وننسي..

[naughty eyes]

طول ما احنا عايشين عايشيين نشوف وننسي

والجرح مهما كان بينزف شويه وبيطيب وننسي

طب ولو كنا احنا اللي بنجرح كمان هنقول هننسي ؟

ولو اتجرحوا اللي مننا بنام ونقوم وبرضو ننسي

شعورك ايه وانت مجروح من اقرب الناس ليك ؟ بتبقي عاوز تردلهم الألم ولا بتسامح وتنسي ؟

ولو طيبوا خاطرك بكلمتين بيهونوا عليك الجرح مهما كان ؟ ولا مبيأثرش ولا في الوقت ولا في المكان ؟

لو جالك في وقت تكون هديت وفي بيتك تكون حنيت ؟ ولا تقسي وانت نفسك تنسي السماح وما تنسي الألم والجرح ؟

ولو جرحت غيرك بتبقي عاوز تنسي انك جرحت ومتنساش انه يسامحك ؟.

وايه اخرة النسيان اللي علي المزاج يا تري احنا بننسي ولا احنا اللي بنقول هننسي وبنحاول فعلا ننسي ؟

اسئله كتير محيراني فيك يا زمن وفيكم يا بشر يا اللي انا منكم ... منها النعمه اللي اخدنها وبيها بننسي اننا عايشين عشان ننسي ؟

وفيه قلوب فينا سوده مهما عملت واتعمل فيها ولا بتنسي ..

للكرهه والحقد والغل ما بتنسي شايله ومستنيه وقوعك يا عامل العمله عشان تنتقم وتنسيك وهيا اللي تنسي ..

وقلوب بيضا عمرانه نفسها تنسي ولو بكلمه حب تداوي الجرح لازم هتنسي ..


وننسسسسسسسسسسسسي ..

انسوني بقي ..هههههههههه

كلامي اللي فات مليان أسئله اللي يفهمها يجاوب واللي ما يفهمها ينسي ..

اختكم الشقيه

[Honey1900]

جميل ليا عدوة بس علي الله مش انسي

[Honey1900]

عودة *

[نيهال]

المشاركة الأصلية بواسطة naughty eyes

طب ولو كنا احنا اللي بنجرح كمان هنقول هننسي ؟

ده لو احنا مش بنحس اصلا
وما بعتقد حالنا هيك

المشاركة الأصلية بواسطة naughty eyes

شعورك ايه وانت مجروح من اقرب الناس ليك ؟

المشاركة الأصلية بواسطة naughty eyes

بتبقي عاوز تردلهم الألم ولا بتسامح وتنسي ؟

بكون متغاظه
لكن لو اللى زعلت معاه او جرحونى كانوا بنيه سليمه فطبعا حاسامحهم

المشاركة الأصلية بواسطة naughty eyes

ولو طيبوا خاطرك بكلمتين بيهونوا عليك الجرح مهما كان ؟

منغير كلام
هههههههههه

المشاركة الأصلية بواسطة naughty eyes

ولو جرحت غيرك بتبقي عاوز تنسي انك جرحت ومتنساش انه يسامحك ؟.

صعب قوى انى اعر انام وانا عارفه انى ظالمه حد
ما بقدر

المشاركة الأصلية بواسطة naughty eyes

وايه اخرة النسيان اللي علي المزاج يا تري احنا بننسي ولا احنا اللي بنقول هننسي وبنحاول فعلا ننسي ؟

يااااااااااااااااااااااه
يا رب ما يحرمنا من النسيان ابدا
بجد دى نعمه كبيره قوى
والمشكله فيها اللى بنكون عايزين ننساه غصب عننا

المشاركة الأصلية بواسطة naughty eyes

وفيه قلوب فينا سوده مهما عملت واتعمل فيها ولا بتنسي ..

شوفتها ومش صدقت انى قابلت حد كده
يع

المشاركة الأصلية بواسطة naughty eyes

وقلوب بيضا عمرانه نفسها تنسي ولو بكلمه حب تداوي الجرح لازم هتنسي ..

الحمد لله كل الناس اللى بحبهم كده

المشاركة الأصلية بواسطة naughty eyes

انسوني بقي ..هههههههههه

لا
انتى اللى تنسى


هههههههههههههههههه
موضوع جميل

[maysam]

اهلا يا نرمين

فكرتيني بمثل بيقول: الأسى عمره ما يتنسى

الاساءة لما تيجي من اشخاص قريبين وبنحبهم ، بتكون اقسى ، لمجرد ان الناس دي بتهمنا وبنحبها فما بنتوقعش منها الجرح

النسيان بيعتمد على حجم الاساءة وهل هي مقصودة ولا مش مقصودة

الانسان كمان ربنا من عليه بنعمة النسيان عشان الحياة تستمر
لكن برضو في حاجات ممكن نتناساها فقط انما ما ننساها ، يعني ممكن نعمل زي مخدر موضعي ، بتخدرنا لوقت معين بس كل ما نفتكرها نرجع نفتكر الجرح

عموما انا من النوع اللي بنسى بسرعة ..لكن لو حسيت ان الاساءة موجهة بقصد ، بيبقى صعب جدا اني انسى ،، بس ممكن اعمل ناسية عشان الحياة تمشي

[رؤيه]

المصيييييييييييييييييييييييييييبه ايوه المصيبه انى بانسي .بانسي اى حاجه مهما كانت ومن اى حد ومش عارفه ده صح ولا غلط وممكن ده حد يستغله غلط ولازم اتغير ولا افضل زى ما انا مش عارفه بجد انتو شايفين ايه ؟؟؟؟؟؟؟؟؟؟؟؟؟
مشكوره حبيبتى على الموضوع الجميل زيك وكل سنه وانتو طيبين بردوووووووووو

[عتاب]

[quote=naughty eyes]طول ما احنا عايشين عايشيين نشوف وننسي
ولا ننسى اعز الناس حبايبنا

والجرح مهما كان بينزف شويه وبيطيب وننسي
فضل ونعمة والله يا اختى

طب ولو كنا احنا اللي بنجرح كمان هنقول هننسي ؟
دى تبقى بجاحة بعيد عنك

ولو اتجرحوا اللي مننا بنام ونقوم وبرضو ننسي
لا مش بالسهولة دي انما بنحاول ننسيهم جرحهم وننسى معاهم

شعورك ايه وانت مجروح من اقرب الناس ليك ؟ بتبقي عاوز تردلهم الألم ولا بتسامح وتنسي ؟
جينا للاسئلة الصعبة بقا
بحس ان الدنيا ماعدش فيها ملجأ ليا . باخد جنب من الناس والجأ لربنا
على حسب مكانة الناس دى عندي ونوع الجرح اللي سببهولي
لو الجرح كلمة باتمنى يسمعوها عشان مايجرحوش تاني بس ده بيكون في لحظة حدوث الجرح عندي . انما بعدها بدقايق بارجع اسامح مش بس عشان بحبهم
لكن انا باتخيل اشياء غريبة مع اى حد بيني وبينه خلاف (حتى لو الشخص ده مش يهمني) باتخيل انه لو مات وهو في القبر شكله ازاى وقتها بقول عفا الله عما سلف والدنيا ماتستاهلش وماحبش يتعذب بسببي لانى اكيد وقتها هايصعب عليا
طيب جربوا كده لما تزعلوا من حد تتخيلوه وهو ميت لا قدر الله وشوفوا هاتفضلوا زعلانين والا هاتسامحوا


ولو طيبوا خاطرك بكلمتين بيهونوا عليك الجرح مهما كان ؟ ولا مبيأثرش ولا في الوقت ولا في المكان ؟
عادة انا زعلي من اللي بحبهم عبارة عن منحنى بيطلع وينزل. يعني لحظة ما الجرح يحصل بالظبط بكون متخدرة مش حاسة بشيء لحد ما افوق من الصدمة وافكر فالمنحنى يوصل للقمة وبعد مرور فترة المنحنى بينزل مع الوقت لحد مايختفي تقريبا وكل ده بيحصل سواء اللي غلط اعتذر او لا
يعني اللي هايطيب خاطرى وانا متخدرة يبقى لحق نفسه انما اللي حظه ييجي في لحظة قمة الزعل يبقى لو عمل ايه هافضل زعلانة لما المنحنى ينزل لوحده. عشان كده اللي مش بيلحقني من اصحابي في بداية المنحنى بيكونوا عارفين اني لازم اخد وقتي لما المنحنى ينزل تاني بس مايمنعش انهم يعتذروا عشان المنحنى ينزل بسرعه هههههه حد فاهمنى؟؟؟

لو جالك في وقت تكون هديت وفي بيتك تكون حنيت ؟ ولا تقسي وانت نفسك تنسي السماح وما تنسي الألم والجرح ؟
انظر اعلى الصفحة ههههههه . طبعا لما اكون هديت هاتناسى الجرح واسامح(لان ذاكرتي قوية ومش بانسى ) . بس انا باتمنى اللي يلحقني قبل ما ازعل اساسا عشان زعلى وحش هههههههه


ولو جرحت غيرك بتبقي عاوز تنسي انك جرحت ومتنساش انه يسامحك ؟.
لو جرحت حد دى بقا كارثة لان فيا عيب خطير جدا وهو ان احساسي بالذنب عالي شوية . يعني اذا حسيت فيه حد زعلان مني حتى لو هو اللي فاهم غلط وانا مش زعلته اساسا حياتي بتتقلب نكد في نكد . وافضل اقول لنفسي ربنا هايحاسبني عشان مزعلاه وكمان بابقى زعلانة ان الشخص ده هاياخد فكرة وحشة عني وممكن يكرهني . عشان كده حتى لو زعلانة من حد وهو زعلان منى في نفس الوقت بافضل اننا نتكلم ونتصافى او نتناسى الزعل لاني مش باستحمل ان حد يزعل مني نهائي


وايه اخرة النسيان اللي علي المزاج يا تري احنا بننسي ولا احنا اللي بنقول هننسي وبنحاول فعلا ننسي ؟
لو الجرح كبير بنتناسى عشان نقدر نعيش ونكمل


وقلوب بيضا عمرانه نفسها تنسي ولو بكلمه حب تداوي الجرح لازم هتنسي ..


موضوع مميز من شخصية مميزة

[دقه قلب]

موضوع جميل نيوتى ايز

بصى لو انا اللى جرحت حد بفضل اعتذر بشده وبزعل من نفسسسى جدااااااااااااااااااا بجد يعنى ممكن اكتئب ايام طويله ومش بسامح نفسى الا لو هذا الانسان سامحنى

لو حد جرحنى يبقى على حسب لو انسان قريب منى جدااا بيبقى صعب انى انسى الا اذا تاكدت فعلا انه ما كان يقصد
ولو مش اتاكدت او حصل وتاكد ان الجرح هذا مقصود بيبقى صعب انى اسامح يعنى بدل ما اقول سامحت وكلام وخلاص بيفضل قلبى واجعنى من هذا الجرح لاء جرح الناس اللى بحبهم صعب اووى عليا

لو حد مش قريب منى بيبقى الموضوع ابسط الانى بفترض دائما النيه الحسنه وانه مش يعرفنى ف الجرح غير مقصود

رغايه اوى انا
تحياتى لموضوعك الجميل