احسست في السابق بانك مقصر باتجاة القضيه الفلسطنيه

[MoHaMeD NaSSaR]

السلام عليكم ورحمة الله وبركاته

هل احسست بانك مقصر اتجاة القضية الفلسطنيه ؟


وهل تعتبر القضيه الفلسطنيه ثانويه بالنسبه لك؟


ما الرابط بينك وبين الشعب الفلسطيني ؟


هل يربطك به رابطة اللغه والقوميه ام رابطة الاسلام ؟


هل تعتبر مشاركتك بممنتدى فلسطين بمثابة تقديم شيء للقضيه الفلسطنيه؟؟

[دقه قلب]

الحقيقه مشاركتى بالمنتدى مش بحس انه شىء للقضيه


فلسطين كانت ومازالت قضيه اساسيه ولكن اللى بيحصل هناك بجد يوجع القلب ويخلى الانسان فعلا مش عايز يتابع اخبار


يربطنا بفلسطين الدين والدم واللغه والقدس قبل كل شىء


مقصر تجاه فلسطين !!!!!!! الحقيقه فعلا انى مش عارفة

[MoHaMeD NaSSaR]

بيحصل هناك بجد يوجع القلب ويخلى الانسان فعلا مش عايز يتابع اخبار

هذا هو الحل السوي برايك يا دقة قلب

لانه الي بيحصل بفلسطين بيوجع القلب نتهرب من ذلك ونحاول ننسى وعدم سماع الاخبار

ممكن انا فاهم قصدك انه علشان قلبك ما يوجعك اكتر بتفضلي ما تشوفي اخبار

لكن اليس هذا نوع من التهرب يا دقة قلب؟؟

[دقه قلب]

مش عارفة بصراحه يا نصار يعنى وانا لما اتابع ويتحرق دمى ايه هيتغير انا مش هناك مش فى فلسطين يمكن كنت قدرت اعمل حاجة
يمكن

[MoHaMeD NaSSaR]

انت لما يكون انسان بتحسة انه في رابط بينك وبينه

لا ترغبين بمعرفة اخباره او حتى معاناته؟؟

[دقه قلب]

فى مثل انجليزى بيقول

)no news good news

يعنى مفيش اخبار تبقى الاخبار حلوة
بصراحه انا تعبت اوى لما تابعت اللى حاصل بين حماس وفتح واللى بيحصل كل يوم والدنيا ساكته كان مفيش حد بيتقتل

دمنا رخيص للاسف رخيص حتى علينا احنا

انا استخدمت المثل ده عشان اقول انى بعمل لنفسى كان مفيش اخبار سميها دفن الرؤوس فى الرمال او ماشئت بس حقيقى شويه وهرجع اتابع
اصل ده طبع

[نيهال]

انا ما بنكر انا كنت زى اى واحد بيتفرج على الاخبار وبيؤلمه كل اللى بيحصل
لكن لما تحس ان فيه ناس اصحابك بجد هناك
وممكن يكونوا اللى بيحصل لهم كده
وقتها حسيت انى مقصره
ولغايه دلوقتى مقصره ولغايه ما القدس تتحرر حاكون مقصره
دى بلادنا اللى بندافع عنها
مش لينا دعوه بالحدود والكلام اياه
فى الاخر احنا وطن واحد
وديننا الاسلام
ومسجدنا الاقصى بيهان


وانا ضعيفه قوى
وبحس كل يوم انى ضعيقه
لانى نفسى اعمل حاجات كتير ومش قادره

[عتاب]

بتسأل هل انا مقصرة والا لأ !!!!
ومين فينا مش حاسس انه مقصر في حق فلسطين
مين فينا راضي عن نفسه تجاه القضية الفلسطينية
طيب حد فينا يدخل يقول حاجة مفيدة بيعملها للقضية الفلسطينية واحنا نعملها معاه
فلسطين حته مننا مش هاقول زينا في الدين والعروبة . لا فلسطين هى جزء مننا
مع الاسف انا اول المقصرين في حق فلسطين الحبيبة

[MoHaMeD NaSSaR]

كل الناس مقصره اتجاه القضية الفلسطنيه حتى الفلسطنين نفسهم لاجل ذلك كان هدفي من الموضوع هو معرفة مدى الانتماء والشعور بالتقصير اتجاه القضيه الفلسطنيه

وما الحل حسب رايكم


هو الحقيقه تقال وليست مجامله هو ان الشعب المصري من اكتر الشعوب العربيه والاسلاميه متتعاطف مع القضيه الفلسطنيه بغض النظر عن موقف الحكومات


يعني انا مره عضو قلي انه اخته الصغيره كانت تحرم نفسه ا من مصروفها وتوفره علشان تبعته للفلسطنيه