فارس لفارس...والميدان واسع...!!

[أحمدكمال]

ازيكم يا ولاد ابن مصر

مش عارف لقيتكم كلكم اتهورتم كده وبقيتوا تألفوا شعر قلت...يلا بقى نقلبها تحدي...

وفارس لفارس....والميدان واسع

الفكرة ببساطة اننا هنختار موضوع معين...موقف مثلا...
ونطرحه

وكل واحد فينا يطلق العنان لنفسه ويكتبلنا بيت ولا اتنين على الموقف ده....

غالبا المواقف هتكون ساخرة...سياسية او اجتماعية

ولا مانع بقليل من الرومانسية "مش هحرمكم من حاجة يعني "......


ها مين الفرسان اللي هيقبلوا التحدي...
شرط الانضمام لنادي فرسان حبر ورقة....
هو انك تحط لنك في توقيعك تعلن فيه التحدي.........
علشان الناس كلها تخش وتتفرج

[radwa]

احم احم .....نحن هنا

بس لازم يعنى لنك فى التوقيع ؟

[عتاب]

انا جيييييييييييييييييييييييييييييت
وطبعا انا مش معاكم
هي مرة كتبت وخلاص هى شغلانة
انا ماعنديش استعداد اتنافس
دا انا يادوب بفك الخط
انما مايمنعش اني اقرا واقولكم رأيي وممكن اشجع كمان

[نبض القلب]

فكره اكثر من رائعة

وانا احب اشترك
ولكن باللغة العربية الفصحى
والشي الثاني من غير ما اضيف لنك في التوقيع

يلا جيب لنا الفكره او الموقف واحنا نكتب عنه
منتظرينك

.

[الورد الجوري]

ههههههههههههههههه
انا ان شاء الله هشرفكم و انوركم و اقعد اتفرج
واسيب المنافسه للي اهل ليها بالفعل
و المنتدى اصلا فيه بجد ناس قديره و قادره على حمل هذه المسؤوليه
وفعلا شخصيات قد نفسها و لو قالو هيتنافسوا .. هنستمتع احنا بجد
ميرسي ياريس ع الفكره اللذيذه دي

[yasovinas]

القيت نفسك من سطوح شاهق واشعت روح الرعب في السكان
وهويت كالكيس الثقيل فجأة من غير ما صوت ولا اعلان
فتعطلت حال المرور وعسكرت حول الرصيف مواكب النسوان
غطوا جبينك باللحاف وصوتوا فاتت اليك الخلائق في ثوان

مين يعادينا هيه في اراضينا هاها ؛؛؛؛؛ على ىبابا بعد الضنا كاتب كبير وخبير ؛؛؛ 

[yasovinas]

هذا وقد ذكرت بعض المصادر المطلعه في موقع ابن مصر عن اختفاء المشرف العام احمد كمال في ظروف غامضة
ويرجع المحللون انه في رحلة بحث داخل غياهب عقلة الباطن ليبحث في اللاوعي المتناهي الموجود في تلافيف خبايا الذكريات المدرسية من حصص نحو وبلاغه وحصص املاء في محاولة لايجاد رد على الفارس المغوار ؛؛الذي لا يشق له غبار ؛؛ولا يرد له مشوار ؛؛ ياسو ابن فيناس

هذا وقد اهاب السيد محافظ القاهرة الكبرى بالاخوه اعضاء ابن مصر وباقى المنتديات المجاورة والشقيقة والصديقة ان يتعاونوا في تقديم يد المساعده للفارس احمد كمال

وفي خلفية هذا البيان الاذاعي نسمع الاغنية الشهيرة

مين يعادينا هي هي ؛؛؛؛ في اراضينا هاها
على بابا بعد الضنا ؛؛ بقى كاتب كبير وخبير
شاعر ؛؛ وكاتب قصص ؛؛ وفاتح محل عصير

[radwa]

ولا زال البحث جارى عن البشمهندس احمد كمال


اين مراسلنا ؟

[yasovinas]

نكمل الحكايه وفي انتظار فارس الفرسان ابو الفوارس احب الفرس المفروس

غطوا جبينك باللحاف وصوتوا *** فاتت اليك الخلائق في ثوان

====================================
من قائل "هذا حرامي فاشلً **** لم العسيل وفاجأته {تهاني}
او قائل "هذا عاشق هاربً ***** من بطش زوجِ ثائر البركان

====================================

وما ولنا في الانتظار






عفوا ارجوا ان اوضح تصوري لما طرحه الغالي احمد كمال
ان يقوم احد الاعضاء بطرح او بكتابه بعض الابيات عن تصور معين ويترك العنان لباقي الاعضاء ليتخيلو من سياق الابيات الحدث ويكملوا هم من واقع ما تخيلوة وهكذا

الشرح الوافي لشعر القوافي

الموضوع يدور حول شخص سقط من اعلى عمارة فيا ترى ما هو تصورك لما يحدث وما سبب سقوطه

جاوب فيما لا يقل عن بيتين

[أحمدكمال]

انا جيت

معلش يا جماعة كان عندي امتحان
ربنا ما يوقعكم في دكتور

المهم انا هفكر في موقف وارجعلكم
ولو عايزين تكتبوا في موقف ياسو انا مش هقؤل لاء

[radwa]

بالتوفيق ان شاء الله يا بشمهندس

منتظرين الموقف

[مستكة]

طب انا عندي ملحوظه صغننه

دلوقتي فيه ناس ماشاء الله بيعرفوا يشعروا كويس اوي

وفيه ناس تانيه مبتشعرش خالص

واذا استفزهم الموقف في مره وحبوا يشعروا هيتأحرجوا من اللي شاعرين اصلا

لانهم هيبانوا جمبهم بشعور منكوشه او اقرعه

فايه رايكم دام فضلكم

[أحمدكمال]

الموقف وصل يا جماعة

اكتب فيما لا يقل عن بيتين :
ابيات من " الحسد" والقر على " مستكة " لانها كسبت كارت شحن ب100جنيه وتخيل ان رصيدك صفر :
مين هيبدأ؟

[محمدحسين]

حصلت مستكه على كرت تليفون بميه
ومن عنينا وحسدنا مرقيه
وانتظرنا منها حفله بمناسبه الهديه
أو حتى من الراديو تهدينى أغنيه
أو تعزمناعلى فنجان شاى ساعه عصريه
واذا سألنها قالت حاضر من عنيه
بس لما أشتغل وأستلم أول ماهيه
بس كلمه فى ودنكم سريه
يظهر أن مافيش عندها نيه
وهنأخذ كلنا منها صابونه اللى هيه

[مستكة]

اكتب فيما لا يقل عن بيتين :
ابيات من " الحسد" والقر على " مستكة " لانها كسبت كارت شحن ب100جنيه وتخيل ان رصيدك صفر :
مين هيبدأ؟

يعني تديني باليمين وتقر بالشمال

اما صحيح اخر زمن

يديني الكارت وعينه فيه لا ومش مكفيه كمان

باعتلي الكارت عايز نضاره


ربنا يستر عليا باه واعيش لحد ما اكلم بالرصيد كله

حصلت مستكه على كرت تليفون بميه
ومن عنينا وحسدنا مرقيه
وانتظرنا منها حفله بمناسبه الهديه
أو حتى من الراديو تهدينى أغنيه
أو تعزمناعلى فنجان شاى ساعه عصريه
واذا سألنها قالت حاضر من عنيه
بس لما أشتغل وأستلم أول ماهيه
بس كلمه فى ودنكم سريه
يظهر أن مافيش عندها نيه
وهنأخذ كلنا منها صابونه اللى هيه

اضحك الله سنك


انتو هتصدقوا الاوشاعات اللي بتتقال عليا

دا انا كريمه

























































وحليمه وفطيمة ورشيده























طب خدوا دي




قالوا مسابقه ثقافيه ... وفايزها هياخد الميه

قلت ودي معقوله .. دي سؤلات تعجيزيه

وشكلها مش حقيقيه

فاعدت ادقق وادوَّر

واسال وافحص وأمأأ

وبعت رساله لفوازيرنا

وابو كمال نشف ريقنا

علشان يدينا رصيدنا

وفي الاخر بيقر علينا

عامل دعوة ولامم الناس حولينا

ولا يعرفش ما صاب نواضرنا

مش بحثنا ومأأنا عينينا

ونتيجة سؤلاته نغششنا

وفي الاخر بيقر علينا

طب يلا يا سيدي قر بقر

يا ابو جيب مليان

هات دكتور لعين التعبان

مش انت الريس الدفيان

شوف باه شعبك الغلبان