ليه بالسرعه دى!!!!!!!!!!!!!!!!!!!

[دقه قلب]

حكمت محكمة عسكرية فى القاهرة على النائب المصرى طلعت السادات بسنة في السجن بتهمة ترويج شائعات كاذبة واهانة القوات المسلحة المصرية.

وكانت التهمة قد وجهت الى طلعت السادات، ابن شقيق الرئيس الراحل أنور السادات،بعد رفع الحصانة البرلمانية عنه، بسبب ما جاء على لسانه فى أحد البرامج التلفزيونية من اتهامات لهيئات وأفراد فى القوات المسلحة بالتورط فى عملية اغتيال الرئيس المصرى الراحل أنور السادات.

وقال مساعد طلعت السادات محسن عيد انه نقل الى السجن فور النطق بالحكم.

وكان النائب قد دفع عن نفسه التهمة وقال: "انني واثق من براءتي، ولم أوجه اهانة الى القوات المسلحة، بل ان السلطات تريد التخلص مني".

وقال طلعت السادات وهو نائب عن حزب الأحرار المعارض أن ما وجه إليه من اتهامات مضحك " فلم أهن الجيش ولم أتعرض للقوات المسلحة قلت أن هناك إهمالا تسبب في الاغتيال وطالبت بالتحقيق في ذلك".

وكان رئيس مجلس الشعب المصري قد قرر رفع الحصانة عن طلعت السادات بناء على طلب المدعي العسكري لاتهامه "بترويج شائعات كاذبة واهانة القوات المسلحة بعد إدلائه بتصريحات خلال مقابلات تلفزيونية أكد فيها أن اغتيال الرئيس المصري السابق قبل 25 عاما تم بمؤامرة شارك فيها حرسه الخاص وبعض قادة القوات المسلحة" حسب ما ذكرت الصحف المصرية


منقول من عدة مصادر


انا ليا سؤال بس يعنى حاسه ان الموضوع فى شىء اكتر من اللى بنقراه

يعنى اول مرة بتترفع الحصانه عن نائب ايا كان وتيجى محاكمته بالسرعه دى وكمان حكم بالسجن وتنفيذ فورى

الحاجات دى مش متعودين نشوفها فى مصر يعنى الا اذا كان فى الموضوع شىء اخر
يعنى انا بس مستغربه ليه متعملش كده فى صاحب العبارة الشهير هو اهانه القوات المسلحه جريمه اكبر من الاستهتار بحياه المواطنين اللى المفروض القوات المسلحه تخدمهم وتحميهم!!!!!

[مستكة]

طبيعي جدا يا دقة قلب اللي حصل

طلعت السادات طلع كتير في برامج مهمه وفي كل مكان يتحدث وبكل جراه

وانتي عارفه ان الناس اصلا مش طايقه الحكومه الحاليه

فهو بكلامه والحريه اللي بيكلم بيها وخصوصا مواقفه الاخيره بتشحن الناس اكتر ماهي مشحونه

كمان جراته بتشجع غيره يتجرا

فاصبح بمثابة صداع في دماغ الحكومه ( حلوة بمثابة دي )

فلازم لازم يتخلصوا منه

ولعلمك هما لو كانوا يقدروا يعملوا اكتر من كده كانوا عملوا

لكن لانه صوته عالي ومبيخافش من اي حد ومحامي محنك فبيتهيالي عاملينله حساب برضه

قارني كده باللي حصل مع ايمن نور مع اختلاف المواقف طبعا

فلا داعي للاندهاش

[نانو]

المسئله واضحه جدا ولا داعي للنقاش
الباب الي يجيلك منه الريح سده واستريح
لازم مانسمعش ولا نفهم اي حاجه غير من ابونا الكبير
الي يعرف مصلحتنا

[أبو أسامه المصرى]

نعم لابد من سماع كلام الكبار وعدم اللعب بالنار الحصانة ترفع فى أى وقت والمحاكمة تكون فورا أما إن كان تنفيذ حكم لصالح مواطن فحدث ولاحرج

[ابو ماجد]

اسئله عده تطرح نفسها .

لما ذا تصريحات السادات في هذا الوقت .؟؟؟؟

هذا الوقت الذي تتعالي فيه الاصوات حول جمال ....


هل انا وريث وهو وريث.. مش ممكن اكون انا وريث .


لا زال هناك طموح سياسي ..

كرسي الرئاسه اصبح كل من تسول له نفسه ان يرشحها له ...

هل زالت هيئه الريس ؟؟

اعتقد تصريحات السادات كانت مقدمــه لاحداث ما ..

تنال من الكرسي .. في ظل التململ , واي صوت مقبول , غير الوراثه سيكون له النصيب الاكبر

مجرد رأي

[دقه قلب]

ابو ماجد
بصارحه رايك اقنعنى اكتر
خاصه ان طلعت السادات مش هو يعنى الانسان الوطنى اللى ما بيدور على مصالحه الشخصيه
يعنى انا بعتقد مع حضرتك ان تصريحاته فى الوقت ده بالذات كان لها هدف تانى
واحتمال ان الهدف التانى ده واضح للاخرين جت المحكمه السريعه
سعيدة بمشاركاتكم
تحياتى للجميع

[نيهال]

ومن لم تسول له نفسه بكرسى السلطه
وخصوصا انهاجرين كارد الحياه الى محخدش بيسمع عنها سوى فى الروايات الخياليه
عموما
انامش مستغربه مطلقا اى حاجه تحصل
بس فيه حاجه ده اللى انا مستغربالها
انا متاكده ان السادات كانت لديه المستندات القائمه عليها كل ما قيل يوم برنامج القاهره اليوم
ولانه محامى فيدرك ما قاله جيدا ولابد من ان يكون مدعما بالاثباتات
فلماذا لم يستطع ان يبرء نفسه؟
يللا ربنا يستر على البلد
مش عارفه اقول غيير كده

[أحمد سالم]

المشاركة الأصلية بواسطة نانو

المسئله واضحه جدا ولا داعي للنقاش
الباب الي يجيلك منه الريح سده واستريح
لازم مانسمعش ولا نفهم اي حاجه غير من ابونا الكبير
الي يعرف مصلحتنا

الكلام ده الى مأخرنااااااااااااااااااااااااااااااااااااااااااااا ااااااااااااااااااااااااااااااااا