لماذااااااااااااااااااااااااااااااااااااا

[نانو]

يبدأ المشهد هكذا

***


الأم تقول لجارتها بحزن بالغ:
مش عارفة أعمل إيه معاها.. كل صحباتها اتجوزوا ماعدا هي.. وكل ما يتقدم لها واحد ترفضه وكأنه معمول لها عمل.. كبرت البنت خلاص وبقى عندها 29 سنة وقاعدة لي كده زي البيت الوقف.. والناس خلاص هتاكل وشي.. طيب أعمل إيه بس معاها؟



***


أو هكذا

حوار بين شاب وصديقه:
عارف "ليلى".. اتطلقت امبارح من جوزها.. والله صعبانة عليّ دي لسه صغيرة.. بس مين هيرضى بقى يتجوز واحدة مطلقة.. لأ وإيه دي ماكملتش معاه إلا سنة واحدة بس.. أكيد الموضوع فيه إنّ.. وإحنا مالنا يا عم!



***


أو هكذا

جلسة نميمة نسائية أصيلة:
"سوسن" دي غريبة قوي.. دي نزلت الشغل بعد ما جوزها مات بشهر واحد بس.. لأ وبتضحك وعايشة حياتها ولا كأن فيه حاجة.. شوية شوية تقلع الأسود كمان.. باين عليها عاوزة تتجوز تاني.. ما هو الصنف ده يقتل القتيل ويمشي في جنازته! -مصمصة شفاه-.. حكم!



***


هذه هي الحقيقة الـ..... "ضع مكان النقط ما تشاء من أوصاف.. مُرة.. سخيفة.. مخيفة"
وهذه النظرة السائدة في أغلب المجتمع بتاعنا تجاه..
المرأة التي تأخرت في الزواج..
أو تلك المطلقة..
أو التي توفي زوجها وأصبحت أرملة في سن مبكرة..


لا أحد يبحث في الأسباب
وإنما يطلق أحكاما سابقة التجهيز..
أحكاما تشمل كل اللائي تأخرن في الزواج أو تم تطليقهن أو أصبحن أرامل
جميعهن
إما مشيهم مش مظبوط
أو نحس
أو عاملين زي البيت الوقف -وهو وصف قاس.. بجح إذا شئنا الدقة-

والأحكام غالبا مطلقة وعامة..
ماحدش بيفكر إن لكل حالة أسبابها الخاصة جدا التي لا تصلح للتعميم..




يعني وارد جدا إن البنت اللي تأخرت في الجواز..
يكون عندها حق في رفضها للعرسان لأنهم غير مناسبين لها..

هتقول: "يعني معقول كل اللي بيتقدموا لها وحشين؟"
نرد ونقول: "أيوه يا أخي وارد جدا.. إيه المشكلة يعني؟ إنت لو حسبت عدد الناس الوحشة اللي بتقابلهم في حياتهم وقارنتهم مع عدد الناس الحلوين.. هتكتشف إن الغلبة تقريبا للوحشين فإيه المانع إنهم ييجوا كلهم ورا بعضهم.."

ثم إنه مش شرط يكون العريس سيئ عشان ترفضه البنت
ممكن يكون كويس جدا ومناسب جدا
بس لحد تاني غيرها لكنه لا يصلح لها تحديدا

وبعدين ده في الأول وفي الآخر نصيب
ورغم أن الجملة دي سمعناها كتير في المسلسلات بس هي حقيقية فعلا
وفي الأول وفي الآخر اللي ربنا رايده هيكون فعلا

نفس الأمر بالنسبة للمرأة المطلقة..
هو ليه الناس بتفترض إنه طالما البنت اتطلقت يبقى العيب منها؟!
مش جايز ووارد جدا يكون العيب من جوزها
ومش جايز لهفة أهلها واستعجالهم على جوزاها هو اللي خلالها تتسرع في القرار وتختار الزوج الخطأ فكان لابد من الطلاق؟

وبعدين يا أخي افرض حتى اتجوزت واحد كانت شايفة فيه إنه مثالي وبعدين اكتشفت بعد الجواز إنه مش كده.. غلطت يعني.. تستمر في الغلط ولا تعالجه؟

ومش الطلاق ده حلله ربنا؟
لأنه أكيد عارف بقدرته التي فاقت الكل أنه أمر مهم وأن كثيرا من الناس سيحتاجون له من أجل حل أمر معقد ومن أجل فض الارتباط بين طرفين باتت العلاقة بينهما مستحيلة.

يبقى ليه الناس بتتعامل مع المطلقات بكل الريبة والتوجس والشك ده؟

ده حتى الأرامل..
اللائي لا ذنب لهن مطلقا في وفاة أزواجهم
-ده قدر ربنا هتعترض برضه؟!-
تلاقي نظرة المجتمع برضه مضطربة وحائرة بين التعاطف والشك..
والجميع لابد وأن ينظر للأرمل على أنها "كيان ناقص" لابد من ترميمه
والترميم لا يتأتى إلا بالزواج مرة تانية -غالبا من أخي الزوج الراحل!-
حتى يتم سترها..


بالقطع نحن لا ندعو..
إلى تأخر البنات في الزواج
أو إلى إسراع معدل الطلاق!
أو حتى إلى عدم زواج الأرامل

بالقطع لأ
ما ندعو إليه هو عدم التعميم في النظرة..
وعدم النظر للمرأة -التي تأخرت في الزواج أو المطلقة أو الأرمل- بكل هذا الشك والريبة..
وعلى أنه لازم يكون فيها أو في سلوكها "حاجة مش ولابد"!


ولا إنتم شايفين إيه؟



شايفين إن المجتمع العربى بينظر
للمرأة المتأخر زواجها والمطلقة والأرمل نظرة مش جيدة ولا احنا غلطانين؟

ويا ترى فيه حد فيكم مر بالتجربة دي أصلا؟
و إيه العلاج من وجهة نظركم؟

-----------------------------
اشهد ان لا اله الا الله . . . واشهد ان سيدنا محمد رسول الله
[color=#CC33CC]


الحمد لله رب العالمين

والصلاة والسلام علي سيد المرسلين محمد بن عبد الله صلي الله عليه وسلم

لا اله إلا الله العلى العظيم

لا اله إلا الله رب السماوات السبع و رب العرش العظيم

‏اللهم إنا نسألك زيادة في الدين

وبركة في العمر

وصحة في الجسد

وسعة في الرزق

وتوبة قبل الموت

وشهادة عند الموت

ومغفرة بعد الموت

وعفوا عند الحساب

وأمانا من العذاب

ونصيبا من الجنة

وارزقنا النظر إلى وجهك الكريم

اللهم ارحم موتانا وموتا المسلمين واشفي مرضانا ومرضا المسلمين

اللهم اغفر للمسلمين والمسلمات والمؤمنين والمؤمنات الأحياء منهم
والأموات

اللهم ارزقني قبل الموت توبة وعند الموت شهادة وبعد الموت جنة

اللهم ارزقني حسن الخاتمة

اللهم ارزقني الموت وأنا ساجد لك يا ارحم الراحمين

اللهم ثبتني عند سؤال الملكين

اللهم اجعل قبري روض من رياض الجنة ولا تجعله حفرة من حفر النار

اللهم إني أعوذ بك من فتن الدنيا

اللهم إني أعوذ بك من فتن الدنيا

اللهم إني أعوذ بك من فتن الدنيا

اللهم قوي إيماننا ووحد كلمتنا وانصرنا على أعدائك أعداء الدين

اللهم شتت شملهم واجعل الدائرة عليهم

اللهم انصر إخواننا المسلمين في كل مكان

اللهم ارحم آبائنا وأمهاتنا واغفر لهما وتجاوز عن سيئاتهما وأدخلهم
فسيح جناتك

وألحقنا بهما يا رب العالمين

وصلي وسلم وبارك اللهم على سيدنا محمد صلى الله عليه وسلم
منقووووول

[ابو ماجد]

انا اقول بصراحه


رضا الناس غايه لا تدرك


وما اضن الناس يعجبهم العجب ولا الصوم في رجب

لذا لا يهم راي الناس في كثير من الامور .. ما دام ما تقوم به الانسان مقتنع بيه وما فيه مخالفه او خروج علي بعض القيم . والعاادت والقاليد

[maysam]

نانو موضوعك روعة وكلامك صح

الناس دايما لازم تلاقي شيء تحكي فيه ولو حنرد عليهم حنتعب
والمشكلة الاكبر ان الناس العرب خصوصا تعودوا يتدخلوا بكل شي بكل التفاصيل بكل ما لا يعنيهم لحد ما بقى داء صعب استئصاله
حارجع اقول

ما حد يعطي نفسه الحق يحكم على اي حد غيره لأنه ببساطة مش عايش حياته ولا ظروفه ولا عارف هو بشو بيمر ولا شو نفسيته !! فليش يعطي نفسه الحق انه يفتي ويحلل ويتفزلك!!!!

بس اللي بده يعيش ويكون قوي بالحياة لازم يطنش كلام الناس ويدور على مصلحته وبس من غير ما يهمه الكلام

[محمدحسين]

مش عارف الا أقول لك أن مجتمعنا لازال ينظر للمرأه نظره دونيه ولاينظر الى دورها فى المجتمع وفى الاسره
الطلاق قد يحدث لعدم التفاهم وقد يحدث لقله خبره الرجل وعدم أحتوائه الزوجه وقد يحدث لتداخل الاسر ويجب على من يفكر فى الموضوع او يتحدث فيه أن يتحدث بعقليه وبدون حكم متسرع على المطلقه
انا هاقولك على شئ غريب جدا بعد وفاه والدى رحمه الله عليه بشهرين ذهبت امى للحج فقالت أحدى المقربات زوجها لم يمر عليه شهريم وذهبت للحج
حتى فرض الله وطاعته ؟؟
لذلك فالظلم كثير وسيظل طالما الناس لاتعى الامور بعقلها
ومالمشكله فى زواج شاب من مطلقه أو أرمله أذا ماكانت ستسعده
لا يتدخل المجتمع ليه ماتاخذ بنت بنوت
وكانه حكم أعدام لاى بنت طلقت أو ترملت دون ذنب له
لازال على المرأه أن تدفع الظلم عنها وهذا يتطلب ان تظهر تفوقها وتقدمها للمجتمع حتى تجبر المجتمع بحقوقها طالما لاتخالف شرع الله

[دقه قلب]

موضوع جميل جدااا يا نانو للاسف المجتمع نظرته للمراة سيئه جداا وبيعملوها شماعه لتعليق كل الاخطاء
قد تكون مسؤله بطبيعه الحال عن بعض اخطاء ولكن ليس كل الاخطاء

ليا عودة ان شاء الله

[الورد الجوري]

موضوعك جميل جدا يا نانو
والثلاث حالات اللي قولتي عليهم .. الناس بتظلمهم بجد
بس اللي عايزة اقوله ان الناس بتتكلم في كل الحالاتو في كل الاوقات بل و في اشدها حزنا و إيلاما

هقولك على موقف بسيط .. هو خارج نطاق امثلتك الثلاثه و لكن بردو في اطار كلام الناس
اذكر يوم وفاة جدتي .. و عند خروج النعش من المنزل انطلقت كلمه من احدى المعزيات
قالت : شوفوا الجنازه كبيره ازاي ؟؟ الست دي طول عمرها مدلعه حيه و ميته !!!!
محدش بيسيب حد في حاله
و على راي الشاعر
من راقب الناس مات هما :. و فاز باللذة الجسور

شكرا نانو علىالمواضيع الهامه
تسلمي يا حبيبتي

[الفراشه]

موضوع رائع

ليس كل من دق جرس الباب شخص مناسب

و ليس كل من نقابله اشخاص رائعين

ابن جارنا شخص في قمة الاخلاق و تقدم لخطبة بنت الجيران و رفضته بسبب عدم ارتياحها له

و الكل يحكي عنها

و بعد فترة خطب فتاه اخرى و تزوجها و لم يدوم الزواج سوا شهرين و خلال الشهرين تركت الفتاه البيت عدة مرات و طلقت لانه شخص لا يمكن ان يحتمل!!



و شكرا لك على الموضوع

[ساره]

هلا نانو
بعد اضيف علي كلامك يمكن ماهي موجوده في مصر ( يمكن )

يا عيني نسيتي القبول بالجامعه

وبعدين يلا دوري لك واسطه عشان التعينين

مسكينه تخرجت وما تعينت . قاعده لا وضيفه ولا زواج!

[نيهال]

للاسف لان دى طبيعه البشر
ايا كان مستواهم الاجتماعى او الثقافى

واذا كنت اعترضت لموقف زى ده فانا شوفته كتير
ولاننا فلاحين فالموضوع ده كتير بشوفه هناك

ويكفى ان اقول ان التسرع هوه سبب كل المشاكل

موضوع حلو يا نانو.........الله ينور عليكى

[snow white]

والله يانانو كلامك صح جداااااااااااااااااا وبيحصل دايما
محدش بيسيب حد فى حاله مش عارفه ليه
وفى الحالات الى قولتيها بتحصل حاجات تانيه كتير

يعنى بالنسبه للبنت اللى اتاخرت فى الزواج
لو رضيت بحد مش مناسب ليها واتجوزته الناس بردوا هتتكلم وتقول يعينى شوف الفرق بينها وبينه...ايه اللى خلاها توافق بس؟؟

والمطلقه لو اتجوزت تانى واستقرت فى جوازها هيقولوا
ازاى ده حصل مع انها اتجوزت واطلقت قبل كده

حتى الارمله لو اتجوزت بعد وفاه جوزها ....هيتكلموا عليها بردواوهيقولوا ازاى اتجوزت ونسيت جوزها ...هيقولوا عليها كتير....ولو ما اتجوزتش هيتكلموا عليها بردوا


يعنى م الاخر كده محدش بيسيب حد فى حاله
مش عارفه امتى الناس هتتغير وتسيب كل واحد فى حاله؟؟؟؟؟؟؟؟؟؟؟؟؟؟؟؟

ربنا يهدينا جميعا

وتسلمى يانانو ع المواضيع الجميله

[نانو]

طب تفتكرو ايه الحل
او ازاي ممكن نغيره ولو حتى بالتدريج

[THEGOODWOLF]

من المذيع المشهور

و الله عندك حق يا نانو
و كلامك بيوجع قوي علشان مجتمعنا بقى مقرف قوي و عاوز ينضف من كل السيئات و الفساد الي فيه