للبنات وبس

[egyption girl14]

هاي...........
انا عايزه اسئلكم في موضوع ...
لو وحده منكم اتعرض عليها او على جوزها السفر بره مصر شغل يعني هتوافق ؟؟؟

[دقه قلب]

السلام عليكم ورحمة الله

ازيكم يا بنات وحشتونى جداجدا

عاملين ايه وازى احوالكم

اجاوب السؤال المطروح ونرجع لقعدات زمان

لو اتعرض على زوجى (ان شاء الله) سفر للخارج غالبا هوافق بشرط انى اسافر معاه
انما يسافر لوحده ويسيبنى لاءلاءلاء
مرفوووض تماما
وبنتظار باقى القمرات

[بنت فلسطين]

المشاركة الأصلية بواسطة egyption girl14

هاي...........
انا عايزه اسئلكم في موضوع ...
لو وحده منكم اتعرض عليها او على جوزها السفر بره مصر شغل يعني هتوافق ؟؟؟

اهلا عزيزتي ..

مسا الخير عليكم جميعا يا زهراتنا العزيزات

برايي أنا لو السفر فيه تغيير جذري للوضع المادي .. بحيث انه تقدروا تستفيدوا بشكل كبير منه
يعني تشتروا بيت خلال مدة بسيطة .. او المرتب يسمحلكم تعلموا ولادكم تعليم منيح ..
ساعتها أنا أؤيد وبشدة .. لأنه الزمن مش مضمون .. فلازم نضمن عالأقل حقوق عيالنا فيه

أما لو كان مفيش فرق كتير يعني .. فدة مايستاهلش اني ابعد عن أهلي وصحابي عشانه

وتحياتي

[بنت فلسطين]

اه ونسيت اقول ... لازم السفر لما يحصل نكون سوا

رجلي على رجله يعني ههههه

[دقه قلب]

ها يا بنات مفيش مواضيع جديدة ولا ايه؟؟؟

[روميساء]

مساء الخير عليكم جميعا يابنانيت حابه اتكلم معاكم واخد رأيكم اكيد كلنا عارفين ان في اختلاف في التفكير بنا وبين الاجيال اللي قبلنا او بينا وبين اهلنا يمكن بنشوف انهم معندهمش حق في بعض الحاجات وبعض الاراء وبنكون معترضين علي رأيهم او علي طريقتهم او انهم سعات بيكونو معترضين علي شويه من تفكيرنا وبنقول اننا هنكون مع اولادنا مختلفين وهنربيهم غير كده وبعدين ارجع افكر تاني طيب مهو اللي هما بيشفوه ده هو اللي خلاني دلوقتي كويسه وغير ناس كتير تاهوه او غلطو طيب السؤال دلوقتي ايه رايكم نربي اولادنا ان شاء الله زي متربينا ولا لأ اللي احنا معترضين عليه في التربيه القديمه مش هنعملو مع اولادنا ايه رأيكم ؟

[نيهال]

ى هلا بالبنوتات الحلوين


ردا على اخر موضوع واللى سالت فيه روميساء عن يا ترى يا هلا ترى حربى اولادى زى ما اتربيت والا لا........

حقولكم سر كل اصحابى عرفوع عنى وهوه انى مش بسمع الكلام من اول مره...لانى اتعودت ان يكون ليا راى.فمش ينفع حد يقولى اعملى ومش تعملى وتلاقينى سمعت الكلام بسهوله

باخد وقت شويه وبقتنع ان الراى التانى هوه الصح وكل الوقت بيكون راى اهلى طبعا

فان شاء الله بحاول انى اربى اولادى زى ما اتربيت بس مش فى كل حاجه...لان ديمقراطيتهم خلتنى التحق بقسم مدنى ومش كنت فكرت كويس


بتعرفى انه من نظره والدى او والدتى اعرف همه بيفكروا فى ايه واتصرف على اساسه....بخاف جدا منها على اد احترامى وحبى ليهم

رحمه الله عليك والدى الحبيب



هه
ايه راى البنوتات الحلوين؟

[دقه قلب]

السلام عليكم
كيفكم يا قمرات

رداعلى سؤال روميساء (اسمك حلو اوى بس يعنى ايه؟)
اعتقد انى مش هربى اولادى زىما اتربيت يعنى اللى كنت ومازلت بعترض عليه اكيد هستبعده واللى افهم اهميته وقيمته يبقى اكيد هيتنفذ على طوول

نورتى الموضوع يا روميساء
بنتظار باقى البنوتات

[احساس برىء]

بونسوار عليكوا كلكوا يا بنات يا قمرات انا مش بنت انا ولد بس حابب اتعرف عليكوا كلكوا وتكونوا اصدقاء ياريت تردوا عليا هنا انا لقبي الدكتور بس انا مش دكتور اوكي

[الورد الجوري]

المشاركة الأصلية بواسطة احساس برىء

بونسوار عليكوا كلكوا يا بنات يا قمرات انا مش بنت انا ولد بس حابب اتعرف عليكوا كلكوا وتكونوا اصدقاء ياريت تردوا عليا هنا انا لقبي الدكتور بس انا مش دكتور اوكي

اهلا بيك احساس بريء
منورنا في المنتدى
ولكن !!
اولا : الموضوع غير مسموح لتواجد الشباب فيه
ثانيا : غير مسموح بالردود الخارجه عن الموضوع المطروح
ثالثا : غير مسموح بالمشاركات بغرض التعارف

[برديس]

اهلا بيكوا يا بنات يا قمرات
انا اول مره ادخل الموضوع ده بس بصراحه موضوع جميل جدا
بالنسبه للسوال المطروح
اكيد طبعا هيكون تربيتى لاولادى فيها كتير من الى تربيت عليه
وتلاشى الاخطاء الى انا وقعت فيها
لكن هتكون معتمده اساسا على كيفية اعتمادهم على نفسهم
يعنى مفرضش عليهم راى
وانا فى انتظار الموضوع الجديد

[نيهال]

اهلا بيكى يا برديس
منورانا ان شاء الله



فيه سؤال كان انطرح وهوه يا ترى لو اتعرض على زوجك العم بالخارج حتوافقى والا لا؟



عن نفسى.....صعب انى اهون عليه ويسيبنى اقعد لوحدى
يا اما يودينى اقعد مع مامته او مامتى... لانى بخاف اقعد لوحدى.ده راييى حاليا


هه ايه رايكم يا بنوتات؟

[برديس]

ازيك يا نهال
كل سنه وانتى طيبه ده نورك انتى وكل البنات
بالنسبه للسوال
هوافق بس بشرط
رجلى على رجله مطرح ما يروح معاه على قلبه ياعنى
لكن يسبنى لوحدى ويسافر هو لا مرفووووووووووووووووض

[نيهال]

بالمناسبه....................


نغير السؤال شويه

ايه سبب رفض البنت انه يسافر لوحده؟
يا ترى هيه انعدام ثقه؟
والا لانها مش تقدر تعيش بعيد عنه؟
والا ايه؟

[دقه قلب]

صباح الورد
اهلا بيكى برديس نورتى الموضوع

لاء يا نيهال الموضوع مش مسأله ثقة انما
الانسان مش بيتجوز عشان يعيش لوحده ويبقى هو فى بلد وهى فى بلد بالسنين ويشوفها شهر كل سنة ولا اتنين
ده حتى حرام شرعا

يعنى لو كل الجواز كده يبقى بلاش احسن
منورين يا قمرات
عيد سعيد عليكم