أخيرا وجدت ضالتي

[أنهار]

السلام عليكم ورحمة الله و بركاته

أخواني أعضاء منتدى ابن مصر الكرام
بعد البحث كثيرا على شبكة المعلومات
و الغربة هنا و هناك
أخيرا وجدت ضالتي
في منتدى مصري 100 %
حقيقي يا ولاد
عمار يا مصر
الغربة صعبة والله يا بلدي حتى على الانترنت
ارجو انكم تقبلوني عضوة بينكم
و اشوف أحلى ترحيب

[أحمدكمال]

ااهلا انهار


احنا بقالنا 6 سنين مستنينك تأخرتي ليه

حمدلله على السلامة

[عتاب]

اسمك جميل اوي يا انهار
وربنا مايجيب غربة
يالا انتشري بسرعه عايزينك تغرقينا( مشاركات )
نورتي المنتدى ياقمر

[Honey1900]

ازيك يا انهار

و اهلا بيكي ف بيتك ابن مصر


و انتي بقي انهار ايه بالظبط؟؟؟


انهار من عسل ولا انهار من لبن مصفي و لا انهار من خمر لذة للشاربين ؟؟


ربنا يجعلنا و اياكم و كل المسلمين ف جنات الفردوس و يمتعنا بالنظر الي وجهه الكريم

[yasmina]

تسمك حلو اوى يا انهار

فى واحدة اعرفها برضة اسمها انهار


منورة المنتدى بوجودك بينا

يلا انتشرى فى كل قسم

ما تسبيش ولا قسم الا لما تدخلية

[دقه قلب]

اهلا وسهلا بيكى يا انهار
نورتى ابن مصر
وان شاء الله ما تحسى بغربه هنا ابداا

منتظرين مشاركاتك معانا


فرقه اللاستقبال

[MoHaMeD NaSSaR]

اهلا بيكى يا انهار


نورتي المنتدى

بس انا فلسطيني كده بقى طلع المنتدى 99% مصري

اهلا وسهلا بكى ههه

[snow white]

اهلا وسهلا بيكى انهار بين اهلك
نورتى المنتدى ياقمر

يالا بقى انتشرى لغايه منزهق منك

لا طبعا بهزر معاكى احنا عمرنا منزهق من اخواتنا ابدا

مره تانيه نورتى ياقمر

[أنهار]

المشاركة الأصلية بواسطة أحمدكمال

ااهلا انهار


احنا بقالنا 6 سنين مستنينك تأخرتي ليه

حمدلله على السلامة

ياااااااااااه يا أحمد 6 سنين
انا بقالي سنة تقريبا على النت
بتنقل من منتدى لمنتدى و بدور على منتدى الاقي فيه ولاد بلدي الحلوين اللي عمري ما لقيت ولا هلاقي زيهم
انت مقلتليش على المنتدى ليه من زمان
على كل حال الله يسلمك
و الحمد لله اني لقيتكم

[أنهار]

المشاركة الأصلية بواسطة عتاب

اسمك جميل اوي يا انهار
وربنا مايجيب غربة
يالا انتشري بسرعه عايزينك تغرقينا( مشاركات )
نورتي المنتدى ياقمر

الله يخليكي يا عتاب انتي الاجمل والله
و ان شاء الله مفيش غربة تاني ابدا طول مانا وسط اهلي و ناسي اللي بحبهم
و ان شاء الله اغرقكم مشاركات
و ربنا يخليكي على الترحيب الجميل

[أنهار]

المشاركة الأصلية بواسطة honey1900

ازيك يا انهار

و اهلا بيكي ف بيتك ابن مصر


و انتي بقي انهار ايه بالظبط؟؟؟


انهار من عسل ولا انهار من لبن مصفي و لا انهار من خمر لذة للشاربين ؟؟


ربنا يجعلنا و اياكم و كل المسلمين ف جنات الفردوس و يمتعنا بالنظر الي وجهه الكريم

honey1900
انا الحمد لله رب العالمين كويسة جدا
و انا بقى انهار من اللي ربنا يقسمهولنا يا رب اكون انهار من لبن و عسل و ماء غير اسن و خمر لذة للشاربين ان شاء الله
ربنا يجمعنا و اياكم في جنات النعيم

[أنهار]

المشاركة الأصلية بواسطة yasmina

تسمك حلو اوى يا انهار

فى واحدة اعرفها برضة اسمها انهار


منورة المنتدى بوجودك بينا

يلا انتشرى فى كل قسم

ما تسبيش ولا قسم الا لما تدخلية

ياسمينا كسفتيني هو في احلى ولا ارق من الياسمين يا ياسمينا
ربنا يكتر من حبايبك يا رب
و المنتدى منور بأصحابه
و اديني اهو هنتشر حالا
هو انا اقدر منتشرش بعد الترحيب الجميل ده

[أنهار]

المشاركة الأصلية بواسطة دقه قلب

اهلا وسهلا بيكى يا انهار
نورتى ابن مصر
وان شاء الله ما تحسى بغربه هنا ابداا

منتظرين مشاركاتك معانا


فرقه اللاستقبال

لا خلاص يا دقة قلب هو في غربة بين الاهل و الحبايب
الغربة خلاص راحت و راحت ايامها
طول مانا معاكم و اكيد باذن الله هحس اني بين اهلى و ناسي
متشكرة جدا على الترحيب الرائع

[أنهار]

المشاركة الأصلية بواسطة MoHaMeD NaSSaR

اهلا بيكى يا انهار


نورتي المنتدى

بس انا فلسطيني كده بقى طلع المنتدى 99% مصري

اهلا وسهلا بكى ههه

اهلا بيك انت يا محمد
انت اللي منورنا والله
و رغم انك فلسطيني بس بردو انا مصممة ان المنتدى مصري 100%
على فكرة انا قبل ما اسجل هنا كنت في منتدى فلسطيني
بس بصراحة الاهل ميتعوضوش
اهلا بكل الفلسطينيين اهل الارض المقدسة
و بعدين وينها اللهجة الفلسطينية خيو
يسلمو كتير كتير

[أنهار]

المشاركة الأصلية بواسطة snow white

اهلا وسهلا بيكى انهار بين اهلك
نورتى المنتدى ياقمر

يالا بقى انتشرى لغايه منزهق منك

لا طبعا بهزر معاكى احنا عمرنا منزهق من اخواتنا ابدا

مره تانيه نورتى ياقمر

اهلا بيكي انتي يا سنو وايت
النور نورك يا عسل
والله يا جماعة انا متفائلة بيكم جدا
و حبيتكم من غير ما أعرفكم و اكيد لما أعرفكم هموت فيكم و مش هستغنى عنكم ابدا ابدا باذن الله
أحلى ترحيب من أحلى ناس