انا جيييييييييت
واحد نسكافيه باللبن يا عم صبحي الا الواحد دماغه بتفررر لوحدها
كان بودي اقرا راي الناس في الموضوع بس لقيته كتير
امركو لله هقول رايي الفقير واستحملوني باه لو كان مكرر
إقتباس:
عنوان الموضوع
"لست عليهم بمسيطر" صدق الله العظيم
قبل ما اكتب الموضوع بحثت في تفسير تلك الاية من سورة الغاشية..حتى لا اقع في محظور تفسير القران على الهوى..
كلامي النهاردة عن ظاهرة انتشرت في مجتمعنا بشكل ملحوظ..وهو ان كل واحد عرف كلمتنين في الدين عين نفسه حكما على الناس ...وعين نفسه المحلل والمحرم لاي موقف...
ياريت يكون الكلام ده في الكبائر لاء ده بيجي للحاجات اللي عليها اختلاف ويتصدر ...
ويرفض الحوار بدعوى انه ده اللي قاله الله وقاله الرسول صلى الله عليه والسلم.."من منظوره طبعا"..
الشخص ده احيانا بيبيح لنفسه حاجات غريبة تحت مسمى تطبيق الدين..
فاكرين زمان لما كان في ناس بتحرق مكتبات كاملة علشان بتبيع كتاب واحد مخالف لفكرهم!!
على فكرة انا مش بقول انهم غلط في كل الاوقات لكن انا بتكلم عن الطريقة اللي عايزين يفرضوا بيها رأيهم..
الاسلوووووب
في الاية اللي معانا ربنا بيقول لرسوله صلى الله عليه وسلم انك "لست عليهم بمسيطر" قبليها قال ايه..." انما انت مذكر"...يعني يا رسول الله رسالتك كانت تذكير الناس بالحق مش السيطرة على الناس واجبارهم الدخول الي دين الله ...رغم انك الحق لكن انت فقط مذكر...ومن تولى وكفر فعذابه عند الله سبحانه وتعالي...
اذا كان ده دور الرسول فهما هو دور اتباع الرسول؟؟
في احد المواقع عجبتني الفقرة دي...  إقتباس:  ونقرأ دليل اصالة الحرية في قوله تعالى: {إنما أنت مذكر لست عليهم بمسيطر} سورة الغاشية: 21، فالسيطرة واضحة المعنى، تقتضي في إعمالها سلب حرية الاخرين، ولما كان النهي قائما على عدم السيطرة، فذلك يعني قيام الحرية وثباتها سلبا وايجابا في الرفض او القبول، فالايمان بفكرة او معتقد ليست معادلة رياضية ينبغي على الطرف الاخر القبول بها والرضوخ اليها، اعتقادا منا بان التسليم امر مفروغ منه مادمنا نقدم للطرف الاخر الاسلام ضمن معادلة منطقية ذات صغرى وكبرى، والا لآمن كل من استمع الى الرسول (ص) وهو يحدثهم بالاسلام، فهو صاحب المنطق السليم، والبيان الحكيم، والحجة المستوفية لكل شروطها، من هنا توجه الخطاب الالهي الى رسوله (ص): {وما أنت عليهم بجبار فذكر بالقرآن من يخاف وعيد} سورة ق: 45، قال ابن كثير: "قوله تبارك وتعالى {وما انت عليهم بجبار}، أي ولست بالذي تجبر هؤلاء على الهدى وليس ذلك مما كلفت به  
انا حبيت بس ابتدي المقدمة الدينية دي للموضوع علشان كلنا عارفين ان الدين ليس قال الرسول وقال الله فقط انما الدين معاملة ...
صح الصح 
هل تعرضنا لموقف زي ده قبل كده؟
بصراحه لا
ياترى لو حد حاول يجبرك على فعل الخير؟ هتقبل؟
لا طبعا ... وخلي بالك انت قلت يجبرك والاجبار ده مش في المصلحة ابدا لانه بيولد العند حتي لو كان صح
والا كان الرسول عليه الصلاة والسلام اجبر الناس علي طاعات وخلافه
واكبر دليل علي فشل الاسلوب ده ان في بداية الاسلام ربنا سبحانه وتعالي امر بتجنب الخمر عند الصلاه وبعد كده لما ابتدي الايمان يمليء قلوب الناس واتفهم ايه هو الاسلام نهي عنه تماما
لو كان الاجبار اسلوب فعال كان اولي اتباعه في مثل هذا الموقف
ولو شفت واحد بيذلك بحاجة يمتلكها علشان تنفذ وجهة نظره ؟هتعمل ايه؟؟
بصراحه سؤال مستفز جدا عصبني بمجرد التخيل ... صعبه جدا يذلك دي
هو الانسان ايه الا شوية كرامه
مش هعبره ويعمل اللي يعمله مادمت بحاول ارضي ربي ومش بعمل حاجه غلط يبقي يخفي اي شيء تاني ولو كان معاه مية المحاياه ( هما بيقولوها كده محدش يسالني يعني ايه )
تعالو نألف سوا قصة خيالية....ان احنا معانا شخص واحد في عالم ابن مصر قادر على انه يطور المنتدى والشخص ده كان معاه باسوردات كل حاجة بصفة موقعه ده...الشخص ده لقى حاجة مخالفة لافكاره...
قام قفل الموقع خالص...وبدأ يملي اشتراطاته على الادارة ؟
تعالو نناقش الموضوع من زاويتين مختلفتين
1) انه فعلا معاه حق
لو معاه حق فعلا يبقي المنتدي وصل لدرجة مينفعش السكوت عليها .. ومن راي منكم منكرا فليغيره
وهو كده مغلطشي لان زي ما بتقول مسؤل عن الموقع واكيد اي شيء غلط بيحصل بيكون في ميزانه ويحاسب عليه فمن الاولي ان ينجو بنفسه لكن عليه اولا تصحيح الاوضاع والاوضاع مش هتنصلح الا اذا وقف وقفه حاسمة عشان الغلط لا يتكرر مره تانيه .... لكن الاهم من كووول ده افكاره عامله ايه 
2)انه لا يمتلك الحق
لا لو انه لا يمكلك الحق يبقي هو بيفرض اراءه علي الاخرين بدون اي وجه حق ويبقي اسمه استغلال مناصب وفي الحاله دي هو مش امين لانه معملش كده لوجه الله ده بيخدم افكاره الفرديه اللي بينفذها بدون اي وجهه حق ... والمفروض انه تسحب منه جميع صلاحياته وربنا يوفقه في مكان اخر
بس برضه المشكله انه مش هيكون شايف انه غلطان او انه لايملك الحق .. هتفهمه ازاي باه النقطة دي 
هل اللي عمله ده لصالح دينه واسلامه ولا لاء؟
اساله باه هو كل حاجه عليا انا ولا ايه 
ولو انت مكان الادارة تعمل ايه؟
|
ما انا قلت لسه هكرر الكلام
جالي اللوز من كتر ما اكلمت وعم صبحي معبرنيش . لا الخدمة هنا فعلا نص كم
ملحوظه :
من راي منكم منكرا فليغيره
واهم من التغير الاسلوب اللي هيسيب انطباع عند الناس
ممكن موقف بسيط جدا يغير حياتهم 180 درجه
اما بشكل ايجابي او بشكل سلبي جدااااااااااااا
الدين معامله معامله معامله
وبرضه مشربتش نسكافيه باللبن
"لو كان ده يرضيك يعني
"....
"