إقتباس:
|
*ايه رايكم فى الزواج المبكر للشباب؟
|
اؤيده
ولكن
يوم ما يفكر الاباء في تزويج الابناء في سن مبكر يكون فيه اعداد للخطوة دي
بمعني ان الاباء في تربيتهم لابنائهم يعلموهم يعني ايه اسره ويعني ايه تحمل مسؤليه
يعني ايه ابناء ويعني ايه تربيه
وكل شاب وفتاه يكونوا عارفين كويس اوي هما مقبلين علي ايه وان الزواج ده مش رحله
إقتباس:
|
*طيب للبنت اذا خيرتى بين الزواج والدراسه تختارى ايه؟
|
بصي بتختلف من شخص للتاني حسب اهدافه ايه وطموحه ايه
فيه بنت التعليم مش من اولوياتها يعني ممكن تاخد اي شهاده وخلاص وساعتها مش هتفرق معاها اوي الاختيار
وفيه تانيه عايزه توصل لمرتبه معينه او مخططه لهدف معين وممكن الزواج يعطل ها عن هدفها
وفيه واحده تانيه ممكن توفق بين الاتنين
فدي حسب شخصية البنت واولوياتها
إقتباس:
|
*ولو ارتبطتى وانتى فى الدراسه حتقدرى؟
|
بالنسبه لي انا شخصيا مقدرش
لكن زي ما قلتلك بتختلف من واحده للتانيه
إقتباس:
|
*ليه الارتباط اختلف عن زمان؟
|
وده سؤال برضه
هو زمان كانت الماديات زي دلوقتي
يا بنتي زمان كانوا بيشتروا راجل ونسب واصل وعيله
انهارده بيدوروا علي شبكة ومهر ومقدم ومؤخر وشقه وعفش ووووووووووووووووووووووووووووووو
بابا بيحكيلي زمان في الارياف كان الاب اعد في بيت وكل ما يفكر يجوز ولد من ولاده يبنيله اوده ملحقه بالبيت وهكذا في كل الاولاد والعفش كان ايه حاجات بسيطة
انما انهارده ماشاء الله اصلا العيلتين مش بيطيقوا بعض من قبل الزواج
)
