ما شعور الفتاة عندما يتقدم لها شخص ولم تعجبه .. !!

[mo3amed]

بسم الله الرحمن الرحيم
السلام عليكم و رحمة الله و بركاته



إن من حكمة الله جل في علاه أن شرع الـ نظرة الـ شرعية بين الـ رجل و الـ مرأة
عند الـ خطبة و تكون برؤية الـ رجل للـ فتاة و هي مظهرة لما يظهر منها غالبًا
كـ الـشعر و الـ يدين و الـ وجه و الـ قدمين و لـ بعض الـ علماء أقوال أخرى ( والله أعلم )


الـ مهم :-
ما شعور الـ فتاة التي يتقدم عريس لـ خطبتها
ثم يراها ، و بعد يومين تتصل أم الـ عريس لتخبر أم الـ فتاة بأن
ابنها لم يوافق على الـ زواج من ابنتها و كل شيء قسمة و نصيب.

[yasmina]

اولا احب اوضح لحضرتك

انة لا يظهر من المراْة سوى كفها ووجها


لكن شعرها وقدميها حرام انة يشوفها لانة هو لما بيتقدم للبنت بيكون لسة ما بقاش من نصيبها
يعنى ممكن ما يواقفقش عليها وبالتالى اساسا مينفعش انة يشوف شعرها وقدميها


اما بقى بالنسبة للموضوع الاساسى



فانا بالنسبة ليا الحاجات دى بتكون قسمة ونصيب

يعنى لو ما وفقاش هيبقى عادى بالنسبة ليا


زى بالظبط لو هو اتقدملى وانا اللى ما وافقتش

يعنى الشعور متبادل

[كتائب الاقصى]

سبحان الله تكلمت فى موضوع حساس للغاية ولاحول ولاقوة إلا بالله فى أيامنا هذه عندما ينوى الشاب على ان يرتبط بقتاة تجد القتاة تزين نفسها وتضع جميع أنواع المساحيق وجميع أنواع العطور وافخر أنواع الثياب ويذهب الشاب مره واثنين وثلاثة بل ويخلوا بها وأمام الأم والأب ويقولون دعهم ويغلقون عليهم باب الغرفة بقصد التفهام وان يعجب كل منهما الآخر وهذه الأشياء مأنزل الله بها من سلطان وللأسف هذه أحوال المسلمين الآن إلا مارحم الله عز وجل وقليلا ماهم هذه احوال الشاب والفتاة الغير ملتزمين
المفروض عندما يدق الباب للفتاة بشاب يطلبها للزوج لايرى منها إلا الوجه والكفين فقط ويكون مع ذى محرم من محارمها وله الحق فى رؤيتها مرة أو مرتين وبعدها يقرر وهى تقرر إما بالقبول أو بالرفض وللشاب حق الرفض أو القبول وللبنت حق الرفض أو القبول وعنما يرفض الشاب أو الفتاة نعلم أن الله لم يوفق بينهما أما شعور بإحباط أو شىءمن هذا ليس من الدين للأن الكل يعلم أن الله هو الموفق
جزاك الله خيرا موضوع جيد يحتاج لردود ومواقف جميع الأعضاء والكل يدلى برأيه مشكور أخى محمد

[عتاب]

موضوع مهم جدا
بس فيه نقطة اختلاف
انا بالفعل اللي اعرفه ان العريس ده مايشوفش الا الوجه والكفين فقط
انما بالفعل قريت اراء للعلماء بتبيح انه يشوف شعرها كمان
وبصراحة اتلخبطت ومابقيتش عارفة الصح فين
يعني هو انا اي واحد ييجي يتقدملي هاتخلى عن حجابي عشانه
ياريت تهتموا بالنقطة دي في لمناقشة واعتقد ان فيه رأيي وكل حد مقتنع برأي معين يجيب الادلة عليه

اما بالنسبة اني معجبوش اعتقد ممكن هاتضايق شوية بس مش كتير
لانى بكون مصلية استخارة قبل اي موضوع وعارفة ان ده الخير
ويمكن الرفض جه من ناحيته لاني كنت هاوافق ولو تم الموضوع مش هارتاح معاه
ربنا بيسبب الاسباب ومش يهمني مين اللي رفض مين انما المهم النتيجة ايه
وبعدين الولد برده كتير بيترفض يعني مفيهاش حاجة لما نرفع معنوياته شوية وهو اللي يرفض

[دقه قلب]

عند الـ خطبة و تكون برؤية الـ رجل للـ فتاة و هي مظهرة لما يظهر منها غالبًا

ما يظهر غالبا هو الوجه والكفين زى ما قال كل اللى سبقونى بالرد


الموضوع الاساسى بقى اكيد البنت بتتضايق شويه الانه ما فى بنت بتقبل الرفض بسهوله واعتقد ان الشعور ما بيكون متبادل يعنى البنت بتحس انها اهانه

وللاسف احيان كتير البنت فى الحاله دى تبدا تكدب بقى وتقولك انا اللى رفضت و كلام كده
الانها مش متقبله انه رفضها
تحياتى لكاتب الموضوع

[بنت فلسطين]

السلام عليكم ...

موضوع جميل جدا ... وأشكرك أخي محمد على كتابة الموضوع ...


رأيي الشخصي ..
طبعا أي فتاة معرضة لهالقصة ... بس يعني مش ملاحظين أنه الشباب في هاليومين طلباتهم زادت شوية في شريكة العمر .. وهم أغلبهم لا يملكون 20% من الطلبات اللي بيطلبوها ..

يعني في مثل عنا في فلسطين بيقول ( قيس بده ليلى ..وليلى بدها قيس)

يعني البنت الحلوة والمثقفة والمتعلمة وووووو ... طبعا حيكون طلبها بالشاب انه علأقل يكون في مستوى جمالها وعلمها وأخلاقها ... (مع أنه هلحكي كان زمان) بس أناشخصيا لسا مصرة عليه واصرار شديد جدا ... يعني مش راح أرضى بواحد أقل مني ((دينا أو خلقا )) بس .. لأنه هاد اللي بيهمني بالشاب .. بس كمان لا يمنع أنه مش معقول آخذ واحد مش متعلم ولا بشع (أنا بقول بشع .. يعني في عنده مشكلة بمظهره الخلقي) .. أما بالنسبة أنه يكون ملك جمال ... فهاد ما بيعنيني أبدا .. ولا بيهمني أنه يكون مليونير .. بس بيهمني يكون يعيشني مستورة وما أحتاج لحدا ... حتى لو كان أقل مني ماديا ...
وهيك كل البنات بيفكروا .. مع إختلاف الأولويت عند بعض البنات ...يعني في منهم بيهمها بالدرجة الأولى لفلوس .. أو الجمال .. أو أو و ....


والعكس صحيح بالنسبة للشباب ... هم بيفكروا هيك مع اختلاف درجات الأولويات برضو ...

نيجي للموضوع نفسه ... بالنسبة إلي أنا ... ما أعتقد أني أسمح للشاب يشوفني قبل ما آخذ فكرة كاملة عنه .. أو أخليه يقعد بلأول مع أخواتي وأبويا .. ويشوفوا أذا كان هو بيستاهل أنه يشوفني أو لأ ... هادي أول خطوة ...
الخطوة الثانية ... لو أنا عجبتني مواصفاته .. وقررت (أني أشوفه) .. (وهو يشوفني) ... راح أكون متأكدة تماما أني علأقل فيا 50% من طلبه ... يعني مايكونش هو طالب وحدة عنيها خضر أقوم أقله أهلا وسهلا تعال شوفني وأنا عينيا سود

المسألة مسألة حسن تصرف من البنت نفسها ... ومن أهلها بالدرجة الثانية ...

لكن لو صار والشب ماعجبتهوش البنت ... ورد بالإعتذار ... أنا أظن (مش حجزم لأني ماجربتش) ..
أظن أنو شعورها حيكون سيء بالدرجة الأولى (للبنت الي فهمها على قدها) ... (عادي وطبيعي للبنت المتعلمة والمؤمنة بقدر الله ونصيبه) ...

وأخيرا وليس أخرا ... الله لا يجيب هالموقف علينا ولا على بناتنا ولا على بنات المسلمين... تحياتي

[نيهال]

مؤكد البنت حتكون زعلانه وللاسف احيانا حتفقول هيه اللى رفضه علشان كرامتها قدام الناس وكده

بس عموما انا مش اعرف حد من اصدقائى او انا حصله الموقف ده
لانى انا اللى بيكون القرار فى ايدى والرفض بيكون من ناحيتى انا

[نورالقمر]

صراحه اكيد البنت هتضايق شويه
بس والله لو الواحد نظر للى حصل بهدوء هيلاقى ان اكيد ده الخير ليه لان ربنا سبحانه وتعالى بيبقى ادرى بالخير لعبيده بس
بس الواقع ان اى بنت هتضايق شويه
تسلم يامحمد ع الموضوع الجميل

[الفراشه]

هذا الموقف لسا حاصلي اول مبارح

قعدت معاه و يضحك و مبسوط و بعدين امه دقت تتعذر انه الولد يمدحها و ان شاء الله الله يرزقها بافضل منه و حجته انه ما حس بمشاعر الزوجه !!!

و مش عارفه الي يقصده بمشاعر الزوجه
و اتاري كان داخل البيت تحدي مش بغرض الزواج بغرض تحدي انه ابوي كان رافضه بالاول و لما وافق فيه حب يرد الالم فيني اني انا ما اترفض
و قال ايه انه ملتزم طلع لا يمت لا للدين ولا الاخلاق بصله
و طبعا لما وصلني الكلام ما قلت الا الله يخلفني بمصيبتي و عضوني خيرا منها و حسبي الله و نعم الوكيل و الله يعطيه على سوء نيته

[فله]

الدنيا دلوقتي اتقدمت وبأى في طرق اكثر حفاظا على مشاعر البنت يعني مثلا يشوفها عند صديقه للعائله في محل في صيدليه من غير ماتعرف بس اهلها يكونوا عارفين طبعا والام هنا هي المشكله الكبيره لان زي ما انتو عارفين انت مش لابسه كويس ليه ؟؟ دا اذا مش قالت ليها على الموضوع كلو حسب شطارة البنت في سحب الكلام من الام
لكن في النهايه بتتطبل على راس البنت ... دا راي اما جواز الي حضرتك بتتكلم عليه صحيح هو اهون من ان البنت تمشي مع الولد وبيكون تحت رقابة الاسره لكن سا عات بيجرح البنات والولاد كمان بس مش كتير زي البنات ومهما قلت ان البنت مفروض تفوت وخيرها في غيرها لكن الاحسان بالرفض من اي حد بيأذي اي بني ادم ،، لكن عزائنا ان بيبأى رفض للمظهر مش للجوهر والجوهر اهم

ربنا يكرمك ويبارك في مجهودك

[walaakh]

جميل الموضوع ده جدااااااااااااااااا
بس بيبقى شعور صعب جدا لما يحصل كده

[hend]

والله انا حصل معايا الموضوع ده بس انا كنت قاصده انى معجبوش
وبرغم انى حققت هدفى الا انى شعرت بضيق وغيظ

[احمد13]

طبعا اكيد البنت هتضايق

وتقعد تهري وتنكد ليه ماوافقش عليا هو انا فيه عيب

بس بعد كده حتنسي ويجلها الاحسن منه وهو يخطب الاحسن منها

[المحامي zax]

الزواج التقليدي
انا شايف ان ذلك الزواج عندما تاتي الام الي ابنها و تقول له هناك فتاه
كويسه تعاله شوفها في هذا الموقف المعتاد ان يكون نسبه الفشل كبيره
سواء من جانب الفتاه لا تعجب بالشاب او العكس دا الامر الطبيعي

الامر بيكون مش له اهميه عند الطرفان لو لم يكن هناك نصيب

عكس ان يكون هناك قصه حب بينهم

[المحامي zax]

الزواج التقليدي
انا شايف ان ذلك الزواج عندما تاتي الام الي ابنها و تقول له هناك فتاه
كويسه تعاله شوفها في هذا الموقف المعتاد ان يكون نسبه الفشل كبيره
سواء من جانب الفتاه لا تعجب بالشاب او العكس دا الامر الطبيعي

الامر بيكون مش له اهميه عند الطرفان لو لم يكن هناك نصيب

عكس ان يكون هناك قصه حب بينهم