شوية نكت على الماشى كدا ...

[Half-Magic]

مرة واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين ..

**************

واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه .

*************

واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول .

*************

مرة مدير شركة مارلبورو قابل مدير شركة كليوباترا فقاله أنا مرة لقيت في السجارة بتاعتكم خشبة ! إنتم بتستوردوا التبغ منين؟ فرد عليه مدير شركة كليوباترا : يعني إيه تبغ .

*************

مره دكتور عظام مشى بليل الكلاب طلعت تجرى وراه.

*************

[Half-Magic]

يعنى 15 مشاركة و مفيش حد حتى ساب ضحكة و مشى !!
غريبة مع ان النكت بتضحك

[دقه قلب]

طيب انت مش نزلت النكت كلها مع بعض ليه

هى فعلا كلها جميله

مرة واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين ..

دى حلوة اووى

[Half-Magic]

المشاركة الأصلية بواسطة دقه قلب

طيب انت مش نزلت النكت كلها مع بعض ليه
هى فعلا كلها جميله

مرة واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين ..

دى حلوة اووى

يااااااااااه .. اخيرا حد رد عليا و عبرنى ...
الف شكر لك يا نجلاء ده انا كنت خلاص فقدت الأمل ..
اوعدك المره الجاية حنزلها كلها مع بعض .بس بشرط تشاركى معانا

[الورد الجوري]

حلوين بجد النكت دي
و اكتر شيء ضحكت عليه الكتكوت المفترس و التوأم المؤدب

[Half-Magic]

المشاركة الأصلية بواسطة الورد الجوري

حلوين بجد النكت دي
و اكتر شيء ضحكت عليه الكتكوت المفترس و التوأم المؤدب

الف شكر لك يا ورد على المشاركة ..
الكتكوت المفترس دى تحفة الصراحة ..

[Honey1900]

في عندنا مواهب هنا يا شباب


و انا اؤيد حق هذا الراجل ف انا نرد عليه طالما عجبنا الموضوع

[Half-Magic]

المشاركة الأصلية بواسطة honey1900

في عندنا مواهب هنا يا شباب
و انا اؤيد حق هذا الراجل ف انا نرد عليه طالما عجبنا الموضوع

الف شكر لك يا هانى .. ايووه كده عايزين الناس تضحك شوية ..