الف مبروك ...للفائزين

[أحمدكمال]

بسم الله الرحمن الرحيم


طبعا تشرفنا جدا اننا نقدم المسابقة دي في رمضان وبنشكر كل الناس اللي شاركت في المسابقة والناس اللي كانت عايزة تشارك في المسابقة لكن مشركتش...وبنوعدكم متكونش دي اخر مسابقات عالم ابن مصر .."واغرمي يا ادارة "....

المسابقة شارك فيها اربع متسابقين بس...كان نفسنا يكون العدد اكبر طبعا بس كبداية وكاول مسابقة لينا كان الامر مقبول وكان التحدي جميل ورائع بين الاربع متسابقين بتوعنا...

مين هم بقى؟ ...باقدمية الاشتراك في المسابقة

كتائب الاقصى
مستكة
سنووايت
النسر الذهبي

هم دول ابطالنا اللي قبلوا التحدي ودخلوا مسابقتنا "مسابقة رمضان"....


الف مبروك للفائزين مقدما .......


ودلوقتي مع فاصل اعلاني ونرجع بعديه نشوف مين بقى اللي فاز

[أحمدكمال]

لغاية دلوقتي قدرنا نشوف اجابات الابطال الاربعة لغاية سؤال تربو 1 ....
تعالوا نشوف الاسئلة كانت ازاي والمنافسة كانت عاملة ايه.....

السؤال الاول

بواسطة ---هاف ماجيك--- كان بيقول
كم مره ذكرت " فبأى آلاء ربكما تكذبان " فى سورة الرحمن ؟

ياترى كتائب الاقصى قال ايه

ج1 عدد الآيات 31

وانتي يا مستكة؟؟

1- (31 مره )

ياترى سننوايت ليها رأي تاني؟

31

النسر؟

ذكرت الايه 31 مرة

الاجابة فعلا صح برافو عليكم كلكم

السؤال التاني

كان بواسطة----ملك الرومانسية---

ما هو الصوت الذى ذكر فى القران بانه انكر الاصوات ؟

يا ترى يا نسر ايه الاجابة...

الصوت الذي ذكر بالقرآن ووصف بانه انكر الاصوات هو صوت الحمار

وكتائب الاقصى؟

ج2 أنكر ألصوات التى ذكر بلآية الكريمة صموت الحمير

ايه صموت دي هعديهالك يا كتائب

وانتي يا سنو

قال تعالى (ان انكر الاصوات لصوت الحمير) صدق الله العظيم.

طيب وفين الاجابة

ومستكة؟

2- (صوت الحمار )

معجب بالثقة دي اوي

برافو عليكم

ناخد فاصل بسيط ونرجع

[أحمدكمال]

السؤال التالت

بواسطة --ميسم--

ما هي الحشرة التي تكلمت في القرآن و تبسم نبي الله سليمان عليه السلام من قولها؟؟

ها يا مستكة؟

3- (النمل )

وسنو؟

النمله .

عارفة لو مكنتيش حطيتي النقطة اللي في الاخر
وكتائب؟

ج3 النملة هى التى تبسم من قوله سيدنا سليمان

والنسر ؟

الحشرة التى تكلمت في القرآن وتبسم نبي الله سليمان لقولها هي النملة
لقوله تعالي{حَتَّى إِذَا أَتَوْا عَلَى وَادِي النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ }النمل

صدق الله العظيم ...

شايفين المنافسة عاملة ايه ؟
شكلنا كده هنلغي المسابقة علشان مفيش فايزين
ولا ايه رايكم نكمل تصحيح احسن

السؤال الرابع

بواسطة---ابن مصر---

نبدأ بمين يلا يانسر؟

حج النبي بعد الهجرة حجة واحدة فقط وكانت هي حجة الوداع

وانت يا كتائب؟

ج4 حج النبى بعدالهجرة حجة واحدة وتسمى حجة الداع

مستكة؟ايه النظام؟

4- ( مره واحده )

فعلا خير الكلام ما قل ودل
سنو؟

مره واحده.
وهى حجه الوداع فى السنه العاشره من الهجره

شايفين الاجابات الكاملة

دلوقتي اول اربع اسئلة سهلين والكل جاوب عليهم خلي بالكم ده كان مجرد تسخين في اول رمضان
الجد لسه جاي

فاصل بسيط ونرجع

[أحمدكمال]

حتى الان النتيجة


كتائب الاقصى 4
مستكة 4
سنووايت 4
النسر الذهبي 4

[أحمدكمال]

نكمل بقى يا جماعة المتسابقين اكيد اعصابهم تعبت خالص....

السؤال الخامس
بواسطة---حودا---
لماذا يرمز للسلام بغصن الزيتون ؟

ليه كده ياحودا السؤال الصعب ده

ها يا مستكة؟

5- (يرمز غصن الزيتون إلى السلام؛ لأنّ النبي نوح (ع) عندما اطلق الحمامة من الفلك عادت إليه بغصن زيتون عربون السلام اي إن الطوفان قد انتهى.)

اخيرا اكتر من كلمتين

وكتائب الاقصى؟

ج5 عندما قام نبى الله نوح عليه السلام بإطلاق حمامه من الفلك عادت إليه بغصون زيتون عربون السلام علم أن الطوفان قد إنتهى

مممم حاسس انكم ناقلين من بعض
لوسمحتم كل واحد يبص في ورقته

سنووايت ؟

لان اول غصن حصلت عليه الحمامه بعد الطوفان غصن الزيتون .
حيث ان نبى الله نوح(عليه السلام)عندما اطلق الحمامه من الفلك عادت اليه بغصن الزيتون عربون السلام اى ان الطوفان قد انتهى .

دي حالة غش جماعي

انا واثق فيك يا نسر؟

لانه فى عهد النبى نوح عليه السلام كان يقوم بارسال الحمام الى الاماكن التى اغرقها الطوفان وكانت تعود بغصون الزيتون ولذلك رمز للسلام بالحمام يحمل غصن الزيتون

برافو عليك يا ولد

السؤال السادس
بواسطة --احمدكمال--

اختصارا للوقت يا جماعة السؤال كان ما هو لقب صلاح الدين الايوبي وكانت الاجابة الناصر والكل جواب عليها صح

يبقى النتيجة لغاية دلوقتي

6 الجميع

[أحمدكمال]

السؤال السابع

بواسطة-هاف ماجيك-

ما هي أكبر دولة إسلامية في أفريقيا ؟

نشوف الاجابات وننتانقش

مستكة

7- (نيجيريا )

سنو

السودان وتبلغ مساحتها 2,505,810 كم مربع .

النسر

اكبر دولة اسلامية في افريقيا من حيث عدد السكان هي نيجيريا

كتائب

ج7 أكبر دولة إسلامية فى أفريقيا (نيجريا)

اممم يا ترى مين الصح ؟؟
انتم رأيكم ايه
نعمل تصويت
شوفوا يا جماعة الاجابة الصح هي نيجريا والاكبر عموما بيبقى مقصود بيها السكان مالم يذكر انه عايز مساحة بس مرعاة لان السؤال ممكن يحصل فيه لبس هنعدي الاتنين....
بس مش كل مرة تسلم الجرة يا سنووايت

السؤال الثامن

بواسطة--ملك الرومانسية--

صاحب قصيدة البرده وصاحب قصيدة نهج البرده ؟؟

الموضوع بدأ يصعب ولا ايه؟؟

نشوف كتائب الاقصى كده؟

ج8 صاحب قصيدة البرده (كعب بن زهير)ونهج البرده (أحمد شوقى)

ربما؟
النسر؟

صاحب قصيدة البردة هو
الإمام البوصيري
اما نهج البردة فهي للشاعر
أحمد شوقي

جايز!
مستكة؟

8- (نهج البرده كاتبها هو احمد شوقي - اما البرده فكاتبها هو الامام البوصيري )

انتم مصريين بقى !!!
وسنووايت؟
نهج البرده ؟؟

صاحب قصيدة البرده شرف الدين البوصيرى ...وصاحب البرده الام هو كعب ابن زهير

الاجابة كانت ان صاحب قصيدة البردة هو كعب بن زهير ودي قصيدة مشهورة جدا وبتدرس في المدارس
وصاحب قصيدة نهج البردة هو احمد شوقي الشاعر المصري المخضرم
ناخد بقى واجب صغير هنا "ياريت حد يبجبلنا البردة للامام البويصري وينزلها في حبر وورقة؟"


كده النتيجة دلوقتي
كتائب الاقصى 8
سنووايت 8
النسر 7.5
مستكة 7.5

هتقولي ازاي نص هقؤلك دي رأفة ومطيرناش السؤال كله

ياجماعة دلوقتي ماتش برشلونه وتشيلسي

[أحمدكمال]

ناخد سؤال تسعة وعشرة على السريع ............
ياعالم يمكن الحق الشوط التاني

السؤال التاسع كان من ميسم
سباها النبى " صلى الله عليه و سلم " فى خيبر و أعتقها و تزوجها ؟ فمن هي؟؟؟
والكل جاوب عليه صح
هي صفية بنت حيى بن أخطب"رضى الله عنها"

السؤال العاشر..كان من ابن مصر.
ما هي الحشرة التي لها خمسة عيون ؟ الاجابة صح من الجميع..."النحلة"

احسبوا معايا يا جماعة......

دخلنا على التربو
ده محتاجله رد لوحده
اروح اعمل كوباية شاي ونشوف ايه نظامه سوا

[أحمدكمال]

السؤال الحادي عشر

محدش قالي ليه انه التربو لسه

فاضل سؤال عليه

السؤال دلوقتي...كان ليا وبيقول


ماهو تاريخ اقدم موضوع في منتدى ابن مصر؟
خيارات
1-سنة 2001
2-سنة2002
3-سنة 2004



نشوف الاجابات ....

سنووايت

1- سنه 2001
عندما كان المنتدى على موقع مجانى

مستكة

11- (سنة2002 )

كتائب الاقصى

ج11 2001

النسر

3-سنة 2004

بجد مكنش العشم يا نسر يا بني انت مراقب من قبل سنة2004....
الاجابة 2001 او 2002
2001:زي ماقالت سنووايت" عرفتيها منين " كنا على موقع مجاني
2002:هو تأسيس المنتدى الحالي
الاجابتين هنعتبرهم صح


النتيجة لغاية دلوقتي

11لكل من سنو وكتائب الاقصى
10.5 لمستكة
9.5 للنسر الذهبي

صح كده؟
اما اروح اصب الشاي

[أحمدكمال]

السؤال التاني عشر "تربو واحد"

كانت الاسئلة من حودا ..هواللي تاعبكم معاه
انا لومكانكم نخلص عليه

السؤال بيقول

أولا:
من النبي اللذي سلم على نفسه ثلاثاً؟ ومن النبي اللذي سلم الله عليه ثلاثاً؟
أ)اللذي سلم على نفسه ثلاثا النبي عيسى واللذي سلم الله عليه ثلاثا النبي يحيى.

ب)اللذي سلم على نفسه عيسى واللذي سلم الله عليه زكريا.

ج)اللذي سلم على نفسه عيسى واللذي سلم الله عليه محمد عليه السلام.

ثانياً:

هل صح أم خطأ أن الخـوف يجعل الشعر ينمـو أسرع ؟


ثالثأ:
ما هي الجزيرة اللتي لا تدخلها النساء؟ ولماذا؟

طبعا السؤال ده كل شق فيه بنقطة واذا جاوبت على التلت نقط تاخد نقطة هديه


نشوف الاجابات

النسر

أولا:
من النبي اللذي سلم على نفسه ثلاثاً؟ ومن النبي اللذي سلم الله عليه ثلاثاً؟
أ)الذي سلم على نفسه ثلاثا النبي عيسى والذي سلم الله عليه ثلاثا النبي يحيى.
ثانياً:هل صح أم خطأ أن الخـوف يجعل الشعر ينمـو أسرع ؟
خطأ
ثالثأ:ما هي الجزيرة اللتي لا تدخلها النساء؟ ولماذا؟
جزر نجرهانز لأنها في البنكرياس

اممم واثق من الاخيرة دي

مستكة

12- تربو :

أ- اللذي سلم على نفسه ثلاثا النبي عيسى واللذي سلم الله عليه ثلاثا النبي يحيى

ب - نعم الجواب صحيح فالخوف يجعل الشعر ينمو سبحان الله وله في خلقه شؤن

ج- جزيرة أثيوس اليونانية لأنها مخصصة للرهبان

سنوو
السؤال الثاني عشر
تربو 1

أولا:
من النبي اللذي سلم على نفسه ثلاثاً؟ ومن النبي اللذي سلم الله عليه ثلاثاً؟
أ)اللذي سلم على نفسه ثلاثا النبي عيسى واللذي سلم الله عليه ثلاثا النبي يحيى.

ثانياً:
هل صح أم خطأ أن الخـوف يجعل الشعر ينمـو أسرع ؟
خطأ .

ثالثأ:
ما هي الجزيرة اللتي لا تدخلها النساء؟ ولماذا؟
جزيره اثيوس اليونانيه .
لانها مخصصه للرهبان .

اما كتائب الاقصى فمبعتش اجابة على سؤال التربو ليه كده

الاجابة النموذجية هي اجابة مستكة ...

برافو عليكي يا مستكة دلوقتي اخدتي نقطة هدية

[أحمدكمال]

النتيجة لغاية دلوقتي

مستكة 14.5
سنو 13
كتائب الاقصى 11
النسر 10.5

فااااااااااااااااااااااااااااصل

[عتاب]

ماتقول النتيجة وتخلصنا بقا احنا لسه هانستنى

[7oOoDa]

المنافسة لسه هتشتد وورق تربو واحد بس هوا اللي تكشف !
ومين عارف, يمكن تحصل مفاجآت وتنقلب الآية !


تابعونا..

[MoHaMeD NaSSaR]

انا بقول مستكه هي الي راح تفوز


كيف مبين من النتائج لغاية الان

[الورد الجوري]

انا مش بحب الانتظار
بس اللي مصبرني اني بتفرج على حل الاسئله
الحمد لله انكم بتقولو الحل
و مش بتقولو فلان جاب كذا و تروحو تاكلو سندويتشات و تخلونا على اعصابنا

[النسر الذهبى]

كدة الواحد يقوم ينام وهو مطمن انه خسر المسابقة بس الى يهمنى انى اخسرها بشرف وبس