الف سلامه عليك يا باشا ربنا يشفيك ويعافيك شوف يا بطل لو عندك زكام ورشح هقول لك نصيحه جامده قوي قوم دلوقت اضرب راس بصلة وكلها وهتحس ان في صاروخ بيمر من مناخيرك لودانك لراسك والبرد هيروح باذن الله بس بعد ما تنام لك ساعتين محترمين
وكمان عليك وعلى الغسل بالليمون بس يكون دافي
اما بقى لو ما لكش في الحلول الطبيعية دي يبقى عليك وعلى البنادول الاخضر فهو بيعطي نتايج كويسه
الحاجه الاخيرة اللي اقدر اقولها لك ان الناس في الغربه مش فاضيه لحد وكله ملهي في حياته معلش كلام يمكن يكون قاسي شوية لكن هي دي الحقيقة المرة اللي اتعلمتها بعد ما يزيد من نصف عمرى في الغربة
ياريت تحاول تخرج من البيت ومن الغرفة اللي انت فيها لان الخروج في الهواء الطلق بيساعد على سرعة الشفاء من البرد بعكس البقاء في غرفة مقفله مليئة بالميكروب ومرة تانيه سلامات يا طيب وطمنا عليك دايما
الف سلامه يا باشمهندس هاني طبعا الكل جايلك يزورك و معاه ورد تخيل بقى لما الورد بذات نفسه يزورك " اظن منتهى الفرحه و السعادة و منتهى التواضع مني " اما بقى بالنسبه للنصائح : انا في البرد بفضل العسل باليمون " زي ياسوفينس مقال " و ده على 3 مراحل و الماجيك وورد في العلاج ده كله هو العسل .. الصبح و على الريق ملعقه عسل ابيض و طبعا مقدما بقول انها هتوجع في الحلق بس ده للعلم تطهير للميكروبات .. و بعدين في فتره الظهيره بقى تغلي كوبايه ميه و تعصر ليمونه كامله فيها و تحليها بمعلقتين عسل و تشربها دافيه على قد متتحمل درجه الحراره انت .. اما بقى بالليل فهتغلي حليب و هتحليه بردو بالعسل و هتشربه دافي و ده بيساعد على النوم بهدوء و بلا مشاكل او كحه .. النصائح دي نقلا عن طبيب انف و اذن و حنجره يعني مش من تاليفي عشان كده هي مضمونه الف سلامه عليك و بنا يتم شفاءك على خير انت و مرضى المسلمين وياريت تفضل بعيد بقى عن النونو العسول اللي في الصوره ده عشان ميتعديش منك
__________________
آخر تعديل بواسطة الورد الجوري ، 10-11-2006 الساعة 04:25 PM.
ما اكثر الاصدقاء حين تعدهم ولا كنهم في النائبات مشغولين وما احد منهم عرف انك مريض
بصراحه انا شايف ان وجود 2 اوفياء او صديق واحد وفي افضل من الفين
المهم ما تشوف شر ودعواتنا لك بالشفاء العاجل وما تنسي تفكر في مواضيع جديده ونتعلى الفراش . تري بعض الافكار تحتاج الي سخونه عشان تطلع . يعني عند 38 تكون افكار جديده وعند 39 تزادا الافكار .
حتسمع الكلام لو قلتهولك والا لا؟
اولا....بما ان عندك رشح
اعصر ليمونه وحطها فى زجاجه قطره ونقط منها فى الانف مرتين تلاته فى اليوم وان شاء الله حتلاقيه وقف الرشح لوحده........بس
ما تكررها كتير فى حالات البرد( بعد الشر) علشان مش تجيب حساسيه.
ثانيا: تاخد سوايل دافيه كتير علشان تقدر تتكلم والكحه تروح
ويا حبذالبان دكر.بس انا مش بحبه لان طعمه مر
بس مفعوله حلو قوى فى الكحه
كان ممكن اقولك تاخد دوا للكحه بس نبدا سوايل احسن والطبيعى افضل طبعا
ثالثا:تاكل كويس يعنى
يا حبذا تكون شوربه فراخ معصور عليها ليمون فى الغدا...ماشى الحال؟
وبما ان حضرتك همدان ومؤكد عندك صداع للاسف فتاخد بانادول اكستر ولو سمحت بلاشى العادى منه
ويا حبذا بنادول البرد
ممكن؟
واخيرا
ان شاء الله حياخد وقته وتكون كويس ان شاء الله
بس المهم بعد كده تاخد باللك اكتر من كده
على فكره حابعتللك قفص البرتقال.....ده جاى من البلد ومفيهوش كيماوى والحاجات اللى بنسمع عنها
وبجد احلى برتقال ممكن تدوقه
وان شاء الله بالشفا يا باشمهندس
الف سلامه عليك يا باشمهندس ان شاء الله اللى يكرهك
انا من موقعى هذا وبما انى كمان عندى برد والله بس باطنش عادى
انا بحب اؤكد على ان الحاله النفسيه لها دور كبير فى الشفاء
احنا للاسف فى زمن وحش يعنى لو لقيت صديق واحد وفى صلى ركعتين شكر لله كل يوم
عموما ولا يهمك اللى يسال كتر خيره واللى ما يسالش بيعمل باصله
الف سلامه عليك وعموما احسن حاجه للبرد الراحه شويه والحاجات السخنه وما شاء الله اخواتنا قالوا لك نصايح كتير خد اللى يعجبك وان شاء الله بالشفاء وربنا يشفي المسلمين كلهم ويخفف عنهم
يلا نشوفك على خير قريب باذن الله
و بنا يتم شفاءك على خير انت و مرضى المسلمين
النمط الخطي
