حكايه سندريلا....

[so_sweety]

مرات الاب : بت يا سندريلا اصحى يا بت كاك خابط فى نفوخك

سندريلا : اييييه يا مرات ابويا خمسه اخطف حلم سريع بس
وحقوم

مرات الاب: قومى يا بت قامت قيامتـك

وصحيت سندريلا وهى بتأفأف وتفتــف

مرات الاب : يـاله قومى اكنسـى وامسحى على ما نيجى

سندريلا : وانتو رايحين فين ومتزوقين كده وكل واحده عامله نيو لوك روش

مرات الاب : رايحين حفله الامييير اللى حيختار واحده عشان يتجوزهـا

سندريلا : خدونى معاكو انا عاوزه اروح بليز بليييييييز

مرات الاب : ايه بليز دى كتك القرف وتروحى فين بلبسك المهرول

ده انا عايزه ارجع الاقى البيت بيبرق من نضافته

ومشيت مرات الاب وبناتهاالخمسة وقعدت سندريلا تعيـط وتئوأء

وفجــأه طلعتلها الســاحره من البوتاجاز

الساحره : مالك يا سندريلا

سندريلا : كان نفسى اروح معـاهم الحفله بتاعة عمرو دياب بس

لبسى مقطع و موبايلى مفهوش كريدت(رصيد) ولابسه شبشب بصباع

الساحره : ولا يهمك

وطلعت الساحرة من جيبها الموبايل وطلبت الاتليه بتاع مدام لولو

يبعتو فستان وجزمه اخر موديـل

فرحت سندريلا ولبست وحطط الايشادو و الليب جلوس و

الجليتور ورشت البرفان

بس الساحره قالتلها : قدامك للساعه 12 لازم ترجعى والوقت

كالحبل ان لم تقطعة ربطك وكعبلك وقعد يخنق فيكى...........

انا صعيديه ودمى حامى ومعندش بنات تتأخر

و لو اتأخرتى حترجعى زى ما كنتى بلبسك القديم وسط الناس

يامعفنة اما بت بيئة صح

سندريلا : حاضر حاضر اما ساحره زبالة صحيح

سندريلا من البيت لقت الساحره مجهزة عربية هوندا ركبت

سندريلا وراحت ع القصـر

ولفت جمــالها كل اللى موجودين و اول ما عين الامير وقعت

عليها راح وطلب يرقص معاها و وافقــت

نظرات ... همسات .... صمــت ........ حــــب
ترررررررررن ترررررررررررن

سندريلا : ده الساحره بتدينى ميسد كول .. يا خبر الساعه 12

وقامت طالعه تجرى وقال ايه ... وهى بتجرى فرده الجزمه

اتخلعت .. و خدها الامير المعجب و نده للوزير

الامير : يا وزيرهيثـــــم

الوزير : امرك مولاى

الامير : خد الجزمه دى اسحبلى صورتها اسكانر

و نزل صورتها فى كل الجرايد و ع الويب سايت بتاع قريتنـا وعلى

قناة ميلودى افلام

واكتب الى صاحبه هذه الجزمه التوجهه للقصـر الملكــى فوراااااااااا

بنات كتير جدا راحو و يا سبحان الله الجزمه مجتش على مقاس

حد فيهم (ال يعنى سندريلا مقاس رجليها رجل معزه )

وبعد كده شاهدت سندريلا الاعلان عن فرده الجزمه
على mbc2

مع انه معملش اعلان خالص على القناة دى

وقامت بالتوجهه الى القصر وتزوجت هى والامير
وعاشو فى تبات ونبات و خلفو تؤام ملتصق وشويه بنات والحياة بقت بمبى بمبى

[dndn]

ههههههه ده حلوة بس مش أحلى من قصة سندريلا الفلسطينية اللي بعرفها

[yasmina]

المشاركة الأصلية بواسطة dndn

ههههههه ده حلوة بس مش أحلى من قصة سندريلا الفلسطينية اللي بعرفها

ههههههههههههههه

طيب ما تقوليلنا بقى سندريلا بالفلسطينى

[دقه قلب]

سوسويت
خطك منمنم اوووووووووى وفعلا ولله مش شايفه اى حاجة
كبريه شويه وانا هاجى تانى

[عتاب]

جميلة اوي ياسارة
اضطريت اخد كوبي واكبرها بره عشان اشوف من غير ما اتعمي
تسلم ايديكي ياعسل
هي دي القصص الرومانسية والا بلاش

[so_sweety]

ها......ايه رئيكم .....كده تمام
بصراحه والله الخط كان واضح عندي اوي....

[دقه قلب]

هههههههههه
حلوة اوى سو سويت
دى سندريلا 2006 ولا ايه؟

ميرسى على تغييرك لحجم الخط
وياريت تخلى خطك واضح كده وحلو فى كل المواضيع الانى بعانى عشان اشوف مواضيعك

تحياتى لك يا عسل

[dndn]

المشاركة الأصلية بواسطة yasmina

ههههههههههههههه

طيب ما تقوليلنا بقى سندريلا بالفلسطينى

بوعدك إني أحطها بالمنتدى بس إستني يومين
أوك

[طاطا]

جميلة وتحك جداااااااااااااااااااااا شكرا بس انا عايز الكارتون

[sandrella2008]

عجبتني قووي الحدوته

بس باين علي حغير اسمي

احسن سندريلا بقيت بيئة طحن

ميرسي يا (( طاطا )) لإنك أحييت الموضوع من جديد.

[*ملك روحي*]

هههههههههههههههه
مش معقول دي سندريلا
ميرسي ليكي يا سو سويت بجد موتتني من الدحك

[روما الشعنونة]

حلوة اوي بجد
سندريلا مواكبة العصر هي والساحرة
يلا موث مسكلة
بس بجد توبك رائع

[طاير في السماء]

جميل دي سندريلا 2008

[دلوووعة مصر]

حلوة قصة سندريلا الروشة دي

[masraweyaa]

تجنننننننننن انا مت من الضحك بجد حلوة يا سو سويت