ممكن تقولوا لى ؟

[رؤيه]

ايه هى اكبر مشاعر الحزن والياس والمعاناه ؟
يعنى ايه بالظبط اللى بتحسه فى الحالات اللى زى دى ؟
ازاى بتخرج من الحاله دى ؟
سؤالى الاخير والوحيد
لو حسيت انك مقهووووووووووووووووووووووووووووور
يعنى الدنيا كلها ضدك والظروف كلها ضدك والحياه كلها بتعاندك
وانك مستهدف فى كل حاجه
وان معاناه الدنيا كلها من قسمتك ونصيبك تعمل ايه ؟
تعمل ايه لو حسيت انك بتحارب طواحين الهوا وانك سورى فى الكلمه زى البقره اللى مربوطه فى ساقيه مش عارف تخرج ولا عارف ترتاح ؟
تعمل ايه لو حسيت انك على هامش الحياه خارج نطاق الفرح مرفوع دائما من الخدمه
تعمل ايه لو حسيت ان الدنيا دى كلها بقاراتها ومحيطاتها وابحارها وانهارها وجبالها وكل مافيها ضيقه جدا ومش مستوعبه كم الالم اللى جواك
لما تفقد كل حاجه حلوه وتلاقى نفسك لوحدك مفيش بنى ادم على وجه الارض حاسس بيك ولا قادر يساعدك
لما تحس انك ضحيه قدر ضحيه ظروف ضحيه اشخاص ضحيه ناس كتير مش حاسين بيك ولا عارفين هما عملو ايه اصلا
لما تحس انك متكتف مخنوق حد رابطك بحبل من رقبتك لا عارف تتنفس ولا عارف تموت و ترتاح
لما تحس بكل المشاعر الوحشه اللى خلقها ربنا
غضب ياس خيبه امل ضياع وحده هم وحزن وحيره وقلق وكميه غضب واستياء لمين مش عارف
لما تحس ان مشاكلك اكبر منك وملهاش حلول وخلاص مبقتش قادر تتكيف معاها ؟
حد حس الاحساس ده قبل كده ؟
طب عملت ايه عشان تتخلص منه ؟
مش عاوزه تطييب خاطر وكلام اغانى والنبى اللى عنده حاجه تريح يقولى بجد
معلش نكدت عليكو اسفه

[Honey1900]

يااااااااه

كل دا

ربنا معاكي
اقولك حاجة


ادخلي اودتك و مددي علي سريرك و اطفي النور

فكري شوية ف الي بيحصل

شوفي ممكن تضحي بأيه عشان الحياة تمشي معاكي

مش لازم تتمسكي بكل حاجة

شوفي ايه اقل خسايرك

احسبيها صح

ولا غلط مش هتفرق المهم تغيري حاجة ف المتغيرات اللي بتحصل دلوقتي

حد فاهم حاجة

و ربنا معاكي

و حاولي تخرجي م البيت شوية و مش لازم تكلمي حد ولا تحكي لحد

ممكن بس تمشي لوحدك ف حته هادية لو تقعدي ع الكورنيش لو ف اي مدينة ع النيل او البحر

اخرجي م المكان بعد اما تقعدي مع نفسك شوية


بس خلاص

[عتاب]

يوم ما احس كل ده يبقى اقوم اتوضا واصلي وادعي ربنا يفرج همي
واقعد احكي لربنا اللي بيحصلي بدون اعتراض على القضاء والقدر
صحيح هو عالم بيا اكتر من نفسي بس مايمنعش اني اشكيله من ظلم الناس واطلب رحمته
تأكدي انك هاترتاحي وبقولك كده عن تجربة
اما اذا كنت عايزة اتكلم مع بشر زيي
يبقى ادور حواليا على شخص طيب زيك ممكن يسمعني ومايزهقش من شكوتي
وتأكدي اني هالاقي ولو شخص واحد مستعد يسمع لان ليا اصدقاء طيبين زيك مستعدين يقفوا جنبي
وانتي كمان تأكدي اننا كلنا معاكي ومش هاتكلم عن حد بس تأكدي اني اتمنى اسمعك زي ماتعودنا نسمع بعض
ربنا يخفف عنك يا حبيبتى باذن الله

[دقه قلب]

اميرة الرومانسيه
صعب تلاقى حد ممرش بالاحاسيس اللى بتوصفيها دى ولا مرة فى حياته على اقل
وفى مروا بيها مرات مش مرة واحدة

اقولك ايه انا بعمل شبه اللى قاله هانى
الاول بقعد لوحدى كتييير بفكر بحاول قدر الامكان يكون بهدوء
اخد الامور واحدة واحدة من الاول احدد جيت منين ورحت فين


وفى شىء مهم جداااااا انا فى الحاله دى ببقى مش قادرة اعمل ولا حاجة غير انى اشكى حالى لربنا
ربنا سميع عليم ف انا بشكى حالى بصوت عالى لربنا وبرتاح اووى بجد

بعد كده بحس ان ربنا معايا وانى مش لوحدى فى الدنيا
الاحساس بمعيه الله حلو اوووى بجد اليقين ان ربنا عارف وربنا شايف ومطلع اليقين اللى بيبقى فى القلب
بيخللنى مطمنه وانه اى شىء هيحصل هو مكتوب واكيد جى بعد كل الالم ده سعاده

ده مش كلام وخلاص

ولما تحسى انك وحيدة فى الدنيا افتكرى ان فى ربنا وانه اقرب لك من نفسك
ربنا يريح بالك ويحميكى

[رؤيه]

المشاركة الأصلية بواسطة honey1900

يااااااااه
كل دا
اه تخيل

ربنا معاكي
اللهم امين
اقولك حاجة
قول يا فندم

ادخلي اودتك و مددي علي سريرك و اطفي النور
كده حانام باه

فكري شوية ف الي بيحصل

شوفي ممكن تضحي بأيه عشان الحياة تمشي معاكي

مش لازم تتمسكي بكل حاجة

شوفي ايه اقل خسايرك

احسبيها صح

ولا غلط مش هتفرق المهم تغيري حاجة ف المتغيرات اللي بتحصل دلوقتي
ياريت فعلا اقدر اغير حاجه

حد فاهم حاجة

و ربنا معاكي

و حاولي تخرجي م البيت شوية و مش لازم تكلمي حد ولا تحكي لحد

ممكن بس تمشي لوحدك ف حته هادية لو تقعدي ع الكورنيش لو ف اي مدينة ع النيل او البحر

اخرجي م المكان بعد اما تقعدي مع نفسك شوية

ماشي اجرب بردو ما يضرش
بس خلاص

شكرا لحضرتك على سرعه التواصل ويارب ما يكتب على حد يحس الحاجات دى كلها لانه احساس صعب جدااا
شكرا على النصايح ومش غريبه من اخواتى ده اللى متوقعاه من ابن مصر واكتر

[رؤيه]

عتاب
مش عارفه اقولك ايه مش جديد عليكى ياحبيبتى موقفك ده
ربنا ما يحرمنيش منك ابدا واتاكدى انى لو حسيت انى محتاجه اتكلم مع حد انتى حتبقي اول حد زى ما انتى عارفه
ربنا يخفف عنا جميعا

[رؤيه]

دقه قلب
ونعم بالله انتى جبتى المفيد
وربنا يحميكى انتى كمان ويريحك
انا متشكره جدا يا حبيبتى على ردك وعلى مساندتك
ويارب ما تتردلكيش فى حاجه وحشه ابدا
وكلمه لولاد ابن مصر كلهم بحبكم فى الله ربنا ما يحرمنيش منكم ويسمعنى عنكم كل خير ديما

[yasmina]

اميرة

مفيش حد مش بتمر علية لحظة حزن وانة يحس انة لوحدة فى ا لدنيا


ساعتها بقى حاولى مش تفكرى كتير فى المشكلة عشان مش تتعبى

ومتحسسيش نفسك انك لوحدك فى الدنيا دى

معاكى احسن واحد من الكل (معاكى ربنا)
حاولى تشغلى نفسك باْى حاجة

وكل لما تلاقى نفسك مخنوقة ومتضايقة ادعى ربنا انة يفك كربك ويزيل همك

[الورد الجوري]

أميره حبيبتي
كلنا في نفس الموقف .. و كلنا بنتحط في نفس مكانك ده .. هو صحيح لما بنكون في المشكله بنفكر ان احنا بس و محدش غيرنا حصله كده ، بس

" ولا تهنوا و لا تحزنوا و انتم الاعلون ان كنتم مؤمنين ان يمسسكم قرح فقد مس القوم قرح مثله وتلك الايام نداولها بين الناس وليعلم الله الذين امنوا ويتخذ منكم شهداء والله لا يحب الظالمين "

شفتي ربنا قايل ايه ؟ كلنا و الله بنكون زيك كده .. و كلنا بنكون في نفس المواقف دي

وبعدين في اي حاله من حالات الحزن و الاسى و اني بحارب طواحين الهوا و مربوطه في الساقيه و ... و ...و
ادعي ربنا .. روحيله .. ربنا بيحب انه يسمع صوتنا احنا المسلمين .. و بيباهي بينا قدام ملائكته .. ادعي ربنا و مهما كان الدعاء بسيط اكيد ربنا هيستجيب

" فدعا ربه أني مغلوب فانتصر " شوفي الدعاء صغير ازاي ؟؟؟
"ففتحنا ابواب السماء بماء منهمر و فجرنا الارض عيونا فالتقى الماء على امر قد قدر " دي كانت النتيجه شوفتي كبيره و عظيمه بجد ازاي

عايزة اقولك متيأسيش و حاولي كذا مره و اكيد ربنا سبحانه و تعالى هيجيب الفرج من عنده

ضاقت فلما استحكمت حلقاتها :. فرجت و كنت اظنها لا تفرج

وافتكري اننا هنا دائما و انه لو جيتي تحكيلنا هنسمع كويس جدا
ربنا معاكي يا حبيبتي

[نانو]

اعتقد بعد الكلام الي اتقال ده كله مش عارفه اقول غير ان فعلا ربنا سبحانه وتعالى يتقرب الى العبد ويساعده
لما العبد يشتكيله همه
ففعلا ادعي ربنا سبحانه
فما من ورقه تسقط على الارض الا ويعلمها الله سبحانه
فما باللك العبد

[نيهال]

الف سلامه يا رب
وان شاء الله يخفف عنا جميعا



بصى يا اميره
بقوللك اللى بعمله واعتقد انه ما بيختلف عن اللى اصدقائى قالوه سابقا



اولا بقفل الموبايل وبروح على سريرى واتغطى جامد واطمنى مش راح تنامى
لانك مشغوله البال


المهم
وقتها بتحاوللى تفكرى فى اللى بيحصل حليكى كويس.وبحاول افكر فى اى حاجه انا بحبها قوى او اى مكان بتمنى اكون فيه والحمد لله
حتهدى مع الوقت وحتعرفى تفكرى كويس وحتلاقى شعاع امل من بعيد بيحاول يقرب لك
وبايدك انتى لو اقنعتى نفسك ان كل حاجه ممكن تهون


ساعتها بس


حتشعرى بتحسن كبير


وبعدها
حاوللى تخرجى من البيت روحى اى مكان تغيرى فيه جو...


حتى لو كنتى مش قادره تخرجى
لازم تخرجى


والله وقتها بتحسى بتحسن جامد





حضرتى بقى عاده يا اما بسافر واقعد على البحر ساكته ومشبعرف اتكلم مع حد للاسف بيكون غصب عنى والله



يا اما بروح مع والدتى بيت العيله وهناك بيرغوا فى اى حاجه وبيدوشونى وبنسى كل اللى كان بيا



والحمد لله على كل شئ

[medo4zoom]

[size=" 6"]ومن يتقى اللة يجعل لهو مخرجا ويرزقة من حيس لايحتسب[/size] طريق النجاة هوا الصلاة وقراءة القرأن

[mog_elb7r]

السلام عليكم ..... انا اول مره اشارك فى المنتدى ده وانتى اول رساله اقراها وحابه اقولك لو تسمحى ان الدنيا دى فيها الوحش وفيها الحلو طيب بصي كده لصوابعك هتلاقيها مش زى بعضيها ؟؟ عارفه ليه ربنا خلق جنه ونار ؟؟ عشان فى ناس كويسه هتدخل الجنه ؟؟ عشان احنا مش زى بعض والدنيا كده برده مش كلها زى بعض عارفه انا لمابحس بكده بحاول افكر فى اى لحظه حلوه فى حياتى ولو مفيش بتخيل لحظه انا عايشه فيها ومبحولش ان اخلى الحزن يقتلنى انتى لازم تقومى الزعل ده كله قوليلو بكره ربنا يفرجها ثقى فربنا انه مكتبش حاجه وحشه ابدا على حد وان الدنيا دى فى ايده عايزه اقولك ربنا يعينك ويساعدك
اذا ضاقت بك الدنيا ففكر فى (الم نشرح )
فعسر بين يسريين متى تذكرهما تفرح

[رؤيه]

المشاركة الأصلية بواسطة mog_elb7r

السلام عليكم ..... انا اول مره اشارك فى المنتدى ده وانتى اول رساله اقراها وحابه اقولك لو تسمحى ان الدنيا دى فيها الوحش وفيها الحلو طيب بصي كده لصوابعك هتلاقيها مش زى بعضيها ؟؟ عارفه ليه ربنا خلق جنه ونار ؟؟ عشان فى ناس كويسه هتدخل الجنه ؟؟ عشان احنا مش زى بعض والدنيا كده برده مش كلها زى بعض عارفه انا لمابحس بكده بحاول افكر فى اى لحظه حلوه فى حياتى ولو مفيش بتخيل لحظه انا عايشه فيها ومبحولش ان اخلى الحزن يقتلنى انتى لازم تقومى الزعل ده كله قوليلو بكره ربنا يفرجها ثقى فربنا انه مكتبش حاجه وحشه ابدا على حد وان الدنيا دى فى ايده عايزه اقولك ربنا يعينك ويساعدك
اذا ضاقت بك الدنيا ففكر فى (الم نشرح )
فعسر بين يسريين متى تذكرهما تفرح

انا اولا بارحب بيكى جدا اوى خالص فى المنتدى ونورتى الدنيا
ثانيا انا فرحانه جدا ان اول رساله تقريها تبقي كلامى ده شرف ليا
ثالثا ميرسي جدا على كلامك ورقتك وانا معاكى فى كلامك وان الدنيا فيها الكويس والوحش ولحظات الفرح والحزن
هوه الموضوع قديم شويه وكان متعلق بحاجات معينه وقتها بس كفايه اهتمامك وشعورك الجميل وبرحب بيكى تانى وسط اخواتك

[رؤيه]

المشاركة الأصلية بواسطة medo4zoom

[size=" 6"]ومن يتقى اللة يجعل لهو مخرجا ويرزقة من حيس لايحتسب[/size] طريق النجاة هوا الصلاة وقراءة القرأن

ونعم باله تعالى
شكرا جدا على ردك
وربنا يهدينا اجمعين