قهوة المخربشيــ(4)ـــن....!!

[شكولاته]

السلام عليكم ورحمة الله


ياهووووووووووووووووووووو
فين الزباين ياصبحي انت قافل القهوه ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟

[شهدالعشق]

[QUOTE مع بعض فعلا
ونتكلم في مواضيع قوية
بس مش على راسي

.[/b][/center][/color][/size][/quote]

[أحمدكمال]

اهلا شهد..
متورة القهوة...
اي خدمة يا فندم؟

[شكولاته]

المشاركة الأصلية بواسطة أحمدكمال

اهلا شهد..
متورة القهوة...
اي خدمة يا فندم؟

هتلها لمون يااحمد
وطمنها انه علي حسابك وانه مش علي راسها

عاوزين نشوف موضوع قوي ياشهد

[duha]

السلام عليكم ورحمه الله وبركاته
اهلا صبحي
القهوة مهجورة ومفيش حد من روادها ليه
شكلك زهقتهم انت وحزبك وكمان التراب مغطي المكان والشاي والقهوة بتوعك مش قد المفام
تعرف يا صبحي انا اول مرة ادخل قهوة
بس انا اعرف ان القهوة مش مجرد مكان لشرب القهوة والشاي ولعب الطاوله والشيشه ولو اني مش بحب الدخان الا انها جزء مهم من برستيج القهوة
القهوة حسب ما انا افهمها هي ملتقى الافكار ومنبر للثقافه ومسرح للحوارات الجريئه اللتي تعبر عن حاله المجتمع
ومن المقاهي خرج المبدعون من الشعراء والادباء والمثقفين
القهوة هي ساحه مكشوفه للفكر تعرض فيها الافكار والاراء وتناقش بطريقه وديه بين الاصحاب بعدها يخرج كل واحد منها محمل بافكار توسع مداركه وتنمي ثقافته
القهوة باخنصار هي صومعه الثقافه ومنبر الابداع
فاين المبدعون من ابن مصر ليدخلو صومعتهم الثقافيه ويملأوها نقاشات وحورات فكريه ترتقي بنا الاى الامام
انا شايفه ان معظم اعضاء ابن مصر من الشباب , فاين الشباب ليتحدثو لنا عن همومهم , طموحاتهم , اهدافهم , قضاياهم
ام ان الشباب هذه الايام اصبح حتى لايعرف ماذا يريد ومن اين يبدأ والى اين يتجه ام تراه استهل عمليه الانقياد اللتي تعود عليها وترك لغيره يحدد له مسار حياته
اين ثورة الشباب اين فكر الشباب اين ابداع الشباب
هنا يا شباب عالم ابن مصر منبركم الثقافي والفكري
هنا في قهوة المخربشين اللتي اخرجت لنا اناس نعتز بكلمتهم ونستنير بفكرهم
ادعوكم الى قهوة المخربشين لنبدا من جديد

[أحمدكمال]

عالم ابن مصر
حوارات جريئة
دهاليز المجتمع

عقد بيع وشراء

الطرف الاول : عالم ابن مصر يمثله أحمدكمال
الطرف التاني :مستكة duha
العقد : انتقال ملكية فهوة المخربشين من الملكية العامة الي الملكية الخاصة
بنود التعاقد :
1-يتلزم الطرف الاول بتسليم القهوة بكل ما تحتويه الي الطرف التاني
2-يلتزم الطرف الثاني بدفع مرتب عم صبحي مدى الحياة
3-يتلزم الطرف التاني بدفع قيمة التعاقد 100الف مصريتو
4-يلتزم الطرف الثاني بدفع ضريبة عن كل صفحة مقدارها 100مصريتو
5-من الحق الطرف الثاني استخدام القهوة للاغراض التجارية بما لا بتنافي مع
سياسات الطرف الاول في عالم ابن مصر.

وقد تم التعاقد في يوم8/5/2007 ميلادية

حضر عن الطرف الاول : احمدكمال
حضر عن الطرف التاني: ضحى ومستكة
شاهد: عم صبحي

يا جماعة لفترة طويلة مسكنا القهوة في القطاع العام ولكن لانا بنخسر ومديونين ...قررنا نخصخص قهوة المخربشين..
وبالفعل طلعنا مزاد علني شفاف واضح ..ومجلناش للاسف الا عرض واحد مكون من اتحاد شركتي ضحى ومستكة.

من النهاردة ان شاء الله هيدير القهوة مستكة وضحى ودي روح جديدة انا واثق انها هيكون ليها مردود كويس..

وبكرة لما الاسعار تبقى سياحية هتقلوا فين ايام القهوة بتاعة القطاع العام..
ومين عارف ممكن بكرة نلاقي اسمها كوفي شوب المخربشين
كله جايز

[مستكة]

والله ولعبت البليه معانا يا ضحي وبقينا من اصحاب الخسخسه

وبما اننا مخسخسين يبقي لازم نعمل زي ما المخسخسين بيعملوا

ما احنا مش اقل من حد يعني

لذلك هنقيل عم صبحي .. معلش باه يا عم صبحي هنديك استماره 6

بس متخافوش هنضحك عليه ونديله معاشه مبكر كفايه عليه كده

ونجيب ووتر اسمه تامر تماشيا مع التطور الحديث

ومش لازم حد يساعده هنجيب كل اساليب التكنولوبيا الحديثه

كل حاجه في الكافي شوب هتكون توماتيكي توماتيكي

وهيكون فيه قايمة محاذير هننزل بيها انا وضحي

عشان كل واحد يعد في القهوة عارف اللي ليه واللي عليه

وفيه 10% ضريبة مبيعات علي اي مشروب

وفيه ميني تشارج 25 جنيه

وراحت ايام النوته

انتظروني انا وضحي والقهوة في ثوبها الجديد

[Half-Magic]

يا سيدى يا سيدى ....

لعبتوووها فى الأستوخوبص أنتم و من ورانا كدا .. و العطاء بتاع القهوة وقع عليكم ... ماشى بالتوفيق و النجاح يارب و عايزين بقى نسمع اخبار حلوة عن المعلمة مستكة و المعلمة ضحى و عايزين قهوة المخربشين ترجع زى زماااان .......
و خلو بالكم من عم صبحى ده راجل بركه و بلاش موضوع المعاش ده و ابقوووا ادفعو له مكافأة و لا حاجة ... بلاش البخل من الأول كدا ....

اه صحيح حاجة كماااان ... فيه بند فى العقد بيقووول ان لأعضاء بيت العز مشاريب مجانية ( كوسا بقى ) هههههههه ... حد عايز يعترض !!

لا بجد ... الف مبروك يا مستكة و الف مبروك لك يا ضحى .. و إن شاء الله بالنجاح و التوفيق ...

[duha]

يا قهلا يا قهلا مستكه
يا اهلا محمد ماجيك
شوف يا محمد انت بالذات مشاريبك على حسابي على طول ومفيش اي اعتراض
وكمان عشان الافتتاح الجديد هتكون المشاريب كلها ببلاش اليوم على حساب المعلمة مستكه
اخرتها بقينا معلمه يا مستكة
المهم
ان شاء الله هتلاقو حاجة حلوة جديدة هنا بس كل دا مش هيتم من غير تشريفكم الدائم للقهوة ومشاركتكم الفعاله في طرح ومناقشه الموضوعات

[أحمدكمال]

يا عيني عليك يا قهوتنا ...
خلي بالكم يا جماعة التراخيص كلها من بيت العز يعني تكرمونا اخر كرم

[مستكة]

دا عشان خاطر عيون بيت العز

الاسعار هتكون دوبل

اومال مش لازم تشجعونا في بداية طريقنا ولا ايه

[مستكة]

حبيت انزلكم قائمة المشروبات الجديده

عشان محدش يتعبنا ويطلب حاجه مش عندنا

اه من اولها كده عشان بتخنق بسرعه

المشروبات الساخنه ....

شاي

قهوة

ينسون

كركديه

حلبه حصي

كراويه

شاي بلبن

لبن ساده

سحلب

كاكاو

نسكافيه

كابتشينو

اكسبريسو

***************

المشروبات البارده ...

معندناش بيبسي ولا كولا .. احنا ناس مقاطعين

عندنا الاتي :

عناب

تمر هندي

عصاير فريش ...

برتقال - جوافه - فراوله - مانجه - موز باللبن - زبادي بالعسل - لمون

ومع جديدنا .. عصير جرجير - عصير لب - عصير دوم - عصير فول سوداني - عصير بطيخ - عصير نعناع


وممنوع منعا باتا التدخين في القهوه بكل انواعه



زرونا تجدوا ما يسركم


انتظرونا قريبا

[أحمدكمال]

ينفع نشيش طيب ..
اومال هتبقى قهوة ازاي
فين ايامك ياحكومة فين ايام الاشتراكية الرأس ماليين هيدبحوا الشعوب...
يلااااااااا....دنيا!
------------------

طالما احنا قاعدين على القهوة كده والدنيا زحمة انا عايز اسأل سؤال فلسفي شوية..

الفساد مصدره الحاكم ولا المحكوم؟ يعني الفساد لما بيستشري ده دلالة على فساد الحاكم ولا فساد المحكوم وهل ممكن نلاقي محكوم مش فاسد من حاكم فاسد او العكس؟

[بنت فلسطين]

اييييييييييييييه دة

بت يا مستكة .. والله ما طلعتي قليلة خالص .. وانت اللي بتقولي عن نفسك طيبة

لأ .. دة واحد تاني اللي بيقول كدة عن نفسه اسمه ابن كمال

مبروك يا بت عليكي انتي وضحى .. والله طلعتوا جدعات بجد

يالله بقى خلينا خطوة خطوة نستولي على المنتدى كله .. ويبقى ( منتدى النساء )

الف مبروك عليكم يا جدعات