للبنات وبس

[بنت فلسطين]

صباح الخير لأحلى بنوتات بالدنيا ..

أسفة عالتأخير .. بس الأمتحانات هلكتني

أهلا وسهلا بكل زهرة شاكرت معنا ...

وترحيب خاص جدا جدا بميسم

وإلي رجعة بالتأكيد

[دقه قلب]

السلام عليكم
ازيكم يا قمرات


النهارده عايزة اناقش معاكم كذا حاجة كده خطرت على باللى
هو ليه المرادف الطبيعى لقعده البنات او اجتماعهم قعده نميمه او مجلس نم

هو فعلا البنات كده ؟؟
طبعا مش بنعمم الموضوع بس للاسف فى كتير بيعزوا النميمه زى عنيهم
والمضحك المبكى انهم نفس مجموعه البنات تلاقيهم فى اخر القعده بتقولك دعى الخلق للخالق بعد ما تكون قطعت فروة زميلتها فى الشغل ولا فى الجامعه وقالت عنها اسوء ما يقال

قابلتوا حد فى حياتكم كده؟؟
طيب ولو كنتى انتى فى يوم محور الحديث وكلام بقى عن شوفى بتتكلم ازاى ولا بترد ازاى مش ممكن
شوفتى لابسه ايه استنى استنى شوفتى احمد بك رد عليها ازاى (مين احمد بك المدير فى الشغل ولا اى حاجة جارهم نازل على السلم قابل صحبتهم اللى مش طايقنها) بهدلها

بس تعرفى انا بشوفها بكلمها عادى ولا اكنى فى حاجة اه احنا مالنا
دع الخلق للخالق


لو اتضطرتك ظروفك يوم تقعدى مع قعده بنات كده وبداو النميمه هتعملى ايه؟

هتسكتى وتكتفى بالسمع؟ هتشتركى معاهم(اصلها عدلات دى بجد مستفزة )(مين عدلات اى واحده بيتكلموا عليها والسلام)
ولا تحاولى تغيرى الموضوع وبدل ما نجيب فى سيرة فلانه وغيرها
نتكلم عن حاجة تانيه؟
طيب هتغيرى الموضوع ازاى؟
عايزة افكار جديده
ومواقف حقيقيه


انا عملت ليا نسكافيه وهقعد هناك فى الركن البعيد ده واتابعكم
تحياتى للجميع

[maysam]

وترحيب خاص جدا جدا بميسم

اهلين رؤى كيفك؟
شكرا على الترحيب الخاص

المشاركة الأصلية بواسطة دقه قلب

السلام عليكم
ازيكم يا قمرات

فعلا يا دقة البنات بيحبوا يرغوا كتير وغالبا القعدات اللي فيها بنات للأسف بتكون كلها تقطيع بسيرة الناس وفلانة وعلانة وشفتي وسمعتي وغيره

يوووووووووووه كتيييييييييييييير ولا تعديش

في بنات صعب تقدر تمسك لسانها وزي ما قلتي بتحكي كل اللي عندها وبالآخر بتقول ونحن مالنا ولا دع الخلق للخالق
عموما لو كنت انا محور حديث حد ، اكيد مش حيكون عندي علم الا لو حد وصل لي الكلام بعد ما الجلسة انفضت ، وغالبا اللي بيجي ينقل لي كلام غيري عني ، بيروح ينقل كلامي لغيري! وغالبا باخد مت الكلام واحذف نصه عشان بيكون مر عليه شوية توابل وبهارات

هو في وقت كنت بتناقش مع ناس عن موضوع النميمة ، وكان الراي السائد ، ان في فرق قبين انك تقعدي تطلعي العيوب وتحكي فيها ، وبين انك تنتقدي شيء واقع وملموس في شخص
بس بالنهاية كله محصل بعضه
انا غالبا كلامي قليل جدا ، وفي الجلسات بحب اكون مستمعة اكتر من اني احكي عشان هيك طبيعتي
بس احيانا بشارك وربنا يسامحني

انا عملت ليا نسكافيه وهقعد هناك فى الركن البعيد ده واتابعكم
تحياتى للجميع

انا زي ما قلت لك يا دقة اوقات كتير بشارك للأسف ، بس بشوف نسبتي بالنسبة لغيري قليلة جدا جدا
بس لو ناس انا ماخدة عليهم وما فيش تكليف بينا ، ممكن اسكتهم واغير الموضوع ، فحسب الجلسة يعني
انما هي عادة فعلا مش كويسة ومحتاج الواحد يتدرب منيح عشان يقدر يمسك لسانه

انما حلول ، صعب اقول لك حلول عشان دي عادة متأصلة في الناس من اول ما يتولدوا مش عارفة ما في ببالي حلول

[maysam]

هم البنات راحوا على فين!

[نيهال]

ليا رجوع ان شاء الله
حبيت بس اسجل حضورى معاكم يا بنات يا حلوين

[نيهال]

المشاركة الأصلية بواسطة دقه قلب

هو فعلا البنات كده ؟؟

للاسف فى العاده..مع ان قعده الشباب بتكون اقوى كتير
بس نعمل ايه

المشاركة الأصلية بواسطة دقه قلب

قابلتوا حد فى حياتكم كده؟؟

المشاركة الأصلية بواسطة دقه قلب

ايوه بس الحمد لله انها مش من اصحابى
بس اكترهم فى المكتب
عندنا الشباب بيحبوا يتكلموا على الغير كويس قوى
جبارين

المشاركة الأصلية بواسطة دقه قلب

لو اتضطرتك ظروفك يوم تقعدى مع قعده بنات كده وبداو النميمه هتعملى ايه؟

المشاركة الأصلية بواسطة دقه قلب

عاده بحاول اغير الموضوع او انى اسكت لو ما بقدر اتكلم

المشاركة الأصلية بواسطة دقه قلب

طيب هتغيرى الموضوع ازاى؟

راح احكى لهم اى موقف حصل بس يكون اوفر حبتين بالنسبه لى بحيث يشدهم من الحاله الغبيه دى

المشاركة الأصلية بواسطة دقه قلب

عايزة افكار جديده

المشاركة الأصلية بواسطة دقه قلب

ومواقف حقيقيه

مواقف.........
من يومين بالظبط كنت بالمكتب وجاءت واحده زميلتنا وقعدت تتكلم على خطيبها كتير كتير كتير
وكانت متضايقه منه(لسه بتحاول تقتنع بيه)
وبصراحه ما قالت فيه صفه كويسه ...
المهم الاول غصب عنى سمعت لانى مش متصوره ان فيه حد مجتمعه فيه كل اللى بتقوله..وبعد كده حاولت اقرا اللى فى ايدى ولما عجزت انى اخليها تسكت
لانها اكبر منى ومش من سلطتى انى اقولها وبصراحه ما عرفت اغير الموضوع علشان مش تقول انى قليله الذوق ...روحت قايمه واستاذنت خالص وسيبت المكان
للاسف يا دقه ده اللى حصل ومش عرفت اسكتها....

المشاركة الأصلية بواسطة دقه قلب

انا عملت ليا نسكافيه وهقعد هناك فى الركن البعيد ده واتابعكم

المشاركة الأصلية بواسطة دقه قلب

انا صاحيه اليوم وبحس حاللى مش متظبط
ممكن نسكافيه بس منغير سكر
تسلمى يا دقه يا رب

[دقه قلب]

يا هلا بيكى نيهال نورتى للبنات وبس

النسكافيه هخليه بليل اوك؟

فين باقى الزهرات
محدش عايز يحكى عن حاجة؟؟
بس مش واخدين غير ان الشباب يقولوا علينا رغايين

[دقه قلب]

مش معقول محدش بيحكى خالص
الحمدلله يعنى الكلام اللى بيتقال عنا انه البنات رغايين مش صحيح

[نيهال]

جميله يا دقه حته ان البنات مش رغايين



بصى
لما الواحد بيكون فرحان وسعيد بيحب يحكى قوى عن اى حاجه وفى اى حاجه
مش مهم راح بيكون شاب والا بنت
المهم انه عايز يعرف الناس كلهم انه مبسوط وسعيد وطاير فى السما
لسه جايه على باللى الفكيره دى
وممكن تكون صح
او على الاقل انا حاسه بيها



تيجى نحكى بقى فى موضوع جديد



هوه مهم راى الغير فيك؟
يعنى انت منتظر انهم يقولوا عليكى بنت لذيذه وفرش ومش كئيبه؟
ليه فيه ناس بتهتم براى الناس التانيه؟
وتعمل مليون حساب لراى الناس فيها؟
ليييييييييييييييييييييه؟
ويا ترى رأى بقيه زميلاتنا ايه؟
مستنيين ارائكم

[دقه قلب]

السلام عليكم روحمه الله
كيفكم يا احلى زهرات الارض


النهارده جايه ومعايا حكايه غريبه جدا

الحكايه عن عريس

انا سمعتها من ناس ثقه جدا يعنى بثق فيهم ثقتى فى نفسى انهم مش بيكدبوا
عن ولد متدين ملتزم وعايز يتجوز وعايز بنوته بنت ناس محترمين و وووو
ومتدينه وتعرف ربنا
ومش محجبه او و محجبه تكون مستعده تخلع الحجاب


والدته راحت تخطبها وتكلم والدتها وكده يعنى
واعلنت التصريح الخطير
طبعا البنت رفضت وكادت تطرد الست من البيت



وتسالت هو زاى وليه وكيف بيجتمعوا يعنى ملتزمه ومتدينه وغير محجبه

حالتها النفسيه سأت جدااا
لو ده تفكير كل شباب اليوم يبقى مش هتجوز
ده كلامها
انا جيت اناقشكم فى الحكايه دى
اللى حتى الان ما زالت مصدومه منها



منتظرة مشاركاتكم
تحياتى للجميع

[نيهال]

يا هلا يا هلا بالافكار الحطيره
بصى يا نجلاء
والله لولا انى بعرفك شخصيا كنت والله ما قدرت اصدقك للاسف
انا مش متصوره ان فيه حد ممكن يكون ده تصوره
او يكون تفكيره كده
منين بيقول ايوه وهوه فى نفس الوقت ما شى بلالالالالالا على طول
فهمانى؟
مش عارفه اقول ايه
استنى انا عايزه اقوللك حاجه
خليها تطمن مش تياس وتقول انه ده حال شبابنا
لان اخويا واخوكى مش كده
ملهاش حل ان الحاله اللى اتعرضت لها حاله شاذه من نوعها
عامله كده زى انفصام فى الشخصيه زى ما بيقولوا..
الحاجه اللى انا مستغربلها ان والدته هيه اللى نقلت الكلام ولم تعلق عليه
ده انا مش فاهماه بصراحه
طيب هوه ومش طبيعى للاسف
كمان اسرته كده
بسم الله ما شاء الله

[نيهال]

حسيت
مش مستريحه
كلام كتير اكتره بيقوله البنات
جايز لانهم بيتصرفوا غالبيه الوقت بمشاعرهم اللى بيوجههم ليها قلبهم
لكن يا ترى
امتى حسيتى ان مشاعرك خانتك ومش كانت فى محلها؟
وامتى حسيتى انه كان عندك حق(زى ما بيقولواكده كلامى مش بينزل ابدا)
بلييييييييييييييييييييييييييييييز
ياريت تستسنوا العلاقات الشخصيه تجنبا لاى تجريح
ويا ريت نلاقى تجارب
ممكن
ردود يا نااااااااااااااااااااااااااااااااااااااس




بس كده

[نيهال]

فله
فراشه

امنيه
ياسمينا
الورد الجورى
نانو
عتاب
مستكه
شوشو
وغيرهم كتير


فين كل البنات

واصحابنا اللى مش عندهم امتحانات ولا مذاكره دلوقتى

وكمان بنت فلسطين


يا جماعه لو الموضوع مش عاجبكم قولوا
ولو ممتنعين
يبقى مرسيه قوى


يس يا بنت فلسطين دى موضوعنا انتى فين وليه انسحبتى .........

[فله]

متزعليش نفسك يا نيهال انت عارفه ظروف البنات امتحانات ربنا يسهلها علينا جميعا ..
نيجي للموضوع

امتى حسيتى ان مشاعرك خانتك ومش كانت فى محلها؟
كنت باخد درس عند مدرس ما بس المدرس دا للوهله الاولى تحسي انه مش طيب وفضلت اعامله انه مدرس وبس مع ان كل البنات كانوا بيعاملوه كأب وبيستشروه في اور الدراسه وكدا وفي مره قلت لبنت وجهة نظري فيه واني باخد منو الماده بصعوبه قالتلي ممكن السبب انك مش حابه الشخصيه نفسها المهم حاولت اني اشوفه بيتعامل مع البنات ازاي لقيته بيتعامل معاهم بابويه شديده وبعدها بفتره غيرت رأي فيه أخيرا وكان دا باب اني ادي الشخصيه الي قدامي مساحه اكبر من الي كنت بديها لاي شخصيه بتعامل معاها وكنت بحصرها في الاطار الي انا عاوزاه للأسف يارب تكوني فهمتي انا قصدي ايه
وامتى حسيتى انه كان عندك حق(زى ما بيقولواكده كلامى مش بينزل ابدا)
يعني بخلاف المره دي حسيت بكدا في شخصيات كتير مع اول لقاء بكون فكره محدده عنهم بس بردو بقيت اسيب لهم فرصه انهم يغيروا وجهة النظر دي بس بلاقي ان وجهة مظري الولى هيا الصحيحه
يلا يا نيهال الدنيا كدا مره تبأى صح ومرا تبأى غلط بس عموما انا الحاسه السادسه عندي شغاله تمام مع يعني ساعات الارسال بتاعها بيشوش وساعات بينقطع خالص بس اهي اسمها الحاسه السادسه


اتمنى انك مش تزعلي منا الفتره دي مشغولين بالامتحانات ادعيلي

[نيهال]

والله انا كنت قايمه انام لان الجو نايم حبتين
يللا عقبال ما يصحى
بس رجعت علشان اقوللك
انا مش متضايقه ولا حاجه
اللى عندهم امتحانت معروفين لينا اكيد
واطمنى يا جميل بندعى لكم كلكم
ربنا يوفقكم ونفرح بنجاحكم قريب
وليا عوده للتعليق على كلامك الجميل
ومرسيه قوى على مرورك وجبران خاطرى