


بس في نفس الوقت لو طبقنا الكلام اللي حضرتك بتقوله يبقي معناها

اني خايفه من الحسد وعنيهم الوحشه ليفسدوا عليا حياتي

وهي اكيدد هتتفهم كده

مش بالشكل ده ابقي بجرحهم برضه ؟!


محدش مبسوط دايما ومحدش مايق دايما


الانسان بيمر بكده وكده


افضل مايقال


الحمد لله

[نكش]

المشاركة الأصلية بواسطة مستكة

واما بنعمة ربك فحدث


كمان شويه هتقلنا علقوا خرزه زرقه


انا ممكن اراعي في كلامي شعور اللي قدامي عشان مكنلوش نصيب في نعمه معينه


بس في نفس الوقت لو طبقنا الكلام اللي حضرتك بتقوله يبقي معناها

اني خايفه من الحسد وعنيهم الوحشه ليفسدوا عليا حياتي

وهي اكيدد هتتفهم كده

مش بالشكل ده ابقي بجرحهم برضه ؟!


محدش مبسوط دايما ومحدش مايق دايما


الانسان بيمر بكده وكده


افضل مايقال


الحمد لله

موضوعك جميل اخى هيثم
بس انا متفقه مع مستكة فى وجهة نظرها



المهم هو عدم جرح شعور الاخرين
ولكن الكذب او التظاهر بالضجر من هذة النعم قد يزيد من احساسهم من فقدان هذة النعمة

[نورالقمر]

ماشاء الله ياهيثم بجد والله موضوع مهم جدا وياريت فعلا نستفيد منه

فعلا دى الحقيقه

المهم فعلا اننا ناخد بالنا من كل كلامنا عشان مش نجرح حد بكلمه مش نقصد نجرحه بيها

بشكرك اوى ياهيثم بجد ماشاء الله مواضيع كلها اجمل من بعضها

[عتاب]

انا متفقة مع الموضوع(طبعا موضوع ابن عمي وانا حرة فيه هههههههههههه)

بجد كلامه صح .ياما ناس محرومين من نعم معينة ممكن تجرحهم كلمة

واحنا بطبيعتنا بنقول اما بنعمة ربك فحدث ونتكلم بدون حساب

لا طبعا انا اذكر نعم ربنا عليا واشكره عليها اه بس ماحبش يعني اذكرها قدام حد محروم منها

يعني لو خلاص نفسي اتكلم واحكى يبقى احكي قدام حد عنده نفس النعمه او مقارب ليا فيها

بلاش رغي كتير ههههههههههههههههه عشان مانضايقش الناس بكلامنا

[Mustang]

انا مع مستكه طبعا
ازاى يعنى الى انتوا بتقولوه ده!
كلامكم معناه ان احنا لما نفرح منفرحش الناس معانا!
و ده فى حد ذاته غلط علينا و عليهم
علينا ان احنا بنحسش بالفرحه ... مثلا مثلا يعنى لو فيه فرح من غير معازيم هتبقى نفس الفرحه بالناس و الهليله الى بتحصل دى؟
و عليهم انهم بيحسوا بالنقص أكتر و مفيش حاجه بتستخبى و الحيطان ليها ودان زيي ما بيقولوا
و ده مش معناه انى اروح اتنطط على الناس و انا عملت و جبت
لكن نفرح الناس معانا على الاقل!
لما اشترى حاجه جديده ... ببقى فرحان جدا و لما بقول لواحد صاحبى بيفرحلى برضه و بيفرحنى أكتر
لكن هقعد اقول بقى الحسد و انا خايف و مش عارف ايه ... يبقى هعيش نفسى فى قلق على طول...

و دمتم

[بكــار]

التعليق هيكمن فى كلمه واحده ((واما بنعمة ربك فحدث))
طبعا الايه مفهمومه
لكن نعمة ربنا الى نتحدث بيه فى سبيل اسعاد الناس لا شقائهم هى المطلوبه
تيحاتى

[عتاب]

المقصود ياموستانج مش اننا نخبي عشان الحسد

انما المقصود ان فيه ناس محرومة من نعمة المال مثلا

فبيشتروا هدوم جديدة كل كام سنة ده لو اشتروا اساسا

عشان كده ماينفعش اروح اقولهم انا سافرت باريس الاسبوع اللي فات وجبت كذا وكذا من هناك

او اقولهم ده انا جبت لبس اليومين اللي فاتوا وجميل واقعد احسرهم طيب ليه كل ده

مانا ممكن اجيب لبس جديد ولو عايزة احكى واحدث بنعم ربنا عليا مش لازم احكى مع شخص محروم

اكيد انا اعرف ناس بيجيبوا زيي فساعتها هاقولهم وافرح وهما كمان مش هاجرحهم بكلامى

لكن مانقصدش تعمل فرح من غير معازيم بس كمان مش لازم مظاهر البزخ اللي يغيظ ده تظهر

وهانروح بعيد ليه احنا اللي هو الشعب العادى الطبقة المتوسطة او فوق المتوسطة لما تشوف ناس عامله فرح متكلف ملايين بتقول ايه عليهم

مش بيستفزك الوضع ده وفيه ناس مش لاقيه تاكل مثلا ؟؟؟فتخيل بقا واحد جى يحكيلك بقا عن الملايين اللي صرفها في فرح والا عيد ميلاد انت هاتتغاظ مش عشان هاتحسده بس من جواك وخصوصا اصحاب النفوس الضعيفة ممكن تقول اشمعنى هما عندهم ملايين واحنا لا

حاسة انى رغيت واتكلمت كتير هههههههههههه كفايا كده سامحونى ماكنش قصدى