من 9 مساء ولمده 24 ساعه بس.....

[الورد الجوري]

السلام عليكم و رحمة الله و بركاته
الموضوع اكثر من رائع
شكرا لكم جميعا

الموقف بقى اللي حصل و اللي حكته نيهال .. طبعا هو سلبيه و فظيعه
و طبعا شيء محزن
و كمان كون الناس بتستهون بردو ده شيء محزن جدا انها بتفرط في حياتها لان القطورات مش بتهزر

بس على فكره و احقاقا للحق .. انا ببقى الصبح رايحه الكليه و عامله حسابي على وقتي و اني هوصل باذن الله في معادي ييروحو قافلين السلاسل من قبلها بمده كبيره قد تصل الى نص ساعه مثلا و كمان المصيبه لما بيكون قطار بضائع بيمشي على قشر بيض .. العمل ده بيدفع الناس انها تجازف و تعدي .. بس لو قفلناه قبلها ب 5 دقائق الناس كلها هتلتزم .

المشكله التانيه بقى .. انتو كلكم اتكلمتوا فيها و لا املك ما ازيده عما قلتوه .. بوركتم جميعا
بس عندي تعليق صغير
والتعليق ده من واقع موقف حصل قدامي
ست كبيره في السن طلبت المساعده انها تعدي الشارع و كان معاها سله او شيء بلاستيك فيه خضار و فعلا شاب في ثانوي تقريبا ساعدها و في نص الشارع قام بالواجب و اخد السله و سابها وسط العربيات .. عايزة اقول انه الناس انشغلت بيها و محدش لحقه .. و عايزة اضيف انه كان فيها فلوسها كمان

طيب ياترى من الموقف ده الناس هتآمن بسهوله ؟؟
بمعنى ادق الموقف ده بيتكرر كتير و حتى في الافلام
هل ممكن اعرض المساعده على حاجه كبيره في السن و توافق اني اساعدها ؟ ولا هتقول اني عايزة اسرقها ؟؟

شكرا لمجهودكم بجد يا جماعه و اسفه ع الاطاله

[yasmina]

المشاركة الأصلية بواسطة كتائب الاقصى

أختنا الكريمة يسمينا السلام عليكم ورحمة الله وبركاته طبعا من حق أى عضو أن يكتب فى الموضوع بس بعد علملنا نحن الثلاثة برساله خاصة حتى لايوجد تضارب فى المواقف التى تكتب ويكون ذلك فى الميعاد المتفق عليه الساعة التاسعة
شكرا لحضرتك منتظرين ردك

شكرا كتائب الاقصى لردك

[نيهال]

المشاركة الأصلية بواسطة الورد الجوري

بس على فكره و احقاقا للحق .. انا ببقى الصبح رايحه الكليه و عامله حسابي على وقتي و اني هوصل باذن الله في معادي ييروحو قافلين السلاسل من قبلها بمده كبيره قد تصل الى نص ساعه مثلا و كمان المصيبه لما بيكون قطار بضائع بيمشي على قشر بيض .. العمل ده بيدفع الناس انها تجازف و تعدي .. بس لو قفلناه قبلها ب 5 دقائق الناس كلها هتلتزم .

بصى يا ورد
للاسف بسبب الازمه الحاليه بالقطارت فهما ممكن يقفلوا المزلقان لمده عشر دقائق زياده امان .بس انا بقوللك ان ده مش اللى اجنا درسناه خالص
بس الموضوع بيكون امن عادى لان بتاع المزلقان نفسه بيكون مظبط الوقت وبيكون واقف اول ما بيعرف ان القطر خلاصى جاى بيوقف اى حد وبيرجع هوه بنفسه فمفيش حد حيجازف بحياته
انما لو السيارات فممكن تتعطل فجاه وحتبقى مشكله
مفيش حد حيقدر يلوم الناس بصراحه على تسرعهم

المشاركة الأصلية بواسطة الورد الجوري

طيب ياترى من الموقف ده الناس هتآمن بسهوله ؟؟

المشاركة الأصلية بواسطة الورد الجوري

بمعنى ادق الموقف ده بيتكرر كتير و حتى في الافلام
هل ممكن اعرض المساعده على حاجه كبيره في السن و توافق اني اساعدها ؟ ولا هتقول اني عايزة اسرقها ؟؟

المشاركة الأصلية بواسطة الورد الجوري

شكرا لمجهودكم بجد يا جماعه و اسفه ع الاطاله

اولا
يعنى ايه تطوللى دى كمان؟
يا بنتى انتى تتكلمى براحتك
ههههههههه


ثانيا بقى......بصى يا جميل.....
انا عارفه ان مفيشى امان للاسف لكن انتى كل اللى حتعمليه تريحى الحاجه او الحاج مما يحمله .يعنى مش حتجرى بالخضار
هههههههههه


وطبعا مش حاشلها شنطه نقودها لانها عاده بتكون قادره يعنى...
فطبيعى الانسان لازم يكون حريص بس فى حدود


على فكره اقولكم حاجه.......عندى للاسف رايين فى البيت
***اختى***... .لو فى المواصلات وواحد قاملها بتتكسف تقعد وبتقوله مرسيه..وطبعا الانسان ده بيتضايق وبيقول خليها .انا عملت اللى عليا
وبصراحه لا الومه
لانها المفروض كانت تقعد بدل ما تتبهدل
بس فى نفس الوقت هيه محرجه
ده موقف
اللى اقصده ان الواحد مش يياس لما حد يرفض الايد اللى حبه تساعده
الموقف التانى بقى......
***اخويا*** ....اللى بيكسل يقوم اصلا ويتعب نفسه وللاسف مش بيقوم لاى بينت من اللى بيشوفهم
بس عنده حق فى حاجه
اصل لو هيه قاعده تهزر وعامله ازعرينه فى الباص و الديزل حيقوملها ليه؟
ويشوف حد اولى من البنت اللى من العينه دى
او يريح نفسه وينااااااام
دول على طرفى نقيض تماما
عاده لكل منهم وجهه نظره


بس انا عندى راى
يا عم اعمل الخير وارميه البحر
انت حتخسر ايه يعنى
بس حتكسب دعوه جميله وربنا يستجيب ان شاء الله


يبقى دلوقتى ايه رايكم
نحاول فى النقط الجايه بجد
ولو حد صادفه موقف يا ريت يبقى يقوله علشان نفخر بيه


1_وانت جاى من الشغل او الجامعه ولقيت الحاجه جرتك شايله تقيل.وصلها لبيتها وشوف حتقوللك ايه....


2_ وانت فى المواصلات ولما تلاقى بنت واقفه يا ريت تقعدها ( بالنسبه للشاب) وبالنسبه للبنات يا بنات ساعوا بعضكم شويه وريحوا بعض....
وطبعا يا ريت لو حد كبير نريحه
احنا لسه صغيرين ونقدر نستحمل..


3_ لما تشوف حد عايز يطلع الرصيف وهوه عالى .مد له ايدك .والله مش حيكسفك ابدا ....


4_ شايف اطفال او ناس طبار عايزين يعدو الشارع وهوه زحمه ...تعالى جنبهم وقولهم استنوا حاعديكم.....


5_ وانت فى السوق وشايف واحده فلاحه على اد حالها واللى معاها بضاعه مش حلوه ياعم اشترى وزودلها الاجر ومش تفاصل....

يا جماعه يا ريت محدش يرد سائل ابدا حتى لو حسيت انه مش محتاج
كفايه انه عرض نفسه للسؤال
وطلب المساعده
ما بالكم باللى نفسهم عزيزه ومكسوفين يطلبوا........
يااااااااااااااه

[نيهال]

المشاركة الأصلية بواسطة yasmina

شكرا كتائب الاقصى لردك

واحنا منتظرين ردوودك وافكارك يا ياسمينا بفارغ الصبر
سمسمه يا ريت بس تبعتى قبل الساعه 9على الاقل بساعه علشان نعرف بس

[أحمد سالم]

مساعدة الأخرين شىء واجب وهذا من تعاليم ديننا الحنيف ليس منا من لايرحم صغيرنا ولا يوقر كبيرنا ولكن هل جيلنا الحالى مؤهل ديننيا لمثل هذه الأمور أترك لحضراتك التعقيب موضوع جيد جزاكم الله خيرا

[دقه قلب]

السلام علييكم ورحمه الله وبركاته

الموضوع الجديد او السلبيه الجديده اللى حابيين نناقشها مع بعض
اولا الموضوع المرة دى هيخص البنات اكتر وكمان اتمنى اننا نكون فعالين فى معالجه الموضوع
هو بختصار عن جمعيه ( الحجاب حجاب القلب)!!!
حد سمع عنها قبل كده؟
اول انا زيكم قريت الاسم فى كاريكاتير يعنى الاسم ده مش ابتكارى ولا اى حاجة
الموضوع ببساطه عن المحجبات النص كم اكيد كتيييير مننا شا ف محجبات زيهم لا يمت للحجاب ولا للاسلام بصله
وكلنا البنات المحجبات يعنى بيضايقنا جدااااااااا المنظر ده الانه بيسىء للاسلام زى ما بيسىءالاى انسانه محترمه ما دمتى اختارتى الحجاب واختارتى طاعه الله ورضاه ف الافضل يكون لبسك لائق بكونك محجبه

طيب نعمل ايه الموضوع ده مش جديد؟؟
الجديد بقى اننا عايزين نكون انشط فى نصح ودعوة وصحباتنا دول (اعضاء جمعيه الحجاب حجاب القلب)
طيب همه مش صاحباتنا بس على اقل منهم زميلاتنا فى الدراسه او العمل او حتى منهم جارتنا

فى اكتر من طريقه ممكن نقدم بيها النصح واهم شىء تكون النصيحه خالصه لوجه لله تعالى عشان ربنا يوفقنا
تخيلوا يعنىلو من كل 10 بنات اتكلمنا معهم اتغيرت واحدة بس هنكون برده حققنا شىء
مش عارفة مدى اهميه الموضوع او جديته بالنسبه لكم بس انا بتكلم من تجارب شوفتها بعينى وبنت قدرت تغير كتير جدا من سلوك زميلاتها وصحباتها
دلوقتى انا منتظرة افكاركم الجديدة لتقديم النصح الاخواتنا

الموضوع مش بس للبنات الشباب كمان ممكن يشارك بافكار جديده او حتى بنقل الفكرة الاخواته البنات عشان يشاركونا

اسفه جداا للاطاله ومنتظرة مشاركاتكم
تحياتى للجميع

[كتائب الاقصى]

مشاء الله سلبية اليوم لها هدف دعوى طيب فعلا نجد الأن نوع من الناس يقولون الحجاب حجاب القلب زى بالضبط الى يشاوز على قلبه ويقول طلما ده نظيف خلاص دا ربك رب قلوب دى كلام أصلا خطير لو كان القلب نظيف كما يدعون للأمتلء بحب الله والإيمان به ويأتمر بأوامر الله وينتهى عما نها الله يقولون مالا يفعلون اكيد لو كل واحد فينا تصح جاره وزميله وصديقه يجد كل الخير إن شاء الله قال رسول الله صلى الله عليه وسلم لو يهدى الله بك رجل واحد خيرا لك من حمر النعم صدق رسول الله صلى الله عليه وسلم جزاكى الله خيرا أختى الفاضله على هذا الموضوع للأنه فعلا من الأهمية بمكان

[maysam]

بالنسبة للموضوع الأول ، انا لي تعليق بسيط ، نحن عارفين ان ديننا الحنيف بيحضنا على المساعدة للغير والمحتاج ، ويمكن ظروف الدنيا اللي تغيرت هي اللي خلت الناس شوية حتاكل بعض . لا زال قسم كبير من الناس بخير وبيقدمواالمساعدة ، بس التوجه الجديد اغلبه بقى على نظام يلا نفسي


لكن ضروري جدا نركز على اولادنا واخواتنا وننمي فيهم حب المساعدة. لأن الموضوع مسئولية البيت اولا
انا كتير بشوف امهات مثلا بتمنع اولادها انهم يقدموا مساعدة بحج زي انه مالوش علاقة ومش شغله ومش مسئوليته وغيره من الأسباب ، ودا اكبر غلط ، لان القيم دي لازم الام والبيت يساعد في انه يزرعها مش يقلعها

موضوع الحجاب اللي بالقلب فحدث ولا حرج
هو ما فيش شك ان الانسان النضيف من جوا بتكون اخلاقه عالية وتصرفاته مسئولة ، لكن هذا ليس بسبب عشان ان الستما تلبس حجاب
عارفين ان الحجاب فرض ولازم يتلبس ، لكن برضو لازم البنت اللي بتلبسه تحترم اللبس دا ولا تسيء وتشوه صورته ، لو كان فعلا لبس يسيء ، انا بقول بلاش منه افضل!!

يعني بشوف كتير ناس لابسة تايت وبادي وحاجات غريبة مع الايشارب!! ودا فعلا شكل مسيء جدا لأن هدف الحجاب هو ستر الجسم مش عرضه قدام الناس

انا برضو بحمل المسئولية للأهل لأنه وظيفتهم يوعوا بناتهم وما يسمحوش بالمناظر دي ، فاما ان البنت تلبسه بشكل صحيح او ما فيش داعي..دا رأيي

[نيهال]

بصو يا جماعه الخير
الموضوع بجد مش طبيعى

يعنى لما نلاقى انسه بسم الله ماشاء الله عليها ونازله من بيتها المحترم.
سايبه نص شعرها قدام

مش حاتكلم على نوع اللبس دلوقتى

لان معنى انك لبستى حاجاب يعنى بتغطى كل ما هو مظهر للفتنه

لكن انا عايزه اعرف
ايه لازمه الشعرتين اللى الهوا رماهم على الجبين بس!!!!!!

نفسى اعرف بس حتستفيدى ايه؟

والله شكللك مش بيكون حتى لطيف ولا جذاب

على راى كلام ميسم
مهو يا اما تحترم اللى هيه لابساه يا اما ايه الفرق بينها وبين اى ديانه اخرى
عموما

حاولوا لو تعرفوا حد بالشكل ده تنصحوه وتقولولها ان كل شعره بتاخد بيها ذنب

وتصورى لو انتى نازله السوبر ماركت فتنتنى كام واحد وشيلتى ذنبهم

[كتائب الاقصى]

أخواتى الكرام يوجد حجاب شرعى كما جاءت به كتب السنة الصحيحه وموصوف وصفا دقيقا أما الأن نرى حجابا أشد فتنة وهو الحجاب المتبرج كما قال اختنا نيهال تجد الأخت ترتدى بنطلون جنز ضيق وعليه مادرى شو اسمه ضيق أيضا وتضع ايشارب يبن فتحة الجيب(الصدر) ونصف الشعر وتقول لقد تحجبت الحجاب حجب عن الشيطان والوقوع فى المعاصى ليس كما نرى فى أيامنا هذه من حجاب ماأنزل الله به من سلطان بفضل الله وحده يوجد أخوات ملتزميات بالحجاب الشرعى كما جاء فى الشرع أسأل الله أن يهدى نساء المسلمين وبنات المسلمين لهدى سيد العالمين فى الحجاب الشرعى جزاكم الله خيرا ورزقنى ورزقككم عملا صالحا متقبلا

[yasovinas]

فعلاً توجد كثير من حالات الحجاب الملفته للنظر وللنقد اكثر من تلك الفتاة السافرة الملتزمه بلبس محترم ؛ انا لا انادي بالسفور ولكن يجب على من ترتدي الحجاب الالتزام التام به يعني الحكاية مش كل ما يغيروا الستاير في البيت بدل ما يترمو تاخدهم وتتحجب بيهم شويه ونلاقيها الاول لابشه الحجاب كويس لان الغربال الجديد له شده وبعد شوية نلاقي الشعرتين اللى قلتوا عليهم طلعوا {لوحدهم ورحمة خالتي نزاكة} قال يعني البت شعرها سايح واللايشارب بيتزحلق لوحده وبعد شوية نلاقيها دخلت في حاجه بيقولوا انها بنطلون ؛ هي دخلت او ادخلت فيه ولم تلبسه !!! ايه يا بنتي الي انت عاملاه دا تقول اصل البنطلون عملى واكثر احتراما خصوصا في الجامعه والمواصلات العامه ؛؛؛

مرة اخوكم "ياسو "خلى بنت في النادي واقفه ولابسة البتاع اللي بيسموه بادي (ايوة القصير دا) يا دوب على كمر البنطلون وايه لابسه حجاب
قمت رايح لغاية غندها وبكل ادب وبصوت ابوى عااااقل قلت لها يا انسه يبدو انك غلطتي ولبستي بلوزة اختك لان ظهرك باين من الخلف
البنت بصراحه جابت مليون لون وفضلت تشد في هدومها واختفت من النادي ومن يومها لا اظنها عملتها تاني


ربنا يهدي الجميع

[مستكة]

مش عارفه ايه حكاية الحجاب الايام دي

يعني زمان كان فيه واحده محجبه وواحده غير محجبه

انما الحجاب التايواني بتاع الايام ده مش فاهماه

بصراحه بيستفذني كتير اللي بشوفه وخصوصا انه اوفر

والاكثر فرسه باه اللي تلبس اسداال وفوقه طرحة فحلقي كلها شخاليل

طب لبستي اسدال ليه يا حجه ... مش فاهمه الصراحه

مش هكلم كتير عشان ما ابقاش اقول ملا افعل

الحمد لله حجابي مش تايواني ولا حاجه

بس منكرش انه عايز تظبيط كمان

وده فعلا اللي براعيه في الشراء حاليا

[yasovinas]

المشاركة الأصلية بواسطة مستكة

اسداال وفوقه طرحة فحلقي كلها شخاليل

المشاركة الأصلية بواسطة مستكة

طب لبستي اسدال ليه يا حجه ...

مستكة يا مسسسسسسستكة
معلش
ولو فيها اساءة ادب يعني
من غير ما تزعلي ولا اخد فيها انذار او طرد
اللاهي وانت جاهي نفرح بيكي في بيت العدل
وتزوري الكعبة والمدينه وتحجي يارب

وووو!!!!!!!!!!!!!يطلبوكي في برنامج 9 ثواني
وتجاوبي صح وتختاري رقم 4 ؛؛؛؛؛؛؛؛؛؛؛؛؛؛؛؛؛؛؛؛؛؛ وتكسبي خماشر ججنية بحالهم عاً ونقداً


معلش الغريب اعمى ولو بصير
اه يا مستكة يا بنتي
دا جواز مش لعب عيال ولازم نبقى على نور من الاول



ايه هو بقى ال (اسدال ) اللي قلتي عليه دا

[أحمد سالم]

ايه هو بقى ال (اسدال ) اللي قلتي عليه دا
هو الأخ منين