تقبل الزواج من فتاة تعرضت للاغتصاب

[7oOoDa]

أحب أضيف إن تعرض إي فتاة لهذا الوضع يسبب لها قلق وازمات نفسية رهيبة سيتم انعاشها واستدعاءها باستمرار خلال زواجها وكانها تمر بما حدث بها مرارا وتكرارا.. يعني للاسف الفتاة مش بتكون مجرد ضحية بس..لا حالية مرضية كمان في بعض او غالب الاحوال..
ومقدرش ادي اجابة مطلقة ب "لا" لان كل وضع ليه ظروفه واحواله.. والواحد حكمه وقراره وتعامل هيختلف مع اختلاف الوضع والظروف..
وتعليق على سؤال الاخت بائعة الورود..ان ممكن فتاة ما يخدع بها الرجل وتكون اللي اتعرضت للاغتصاب اشرف منها بمراحل !
وده بيعتمد اذا كان الرجل يبحث عن فتاة لمجرد الزواج وتاسيس اسرة ام يبحث عن شريكة حياة بمعنى الكلمة.. لذلك اكرر ان كل وضع وليه ظروفه واحواله والحكم عندما يوضع الشخص بهذا الظرف !

وسؤال آخر, اذا كنت على علاقة جدية مع فتاة ولتكن خطيبتك..والزواج امر محتوم وتم تحديد معاده والترتيب له وانت مؤمن بانها شريكة حياتك وتوأم روحك...الخ
وتعرضت للاغتصاب..هل "هتخلع" ؟

كل وضع وليه ظروفه يا جماعة عشان كدة المفروض محدش كان يستعجل

[MoHaMeD NaSSaR]

شوف يا حودا هو انا فعلا لو تعرضت للموقع مماثل

اكيد ما راح استمر وراح اخلع على فولتك

وثل ما قالت مستكه

لو تعرضت زوجتك للاغتصاب ماذا ستفعل في هذه الحاله

[Honey1900]

انا شخصيا


مش هقبل


و ممكن لو كنت بحبها و حصلها كدة اثناء معرفتنا او خطوبتنا


و طبعا بتكلم لو دا غصب عنها ( اغتصاب اغتصاب يعني )


انا بعترف اهو

هكون قاسي جدا و للاسف مش هتجوزها و مش هكمل معاها


ممكن تقولوا دي قسوة جدا


بس دي رايي و اقتناعي


بس طبعا هقف جمبها بس مش هرتبط بيها

فاصل و نواصل

[7oOoDa]

احنا لسه بمرحلة "قبول" فتاة ما "قبل" الزواج .. خلينا نخلص اسئلتها واحدة واحدة بعدين نقلب على ما بعد الزواج ولو ان الاجابة بديهية :]
والموضوع مهم جدا على فكرة وكل واحد لازم يقف مع نفسه وقفة.. لان احنا بنتكلم عن وضع تم..او لم يتم بعد (قابل ان يتم لا سمح الله)..

[MoHaMeD NaSSaR]

المشاركة الأصلية بواسطة honey1900

انا شخصيا


مش هقبل


و ممكن لو كنت بحبها و حصلها كدة اثناء معرفتنا او خطوبتنا


و طبعا بتكلم لو دا غصب عنها ( اغتصاب اغتصاب يعني )


انا بعترف اهو

هكون قاسي جدا و للاسف مش هتجوزها و مش هكمل معاها


ممكن تقولوا دي قسوة جدا


بس دي رايي و اقتناعي


بس طبعا هقف جمبها بس مش هرتبط بيها

فاصل و نواصل

كلامك منطقي يا هاني وعين العقل

وانا برضو نفس تصرفك راح اتصرف


اظن بس شخص ممكن يتجوزها

الي اغتصبها وشعر بذنب او ضميره صحي بس

[مستكة]

اظن بس شخص ممكن يتجوزها

الي اغتصبها وشعر بذنب او ضميره صحي بس

ونعم العقوبه

فكرتني بالقانون المصري

لما القضيه توصل للمحكمه .. اما يتزوج الفتاه او يسجن سنتين تلاته

ويتزوج الفتاه دي عقوبه لمين ان شاء الله

ما هو اي حد امعه ضارب بانجو وعاطل ومتنيل بستين نيله يعتدي علي اي واحده

والقانون بصفه باه

والبنت يا تقبل غصب عن حبابي عينيها او ترفض ويتسجن المحروس كام سنه لا تتعدي صوابع اليد الواحده ويطلع تاني يشوف نفسه

وهي باه تعيش او تموت ولا تولع في نفسها مش مشكله باه هنخنق نفسنا بيها ليه

حسبي الله ونعم الوكيل


















اسفه يا جماعه لعصبيتي لكن فعلا شيء مستفز

صحيح دي حريه شخصيه وكل واحد ادري بحياته وقراراته

بس انا بكلم عن التشوه النفسي اللي بيحصل للبنت واللي بيكون بسبب المجتمع قبل الافراد

لانها لو عارفه ان المجتمع هيحتويها ومش هيلفظها اكيد هتكون في حال افضل

لكن ارجع واقول لهن الله هو الرحمن الرحيم

اللهم استرنا فوق الارض واسترنا تحت الارض واسترنا يوم العرض عليك

اللهم احفظنا اللهم احفظ بنات المسلمين وشباب المسلمين

اللهم اهدينا جميعا لما تحب وترضي

اللهم امين

[بائعة الورود]

المشاركة الأصلية بواسطة مستكة

اللهم استرنا فوق الارض واسترنا تحت الارض واسترنا يوم العرض عليك

اللهم احفظنا اللهم احفظ بنات المسلمين وشباب المسلمين

اللهم اهدينا جميعا لما تحب وترضي

اللهم امين

اللهم امين اللهم امين اللهم امين


اولا احب اشكرك جدا على رايك فى الموضوع
لاقيت حد يقف جنبى فى وسط شباب مبترحمش
يمكن علشان مش بيمروا بالموقف
او مبيحسوش الاحساس دة

ولا تعمل عمليه وخلاص وساعتها محدش هيقول عليها نص كلمة

احنا لامتي هنفضل بتوع مظاهر .. ليه مش بنشوف الجوهر

وعجبنى جدا الراى دة

سوال لكل الشباب تحب تعرف اغتصابها من الاول
ولا تبقى مغفل وبحتة عملية ومش هتعرف حاجة ؟؟

ارجوا الرد على السوال

وارجو الرد على اعتبار الى حصل ليها كدة اختك

هتعمل اية ؟؟؟

طبعا الشباب هتقول استحالة
افتكروا مفيش حد كبير على حاجة
ممكن تكون اختك منقبة او محجبة ومحترمة جدا
وحصل هتحكم عليها بالاعدام
ولا هتعمل اية هتجوزها للمغتصب بيشرب بانجو ولا حشيش

الحمد لله ربنا قال اننا ناقصات عقل
بس مش ناقصات رحمة ولا قلب
الحمد لله
مستكة

[maysam]

بدكم الحق

ردود الشباب استفزتني لدرجة اني مش عارفة ارد!!!

يعني لو الآية معكوسة مثلا ، وانت في يوم تعرضت لحادث مشابه ، وما تقولوا مش بيحصل!!!!! وكنت خاطب ولا متجوز يبقى من حق الخطيبة او الزوجة تقول لك ما تلزمنيش بعد اليوم

هو باختصار يعني ، ومع احترام رأي الجميع ، نحن شعوب بنحب الغش والخداع
لو البنت اتكتمت على الموضوع وراحت عملت عمليات ورجعت بنت وما جابت سيرة بترضوا فيها بس للأسف وانتوا مخدوعين
ولو قالت الحقيقة وهي مالهاش ذنب بترفضوها

فكرتوني بمسرحية اوديب لشكسبير ، لما كان مفتح ما كان قادر يشوف الحقيقة ، وما شافها غير لما عينيه اتعمت.

لا يبقى هاد تشجيع كبير للاتجاه نحو الغش والخداع لأنه يبدو اصبح الطريق السليم بايامنا..و point

وبالنهاية بقول قد ايه ربنا رحيم بعباده!! سبحانه في مكانه

[محمدحسين]

للأسف البنت تدفع نظره مجتمع لم يرحمها مرتين
الأولى يوم تركها للذئب ليفترسها
والثانيه يوم ترك الذئب حر وأصبحت فريسته مجرمه تدفع ثمن جريمه لم ترتكبها
عموما انا فى أعتقادى أن من يكون لها زوج لابد أن يكون قلبه كله حب وعطاء وصبور ليعرف كيف يزيل الخوف من قلبها ونظره الرعب من عيونها ويعيدها الى المجتمع الذى عذبها بسياط المجرم
هذا الشخص لن يكون زوج فقط
بل لابد أن يكون حنونا
طبيبا لعلاج جروحها
وأستعاده ثقتها فى نفسها وفى الناس
يشعرها أنه يقدر ان يحميها
واعتقد ان مايفعله معها سيكون له جميل المردود منها ومن الله
ولنتذكر دائما أنها ليست جريمتها بل جريمه الذئب وجريمه المجتمع الذى لم يقف معها بل نبذها تركها تبكى وتتألم من جروحها ولم يرحمها ولم يرحم ضعفها ؟؟؟

[MoHaMeD NaSSaR]

في البدايه اود ان اشكر جميع من شارك في هذا الموضوع ولكن هناك فرق عندما نتكلم عن المثاليات وعندما نتكلم عن الواقع

يعني انت لو وقعت بهذا الموقف ماذا تفعل ؟

الفرق هو انه انا تعاملت مع الواقع وليس مع المثاليات ولنفرق بين هذه الامور


على فكره تناقشت انا وصديق عزيز ليا بهذا الموضوع كثيرا وانا سوف اطرح تسأله لانه مش مخول ان اذكر اسمه

السؤال هو كالاتي هكسي وهالمره كيف ستتعاملي يا زوجه كيف ستتعاملي يا فتاة

كثيرا من الامور في مجتمعات عربيه حتى نسمع عن هتك عرض طفل او حتى شاب او او

وبهذه الحاله العكسيه

اريد فقط ان اعرف اي فتاه توافق ان ترتبط بشاب مر بهذا الامر سواء بالماضي او بالحاضر


اشك ان اي فتاه تقبل في ذلك

اذا لماذا تقولون الفتاه ضحيه

هناك ايضا من الطرف الاخر من الممكن ان يكون هو الضحيه وانا اقول حتى لن اغير راي ولو عندي اخت برضو ارفت ترتبط بهك انسان حتى لو لم يكن له ذنب في ذلك

على فكره لو اي عضو قال انه بيرضى بذلك الحاله ساعتها اكون انا ظالم الفتاه التي تعرضت لفاحشة الاغتصاب


تحياتي

[نيهال]

للاسف احنا مكونين راى نفسى بحت
يعنى مش موضوع خوف من المجتمع او كده
لا
احنا من جوانا
حنقبل الفكره والا لا
تصور حتى انك عايش فى جزيره مهجوره والانسان اللى اغتصب ده مات
يعنى انت والبنت وخلاصى
حتقبل؟
دى الفكره اللى جت على دماغى
وللاسف راييى معجبنيش
بس انا انسان مش ملاك
وبقول
لا
لا
لا
ممكن اكون معاه على طول لكن انى ارتبط بيه مستحيل وصعب جدا
حطيت اخويا فى نفس الموقف...ومقدرتش والله
حياتهم من المستحيل ان تستقيم

وحطيت اختى مكان البنت اللى اغتصبت ولقيت انها مش حتقدر ترتبط........للاسف
الفكره نفسها مش قادره اتصورها
ده جرح كبير مش بسهوله ان الواحد يعيشه

[MoHaMeD NaSSaR]

المشاركة الأصلية بواسطة نيهال

للاسف احنا مكونين راى نفسى بحت
يعنى مش موضوع خوف من المجتمع او كده
لا
احنا من جوانا
حنقبل الفكره والا لا
تصور حتى انك عايش فى جزيره مهجوره والانسان اللى اغتصب ده مات
يعنى انت والبنت وخلاصى
حتقبل؟
دى الفكره اللى جت على دماغى
وللاسف راييى معجبنيش
بس انا انسان مش ملاك
وبقول
لا
لا
لا
ممكن اكون معاه على طول لكن انى ارتبط بيه مستحيل وصعب جدا
حطيت اخويا فى نفس الموقف...ومقدرتش والله
حياتهم من المستحيل ان تستقيم

وحطيت اختى مكان البنت اللى اغتصبت ولقيت انها مش حتقدر ترتبط........للاسف
الفكره نفسها مش قادره اتصورها
ده جرح كبير مش بسهوله ان الواحد يعيشه

نيهال يعني برايك ممكن اضيف اي شي على كلامك

كلامك متكامل ومنطقي وواقعي جدا

تحياتي لكى

[مستكة]

المشاركة الأصلية بواسطة MoHaMeD NaSSaR

في البدايه اود ان اشكر جميع من شارك في هذا الموضوع ولكن هناك فرق عندما نتكلم عن المثاليات وعندما نتكلم عن الواقع

يعني انت لو وقعت بهذا الموقف ماذا تفعل ؟

الفرق هو انه انا تعاملت مع الواقع وليس مع المثاليات ولنفرق بين هذه الامور


على فكره تناقشت انا وصديق عزيز ليا بهذا الموضوع كثيرا وانا سوف اطرح تسأله لانه مش مخول ان اذكر اسمه

السؤال هو كالاتي هكسي وهالمره كيف ستتعاملي يا زوجه كيف ستتعاملي يا فتاة

كثيرا من الامور في مجتمعات عربيه حتى نسمع عن هتك عرض طفل او حتى شاب او او

وبهذه الحاله العكسيه

اريد فقط ان اعرف اي فتاه توافق ان ترتبط بشاب مر بهذا الامر سواء بالماضي او بالحاضر


اشك ان اي فتاه تقبل في ذلك

اذا لماذا تقولون الفتاه ضحيه

هناك ايضا من الطرف الاخر من الممكن ان يكون هو الضحيه وانا اقول حتى لن اغير راي ولو عندي اخت برضو ارفت ترتبط بهك انسان حتى لو لم يكن له ذنب في ذلك

على فكره لو اي عضو قال انه بيرضى بذلك الحاله ساعتها اكون انا ظالم الفتاه التي تعرضت لفاحشة الاغتصاب


تحياتي

مفيش وجهه مقارنه

في الموضوع ده تحديدا البنت مش زي الولد

اومال احنا بنقول ايه من الصبح

المجتمع بيكيل بميكيالين

لو فيه تساوي مكانتش المناقشه دي كلها دارت

[MoHaMeD NaSSaR]

المشاركة الأصلية بواسطة مستكة

مفيش وجهه مقارنه

في الموضوع ده تحديدا البنت مش زي الولد

اومال احنا بنقول ايه من الصبح

المجتمع بيكيل بميكيالين

لو فيه تساوي مكانتش المناقشه دي كلها دارت

من طلب المقارنه

انا سؤالي مستقل لو تعرض الشاب لهذا الموقف هل تقبل الفتاه بأن تتزوجه ؟

ارجو ان نجعل هذا السؤال بمعزل عن باقي الموضوع علشان موضوع المقارنه

واشوف مين ممكن يجاوب على السؤال مع انه اعتقد انه ردي هذا لن يستطع احد ان يجاوبه

ولا اتخيل ان تقول فتاه نعم انا اتزوج شخص تعرض لعملية هتك عرض