فكره جميله اوي يا نيهال
هو بالنسبه لموضوعك ده ففيه شقين
الاول : هو حكاية الناس اللي بتعدي المزلقان وهو مقفول
الثاني وهو مساعدة الاخرين
بالنسبه للاول ....مش عارفه ليه الناس بتكون مستعجله فيها ايه لو يستنو
بصراحه مش شايفه حاجه تستاهل المخاطره ده قطر يعني معندوش رحمة
صحيح بيوقفوا الناس قبل ما القطر يعدي بنص ساعه بس برضه ده قطر مش عربيه 7 راكب
نيجي باه للنقطة التانيه وهي مساعدة الاخرين
وهكلم هنا عموما مش مساعدة اللي في الشارع بس لا مساعدة اي حد محتاج
سواء حد محتاج مساعده ماديه او معنويه
ياريت لو كل واحد ينظر للي طالب مساعده ده ويحط نفسه مكانه
يعني لما تكون اعد في المواصله وشايف راجل كبير واقف او سيده شايله طفل او شاب بس عنده ظروف خاصه
بلاش تطنش واقوم ربنا اداك صحة الحمد لله انك تقوم لغيرك ده في حد ذاته اعتراف بنعمة ربنا عليك
حد ماشي في الشارع شايل حاجات تقيله اعرض مساعده فيك صحة وقادر تشيل عن غيرك !!
يبقي اللهم لك الحمد يارب...... وخلي بالك كل شيء سلف ودين وكل فعل بتفعله يرد لك في اهلك
هيه تحب والدتك او اختك او والدك يتعرض لمواقف زي دي او انت في يوم من الايام اكيد هتتعرض لمواقف تحتاج
مساعدة اي حد .... طيب اشحن باه رصيد للزمن .
مكنتش احب اوصفها بالشكل ده بس عشان اقرب الصوره
لكن يكون اجمل واجمل لو كل فعل نيته ان ده لله
نيتي ان الفعل ده بيقربني من ربنا ورضاه اكتر
ان الفعل ده بيحبه ربنا وعشان حبك ورضاك يارب انا هعمل كده
ربنا يهدينا جميعا لما يحبه ويرضاه
في انتظار افكاركم الجميله
النمط الخطي
