متشكرين يا ريس.. خليهوملك

[cleo]

الأسبوع الماضى خبر مستفز فى الصفحة الأولى لصحيفة الأهرام:

الرئيس يتبرع ب 4 ملايين جنيه من دعاية الحزب الوطنى لصالح 26 ألف أسرة فقيرة..!!!

قعدت فكرت لقيت إن نصيب الأسرة يبقى

4000000/26000 يساوى 153 جنيه و 84 قرش

ولو افترضنا إن كل أسرة تتكون من أب + أم + طفلين يبقى نصيب الفرد فى الأسرة عبارة عن 153،84/4 يساوى 38،46 جنيها ..!!!

يعنى كمان وياريت من جيبه.. ده من فلوس دعاية الحزب الوطنى!!!!

تخيل انت مواطن ممكن يعمل ايه بمبلغ ثمانية وثلاثين جنيها..!!! يركب بيهم مواصلات؟؟؟ يشترى شقتين فول وقرصين طعمية؟؟

عندكم فكرة إن سعر كيلو البصل وصل 4 جنيهات؟؟؟

عندكم فكرة إن سعر البيضة الواحدة تخطى ال50 قرش؟؟؟ (عفوا توقفت عن متابعة سعر البيض بعد ذلك حتى لا يرتفع ضغطى)


فى النهاية لا يسعنى إلا أن أصرخ بكل ما أوتيت من قوة...

حسبنا الله ونعم الوكيل...

[نيهال]

طبعا خليهمله
لانى مش انا اللى بنزل السوق
فمن كام يوم كنت معديه واكتشفت ان البصل اصبح ب 4 جنيه
والبيضه دلوقتى وصلت ل 75 وعدت كمان
وسالت ماما قلتلها هيه الناس بتجيب فلوس منين!!!!!
.طيب همه ساكتين على كده ليه؟

الناس غلابه والله
والمشكله ان المرتبات زى ما هيه
انا مش عايزه اقوللك انا بجيب الشوز بكام دلوقتى اصلا
هههههههههههه

[مستكة]

المشاركة الأصلية بواسطة cleo

الأسبوع الماضى خبر مستفز فى الصفحة الأولى لصحيفة الأهرام:

الرئيس يتبرع ب 4 ملايين جنيه من دعاية الحزب الوطنى لصالح 26 أسرة فقيرة..!!!

قعدت فكرت لقيت إن نصيب الأسرة يبقى

4000000/26000 يساوى 153 جنيه و 84 قرش

ولو افترضنا إن كل أسرة تتكون من أب + أم + طفلين يبقى نصيب الفرد فى الأسرة عبارة عن 153،84/4 يساوى 38،46 جنيها ..!!!

يعنى كمان وياريت من جيبه.. ده من فلوس دعاية الحزب الوطنى!!!!

تخيل انت مواطن ممكن يعمل ايه بمبلغ ثمانية وثلاثين جنيها..!!! يركب بيهم مواصلات؟؟؟ يشترى شقتين فول وقرصين طعمية؟؟

عندكم فكرة إن سعر كيلو البصل وصل 4 جنيهات؟؟؟

عندكم فكرة إن سعر البيضة الواحدة تخطى ال50 قرش؟؟؟ (عفوا توقفت عن متابعة سعر البيض بعد ذلك حتى لا يرتفع ضغطى)


فى النهاية لا يسعنى إلا أن أصرخ بكل ما أوتيت من قوة...

حسبنا الله ونعم الوكيل...

طيب انتي زعلانه عشان ال 38 جنيه

ولا زعلانه عشان الغلاء

ولا زعلانه اصلا علي الفلوس اللي بتتصرف علي الحزن الوطني

انتي اخدتي بالك من العباره دي ...

<<<<الرئيس يتبرع بـ 4 مليون جنيه من دعاية الحزب الوطني لـ 36 اسره فقيره >>>>>>

واخده بالك من كلمة من دي اومال هي فلوس الدعايه اد ايه

وليه دلوقتي قرر يساعد المحتاجين في الوقت ده

طب ليه مزودتش المبلغ ليشمل اكبر عدد ممكن من المحتاجين وما اكثرهم



ربنا يسامحنا باه علي سوء الظن اللي ملازمنا ده

اتبرع مش عاجبنا .. متبرعش مش عاجبنا

صحيح شعب نمرود ميملاش عينه الا التراب

[دقه قلب]

عادى يعنى اهو بيعمل اى حاجة وخلاص
وهو وكل الدنيا عارفة اننا شعب مش بتفرق معاه اتبرع زى ما تبرعش مش هتفرق
بس هو هيكسب طبعا
مش يمكن ينزلوا صورته فى كام جريدة اجنبيه واهو اسمه يحسن من سمعته شويه

الى كاتبه الموضوع

بضم صوتى لصوتك

خليهملك يا ريس

[أبو احمد]

ده كرم زباد من سيادته
ربنا يكرمه ويبعد عننا بقى كفايه كده وفر ملاين الحزب الوسنى بتاعك بس أرجوك أبعد شوفلك بلد تانيه كرهتنا فى عيشتنا حرام عليك الظلم ظلمات يوم القيامة

[محمدحسين]

والله لو يقفل الحزب الوطنى ويوفر مليلارات الجنيهات التى بتتصرف على مجموعه بلطجيه ولصوص وأنتهازيين وأثرياء بشكل فاحش
المصريين مش هيعرفوا يودوا الفلوس فين
مصر مش فقيره ولكنها تعانى من عدم عداله فى التوزيع وسرقه لمجموعه كل فرد فى الشعب عارفهم بالاسم

[The Caesar]

هوه احنا كده ما يعجباش العجب...الرئيس اتبرع ما يعجباش ...ما اتبرعش ده ما بيعملش حاجه
هيه ميزانيه الدعايه في رأيك بالمليار ...و الفلوس مش لازم نحسبها وكل واحد هياخد كام ده احنا شعب غريب سيبوها ببركتها كده ..وكل واحد ياخد اللي فيه النصيب....
فيء راييء لفته كويسه من الرئيس ...و كفايه بقي نغمه الفساد ..و التأمر دي..اللي بايده حاجه يعمله مش كلام وخلاص ..ده رأيء ..وارجو انه ما يزعلش حد

[snow white]

تخيل انت مواطن ممكن يعمل ايه بمبلغ ثمانية وثلاثين جنيها..!!! يركب بيهم مواصلات؟؟؟ يشترى شقتين فول وقرصين طعمية؟؟

عندكم فكرة إن سعر كيلو البصل وصل 4 جنيهات؟؟؟

يعنى هما الـ 26 الف اسره دول معتمدين بس ع التبرعات دى؟؟؟ دى مجرد مساعده

بس اللى شدنى بصراحه

الرئيس يتبرع ب 4 ملايين جنيه من دعاية الحزب الوطنى

!
ليه هى الدعايه كام اصلا


شكرا ع الخبر cleo

[mnarh]

يا خوفي توصل لبلطجية الحزب