تعدد الزوجات............حل للعنوسه؟؟؟؟؟؟؟؟؟؟

[snow white]

السلام عليكم ورحمه الله وبركاته

كلنا يعلم ان هناك نسبه عنوسه
وقد اثبتت الدراسات المصريه أن من بين غير المتزوجين نحو 3 ملايين و773 فتاة (في سن الزواج) غير متزوجة

لذلك يرى البعض انه فى تعددد الزوجات حلا لهذه المشكله
فى شباب فعلا بتأيد الموضوع ده بشده

تفتكروا هى فعلا حل لمشكله العنوسه؟؟؟؟؟؟؟

وبالنسبه للبنات
-ياترى توافقى تكونى زوجه تانيه ولا تالته ولا رابعه؟ ولماذا؟
-توافقى تكونى الزوجه الاولى لزوجه تانيه...بمعنى اخر .. هلى توافقين على زواج زوجك من اخرى عانس ؟؟

مين موافق ع الحل ومين معارض ؟ (السؤال للشباب كمان)

مستنيه أرائكم

[THEGOODWOLF]

من المذيع المشهور

حلا لهذه المشكلة و مايبقاش فيه أولى ولا تانية وتالتة ولارابعة

نتجوزكم جملة
ههههههههههههههههههههههههههه

هو أنتم حيرتونا معاكم
نتجوزكم تقتلونا مانتجوزكمش برده تقتلونا
انتم عاوزين منا ايه بالظبط ؟

[دقه قلب]

طيب سؤال تانى ممكن اضيفه يا سنو لو سمحتى؟؟

فين الراجل اللى يتقى الله ويعدل بين زوجاته ويراعى الله فيهم؟؟


عايزة اجاوب بس على جزء من اسئلتك وهى ان فين المجتمع اللى ينظر للزوجة الثانية بنفس نظرة الاحترام للزوجة الاولى وما يعتبرهاش خطافة رجاله؟؟؟

وفين الاهل اللى يوافقوا على زواج بنتهم من رجل متزوج؟ اذا كانوا بيرفضوا الزواج احيانا من الارمل مع انها ارادة ربنا
انها نظرة المجتمع مرة ثانيه
ولى عودة ان شاء الله

[The Caesar]

موضوع حلو اوي...snow white
يبدو ان عصر الجواري ..قرب يرجع تاني...
يالا يا رجاله ..استعدوا وحوشوا جامد
لا هاتكلم بجد ..
أعتقد أن المشكله فعلا ً خطير ..جدا ً جدا ً ..طبعا ًلتاثير العنوسه الخطيره في المجتمع.من انتشار سلبيات لا حصر لها ..
علي سبيل المثال لا الحصر..ما نشاهده من ..تعري ..ومن أنحلال أخلاقي ..كبير
ومن سلوكيات مرفوضه ..بقت شيء عادي" من الطرفين "..بس عمري ما تخيلت ان بنت .المسمي بنت."بتشد " شيشه ..او سجاير وببجاحه في الشوارع ولا حياء..
طبعا ً غير سلوكيات ..أخري لا داعي لذكرها هنا..بقي المقصود بيها ان البنت .." تعجب" وتبقي روشه !!!
ولا حول ولا قوه الا بالله
طبعا ً والشباب .معذور ..ومذعور ..شوفوا تكاليف الزواج بقت عامله ازاي..ده الواحد ممكن يستثمر فلوس الزواج في مشروع كبير ..أقل تكلفه من الزواج الان !!!
الرسول عليه الصلاه والسلام "يقول من استطاع منكم الباءه فاليتزوج "
لكن كيف ..الان..وطلبات الزواج ..حاجه مش ممكن ..والله أغنياء وفقراء الزواج بقي مشكله كبيره !
طبعا ً هذا أدي للعنوسه ..
بس نرجع للنقطه الاساسيه ..تعدد الزواج
انا عن نفسي ما عنديش مانع ..مش حرام ..والدين محلل الموضوع ده
يبقي هانتلكك بقي بحجه العدل...ربنا ان شاء الله يكرمنا ونعدل ...
كل شويه يقولوا ان الراجل مش هايعدل..طب الواحد ازاي هايعرف .الا لما يجرب !!!!
دعوه لكل مقتدر ..اذا كنت متزوج ..تزوج ولا يهمك..الان.. أثنتين معقول .. بكره ..هيجوزونا أجبار 3 و 4 !!!!!!

[شكولاته]

سنووايت موضوع مهم
ودقه قلب و The Caesar
قال كلام مهم قوي المجتمع والظروف الاجتماعيه والماديه من اسباب العنوسه وبعدين العنوسه مش بنات بس لكن بنات وشباب
وبالنسبه لسؤال اني اوافق ولا لاء ان جوزي يتجوز واحده تانيه
فهذا من المستحيلات فلن اقبل ابدا ان تشاركنا اخري طالما انني لا اقصر معه في اي شيء وكل حقوقه منفذه

[maysam]

اهلا سنو وايت

رداعلى الأسالة فأنا لا اوافق

المهم يعني في ناس بتقول انها طريقة للقضاء على العنوسة
بس يا ترى هل اللي بيتجوز تانية وتالتة بيكون هدفه فعلا القضاء على العنوسة ، ولا هدفة الزواج والتغيير !!!

امر آخر وهو ما دام الانسان مقتدر يتزوج تانية وتالتة ، وناوي يعمل خير بزواجه بقضائه على العنوسة.... ليه ما يساعد شاب في مقتبل العمر مش قادر يتزوج لان ظروفه لا تسمح ويقدم له مساعدة يزوجه ويكون كسب اجر في الشاب وفي الفتاة وقضى كمان على العنوسة!!!!

عموما يا سنو وايت انا بحاول ابعد عن المناقشات دي عشان ساعات باكون مفروسة في محاولات البعض تفسير الامور

انا مش بجادل في الشرع بس في شروط للزواج التاني والتالت والعملية مش عملية تبديل ديكور

[maysam]

نسيت ارحب بشيكو

منورة المنتدى

[فلاحة]

تفتكروا هى فعلا حل لمشكله العنوسه؟؟؟؟؟؟؟
بصراحه تعدد الزوجات مش حل للعنوسه هو صحيح ممكن يقلل من نسبه البنات اللى مش متزوجين بس بردو الرجل لما يتزوج من امرأه تانيه يبقى دى هتدخل يت الزوجيه من هنا تقوم التانيه تخرج من الناحيه التانيهيعنى هنقلل نسبه العنوسه بس هنزود نسبه المشاكل والمطلقات...
ياترى توافقى تكونى زوجه تانيه ولا تالته ولا رابعه؟ ولماذا؟
-توافقى تكونى الزوجه الاولى لزوجه تانيه...بمعنى اخر .. هلى توافقين على زواج زوجك من اخرى عانس ؟؟بصراحه سؤال صعب اجاوب عليه لأن انا مش هجبره يعيش معايا انا لواحدى وهو بيحب واحد تانيه لكن فى نفس الوقت هحاول احسن نفسى واشوف ايه عاجه فى البنت دى واعمل زيها عشان يلاقينى انا فى الشخصيتين اللى مش عارف ولا يستغنى عن دى ولا عايز يستغنى عن دى
مين موافق ع الحل ومين معارض ؟
انا معارضه الحل ده.
س عايزه اقول حاجة
ان ممكن فى رجال بيتزوجو من مرأه اخرى بدون سبب يعنى بمعنى اصح تبقى زوجته محترمه جدا وكويسه اوى ومراعيه رنا فى زوجها واولادها وكمان جميله
وبعدين تكتشف ان زوجها اتجحوز عليها وفى الاخر يقولها((مثلا)) لأنك مكونتيش مهتميه بنفسك
طب والسب ده مقنع ولا سب قاطع ان الزوج يتزوج مره تانيه
زى مايكون ان الزوجه مش مهتميه بنفسها من فراغ ط ما مثلا الاولاد بيخلوها تتعب أو الع8يب بيبقى من الزوج نفسه لانه مش يحسسها انها جحيله زى ما كان بيقولها زمان او مش بيخرجها تترفه شويه يعنى م الاخر يقى العيب منه مش منها
لكن هنقول ايه بقى.....

[فاطمه الديب]

السلام عليكم
الموضوع مهم جدا ونتج عنها مشاكل كبيره وكثيره اما عن راي فانا لا يوجد لدي مانع من ان زوجي يتزوج علي ولكني ارفض تماما ان اكون الزوجه الثانيه اما بالنسبه للعدل مادام زوجي انسان محترم ويرعي الله في فانا اساعده في ذللك واكيد ساكون صديقه واخت لزوجته لتحقيق هدف العداله بيننا
انا مش حالمه بس بجد من الممكن ان ذللك يحدث افضل من اشياء اخري كثيره ممكن ان تحدث
وشكرا علي الموضوع

[فاطمه الديب]

السلام عليكم
الموضوع مهم جدا ونتج عنها مشاكل كبيره وكثيره اما عن راي فانا لا يوجد لدي مانع من ان زوجي يتزوج علي ولكني ارفض تماما ان اكون الزوجه الثانيه اما بالنسبه للعدل مادام زوجي انسان محترم ويرعي الله في فانا اساعده في ذللك واكيد ساكون صديقه واخت لزوجته لتحقيق هدف العداله بيننا
انا مش حالمه بس بجد من الممكن ان ذللك يحدث افضل من اشياء اخري كثيره ممكن ان تحدث
وشكرا علي الموضوع

[معروف]

أنا شايف إن الموضوع يلزمه صراحة ..

وكل الشكر والتقدير لسنو وايت إحنا مانقدرش نتكلم فى الموضوع بعيدا عن الدين .. يعنى نتفق إن فيه رخصة بأربع زوجات للرجل . والحرية مكفولة لقبول ورفض التنفيذ للمرأة وللرجل وليس من حق أحد أن يفرض رأيه على الآخر ومن يقبل فهو حسب ظروفه. وكلنا عارفين وفاهمين وشايفين اللى عليه مجتمعاتنا من مغالاة فى المهور وصعوبة اتمام الزواج وزيادة الانحراف وإنتشار أنواع زيجات الله أعلم بها .. والمرأة تستطيع أن تهئ حياتها ونفسها لتحسن لمن حولها فيكون هذا كفيلا بإبدال معظم السلبيات لإجابيات والحقيقة زى ما فيه نماذج صعبة فيه نماذج يحسبهم الانسان ملائكة والمعلوم أن العقد شريعة المتعاقدين ولها حق قبول أو رفض ماتراه.. ويبقى المجتمع والحقيقية مش عارف أقول إيه ؟ لاتوجد قيمة لإنسان فى بلادنا كلها وبدون زعل ..يعنى ليه المرأة هى اللى بتقول حقها ضايع .. وبالنسبة للأهل وأصحاب الأفكار الصعبة لازم من مواجهتهم بالعقل .ده طبعا لما صاحبة القضية هى اللى تبقى مقتنعة أولا

شكرا سنو وايت..عالموضوع الممتاز فعلا

سلام

[snow white]

يااااااااااااااااااااااااه
سورى يا جماعه انا بجد كنت نسيت الموضوع خالص
ولسه شايفاه دلوقت للاسف

ردودكوا اسعدتنى كتييييير وعجبتنى جداااا
وأراء تحترم وتستحق كل تقدير

بس اعذرونى مش هقدر ارد دلوقت
لكن اوعدكم انى راجعه تانى ارد عليكم
وكمان أقول رأيى وأجاوب ع الاسئله ان شاء الله

THEGOODWOLF
دقه قلب
The Caesar
شكولاته
maysam
فلاحة
فاطمه الديب
معروف

نورتوا موضوعى

[snow white]

المشاركة الأصلية بواسطة THEGOODWOLF

من المذيع المشهور

حلا لهذه المشكلة و مايبقاش فيه أولى ولا تانية وتالتة ولارابعة

نتجوزكم جملة
ههههههههههههههههههههههههههه

هو أنتم حيرتونا معاكم
نتجوزكم تقتلونا مانتجوزكمش برده تقتلونا
انتم عاوزين منا ايه بالظبط ؟

ههههههههههههههه
نورت الموضوع THEGOODWOLF
فينك مختفى ليه ؟ لعل المانع خير

مستنيا مناقشتك معانا لما ترجع ان شاء الله

[snow white]

المشاركة الأصلية بواسطة دقه قلب

طيب سؤال تانى ممكن اضيفه يا سنو لو سمحتى؟؟
طبعا يادقدوقه اتفضلى من غير استئذان ياحبيبتى

فين الراجل اللى يتقى الله ويعدل بين زوجاته ويراعى الله فيهم؟؟
هسيب السؤال ده للرجاله يردوا عليه
عايزة اجاوب بس على جزء من اسئلتك وهى ان فين المجتمع اللى ينظر للزوجة الثانية بنفس نظرة الاحترام للزوجة الاولى وما يعتبرهاش خطافة رجاله؟؟؟
فى مجتمعاتنا العربيه اعتقد ده شىء صعب
وفين الاهل اللى يوافقوا على زواج بنتهم من رجل متزوج؟ اذا كانوا بيرفضوا الزواج احيانا من الارمل مع انها ارادة ربنا
هى حكايه رفضهم زواج بنتهم من رجل متزوج دى عاديه.... انما رفضهم زواجها من رجل أرمل ...
انها نظرة المجتمع مرة ثانيه
ولى عودة ان شاء الله
تنورينا ياجميل مستنياكى

نورتينى ياقمر برايك واضافتك

[snow white]

المشاركة الأصلية بواسطة The Caesar

موضوع حلو اوي...snow white
الحمد لله ان الموضوع نال اعجابكم
لانى بصراحه مليش فى المناقشات الجريئه ودى من مراتى القليله جدااااااااا اللى بتناقش فيها
يبدو ان عصر الجواري ..قرب يرجع تاني...
يالا يا رجاله ..استعدوا وحوشوا جامد
هههههههههههه
هو الشباب لاقى حتى يتجوز واحده

لا هاتكلم بجد ..
ايوه خلينا جد شويه
أعتقد أن المشكله فعلا ً خطير ..جدا ً جدا ً ..طبعا ًلتاثير العنوسه الخطيره في المجتمع.من انتشار سلبيات لا حصر لها ..
علي سبيل المثال لا الحصر..ما نشاهده من ..تعري ..ومن أنحلال أخلاقي ..كبير
ومن سلوكيات مرفوضه ..بقت شيء عادي" من الطرفين "..بس عمري ما تخيلت ان بنت .المسمي بنت."بتشد " شيشه ..او سجاير وببجاحه في الشوارع ولا حياء..
طبعا ً غير سلوكيات ..أخري لا داعي لذكرها هنا..بقي المقصود بيها ان البنت .." تعجب" وتبقي روشه !!!
ولا حول ولا قوه الا بالله

طبعا ً والشباب .معذور ..ومذعور ..شوفوا تكاليف الزواج بقت عامله ازاي..ده الواحد ممكن يستثمر فلوس الزواج في مشروع كبير ..أقل تكلفه من الزواج الان !!!
فعلا للاسف تكاليف الزواج بقت مرتفعه بشكل مخيف
وكل ده بسبب عادات مجتمعيه وكلام الناس
الرسول عليه الصلاه والسلام "يقول من استطاع منكم الباءه فاليتزوج "
لكن كيف ..الان..وطلبات الزواج ..حاجه مش ممكن ..والله أغنياء وفقراء الزواج بقي مشكله كبيره !
طبعا ً هذا أدي للعنوسه ..
بس نرجع للنقطه الاساسيه ..تعدد الزواج
انا عن نفسي ما عنديش مانع ..مش حرام ..والدين محلل الموضوع ده
يبقي هانتلكك بقي بحجه العدل...ربنا ان شاء الله يكرمنا ونعدل ...
كل شويه يقولوا ان الراجل مش هايعدل..طب الواحد ازاي هايعرف .الا لما يجرب !!!!
يعنى باختصار انت موافق .... رأيك يحترم طبعا
وأعتقد ان أغلب الشباب هيوافقوا
دعوه لكل مقتدر ..اذا كنت متزوج ..تزوج ولا يهمك..الان.. أثنتين معقول .. بكره ..هيجوزونا أجبار 3 و 4 !!!!!!

شكرا لمرورك سيزر
مرورك اسعدنى كثيرا

وشد حيلك بقى وحوش كتيييييييييييييييييير
وابقى قلنا عدد زوجاتك وصلوا كام؟؟؟