موضوع جميل فعلا ياعتاب
طيب عشان نكلم مظبوط لازم نحدد الاول :
- ايه هو المنكر ؟
- انا هنصح مين ؟
- وازاي ؟
طبعا انتي هتقولي المنكر معروف وواضح وانه اي حاجه مخالفه للشريعه
انا معاكي لكن الناس انهارده نظرتها للامور اختلفت انا معاكي انها ثوابت ومفيهاش قولان
لكن عشان تعرفي توصلي للناس صح
مثلا اللي بيغش في الامتحان ده مش غلط ؟
بس لو جيتي قلتي ده منكر ولا زم نغيره ناس كتيره هتقولك ده العادي وهو المدرسين عنهم زمه اصلا ؟
الناس بات شايفه انه شيء طبيعي جدا دلوقتي
بلاش دي اللي بياخد اكراميه عشان يمشي مصلحه لواحد تانيه ولازم ياخدها
مش تعتبر رشوة مقنعه ؟ قولي ده منكر محدش هيمشيلك اي حاجه
طبعا فيه حاجات بلاوي غير الامثله اللي انا قلتها دي
وكلها بتعتبر منكر بس الازمه بجد ان الناس اخدتها امور مسلم بيها ومش شايفاها كده
طيب نيجي لتاني حاجه انا هنصح مين ؟؟
صحبتي ولا زملتي ولا اخويا ولا جارتي ولا عمتي .........الخ
طبعا كل شخصيه وعايزه اسلوب
فيه شخصيات بينا عشم هديها علي طول ومش هيهمني لانها هتكون عارفه اني عايزه مصلحتها
لكن فيه ناس تانيه مينفعش معاها الاسلوب ده
كمان مش في كل الاوقات الاسلوب واحد
يعني حسب الموقف ومدي تكراره او تاريخ الشخص نفسه في الغلط
حاجات كتيره جدا اللي بتحدد
اما اسلوب النصيحه فده اللي غالبا بتبعه يعني مش بيغير بايدي الا نادرا
وبقلبي دي لما بكون يئست من اللي قدامي مفيش غير اني ادعي ربنا يهديه
من قال لك أني وقعت في هواكي والله لو كنت اخر امرأه ما نظرت حتي الي عيناكي..
سكرة كده هانلم النمل علينا 
النمط الخطي
