انت ليه مش بتمسك ايدي...؟؟

[so_sweety]

أنت ليه مش بتمسك إيدي وإحنا ماشيين في الشارع؟"
"لأ بلاش...افرضي حد من قرايبك شافنا؟ والا حد من أصحاب أخوكي في الكلية؟ إن شاء الله يا حبيبتي بكره نتخطب وامسك إيديكي ادام الدنيا كلها".
.
.
.
.
.
.
"أنت ليه مش بتمسك إيدي وإحنا ماشيين في الشارع؟"
علشان مش عاوز حد يفتكر إننا علشان اتخطبنا هنصيع بقى ونعيش حيتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي حبيبتي في الحلال".
.
.
.
.
.
.
.
"أنت ليه مش بتمسك إيدي وإحنا ماشيين في الشارع؟"
"يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين
متجوزين ومحترمين وعندنا بيت نعمل فيه اللي عاوزين نعمله".
.
.
.
.
.
"أنت ليه مش بتمسك إيدي وإحنا ماشيين في الشارع؟"
"يعني امسك إيدك والا امسك إيد البنت والا اشيل الأكياس دي كلها؟!
.
.
.
.
.
"أنت ليه مش بتمسك إيدي وإحنا ماشيين في الشارع؟"
"إيدك إيه بس اللي هامسكها دلوقتي! إنتي عاوزه جوز بنتك يقول علينا كبرناوخرفنا؟


تحياتي لكم ...... و كلي امل انو يمسك ايدها قبل ما تموت

منقول

[نيهال]

احم احم
يعنى ايه يمسك ايدها
هوه بالساهل كده؟
انتم مش فاكرين فوزيه!!!!!!!!!!
قال ايه عايز يعدينى الشارع
تسلم ايديكى

[دقه قلب]

ايوة صح يا نيهال
ال ايه بيعدينى

كلنا هذا الرجل
ههههههههه اقصد كلنا فوزيه

موضوع حلو سو سويت نورتينا بموضوعاتك يا قمر

[yasovinas]

موضوع جميل فكرتوني بوحيد صديقي حكى لنا عن ايام خطوبته وكانت الدنيا صيف وحر (شهر يولويو) قال "وطول ما احنا ماشين في الشارع وفي عز الحر والعرق وهي مصممه تتشعبط في ذراعي!!! ؛؛؛؛ هي لابسه كم طويل فمش حاسه بالعرق اللي على ايدي واحتكاك الملابس يجيب التهاب مع الحر ؛؛؛؛ وكل شوية انزل ايدي وهي مصممة تثني ايدي وتتشعبط ؛؛؛ وعنما فاض بي قلت لها {ايه هو انت ما صدقتي طلبت ايدك من ابوكي لزقتيها عندي }

[so_sweety]

ايه يا جماعه ....مين فوزيه دي؟؟؟؟؟؟؟؟

[دقه قلب]

سارة
سو سويت
انتى مش من مصر؟
فوزيه اللى فى مسرحيه سك على بناتك

[so_sweety]

ايوا....ايوا عرفتهاااااااا

[maysam]

اهلا يا سارة

منورة النص الحلو

انا شفت الموضوع من قبل وعجبني كتير وفيه كثير من الواقعية

القضية متعلقة بقصور التعبير وارتباطه بثقافة العيب!!