لأن كل واحد في مرحلة معينة من حياته بيكون له توجهات ومتطلبات ، ومع مرور الزمن وتوسع خبرته بالحياه مداركه ورؤيته للأمور بتتغير وبيكون عنده متطلبات جديدة
ما بحب اقول لو بس فعليا لو اتيح لي الرجوع الى الخلف حاغير كل شيء من الألف الى الياء لأني بشوف الآن بشكل اوضح
أولا طبعا الحمدلله رب العالمين كل شئ ..
بس يعنى لو الزمن رجع بيا لورا .. كنت حعمل حاجة واحدة بس و هى ..
انى كنت مرجعتش من أمريكا و كنت فضلت هناك لغاية دلوقتى ...
بس برده اقوول .. الحمدلله على شئ ... محدش يعرف الخير فين
شكرا جدا على ردودتكم بس ليا تعليق على half-magic
تفتكر ايه اكتر حاجه افتقدتها هناك
وايه الي غيرته هنا لما رجعت
او ايه الي خالاك تتصدم من الرجوع اوي كده
__________________
الخيال لخدمه الواقع يساوي العبقريه اما الخيال للخيال فهو مضيعه للوقت
half-magic
تفتكر ايه اكتر حاجه افتقدتها هناك
وايه الي غيرته هنا لما رجعت
او ايه الي خالاك تتصدم من الرجوع اوي كده
فى الأول لازم تعرفى انى بحب بلدى جدا... يمكن انا قولت انى كنت اتمنى انى مرجعش من امريكا لكن ده مش معناه انى مش بحب بلدى و الأستقرار فيها .. لأ طبعا لو خيرونى يبقى اكيد حختار مصر من غير تفكير...
ارجع و اجاوب على اسئلتك ... اكتر حاجة افتقدها هناك هى النظام و احترام الناس لبعضها و حب كل واحد لشغله و اهم حاجة هى عدم وجود الروتين فى اى حاجة ... بس طبعا مفيش مكان فى الدنيا من غير عيوب و اعتقد عيوب امريكا معروفة برده ..
ايه اللى غيرته لما رجعت ... و لا حاجة طبعا .. لأنى مفيش فى ايدى حاجة اغيرها خاصة انى حاولت و لكن فشلت و بسبب محاولتى دى كانت حتحصل مشكلة بس الحمدلله ...
ايه اللى خلانى اتصدم من الرجوع اوى كده .. ان الناس هناك بتفكر تتقدم ازاى كل يوم و ازاى تسهل الحياه على الناس .... لكن هنا للأسف الكل مش بيفكر غير فى حاجة واحده ازاى نعقد الناس و نضيع وقتهم و خلاص....
وللأسف القاعدة المعروفة فى مصر حاليا هى لو عايزه تخلصى نفسك بدرى بدرى .. يبقى فتحى مخك شوية و اعزمى على الموظف اللى مسئول عن شغلك بورقة بــ 20 جنيه كده بس طبعا متخلهوش يفهم غلط ... قوليلووو ان دى تمن ساندوتش فول و فلافل علشان الفطار يعنى !! و وقتها كل شئ يكون فى السليم و يخلص على طووول !!
يمكن لو كان اول شغل فى حياتى فى مصر كان حيكون رأئى غير كده بس للأسف بدأت هناك .. أسف على الأطالة
لأ فيه .. انا ازيك يا نانو ؟ الموضوع لذيذ بصي يا ستي .. الحمد لله على اي حال .. بس فيه كتير اشياء نفسنا نغيرها و خليني اقول اول شيء جه على بالي لما شفت الموضوع انا لو رجع بيا الزمن لورا كنت دخلت طب بطري او هندسه او حاسبات زي مكان جايلي قبل كده بس ده كان جايلي بره المنصوره وانا مكنتش عايزة اسافر وللاسف فضلت ادخل علوم مع اني كنت داخلاها بمجموع عالي عن اللي معايا انا مش زعلانه من شيء و الحمد لله الواحد راضي باللي هو فيه بس كل الحكايه انه الواحد بعد مدخل لقى انه بنطحن في الشغل لاننا اعلى قسم من سنه اولى و مع ذلك ملناش اي مستقبل مفهوم او واضح المعالم هو صحيح الواحد ناوي على هدف معين و ربنا يحققهولي و يحقق اهداف الجميع بس بردو ده اول شيء جه في بالي لما قرات الموضوع يللا الحمد لله .. الخيره فيما اختاره الله لي .. انا كنت مستخيره الله و ربنا دلني عليها .. عشان كده الحمد لله و طبعا لو اطلعتم على الغيب لاخترتم الواقع ميرسي يا نانو يا حبيبتي على الموضوع الجامد ده
اللعفو ياحبيي على ايه
انا كنت عايزه افيدك في حاجه
انتي عارفه ان كليتك دي مهمه اوي بس لليقدر
حاقولك على حادثه غريبه حصلت لواحده من قريبنا بس من بعيد
وهي في الثانويه العامه جابت مجموع مش قوي دخلها علوم وكانت نفسها في صيدله
المهم ربنا شاء ليها انها تكمل علوم وتتفوق وتكون معيده في الجامعه وتسافر وتعيش في امريكا وتساعد تخيلي مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
دكتور زويل
شوفتي بقى
__________________
الخيال لخدمه الواقع يساوي العبقريه اما الخيال للخيال فهو مضيعه للوقت
عندك حق في فكرتك اوي وانا موافقاكي عليها
بس في لحظات الواحد بيكون نفسه في طريق معين
وبعدين ده مجرد حلم
ومين عارف مش ممكن الحلم يبقى حقيقه في يوم من الايام
__________________
الخيال لخدمه الواقع يساوي العبقريه اما الخيال للخيال فهو مضيعه للوقت
ازيكم يا شباب المنتدى
بس فعليا لو اتيح لي الرجوع الى الخلف حاغير كل شيء من الألف الى الياء لأني بشوف الآن بشكل اوضح 
النمط الخطي
