الحب لا يعرف الإستسلام

[حمادة حسام]

السلام عليكم ورحمة الله وبركاته



صرت أكتب وعن ماذا لا ادري.. هل هذا كلام مفيد؟؟



ما أكثر القصص التي تقول.. فلان أحب فلانة بجنون .. وهي كذلك بادلته نفس الشعور .. حباً بحب.. فمضت أيامهما سعيدة و جميله .. لاشيء ينغص عليهما فرحتهما



ولكن فجأة وبدون مقدمات .. يأتي سبب مجهول أو معلوم فيفرق بينهما .... وعندها تمحى الفرحة .. وتختفي الضحكة ..



فإذا سمعت أحداً يقول: لقد مات قلبي .. لا أريد أن أحب أحداً.. أو حتى أفكر في خوض تجربة جديدة.. قد تسخر منه وتقول مدعي .. أو كاذب.. فهو يقول هذا الكلام لأنه متأثر وبعدها سيثيب إلى رشده وسيحب مرة ثانيه وربما ثالثة ورابعة





ولكننا ربما لا نستطيع فهم شعور هذا الشخص.. و إحساسه..ولماذا كره الحب

.. إنها صدمة المحبين .. فعندما يفترقان .. تبقى الذكرى .. وتكون أشد مرارة من العلقم بكل ذكرياتها و تفاصيلها ..

خاصة إذا كان الحب صادراً من أعماقه بكل صدق .. وكان يعتبر من يحبه هو الحياة بأسرها ..



فهذا الشخص قد تربع في كياني و شغل حيزاً كبيراً من قلبي .. و كل يوم أذكره و أفكر فيه

فكيف سأنتزعه من قلبي .. بعد أن صار جزئاً منه ؟؟.... وكيف أتحمل أن يكون قلبي فارغاً من دونه.. العملية الجراحية أهون بكثير .. و لا استطيع أن أتخيل أن يحل أحد مكانه.. وإذا ما حدث فسيكون هذا الشخص غريباً يحتاج إلى محاربة.. كالجرثومة



لقد اختفت الأحلام وحلت مكانها الكوابيس و الدموع و الآلام.. وكلام كثير لانهاية له



حبيبان اثنان .. منفصلان

ما هي المبررات؟؟.. هل السبب اللذي أدى إلى انفصالهما قوي جداً ليتغلب على قوة الحب الذي كان بينهما؟؟ .. أم حبهما هو الأقوى !..



هل استمرت هذه الفرحة ؟ .. وهل دامت هذه الضحكة.. لا



فلو علم كل واحد منهما ما كان سيحدث له بعد ذلك.. و أن هذه العلاقة مصيرها الفشل.. لما أحب و لا حتى فكر أن يحب ... ولكن لا أحد يعلم الغيب.. فكل شيء مقدر و مكتوب عند علام الغيوب..



ولكن ماذا بعد الفراق؟.. هل انتهى الحب والغرام .. هل انتهى كل شيء و أصبح سقاماً و اختفى و إلى الله المشتكى .. و يعقب ذلك معاناة لا أول ولا آخر لها..



لماذا لا ينقذان هذا الحب قبل أن يموت ويقضى عليه ؟؟.. لماذا يرفض كلاهما إصلاح الحال .. قد يكون واحداً منهما يريد ذلك والآخر لا.. ربما والله أعلم



ولكن الكلام لا يجدي نفعاً.. فالأمر أصعب مما نتخيل.. الكبرياء و الغرور يمنع من ذلك .. وقد تكون المشكلة هي السهم الذي أقتلع هذا الحب و أنهاه



كل محب سيواجه صعوبات و تحديات و عثرات .. و التضحية مطلوبة منه



فأغلب المسلسلات المكسيكية المدبلجة إلى العربية .. وكل القصص تسير على نهج واحد ولكن الأسلوب يختلف .. و يبدأ المسلسل بالتكلم عن فتاة عشقت شاباً أو العكس .. ثم تنفصل عنه لأنها رأت منه تصرفاً مشيناً أو سمعت عنه كلاماً .. حقيقة أو إشاعة .. و الأسباب تختلف من مسلسل لآخر.. ولكن قلبها ما زال معه.. ولكنها توهم نفسها بأنها تكرهه و تضن أنه يكرهها أيضاً .. ولكنه مازال يحبها وهي تحبه .. وتجمع بينهما مناسبات عديدة.. و يواجه كل منهما المخاطر و التحديات و الكثير من الصراعات نفسيه .. و عندما تتقرب منه و توشك المياه أن تعود إلى مجاريها.. تحل كارثة أو مشكلة.. اتهامات.. خيانة .. كذب.. أحداث كثيرة وفوضى.. والنهاية كما هي

يلتم شمل الحبيبان.. ويقولان لن يستطيع أي كائن التفريق بيننا



إذا كنت قد عايشت قصة حب و انتهت فلا تحزن ولا تيأس .. فالله سيعوضك بعلاقة أطيب و أحسن منها .. والله مع الصابرين..



غلطة يغلطها أكثرهم إلا وهي.. انه عندما يحصل خلاف وينتهي بالمخاصمة يذهب ويبحث عن حب .. لعله ينسى حبه الأول..

[عتاب]

كلامك جميل اوى بس اسباب البعد بتختلف من موقف للتانى

فيه حب كبير بينتهى بسبب مشاكل عائلية زى ان الاهل يكونوا مش طايقين بعض
ده انا شفته بيحصل قدامى وماكنش فيه اى حاجة تتعمل لانقاذ الحب ده
وبالرغم من مرور سنين على اللي حصل الا ان الحب مازال موجود بس الفراق برده موجود

وفيه حب تانى بينتهى بسبب خيانة احد الاطراف وعدم قدرة الطرف التانى على التسامح ونسيان الالم
حتى لو الحب فضل موجود الثقة بتفضل غايبة وبالتالي الحب لوحده لا يكفي

وفيه حب بينتهي بسبب اختلاف الشخصيات يعني الحب موجود انما فيه عيوب في شخصية حد منهم مايقدروش يتعايشوا معاها
دى برده حاله شفتها . بسبب ضعف شخصية الحبيب حدث انفصال ولو ان الحب مازال موجود بس الاحساس بالامان غايب و ده برده ماينفعش

وفيه حب تانى بيفشل بسبب دخول طرف تالت في الموضوع . برده شفت التجربة قدامى (انا شفت كتير ههههههه) زى صديقه يكون بيحبها او صديقتها تكون بتحبه ووقتها فيه ناس بتضحى بالحب عشان الصديق والحب ممكن يفضل موجود بس ماينفعش يستمروا سوا

الحب اوقات مش بيصمد قدام الصعاب ومش معنى كده انه مش حب كبير
لا هو ممكن يستمر الحب موجود انما ماينفعش يكلل بالارتباط لاى سبب من الاسباب
فبيكون الافضل ان الحب ينتهى مع حدوث الانفصال عشان كل واحد يشق طريقه ويدور على حب جديد
افضل من ان كل واحد يعيش اسير الحب القديم وعذابه

اتمنى ماكونش طولت عليكم (قولوا طولتى ولا بيهمنى ههههههه)

[yasmina]

بصراحة اكتر حاجة عجبتنى فى الموضوع


هى العنوان ( الحب لا يعرف الاستسلام )


يعنى اللى بيحب بجد ممكن يعمل اى حاجة عشان اللى بيحبة وعشان يحافظ على الحب دة وعشان يوصلة

ويحاول مرة واتنين و....... وعشرة

لحد ما يول للى بيحة بس دة لو بيحب بجد

الأمر أصعب مما نتخيل.. الكبرياء و الغرور يمنع من ذلك .. وقد تكون المشكلة هي السهم الذي أقتلع هذا الحب و أنهاه

بس الموضوع مش موضوع كبرياء

موضوع( كرامة)

لماذا لا ينقذان هذا الحب قبل أن يموت ويقضى عليه ؟؟.. لماذا يرفض كلاهما إصلاح الحال .. قد يكون واحداً منهما يريد ذلك والآخر لا.. ربما والله أعلم

اعتقد ان اللى عايز يصلح الموقف على الاقل هيبقى فى محاولة

دة لو عايز حبيبة بجد زى ما قولت فى الاول هيحاول يوصلة باْى شكل

وخصوصا لو فى طرف من الاتنين حاول ولقى الرفض


حبيت اضيف ان اصعب حاجة ان حد ينسى (حب بحب )

[حمادة حسام]

انا عايز اعلق على كلمه واحدة قلتها ياسمين .


و هى ان ما فيش انسان يقدر ينسى حب بحب .


اعترف ان الكلمه ديه تجرى مجرى الحكمه .


شكرا يا ياسمين على رايك الجميل اوى اوى.

[حمادة حسام]

شكرا يا عتاب على رايك الجميل .


و انت لا طولت وله حاجه و حتى لو طولت عادى برحتك.

[فله]

كل حالة افتراق بتبأى ليها ظروفها الخارجه عن ايدينا أكيد مفيش مننا حد يحب يفترق عن احبابه
حاجه تانيه الحب عامل زي الحبل عمرو ما حيكون متماسك ومشدود الا اذا اتنين مسكوه وتشبثو بيه واول ماحد يمل او يزهق ويسيب الحبل يبقى ماسموش حب اسمو تعذيب للنفس بس احنا ما بندركش كدا وبنفضل متعلقين متوهمين انو ممكن يرجع زي زمان .. دي طبيعه البني آدم


بعد المحاضره دي بأى نفسي أسأل سؤال ؟؟
مش حاسين ان المنتدى قلب رومانسيه وشموع هو في ايه

[حمادة حسام]

شكرا يا فله على رايك الجميل ده .


و عجبنى اوى حوار الحبل دة .مثال اكتر من رائع.

[عتاب]

ههههههههههههههههههههههههههههههههههههه
فلة كلامك عسل والله عجبنى برده موضوع الحبل
وفعلا معاكى حق الرومانسية زادت مش عارفة السبب
خير ان شاء الله

[حمادة حسام]

انا مش واخد بالى من موضوع الرومنسيه ده ممكن حد يوضحه.

[yasmina]

حاجه تانيه الحب عامل زي الحبل عمرو ما حيكون متماسك ومشدود الا اذا اتنين مسكوه وتشبثو بيه واول ماحد يمل او يزهق ويسيب الحبل يبقى ماسموش حب اسمو تعذيب للنفس بس احنا ما بندركش كدا وبنفضل متعلقين متوهمين انو ممكن يرجع زي زمان .. دي طبيعه البني آدم

مية مية يا فلة

[Honey1900]

اصعب حب لما تلاقي اللي انتي بتحبه مبيحبكش


بصو يا ولاد مصر


اللي بيحب بيسامح مقولة غير كاملة
لأنه اكيد الحب لو رجع مش هيرجع زي زمان
قول للزمان ارجع يا زمان

اي انفصال بين 2 بيحبو بعض لو لسبب خارج عن ارادتهم هيرجعو زي ما كانو لانهم اساسا منفصلوش
اما لو بسبب احد الحبيبين فأكيد الرجوع مش هيكون سلس و ثموث بين ال 2

عموما انا افكاري مش مرتبة كفاية كدة و ابقي ارجعلكو بعدين

فاصل و ناخد شاي

[yasmina]

المشاركة الأصلية بواسطة honey1900

اصعب حب لما تلاقي اللي انتي بتحبه مبيحبكش


بصو يا ولاد مصر


اللي بيحب بيسامح مقولة غير كاملة
لأنه اكيد الحب لو رجع مش هيرجع زي زمان
قول للزمان ارجع يا زمان

اي انفصال بين 2 بيحبو بعض لو لسبب خارج عن ارادتهم هيرجعو زي ما كانو لانهم اساسا منفصلوش
اما لو بسبب احد الحبيبين فأكيد الرجوع مش هيكون سلس و ثموث بين ال 2

عموما انا افكاري مش مرتبة كفاية كدة و ابقي ارجعلكو بعدين

فاصل و ناخد شاي

بص يا هانى


اللى بيحب حب حقيقى ممكن يعمل اى حاجة عشان حبيبة
وعشان حبهم يعيش

دة صح


بس برضة لو حد فيهم ساب التانى لازم يكون فى الموضوع ( كرامة )

دة لو كان سابة واكتفى بكدة

اما بقى لو كان سابة وفكر ينتقم مثلا


تعتقد دة ممكن يكون حلة اية ؟؟؟؟؟؟

[Honey1900]

يا هلا يا سمسمة

الافكار لسه مش مترتبة بس اقدر اقولك ان اللي بحب ميكرهش

دا صح ميه ف المية الا طبعا لو عمل ف حبيبه حاجة لا تغتفر دي الحاله الوحيدة

( 5% عتاب عارفة النسبة دي )

انما اللي يفكر ينتقم دا اكيد مش بني آدم طبيعي انا من وجهه نظري انه يقوله ربنا يوفقك مع حد غيري و يتمني له الخير لأنه كان حبيبه ف يوم من الأيام

تصدقي بالله

و انا بكتب الكلام دا واحد صاحبي مشغل اغنية

انا لو حبيبك

مكنتش يوم تسيبني

ازاي بتقول نصيبك

وهان عليك تبيعني

حظكو كدة بقي

[جي جي]

الموضوع هايل يا حمادة
بس انا شايفة ان لو كل اتنان بيحبوا بعض وافتراقواحبوا يرجعوا تانى لبعض بس كل واحد فيهم هيقول كرامتى عمرهم مهايرجعوا لبعض لازم يقدموا شوية تنازلات هما الاتنين علشان حياتهم مع بعض تكون سهلة من غير مايكون فيها كبرياء كدة ممكن يرجعوا احسن من الاول كمان

[yasmina]

المشاركة الأصلية بواسطة جي جي

الموضوع هايل يا حمادة
بس انا شايفة ان لو كل اتنان بيحبوا بعض وافتراقواحبوا يرجعوا تانى لبعض بس كل واحد فيهم هيقول كرامتى عمرهم مهايرجعوا لبعض لازم يقدموا شوية تنازلات هما الاتنين علشان حياتهم مع بعض تكون سهلة من غير مايكون فيها كبرياء كدة ممكن يرجعوا احسن من الاول كمان

اية يا جىجى الحاجات الجامدة دى