درس خاص .. في اللهجة الفلسطينية

[alwathek]

المشاركة الأصلية بواسطة صدى الصمت

طبسية
ولها استخدامان
1-وعاء للطعام
2-عصا تستخدم قديما في حالة المشاكل الاجتماعيه العشائريه

زبدية
هي وعاء للطعام السائل تكون مجوفه وذات قعر


ارمحي
اركضي


مفعكش
هذه ليست من اللهجه الفلسطينيه واستخدمت لدى الفلسطينين في في زمن قريب بعد الخمسينات وهي بمعنى ليس في وضعه الصحيح


جاعص
متكىء وتستخدم للتهكم


سيبة
وهذه تستخدم في معنيين مختلفين
1- بمعنى اتركه
2-بمعنى سلم مزدوج

انفزرت
اي من شدة الضغط حصل فيها ثقب
وتستعمل في حالات العصبيه الشديده بمعنى وصل السيل الزبى



معكم 24 ساعة للترجمة ولي عودة انشا الله

مع الشكر لبنت فلسطين على الموضوع ولصدى الصمت للحيويه التي قدمت فيها الموضوع
ولي على الاجابه الصحيحه

[صدى الصمت]

براااااااااااافو واثق 10/10 انتا فلسطيني قح بس
اخرش شليشك الها معنى تاني
وهو يعني يمشط شعره و يقسم الغرة من النص يعني يسرح شعره

ما تخاف طلعت شاطر
انتظروا مني مصطلحات جديدة

[لاجئة]

عجبتني الاضافات كتير..
والواثق فعلا واثق.. كفى ووفى..
كان في كلمات جداد عليي..
شكرا.

[لاجئة]

يا واثق يا شاطر قلي شو يعني:
طبلوير

[فراق84]

طبلوير؟؟؟كانو شي بالمطبخ؟؟

[alwathek]

المشاركة الأصلية بواسطة فراق84

طبلوير؟؟؟كانو شي بالمطبخ؟؟

يا فرلق الي بلمطبخ هو ببور وفي روايه بابور
شكلك جوعانه رحت على المطبخ
بس هاي الاجابه بدي اخليها مفاجئه للاجئه
اهلا فيكي فراق وجيبلنا انتي كلمه يا فراق

[فراق84]

المشاركة الأصلية بواسطة alwathek

يا فرلق الي بلمطبخ هو ببور وفي روايه بابور
شكلك جوعانه رحت على المطبخ
بس هاي الاجابه بدي اخليها مفاجئه للاجئه
اهلا فيكي فراق وجيبلنا انتي كلمه يا فراق

اكيد بالطريق راح اجيب كلمات
بس بدي اشوف مستواك ...عشان اسأل ستي وما تعرف تجاوب

[لاجئة]

فراق ما تستعجلي بدنا نشوف النابغة شو بدو يحكيلنا.. مفاجأة يا واثق؟؟
وانا بستنى بس ما تطول عليي ما بحب استنى كتير انا!
بس اعتقد انك بعدت عن المعنى!!
يلا الميه بتكدب الغطاس... رح استنى واشوف!!

واثق، فراق دائما جعانة مش جديد عليها هالشعور
الله يكون في عوني عليها بس
انا هيك وهي هيك

[سبارتكوس]

موضوعك جميل بنت فلسطين..والاجمل اننا نهتم دايما بكل خصوصياتنا

وطبعا اللغه من اهم خصوصايتنا وكل بلد او قريه او منطقه معينه ليها لهجه خاصه بيها وبتعتز بيها

سواء فى فلسطين او مصر او اى بلد عربى...

والاجمل كمان انك اديتى الفرصه لباقى الاعضاء اللى عندها معلومات عن اللغه واللهجات انها

تكتبها وتنقلهالنا وده بيخللى موضوعك فى النهايه مرجع جميل لللهجات العربيه

اشكرك على اهتمامك بلهجتك والمحافظه عليها..........


تقبلى مرورى وتحياتى....................وكل عام وانتى بخير

[فراق84]

المشاركة الأصلية بواسطة لاجئة

فراق ما تستعجلي بدنا نشوف النابغة شو بدو يحكيلنا.. مفاجأة يا واثق؟؟
وانا بستنى بس ما تطول عليي ما بحب استنى كتير انا!
بس اعتقد انك بعدت عن المعنى!!
يلا الميه بتكدب الغطاس... رح استنى واشوف!!

واثق، فراق دائما جعانة مش جديد عليها هالشعور
الله يكون في عوني عليها بس
انا هيك وهي هيك

خليكي محضر خير يا بنت..ما صدقتي!!!
والله بس اطولك
وصحيح قلانة علامات التعجب
كتريهم المرة الجاية
وهيني بستنى
لاني راح اموت واعرف شو هالكلمة

[صدى الصمت]

في كلمة دارجة كتير هالايام بين الشباب : كترة ادا حدا فيكو بيعرف شو معناها يا ريت يفيدنا

[alwathek]

[quote=صدى الصمت;819519]في كلمة دارجة كتير هالايام بين الشباب : كترة ادا حدا فيكو بيعرف شو معناها يا ريت يفيدنا[/quote
يا ريت تشكليها مشان نعرف نقراها

[صدى الصمت]

كَتَرَه لما تسأله عن شي بيحكي لك كَتَرَة يعني فظيعة بس معناها الاصلي شو؟

[alwathek]

المشاركة الأصلية بواسطة صدى الصمت

كَتَرَه لما تسأله عن شي بيحكي لك كَتَرَة يعني فظيعة بس معناها الاصلي شو؟

كتره بفتح الحروف الثلاث الاولى هي
الدخان الممزوج بالرائحه وغالبا ما تكون رائحة الاحتراق
شكلك يا صدى اليوم حرقتي الطبخه لاهلك على الفطور وكترت
ولما اكلوها لقيوها مكتره

[صدى الصمت]

برافوووووووووووو واتق فعلا انتا فلسطيني مأصل بس و الله اليوم على الفطور كانت الطبخة صعبة كتير ما بقدر اطبخها بدها مجهود و هي مفتول أكلة لذيذة كتييييييييييير
صوما مقبولا للجميع
انتظروا مني الجديد ان شا الله