صور رائعه ما شاء الله ولا قوة إلا بالله (اللهم لا حسد )
فعلاً مش عارف اطلع مواهبى فى النقد واظهار العيوب المستخبيه فى صورك
نبدأ كده من أول صوره
الصوره دى ناقصها حاجه واحده ... او خليهم حاجتين (باعتبار ان الكاميرا بتاعتك فيها خصائص متقدمه )
الأولى ان الصوره مائله لليسار قليلاً
الثانيه كانت تحتاج الى زيادة نسبة التعريض للضوء قليلاً (بتقليل سرعة الغالق أو بزيادة فتحة العدسه )
الصوره من زاويه غير جيده ولكن استخدام الصخور فى المقدمه أعطى بعداً فراغياً للصوره وجعلها مقدمه يبدأ من عندها من ينظر إلى الصوره ثم تتجول العين فى باقى الصوره وهو ما يغفل عن أهميته كثيراً من المصورين
كما انها غير مشبعه بالضوء بدرجه كافيه وبالتالى كانت تحتاج الى زيادة نسبة التعريض قليلاً
الصوره تحفه بكل المقاييس
الزاويه والإضائه والكادر والتوازن
رهيبه فعلاً
نصيحه منى لو تقدر تبعتها لمجلة العربى مسابقة التصوير الفوتوغرافى
هم بيهتموا بالتصوير المعمارى جداً
دى بقى تثبت انك مصور محترف فعلاً
الزاويه ممتازه جداً
لأنها غير تقليديه جداً
من أهم مميزات المصور المحترف انه يبحث دائماً عن الزوايا الغير التقليديه فهى دائماً تجعل من المشاهد التقليديه مشاهد مثيره للعين والبصر
هذه الصوره أفضل من التى تليها لأسباب
1- هذه الصوره بها تناغم هندسى بسبب الزاويه الملتقطه منها (توازى المكاتب وتعامد العواميد)
2- الشمس وما ينتج عنها من اضاءه شديده التى تظهر فى الركن العلوى للصوره التى تليها تؤثر طبعاً على جودة الصوره
نفس الكلام
الزاويه متميزه جداً
وبالتالى طلعت الصوره غير عاديه بالمره
بس خلى بالك فيها عيبين
الأول النخله اللى ناحية اليسار
الثانى عامود النور اللى فى المنتصف
العيبين مش ليك ذنب فيهم بس للأسف مش هاتقدر تنشر الصوره كصوره فنيه بسبب العامود والنخله :(
يااااااااااااه
الصوره دى ممتااااااازه
بس تعرف كانت عايزه أيه ؟؟
سمعت عن تقنيه فى التصوير اسمها HDR ?? أو ما يسمى (high dynamic range ) ??
لو كنت استخدمتها فى الصوره دى
كان ممكن تاخد بيها الجايزه الأولى فى كل مسابقات التصوير اللى تدخلها
مستنى بقى زيارتك للصور بتاعتى
صـــــور من قنـــا يا بووووووي
وفى موضوع تانى عن صور من الصعيد .. سيبك منه خالص
انا نفسى باعترف انها صور فاشله
اصلها كانت أول مره امسك فيها الكاميرا
مستنى ردك على صورى
علشان انزل غيرهم ان شاء الله
على فكرة ده أحسن وقت لزيارة اسكندرية ... اسكندرية فى الشتاء مختلفة تماما عن اسكندرية فى الصيف و إن شاء الله تستمتعى بوقتك عندنا 
النمط الخطي
