مـــــــــرت سنـــــــــــة

[عتاب]

بدأ العد التنازلي وقربت اكمل معاكم سنة

في 22 نوفمبر هاكمل سنة باذن الله بس قلت احتفل بدري ماحدش ضامن عمره

حقيقي لما دخلت ابن مصر ماتخيلتش انى اتعلق بيه كده

ولا تخيلت اني هاكون فيه صداقات جميلة كده

دخلت ابن مصر بشويش عشان ماحدش يشوفني ويقولي انتي رايحة فين

في البداية كنت باكتب عشان مستكة ماتزعلش انى دخلت عشانها وبعد كده طنشتها

وبعد كده بقيت باكتب لاني بحب اقول رأيي ومفيش حاجة تعدي كده من غير ماقول انا عايزة فيها ايه

وبعد فترة بقيت اكتب عشان بحب منتدى ابن مصر وبحب اخواتي اللي فيه

كتبت كتير وزهقتكم كتيييييييييييييير

اتفقت مع ناس واختلفت مع ناس تانية بس في النهاية اختلافي معاهم لا يفسد للود قضية (على الاقل جوايا لاني طبعا ماعرفش الناس جواها ايه)

اتعرفت على ناس واتصاحبت على ناس

وناس كتير في ابن مصر أثروا في عتاب وشخصيتها

واتمنى ان عتاب تكون اثرت في اي شخص (بس للاحسن مش للأسوأ )

كتبت الموضوع عشان اقول لكل الاعضاء اني احبكم في الله

اى عضو كان له موقف جميل مع عتاب باشكره عليه وعمري ماهانسى ناس كتير وقفت جنبي

واى عضو زعل من عتاب في شيء اتمنى يسامحني لاني اكيد ماقصدتش ازعله
يمكن اكون غلطت بدون قصد ويمكن يكون هو اللي فهم الموضوع غلط بس سواء انا اللي غلطت او هو فهم غلط اتمنى انه يسامحني وبقوله حقك عليا ماتزعلش

واى عضو اساء لعتاب في يوم من الايام سواء بقصد او بدون باطمنه واقوله اني مسامحة بس المهم يراعي ربنا قبل ما يقول كلمة في حق اي حد. حتى لو كانت من وجهة نظره حقيقة لان كونها حقيقة مايشفعش اننا نغلط في بعض او نجرح بعض

ناس كتير هاتقول ايه الرغي ده . عتاب عاملة الموضوع ليه!!!

اقولكم انا بقا

عتاب عامله الموضوع عشان حاجتين اولا انها تقول الكلمتين اللي قالتهم فوق دول

وثانيا عشان تحتفل انها هاتكمل سنة معاكم باذن الله في اقرب مكان لقلبها

يالا بقا هييييييييييييييييييييييييييييييصة

انطلقوا

[maysam]

يااااااااااه وبقى لك سنة يا عتاب

طبعا عن نفسي سعيدة انك كنتي معنا طول السنة وان شاء الله تمتد السنين ونحن كلنا مع بعض
هو الواحد بعد مدة بيسأل حاله ، هو شو بيستفيد من وجوده في المنتدى ، يعني عن نفسي صار لي فيه اكتر من 4 سنين وكتير بسأل حالي شو اللي طلعت فيه؟؟؟

يكفي انه بيطلع بناس بيكون سعيد انه بيقضي الوقت معاهم ويتعرف عليهم ويكسبهم اصدقاء من غير اي مصالح!

بيكفي انه بيكتشف انواع من الناس عايشين معاه وبيشوف نسخ منهم كل يوم في حياته ، ويمكن التجارب هون تعلمهه شوي كيف يقدر يتعامل بالواقع مع الانواع المشابهة

ويمكن اسباب كتير صعب نفسرها.. بس في ابن مصر وبس .. اللي بيقعد فيه صعب يطلع منه ، ولو طلع منه مصير ه يرجع له

مبروك السنوية يا عتاب وعقبال ما نبارك لك كل سنة وانتي معانا

[MoHaMeD NaSSaR]

الف مبروك عتاب مرور سنه داخل هذا الصرح الكبير وكلمة حق تقال انه وبالرغم من قصر الفتره التي امتدت لسنه الا ان بصمتك في هذا المنتدى واضحه وتمتد لسنوات كثيره

وبهذه المناسبه بأسمي وباسم اعضاء ابن مصر بوجه شكري وتقديري لك على العطاء المستمر الذي تقديمه ولا زلت تقدمي

وطبعا لازم اشكر ايضا مستكه لانه لولها لما تعرفتي على المنتدى


الف مبروك عتاب مرور سنه على تواجدك معانا

[عتاب]

المشاركة الأصلية بواسطة maysam

يااااااااااه وبقى لك سنة يا عتاب
طبعا عن نفسي سعيدة انك كنتي معنا طول السنة وان شاء الله تمتد السنين ونحن كلنا مع بعض
مبروك السنوية يا عتاب وعقبال ما نبارك لك كل سنة وانتي معانا

عن نفسك ايه يا ميسومة قصدك ان الباقيين مش فرحانين والا ايه
كده جيتي تباركيلي زعلتيني
على العموم انا عارفة انك ماتقصديش هيك(مش اسمها هيك برده )
واكيد الاعضاء فرحانين بس مش باين عليهم
انا والله اسعد بوجودي معاكم . سنة عدت بسرعه اوي ماحسيتش بيها
وعقبال ما ابقى معاكم واكتم على نفسكم كمان سنة
ميرسي يا ميسومة على تهنئتك بس ده شيء مش غريب عليكي . هي دي ميسم اللي كلنا نعرفها

[كتائب الاقصى]

ألف مبروك مس عتاب وعقبال لما نبارك فى الأفراح إن شاء الله مر عام سريع فلنقف وقفه مع النفس عما قدمن فى هذه السنة أتمنى من الله أن يبارك جهودك ويرزقك الدرجات العلى من الجنة

[عتاب]

المشاركة الأصلية بواسطة MoHaMeD NaSSaR

الف مبروك عتاب مرور سنه داخل هذا الصرح الكبير وكلمة حق تقال انه وبالرغم من قصر الفتره التي امتدت لسنه الا ان بصمتك في هذا المنتدى واضحه وتمتد لسنوات كثيره

وبهذه المناسبه بأسمي وباسم اعضاء ابن مصر بوجه شكري وتقديري لك على العطاء المستمر الذي تقديمه ولا زلت تقدمي

وطبعا لازم اشكر ايضا مستكه لانه لولها لما تعرفتي على المنتدى


الف مبروك عتاب مرور سنه على تواجدك معانا

الله يبارك فيك يانصار بجد كلامك بيفرحنى جدا
وباتمنى المنتدى كله يكون له رأيك فيا
وعلى العموم اعتقد االبصمة الوحيدة ليا هنا هي اني قدرت اكسب ثقتك وثقة بعض الاشخاص اللي يهمني رأيهم في عتاب
رأيك فيا بيحسسنى ان السنة دي ماضاعتش من عمري بالعكس دي اضافة ليا كتير
نورت الموضوع بمشاركتك الرقيقة دى

[عتاب]

المشاركة الأصلية بواسطة كتائب الاقصى

ألف مبروك مس عتاب وعقبال لما نبارك فى الأفراح إن شاء الله مر عام سريع فلنقف وقفه مع النفس عما قدمن فى هذه السنة أتمنى من الله أن يبارك جهودك ويرزقك الدرجات العلى من الجنة

الله يبارك فيك كتائب الاقصى
اتمنى اني اكون قدمت ولو حاجة واحدة تتحط في ميزان حسناتي يوم القيامة
شكرا للمرور والمشاركة

[مستكة]

ياااه يا عتاب مرت سنه بالسرعه دي

الايام بتجري فعلا

افتكر من سنه كنا معظم الوقت مع بعض عالمسنجر

وكل شويه استاذن من عتاب

وتستغرب بروح فين

اديها لينك واقولها قولي رايك

تقولي لسه هقرا

متصدقوهاش يا جماعه انا جايباها بالعافيه

في مره قلتلها تعالي معايا مشوار وضحكت عليها لما جبتها لابن مصر


واديها جت واعدت وعجبتها الاعده وبتحتفل بمرور سنه اهو

الا انا محتفلت ليه

ماليش دعوه باه اعمليلي حفله معاكي ما انا ساابقاكي بشهرين ولا حاجه

ياااه كانت ايام جميله اوي

فاكره يا عتاب

تعالي اكلمي شويه عن الذكريات الجميله

من غير فضايح

[عتاب]

المشاركة الأصلية بواسطة مستكة

ياااه يا عتاب مرت سنه بالسرعه دي

الايام بتجري فعلا

افتكر من سنه كنا معظم الوقت مع بعض عالمسنجر

وكل شويه استاذن من عتاب

وتستغرب بروح فين

اديها لينك واقولها قولي رايك

تقولي لسه هقرا

متصدقوهاش يا جماعه انا جايباها بالعافيه

في مره قلتلها تعالي معايا مشوار وضحكت عليها لما جبتها لابن مصر


واديها جت واعدت وعجبتها الاعده وبتحتفل بمرور سنه اهو

الا انا محتفلت ليه

ماليش دعوه باه اعمليلي حفله معاكي ما انا ساابقاكي بشهرين ولا حاجه

ياااه كانت ايام جميله اوي

فاكره يا عتاب

تعالي اكلمي شويه عن الذكريات الجميله

من غير فضايح

انا جيت اهو بس ايه الفضايح العلني دي
حقيقة مماحدش يعرفها عني الا مستكة وهى اني مش بحب القراية الكتير وبازهق بسرعه
وكتير كانت تجيبلي موضوع طويل شوية كنت اقولها اختاري المواضيع الاول او احكيلي بيكلم عن ايه
لحد ماجابتنى غصب عني . ولو اني لحد دلوقت اذا الموضوع طويل ممكن ازهق واختصره مش اقراه كله
الغريب بقا هو اني انا اساسا بكتب مواضيع ساعات بتطول منى
يالا استحملوا بقا واللي عنده اعتراض يضرب مستكة عشان هى اللي جابتني

[أحمدكمال]

اهلا عتاب
كل سنة وانتي طيبة....
جميل ان الواحد يحب مكان ويحتفل لانه عدى عليه في سنة ....
وجميل كمان انه يلاقي الناس اللي تحبه وتحتفل معاه

الف مبروك وعقبال 10الاف سنة

[دقه قلب]

الف مبروك يا عتاب
وعقبال يا ستى ما بيقوا 100 سنه

[yasmina]

يااااااة يا عتوبة عدى سنة بالسرعة دى


بس اكيد كانت احلى سنة

مدمتى معانا

[هيثم حمدي]

السلام عليكم

كتبت الموضوع عشان اقول لكل الاعضاء اني احبكم في الله

ونحن ايضا يا بنت عمي وكثيرين ما يعرفون عتاب يحبونها في الله

الف الف مبروك يا بنت عمي الغاليه
ودائما نراكي بخير وسعاده وبصحه جيده

ويبعد عنك الله كل سؤء او اذي

واعجبني او احسسست من كلاماتك هذه بانك تعلمتي الكثير ممن هذه السنة التي تواجدتي فيها مع هذه الاسرة والشخصيات

وفقك الله يا اختي وبنت عمي الغاليه

الف مبروك لكي يا غاليه

[عتاب]

المشاركة الأصلية بواسطة أحمدكمال

اهلا عتاب
كل سنة وانتي طيبة....
جميل ان الواحد يحب مكان ويحتفل لانه عدى عليه في سنة ....
وجميل كمان انه يلاقي الناس اللي تحبه وتحتفل معاه

الف مبروك وعقبال 10الاف سنة

ياااااااااااه
الريس بحاله موجود هنا
وكمان بيقولي 10 الاف سنة
انا قلت هايقولي بره كفايا عليكي كده ويكسر ورايا قلة
على العموم يا باشمهندس انا يسعدنى اقضي معاكم عمري اللي جاي كله
بس مش 10 الاف سنة

[عتاب]

المشاركة الأصلية بواسطة دقه قلب

الف مبروك يا عتاب
وعقبال يا ستى ما بيقوا 100 سنه