كيف تكسب صديقا في 3 ايام

[ابو ماجد]

السلام عليكم

طبعا من العنوان مش لازم تكسب الصديق فى 3 ايام بالظبط دا بس عشان الديكور و كده

مش عايزين نتكلم فى الفاضى و ندخل فى الموضوع على طول

كتير مننا بيقابل شخصيات كتيرة محترمة و بيبقى نفسه يصاحبها و يكسب ودها
ازاى ممكن تكسب ود اى شخص مش عارفه
انا اعتقد الاتى :

1 - انا دايما فى اعتقادى ان الانطباع الاول يدوم لان الانطباع الاول بيثبت معلومات كتيره اوى عن الشخص اللى قدامك فلازم ان يكون انطباعك الاول كويس اوى
يعنى المظهر العام و طريقى كلامك و انفعلاتك

2 - الاهتمامات المشتركة طبعا ليها اهمية جامدة اوى فاذا نويت انك تصاحب شخص بيهتم بالسيارات فمن المهم جدا انك تعرف اى معلومات عن السيارات و لو سطحية فمجرد انك تبدى اهتمامك بحاجة هو مهتم بيها بيكون اول مفتاح لبداية الحوار و تكسر الثلج من اولها

3 - طبعا لازم فى اول لقاء تقابله بالابتسامة و مش لازم تكشر فى وشه اوى يعنى خليك فريش عشان ربنا يفتحها عليك

4 - اكيد لازم اللى بتكلمه يكون عينيك فى عينيه او على الاقل تركز معاه و متبصش يمين و شمال لان دا بيدى انطباع انك مش مهتم او انك متكبر عليه او مش فاضيله

5 - اتذكر اسمه كويس اوى و ناديله باسمه دايما لان الناس بتحب اللى ينادلها باسمها دا بيدى انطباع انك مهتم بيه و تحترمه

6 - حاول انك تجامله مجاملات بسيطه يعنى على طريقة لبسه او على راى من اراءه عجبك و ابدى اهتمامك بالموضوع اللى بيكلمك فيه حتى لو ميهمكش او مش مندمج معاه فيها لكن هو اكيد يهمه الموضوع اللى بيتكلم فيه

7 - انتهز اول فرصة لتقدم اى خدمه ليه بمعنى انك تسبق بالخير زى ما بيقولوا دا بيدى انطباع انك خدوم و ممكن تفيده و ممكن تبقى صاحبه ليه لا

8 - حاول تعرف اكبر قدر من المعلومات عنه و عن اصحابه و عنوانه .... الخ بحيث تقدر تستنج عاداته و انفعالاته و بمعنى اصح اعمل تحريات عنه

9 - طبعا بعد كده لازم و ضرورى تعمله شوية اختبارات و تجارب عشان تشوف هيتصرف ازاى فى مواقف تتطلب الجدعنة و كده

10 - لو نجح فى الاختبارات اكيد انت كده جاهز لانك تضمه لاصدقائك و بالتالى لازم تعرفه عليهم واحد واحد بحسب ميول المجموعة مش بالضرورة تعرفه على كل اصحابك ..

11 - اخيرا و ليس اخرا اعتقد كده قدرت تكسبه صديق ليك و لكن يبقى الاهم دائما و هى العشرة الطويلة المدى التى لا يمكن ان تعرف ماذا تخفى عنك و عنه

يا ريت يا جماعة لو حد عنده اى نصائح اخرى يتفضل يشارك

و يارب نبقا كلنا اصحاب و اصدقاء

اليكم تحياتى

[maysam]

اهلا ابو ماجد

ههههههههه انا فعلا قلت 3 ايام ايه دول

الواحد احيانا بيحتاج عمر بحاله عشان يقدر يفرق بين الصديق وغير الصديق

عموما هي نقاط جديرة بالتفكر لانها كلها بتساعد في كسب الناس كلها

اي علاقة مبنية على الاحترام وعدم التكلف والتصنع والصدق بتكون ناجحة حتى لو اختلفت الشخصيات بالرأي

هو الواحد سهل جدا يكسب ناس كتير حواليه بس الصعب انه يقدر يحافظ على العلاقة بنفس المستوى

واي علاقة تدخل فيها المصالح اكيد بتنتهي بسهولة مع الوقت

[ابو ماجد]

المشاركة الأصلية بواسطة maysam

اهلا ابو ماجد

ههههههههه انا فعلا قلت 3 ايام ايه دول

الواحد احيانا بيحتاج عمر بحاله عشان يقدر يفرق بين الصديق وغير الصديق

عموما هي نقاط جديرة بالتفكر لانها كلها بتساعد في كسب الناس كلها

اي علاقة مبنية على الاحترام وعدم التكلف والتصنع والصدق بتكون ناجحة حتى لو اختلفت الشخصيات بالرأي

هو الواحد سهل جدا يكسب ناس كتير حواليه بس الصعب انه يقدر يحافظ على العلاقة بنفس المستوى

واي علاقة تدخل فيها المصالح اكيد بتنتهي بسهولة مع الوقت

ليه مستغربه ثلاث ايام.....

ثلاث ايام بالعربي .. ممكن نكون سنه ..او سنتين ..

لما نحدد ميعاد مع شخص نقول له دقيقه ونا جاي لك.. يعني .احسبي كام تصبح الدقيقه ممكن تطووول ..

المهم.. طبعا الثلاث ايام ديكوريشن ..على غرار تعليم اللغه الانجليزيه بثلاث ايام


مره تانيه المهم ..

فعلا الاهم من كسب الصديق هو المحافظه علي الصداقه .تشكراتي