بحبها ؟؟؟؟؟؟!!!!!!!!!!!!!!!!!!!!!!!!

[رؤيه]

بلدى الجميله بحبها
بالرغم من كل اللى بايدهم لوثوكى
وظلموكى
رغم الفساد والاستبداد
رغم كل المحاولات الكتيره انهم عنى يبعدوكى
بلدى الجميله بحبها
انتى الوحيده فى الدنيا اللى فهمانى
واويانى
ورعيانى
انتى الوحيده اللى شهدتى اول ايامى
انتى الوحيده التى رسمتى معايا كل احلامى
انتى الوحيده التى اقدر فيهاانى اعيش
اجمل واسعد ايامى
بلدى الجميله بحبها
بطيبتك وبعظمتك
برقتك وبقوتك
بخفتك وباصالتك
بجمالك وبعراقتك
بروحك الحلوه وطهارتك
بقلبك الواسع وبكرامتك
باحتوائك ليا بحبايبك
بلدى الجميله بحبها
بحبها ومش حاقدر انى فى غيرها اعيش
ولو ليا فيها الف لقمه عيش
ده اللى بينا حلم اتولد ولازم بينا يعيش
ده اللى بينا حكايه عشق طويله
وتجارب وايام وتاريخ واحلام كتيره
ده اللى بينا مش حيقدر اى حد يوصفه
وجمالك مهما حاولو مش حيقدر اى حد يشوهه
وتاريخك مش حيقدر اى حد يحرفه
بلدى الجميله بحبها
فيها اتولدت وفيها كبرت
وفيها حاموت
وذكرياتك بيا محفوره مهما الايام بينا تفوت
والعالم جنب حسنك وجمالك ينكسف
وتضيع ملامحه وينتلف
فى حضنك انتى وحدك باعرف يعنى ايه امان
فى قلبك انتى بس عرفت يعنى ايه معنى الحنان
بلدى حبيبتى مستحيل انى اكون لغيرك
مستحيل انى الاقى قلب زى قلبك واقدر اسيبك
مستحيل ولو حالف العالم حته حته
مستحيل ان غرامك جوه قلبى ينقص شبر
ده انتى حبيبتى اول قصيده كتبها جوه قلبى الحبر
حبر الدموع والشوق وحكايات الصير
مش حاكون ابدا لغيرك
ده اللى بينا مش مجرد كلام وانكتب
ده اللى بينا دمع غالى من كتر اشواقى وانا فى حضنك انسكب
لا يا حبيبتى ده انا ليكى وانتى ليا
وانتى الوحيده الى بتحسي فى صمتى باللى فيا
الام فراقك واشواقك وانا جنبك مش حيهونها غيرك عليا
..........................
كل اللى بيحاول يشهوه صورتك
ده مش ابنك ولا يستحق انه يعيش يوم واحد جوه حضنك
كل اللى بيسرق وينهب ويقتل ويظلم
ده مش ابنك ولا يستحق انه يعيش يوم واحد جوه حضنك
كل اللى يخطف ويجرى وكانه راكب مجرى
ده مش ابنك ولا يستحق انه يعيش يوم واحد جوه حضنك
كل اللى بيخون واخواته عليه تهون
ده مش ابنك ولا يستحق انه يعيش يوم واحد جوه حضنك
كل اللى بيموت ضميره وبيقول وانا مالى
المهم فى الاخر اللى بيه حازود مالى
ده مش ابنك
كل اللى مش يبالى وفى تمن خيانتك بيغالى
ده مش ابنك
كل اللى بيخرب ويهدم ويحرق
ده مش ابنك .
كل اللى بيعطل مراكب ربنا السايره
والناس فى امره مش فاهمه وحايره
ده مش ابنك
كل اللى بيمص من اخوه الغلبان دمه
كل اللى بايده ياخد حق مش حقه
ده مش ابنك
كل اللى واقف بيتفرج
ويقول صعبانه عليا ومش بيغير
ده مش ابنك
كل اللى هجرك وخانك وبشويه اوهام باعك
وراح لوحده تانيه ونسى حنانك
ده مش ابنك ولا يستحق انه يعيش يوم واحد جوه حضنك
وصدقينى مش حيلاقى فى الدنيا زيك مثيل
وحيرجع لك بعد فوات الاوان ندمان وحزين
من شوقه ليكى وبعده عنك شريد وعليل
وحتسامحيه
وجوه عينك تشيليه
لان قلبك ياما شال كتير وقليل
عرفتى ليه باه انى بحبك
لانى ما لقيت ليكى فى الدنيا شبيه ومثيل
................................
فى انتظار رايكم لانه يهمنى جدااااااااااااااااااااااااااااا

[نبض القلب]

جملية جدا وفيها معنى الحب وخاصة الحب الكبير للوطن

اطيب تحياتي

.

[عتاب]

ميرو حبيبتى
ايه الجمال ده
احساسك جميل اوى
كتير مننا مش بيحسوا بحضن الوطن وحنانه
كتير مننا مش بيشوفوا جمال الوطن
كتير مننا مش بيحسوا بمعنى الوطن
بجد كلامك جميل اوى واحساسك رائع
تسلم ايديكي

[بكــار]

الشعر الوطنى
مش صعب قوى
لسبب واحد
لانه بيكون خارج من قلب يشعربه
عشان كدا بنقول عليه سهل ممتنع
تحياتى لقلب حقا يشعر بالوطن

[أحمد سليمان]

هو انا حاولت اجاريكى بس ما ينفعش فى حب الوطن اقول

[نيهال]

عجبتنى قوى
والاجمل ان لسه مننا بيحبها
برغم كل شئ
بنحبها





تسلم ايديكى يا جميل

[Honey1900]

الله عليكي يا اميرة

اتمني يكون الكلام دا يتحقق

عشان مصر ام الدنيا و كلنا بنعشق البلد دي

رائع يا اميرة

للاماما دائما

[رؤيه]

شكرا على مروركم الجميل ده بجد ما كنتش فاكره انها حتعجبكو اوى كده
يارب ما تكونيش بتجاملونى بس
مصر بخير وحتفضل طول عمرها بخير مهما حصل
كل سنه وانتو بالف خير وربنا يعود عليكو الايام بخير اسفه انى اتاخرت عليكو فى الرد بس مش بادخل المنتدى كتير

[احمد محرم]

الوطن ممكن يخلى الواحد يقول كل ده أنا باقول بحب مصر وبس وجارى عراقى بيقولى بحب العراق انما محدش بيعرف يقول كل ده يابختك الصراحة عرفتى تجيبى كل اللى جواكى ويابخت مصر بيكى واللى زيك وكمان يابخت المنتدى بيكى

[dodo3]

رؤية احساسك روعة وكلامك اجمل فعلا بلدنا كتير بتتظلم وللاسف من اهلها والغريب ان احنا مش مقدرين اهميتها والي مقدرها مش من اهلها الغرب هم الي مقدرين قيمتها واحنا للاسف خايفة بحي يوم نلاقيها مش معانا نلاقيها في ايد حد تاني ونكي بدل الدموع دم ونعرف قيمتها ياريت نعرف قيمتها دلوقتي احسن من بعدييييييييين بعد ما يفوت الاوان بحبك يا بلدي وحافضل احبك لاخر يوم في عمري ولاخر نقطة دم في جسدي وتقبلي مروري