عارفين ايه اجمل حاجة؟

دقه قلب · 12-10-2006, 02:21 AM

اِنك تلاقي حد يحبك قوي وتحبه

انك تضحك لدرجة اِن عينك تدمع من كتر الضحك

انك تاخد حمام دافى بعد يوم عمل شاق

انك تدخل السرير فى عز البرد وتنام فى الدفا على صوت المطر

تجد الجاكيت اللى نفسك تجيبه بنصف السعر

حد يقولك قد ايه انت هايل وجميل

تقعد تحكى وتتكلم مع صديق

تحط اِيدك فى جيب الجاكيت اللى بقى لك سنة ملبستوش وتلاقى فيه ]
20 جنيه

تشوف الفرحة فى عيون صديق أو حبيب لما تجيب له الهدية اللى كان عايزها
من زمان

تقعد وقت الغروب فى وسط الغيطان وتتفرج على الساقية

تلاقى حد يضحكك وانت دموعك على خدك

تشرب حاجة سخنة وانت واقف تحت المطر

حد يعملك مفاجاة
جميلة

تصحى من النوم كل يوم الصبح تبتسم وتشكر ربنا على يوم تانى جميل هتعيشه

radwa · 12-10-2006, 02:27 AM

جميل اوى يا دقة قلب

ممكن اضيف

انك تشوف ضحكه طفل

انك تحس برضى ربنا ورضا والديك عليك

انك تقدر تسعد اى شخص حتى لو بكلمه

انك تلاقى الفرحه فى عيون اللى حواليك بسببك

انك تدخل منتدى ابناء مصر وتلاقى ناس جميله زى دقة قلب

دقه قلب · 12-10-2006, 02:40 AM

ميرسى يا رضوى

بجد اضافتك مميزة جداااااااااااا

امنية · 12-10-2006, 03:53 AM

شكرا على الكلام الجميل

واحب اضيف

احلى لحظه يوم ما تقايلى صديقه عزيزة عليكى واحشاكى وتاخديها بالحضن

احلى حاجه لما يوم ماتتمنى حاجه تلاقى حد جابهالك من غير ما تقولى

احلى بسمه بسمه الفقير المحتاج لما يلاقى حد مهتم بيه

دقه قلب · 12-10-2006, 03:59 AM

إقتباس:

احلى بسمه بسمه الفقير المحتاج لما يلاقى حد مهتم بيه

طبيعى ان تكون الاضافه مميزة من شخصيه مميزة
تحياتى لك امنيه مع خالص احترامى وتقديرى

امنية · 12-10-2006, 04:14 AM

ربنا يكرمك

نيهال · 12-10-2006, 06:22 AM

إقتباس:

المشاركة الأصلية بواسطة دقه قلب

اِنك تلاقي حد يحبك قوي وتحبه

يااااااااااااااااااااااااااااه
وتلاقيه حاسس بالمك وانت بعيد
اجمل حاجه....لما تحس بدموع الفرح فى عيون اللى بتحبه
وهو فرحان وسعيد انك معاه

إقتباس:

المشاركة الأصلية بواسطة دقه قلب

انك تدخل السرير فى عز البرد وتنام فى الدفا على صوت المطر

الله
فكرتينى بايام الكليه زمااااااااااااااااااااااااان( من كام شهر)
هههههههههههههههه
كان احلى وقت وانت نايم والدنيا بتنزل تلج بره
ههههههههههههههههه

إقتباس:

المشاركة الأصلية بواسطة دقه قلب

تشوف الفرحة فى عيون صديق أو حبيب لما تجيب له الهدية اللى كان عايزها

إقتباس:

المشاركة الأصلية بواسطة دقه قلب

من زمان

جميله قوى

إقتباس:

المشاركة الأصلية بواسطة دقه قلب

تقعد وقت الغروب فى وسط الغيطان وتتفرج على الساقية

اجمل منظر ممكن تتخيله هوه وت الغروب وسط الزرع الاخضر بس يكون معاك كوزين دره والقعده تبقى جناااااااااااااااان
هههههههههههه

إقتباس:

المشاركة الأصلية بواسطة دقه قلب

تلاقى حد يضحكك وانت دموعك على خدك

radwa · 12-10-2006, 08:16 PM

إقتباس:

المشاركة الأصلية بواسطة دقه قلب

ميرسى يا رضوى

بجد اضافتك مميزة جداااااااااااا

اشكرك بشده حتى تستغيثى

snow white · 13-10-2006, 04:45 AM

يااااه يادقه قلب
بجد حاجات جميله جدااااا
وكلها واقعيه وبتحصل وقد ايه الواحد بيبقى سعيد بيها

تسلمى ياقمر

maysam · 13-10-2006, 11:25 PM

بالنسبة لي اجمل شيء على الاطلاق انك تحس بالأمان بكل أنواعه!!!

عارفين ساعات شيء تافه جدا وبمتناول اليد وقدامك ومالوش اهمية ، بظرف وموقف معين يمكن يكون اجمل شيء بتحصل عليه ! هههههه

اجمل شيء يا دقة قلب هو تفاعلكم ومشاركاتكم

دقه قلب · 14-10-2006, 02:04 PM

إقتباس:

اجمل شيء يا دقة قلب هو تفاعلكم ومشاركاتكم

العفو يا فندم افضل شىء بالنسبه لى هى مرور حضرتك

بكــار · 14-10-2006, 08:00 PM

جميل وهضيف
شيء
انك تعطى دون انتظار المقابل
انك تفعل ما يمليه عليه ضميرك
انك تحب للناس الى بتحبه لنفسك
انك تسامح
انك تغنى وانت فى قمة الحزن
انك تعيط وانت فى قمة السعاده
تحياتى

خيارات الموضوع
عرض نسخة للطّباعة ارسل هذه الصفحة لصديق
طريقة العرض	قيّم هذا الموضوع
النمط الخطي التحويل إلى النمط الشجري التحويل إلى النمط المتطوّر	قيّم هذا الموضوع: