اكتر وقت حسيت فيه بالوحده ؟

[naughty eyes]

السلام عليكم يا احبه

اسعد الله مساءكم وصباحكم وجمع دائما شملكم

كل واحد فينا بيجيلوا وقت بيحس فيه بغربه او وحده زي ما بيقولوا ..

يمكن البعض بيحس لفتره كبيره انه وحيد ومنغير سبب يمكن عشان بقاله فتره بعيد ان اقرب الناس ليه او انه حس بملل ومفيش جديد بالتالي بيعتزل حتي يصبح وحيدا ويشعر باحساس الغربه

طيب امتي اكتر وقت حسيت فيه بالوحده ؟

لما بتبقي اعد بليل لوحدك واهل بيتك كلهم نايمين ؟

ولا حتي واهل بيتك صاحيين وجنبك بس انت برضو حاسس بالوحده ؟

تفتكروا الاحساس بالوحده هو انك تعد لوحدك وحيد وبس ولا الاحساس بالوحده لما تحس انك وحيد في افكارك ومفيش حد يفهمك ولا حد عارف يستوعب مشاعرك او يستوعب قدراتك او مستقل بيك ؟

امتي بتحس بيها ؟ لما تحس انك زعلان ومخنوق من موقف معين ومش لاقي حد جنبك في وقتها ؟ ولا لما يكونوا جنبك ومش فاهمينك او مش قادرين يساعدوك ؟

حسيت بالوحده بتعد تسترجع ذكرايتك لوحدك وتفتكر احلي ايام عمرك وتبقي نفسك ترجع تاني بس للاسف مينفعش حسيت ساعتها انك وحيد ومفيش اللي يهون عليك الجديد اللي في حياتك ؟ طيب ولما برضو تسترجع الذكريات المؤلمه وتفتكرها لوحدك برضو حسيت ساعتها بايه ؟

الوحده او الغربه بتكون لما الواحد يتغرب عن اهله في بلد تانيه او الواحده تتجوز واحد وتسافر معاه وتسيب اهلها وناسها ؟

ولا الوحده وهما في وسط اهاليهم ولكن اهاليهم في عالم وهما في عالم تاني ؟

يا شباب ويا بنات الوحده امتي بتحسوا بيها ويا تري بتعملوا ايه لما تحسوها ؟ بتخرجوا منها ازاي ولا مبتخروجش وتعيشوا الكئابه ؟

او الوحده بالنسبه للبعض ملذه يعني فيه ناس بتحب تفكر لوحدها ومتشاركش حد في افكارها بس هيا دي الوحده بالنسبه للناس دي بس ؟ في الوقت ده بس يعني ولا امتي بيحسوها بجد وبتضاقيهم .

انا بتكلم عن الوحده اللي بتضايق وتكئب امتي بتحسوها وازاي بتتغلبوا عليها ؟

[فله]

ازيك naughty eyes
سؤالك الواحد يكتب فيه صفح

شباب ويا بنات الوحده امتي بتحسوا بيها ويا تري بتعملوا ايه لما تحسوها ؟

بحس بالوحده لما بزعل من حد عزيز عليا وببقى عايزه انهي الخلاف بسرعه بس بتظر لما تيجي منو طبعا دي اكتر حاله بحس فيها اني وحيده خصوصا اني عنيده يعني مع كل رغبتي في التصالح بفضل مكابره برضو

يلا ياستي اديني بحت بأول طلاسم شخصيتي .. أي خدمه
تحياتي naughty eyes

[naughty eyes]

ههههههههههه عسل يا فله والله

اولا انتي نورتي بردك

ثانيا تفتكري ان هو ده الوقت بس اللي بتحسي بيه بالوحده بس ؟.

[Honey1900]

السلام عليكم

ازيك يا عيون شقية او يا صاحبة العيون الشقية لو دي الحقيقة

موضوع كويس و خلي الواحد يفكر شوية

عموما يا ستي بحس بالوحدة لما افكر شوية الاقي اني مخرجتش من الروتين بتاعي لفترة

م الشغل للبيت و م البيت للشغل و طبعا بعد كدة علي الكمبيوتر بتاعي و عالم النت

اللي كل يوم الحمد لله لازم اتعلم حاجة

بخرج منه ازاي اني اقوم اسيب الكمبيوتر و احاول اكلم حد ازور حد من اصحابي

و بيبقي شعور ممل جدا احساس الوحدة دا

و طبعا الوحدة دي بحس بيها حتي و انا ف بيتنا مع اهلي ف مصر

و دلوقتي كمان بحس بيها و انا برة مصر

تحياتي

سنعود

ان شاء الله

[مستكة]

كتير بحس بالوحده بصراحه


وممكن اقولك ان سبب احساسي ده ممكن يكون كل الاسباب اللي قلتيها


مش كلها مع بعض في وقت واحد طبعا


لا بيكون حسب الموقف والظروف

ساعات لما احس ان كل اللي حواليا مش فاهمني ساعتها بحس اني وحيده في صحرا


احيانا لما اعز الناس عندي يزعلوا مني ... بكون مش عارفه اعمل ايه


لكن اصعب انواع الوحده فعلا اللي مش بقدر عليها


لما ملاقيش نفسي ... او اتخاصم معاها


بجد بجد مش بتحمل الوضع ده ابدا



منوره يا نوتي بمواضيعك الجميله

[naughty eyes]

ايه النور ده كله مستكه وهاني لا لا استنونننننننننننننننننننني رجعالكم حالا اشربلي كوبايه شاي بس عشان اعرف اظبط الدماغ وارد هههههههههههههه

بي رايت باك

[sehr_3inik]

naughty eyes


الــــــــــــــــــف مليون حمد الله على سلامتك يا ست الكل

الموضوع جميل جدا جدا جدااااااااااا تسلم ايدك

بصي ياستي بحس بالوحده

في حاجات كتير انتي قولتيها

اما اهلي يكونو نايمين بالليل واكون لوحدي صاحيه ساعتها بفتكر الموت

واما بكون وسط اهلي والكل بيتكلم مع بعضه وانا بفكر في حاجات ثانيه بحس اني وحسده تفكيري

وبجد اصعب احساس بالوحده

اما بتخنق جدا وبفكر كتير اوي ومش بلاقي حد اكلمه

اقرب الناس ليا مش موجودين دلوقتي

فصعب اوي اوي اما تعيطي ومش تلاقي حد يمسح دمعتك

ولا يخدك في حضنه ويواسيكي

ده اصعب احساس يالوحده

ويارب يارب محدش يحس بالوحده ابدا

تسلم ايدك ياروح قلبي

من اختك في الله شوشو

[7oOoDa]

للاسف شعور الوحدة لازمني لفترة طويلة جدا لحد ما بقى اسلوب حياة بالنسبالي حتى لو قاعد بين الاهل والقرايب او اصحاب..

في البداية كان نوع الوحدة مختلف بالنسبالي لحد ما اتحول لوصف جميل قريته بالموضوع

ولا الوحده وهما في وسط اهاليهم ولكن اهاليهم في عالم وهما في عالم تاني ؟

وبرده جزء من:

او الوحده بالنسبه للبعض ملذه يعني فيه ناس بتحب تفكر لوحدها ومتشاركش حد في افكارها بس هيا دي الوحده بالنسبه للناس دي بس

وسعات بلجأ لاختلاق وحدة فعلية اما بالسهر لاوقات متاخرة جدا او اي اسلوب تاني..

بس بيتهيالي ان يمكن الواحد في تحسن والحمدلله على كل حال

بالنسبة للتغلب , مش متاكد اذا كنت عايز اتخلص منها ولا لا..شعور متناقض الصراحة وميال دائما للاحتفاظ بيها...زي ما ذكرت بقى اسلوب حياة..

[مستكة]

كتير بحس بالوحده بصراحه


وممكن اقولك ان سبب احساسي ده ممكن يكون كل الاسباب اللي قلتيها


مش كلها مع بعض في وقت واحد طبعا


لا بيكون حسب الموقف والظروف

ساعات لما احس ان كل اللي حواليا مش فاهمني ساعتها بحس اني وحيده في صحرا


احيانا لما اعز الناس عندي يزعلوا مني ... بكون مش عارفه اعمل ايه


لكن اصعب انواع الوحده فعلا اللي مش بقدر عليها


لما ملاقيش نفسي ... او اتخاصم معاها


بجد بجد مش بتحمل الوضع ده ابدا



منوره يا نوتي بمواضيعك الجميله

[عتاب]

[quote=naughty eyes]السلام عليكم يا احبه
وعليكم السلام ورحمة الله وبركاته

طيب امتي اكتر وقت حسيت فيه بالوحده ؟
لما يكون جوايا مشاعر ومش لاقيه حد احكيهاله

لما بتبقي اعد بليل لوحدك واهل بيتك كلهم نايمين
باحسها بس مش وهما نايمين بحسها لما يكونوا صاحيين ومشغولين عنى

ولا حتي واهل بيتك صاحيين وجنبك بس انت برضو حاسس بالوحده ؟
لا دى نادرا مابتحصل لان كفايا عندى انى احسهم جنبي ( انا قنوعة)

تفتكروا الاحساس بالوحده هو انك تعد لوحدك وحيد وبس ولا الاحساس بالوحده لما تحس انك وحيد في افكارك ومفيش حد يفهمك ولا حد عارف يستوعب مشاعرك او يستوعب قدراتك او مستقل بيك ؟
الاحساس بالوحدة له اسباب كتير اوى بصراحة
بس انا لما بحس انى باتكلم واللي قدامى مش فاهمنى بحس احساس تانى (وهو ان الضغط بيرتفع عندى من الغيظ هههههه)


يا شباب ويا بنات الوحده امتي بتحسوا بيها ويا تري بتعملوا ايه لما تحسوها ؟ بتخرجوا منها ازاي ولا مبتخروجش وتعيشوا الكئابه ؟
الوحدة حسيتها كتير بحكم انى عايشة في بلد غير بلدنا الاساسي فكنت باحس الوحدة في اى مناسبة مالاقيش حد بيخبط علينا ويفرح معانا. حسيت بالوحدة لما فقدت اعز صديقتين في حياتى . حسيت بالوحدة لما اتظلمت ولقيت ناس مش مقدرة انى اتظلمت بس الشعور ده انتهى لما حسيت اد ايه فيه ناس بتحبني وبتقف جنبي لاخر لحظة

عامة لما بحس بالوحدة باسيب نفسي شوية اخد حقي من الكآبة عشان ارتاح وبعدها بانسى كل شئ الا انى اكيد حالي احسن من غيري كتير وفيه ناس غيري وحدتهم اكبر بكتير



او الوحده بالنسبه للبعض ملذه يعني فيه ناس بتحب تفكر لوحدها ومتشاركش حد في افكارها بس هيا دي الوحده بالنسبه للناس دي بس ؟
اوقات باختار وحدتى بمزاجى بانى احب اقعد لوحدى افكر في موضوع او اعيش مع ذكريات حلوة مرت عليا بس في الغالب بفضل اقعد مع صديقة عزيزة افضل من الوحدة لانها اكيد هاتسمع افكارى وذكرياتى وتعيشها معايا

تسلم ايدك . الموضوع رائع بجد

[naughty eyes]

عموما يا ستي بحس بالوحدة لما افكر شوية الاقي اني مخرجتش من الروتين بتاعي لفترة

كتير الواحد بينسي نفسه في ظل المسؤليات اللي بيبقي متحملها وبالتالي كل يوم اللي بتعمله هو هو امبارح زي النهارده وبتكتشف انك في الاخر لوحدك

بخرج منه ازاي اني اقوم اسيب الكمبيوتر و احاول اكلم حد ازور حد من اصحابي

بس هو عالم النت والكمبيوتر بيدي احساس بالوحده ؟ طب ازاي ده انت بتتعامل مع ناس ؟

بس ممكن بالنسبالك انت يبقي وحده بتختلف من شخص للتاني

و طبعا الوحدة دي بحس بيها حتي و انا ف بيتنا مع اهلي ف مصر

طيب وايه سبب انك بتشعر بالوحده حتي وانت مع اهلك ؟

ياتري مفيش تفاهم او مثلا انت مختلف عنهم ؟ ولا ايه ؟ ايه السبب ؟


هاني جزاك الله كل خير

[naughty eyes]

المشاركة الأصلية بواسطة مستكة

كتير بحس بالوحده بصراحه


وممكن اقولك ان سبب احساسي ده ممكن يكون كل الاسباب اللي قلتيها


مش كلها مع بعض في وقت واحد طبعا


لا بيكون حسب الموقف والظروف

ساعات لما احس ان كل اللي حواليا مش فاهمني ساعتها بحس اني وحيده في صحرا


احيانا لما اعز الناس عندي يزعلوا مني ... بكون مش عارفه اعمل ايه


لكن اصعب انواع الوحده فعلا اللي مش بقدر عليها


لما ملاقيش نفسي ... او اتخاصم معاها


بجد بجد مش بتحمل الوضع ده ابدا



منوره يا نوتي بمواضيعك الجميله

ده نورك يا مستكه..

طيب ولما مبتلاقيش نفسك وبتتخاصمي معاها بتعملي ايه ؟

ده ممكن توصل بجد للاكتئاب ربنا يحفظنا منه لان الاكتئاب بعتبره مرض ومرض لعين كمان

طيب كمان وليه لما بنلاقي اللي حوالينا مش فاهمنا ليه احنا منحاولش نفهمهم هما ونتعامل مع اشمعني هما اللي مطالبين يفهمونا واحنا نستناهم يفهمونا ؟ طيب ما علي الاقل نحاول احنا نفهمهم وجهة نظرنا ولا ايه رأيك ؟


مستكه احبك في الله

[naughty eyes]

المشاركة الأصلية بواسطة sehr_3inik

naughty eyes


الــــــــــــــــــف مليون حمد الله على سلامتك يا ست الكل

الموضوع جميل جدا جدا جدااااااااااا تسلم ايدك

بصي ياستي بحس بالوحده

في حاجات كتير انتي قولتيها

اما اهلي يكونو نايمين بالليل واكون لوحدي صاحيه ساعتها بفتكر الموت

واما بكون وسط اهلي والكل بيتكلم مع بعضه وانا بفكر في حاجات ثانيه بحس اني وحسده تفكيري

وبجد اصعب احساس بالوحده

اما بتخنق جدا وبفكر كتير اوي ومش بلاقي حد اكلمه

اقرب الناس ليا مش موجودين دلوقتي

فصعب اوي اوي اما تعيطي ومش تلاقي حد يمسح دمعتك

ولا يخدك في حضنه ويواسيكي

ده اصعب احساس يالوحده

ويارب يارب محدش يحس بالوحده ابدا

تسلم ايدك ياروح قلبي

من اختك في الله شوشو

بصي يا شوشو الاحساس بالموت ده كلنا لازم بنحس بيه ..ده طبيعي

ثانيا .. طب ليا بنحط نفسنا في وضع يخلينا نحس بالوحده دي مثلا زي ما انتي قولتي بتتبقي اعده معاهم وانتي بتفكري في حاجه وهما في حاجه تانيه طب ليه مش بتشاريكم في اللي انتي بتفكري فيه ؟

شوشو

منوره