نظيف : لولا الحكومة لوصل سعر كيلو "البصل" إلى 10 جنيهات!

[محمدحسين]

أكد الدكتور أحمد نظيف رئيس مجلس الوزراء أنه لولا الإجراءات التي تتخذها الحكومة لإنعاش الاقتصاد المصري ، لازداد حال المواطن سوءا عما هو عليه بالفعل ولأصبح سعر المواد الغذائية الأساسية في غير متناول الجميع.

وقال نظيف في حديث بثته قناة "العربية" يوم الأربعاء إن معدل النمو الكلي للاقتصاد المصري في ازدياد كما أن القدرة الشرائية للفرد قد زادت بمقدار 4% عن مستوى التضخم في العامين الماضيين.

ويزور رئيس مجلس الوزراء دولة الإمارات العربية المتحدة حاليا في إطار جولة خليجية تستهدف جذب مزيد من الاستثمارات الخليجية إلى مصر.

وردا على سؤال من القناة عن سبب وصول كيلو البصل في مصر إلى خمسة جنيهات كاملة على الرغم من زراعته داخل البلاد ، قال نظيف : "البدايات دائما صعبة ، ولولا برنامج الحكومة المصرية ، لكان من الممكن أن يصل كيلو البصل إلى عشرة جنيهات".

ويعاني المصريون في الفترة الأخيرة من زيادة مستمرة في أسعار السلع الأساسية خاصة المواد الغذائية وعلى رأسها الخضروات واللحوم والأسماك.

وأوضح نظيف أنه يقدر تماما موقف المواطنين الذي يسمعون عن تحسن معدل النمو الاقتصادي في البلاد من دون انعكاس واضح ومباشر على أسلوب معيشتهم ولكنه شدد على أن الحكومة لا تستطيع التحكم في الأسعار.

وتابع : "نحن الآن في مرحلة الانضمام إلى الاقتصاد الحر وهو ما يعني أن الأسعار خاضعة للعرض والطلب وأن الحكومة لا يمكن لها فرض سيطرتها على الأسعار ، والبصل الذي زاد سعره هذا العام قد يكون مكدسا في الأسواق منتظرا من يشتريه بأبخس الأسعار في العام المقبل".

ولفت نظيف إلى إن الحكومة تسعى إلى التقليل من الآثار السلبية لنظام الاقتصاد الحر عن طريق زيادة الرواتب وفتح مجالات للاستثمار العربي في مصر.

وقال : "الرواتب في الحكومة زادت بنسبة 66% في العامين الماضيين ، وهو ما يعني أن المواطن المصري لا تزال لديه القدرة الشرائية حتى بعد زيادة الأسعار".

وأضاف نظيف في الحوار الذي أجري معه خلال زيارته للإمارات : "أنجزنا خطوات كثيرة على طريق فتح مجالات للاستثمارات العربية في مصر ، وأحد أسباب حضوري إلى هنا هو تقديم الشكر للمستثمرين الإماراتيين على استجابتهم للإصلاحات الاقتصادية الأخيرة والتأكيد على أنهم سيحصلون على دعم مماثل لما يحصل عليه نظرائهم المصريين".

وانضمت شركة اتصالات الإماراتية إلى السوق المصرية عندما نجحت في الحصول على الرخصة الثالثة لشبكة التليفون المحمول والتي سيبدأ العمل بها في فبراير2007 ، كما بدأت أيضا شركة "إعمار" في الاستثمار في مصر فيما تربط تقارير شركات إماراتية عدة بمشروعات أخرى داخل البلاد.

ورفض نظيف إطلاق لفظ "حكومة رجال الأعمال" على مجلس وزارئه ، مشيرا إلى أن هناك ستة رجال أعمال فقط في حكومته التي تضم 31 وزيرا.

وقال : "ظهر هذا الاسم بسبب اختيار رجال أعمال للمرة الأولى في التشكيل الوزاري ولكن الحكومة تضم أيضا خبرات أكاديمية من الجامعة ، ورجال لهم خلفيات عسكرية من القوات المسلحة وآخرين يمثلون كل فئات الشعب المصري".

[محمدحسين]

حقيقى ناقص يقول لنا أمسحى دموعك ياأمال مع الاعتذار للاعلان
ربنا يخلي لنا الحكومه كامن ناقص يقول لنا ان سبب رفع سعر البصل هو البكاء للنساء والتهاب فى العيون
وحفاظا على عيون المصريين تم رفع سعر البصل
يجعله عامر ياحكومتنا
بس يارب بكره مانلاقى الكوسه أتسحبت من السوق علشان الحكومه وحبايبها سحبوها لنفسهم من السوق

[نيهال]

لو حد من الفلاحين يا جماعه يروح يسال همه بيبعوا المحصول بكام..يا ريت بجد
طيب والمحاصيل اللى اجبارى الفلاح بيبيعها للحكومه( ربنا يكرمها على اد عمايلها فينا) شوفوها بتتباع بكام وبتوصل لايد المستهللك بكام
والله الفرق شاسع جدا جدا
حديكم مثال بسيط..مش حقيقى دلوقتى لان الاسعار زادت حبيتين

عندنا فى البلد كان شوال البطاطس بتاخده مثلا....ب10 جنيه
وعقبال ما يوصل للمدينه بيكون وصل تمنه الى اربعين جنيه على الاقل
ده مثال مش اكتر



وعموما على اى حال
الحمد لله
ربنا مكفينا ومش معترضين
وكل اللى من عند ربنا كويس

[مستكة]

خلي بالك من حاجه مهمه جدااااااااااا

هي حكومة نظيفه جدا والقطنه مبتكدبش

بالاضافه لانها الكترونيه والساعه بخمسه جنيه والحسابه بتحسب


بصل ايه وطماطم وكوسة ايه اللي جايين تتكلموا عليها

اما انكو عالم تالت صحيح

عمركم ما هتتقدموا ابدا

اكلموا في المهم يا جدعان ... اكلموا في الشيء اللي هيرفعنا

اكلموا في الحاجه اللي هتخلي الشعوب تعرفنا

اكلموا باللي هيعملنا الحضاره

اكلموا عن فلانه اللي اعتزلت ولا الاهلي هياخد الكاس ولا لا

شوفوا ازمة منرتضي منصور فكروا جديا النقاب فرض ولا فضل

انما تقولي توم وبصل

ناقص كمان تتكلموا في نقص لبن الاطفال اللي بتموت عشان مش لاقياه

لا بجد ده اللي ناقص باه

[محمدحسين]

المشاركة الأصلية بواسطة نيهال

لو حد من الفلاحين يا جماعه يروح يسال همه بيبعوا المحصول بكام..يا ريت بجد

طيب والمحاصيل اللى اجبارى الفلاح بيبيعها للحكومه( ربنا يكرمها على اد عمايلها فينا) شوفوها بتتباع بكام وبتوصل لايد المستهللك بكام
والله الفرق شاسع جدا جدا
حديكم مثال بسيط..مش حقيقى دلوقتى لان الاسعار زادت حبيتين

عندنا فى البلد كان شوال البطاطس بتاخده مثلا....ب10 جنيه
وعقبال ما يوصل للمدينه بيكون وصل تمنه الى اربعين جنيه على الاقل
ده مثال مش اكتر

وعموما على اى حال
الحمد لله
ربنا مكفينا ومش معترضين

وكل اللى من عند ربنا كويس

الكثيرون يانيهال حاولوا يدخلوا دائه التسويق وكان قدرهم الخساره وترك البلد
لان عمليات التسويق مسيطر عليهم أشخاص معينعه وبيدفعوا ومشباعين الجماعه
شوفتى فيلم شادر السمك بتاع أحمد زكى وكيف سيطر على السوق بمساعده الباشوات

[محمدحسين]

المشاركة الأصلية بواسطة مستكة

خلي بالك من حاجه مهمه جدااااااااااا

هي حكومة نظيفه جدا والقطنه مبتكدبش

بالاضافه لانها الكترونيه والساعه بخمسه جنيه والحسابه بتحسب


بصل ايه وطماطم وكوسة ايه اللي جايين تتكلموا عليها

اما انكو عالم تالت صحيح

عمركم ما هتتقدموا ابدا

اكلموا في المهم يا جدعان ... اكلموا في الشيء اللي هيرفعنا

اكلموا في الحاجه اللي هتخلي الشعوب تعرفنا

اكلموا باللي هيعملنا الحضاره

اكلموا عن فلانه اللي اعتزلت ولا الاهلي هياخد الكاس ولا لا

شوفوا ازمة منرتضي منصور فكروا جديا النقاب فرض ولا فضل

انما تقولي توم وبصل

ناقص كمان تتكلموا في نقص لبن الاطفال اللي بتموت عشان مش لاقياه

لا بجد ده اللي ناقص باه

مع نظيف مافيش جيب لموظف الا نظيف
حكومه نظيف كل همها نظافه الجيوب
امكا نظافه اليدين فأنسى
وطبعا المهم نشوف فرح أبن الفشاوى وهانى رمزى لانهم زى ماقلتى يامستوكه
هى دى الموضوعات التى تهم الباشوات وعلينا متابعتها
أما البصل
فعقبال سعد الصغير مايغنى له بعد العنب حتى يكون لدينا مكتبه أغانى للفواكه والخضروات وبدلا من شرائها نضع الشريط فى الكاسيت فنشعر بالشبع.
ويجعله عامر

[mnarh]

ولا تزعلوا نظيف قريب اريال بس ده بينظف الهدوم ونظيف بينظف الجيوب

[ashraf_elshref2]

المشاركة الأصلية بواسطة محمدحسين

الكثيرون يانيهال حاولوا يدخلوا دائه التسويق وكان قدرهم الخساره وترك البلد
لان عمليات التسويق مسيطر عليهم أشخاص معينعه وبيدفعوا ومشباعين الجماعه
شوفتى فيلم شادر السمك بتاع أحمد زكى وكيف سيطر على السوق بمساعده الباشوات

يارب ارحم الغلا بة من المصرين

[redrose]

انا بعترف ان الحكومه بتاعتنا فيها بلاوي وان ما عدش في حد لا صغير ولا كبير مش كاشف وعارف البلاوي دي لكن يا تري يا جماعه سكوتنا عليها مش يبقي بلوي اكبر ؟ ولو سالنا نفسنا سكوتنا ده سببه ايه هيكون (طبعا الجبن) لكن انا تفسيري انه حاجه تانيه سكوتنا ده (كسره عين)ادام الحكومه وادام نفسنا مين فينا بيعمل اللي عليه كما يجب علشان يطلب من الاخرين انهم يعملوا شغلهم كما يجب الشعب المصري يموت في الراكنه والنوم في العسل وراحه الدماغ حتي لو فاق لنفسه يبقي خمسه ويرجع ينام تاني . المصريون هم خير اجناد الارض فعلا لكن علشان يفوقوا لنفسهم لازم زلزال يفوقهم من نومهم . زلزال زي نكسه 67 . الشعب المصري يحتاج الي انتفاضه مع نفسه اولا وساعتها الحكومه هتخاف وتجري.

[mnarh]

انا معاك ان احنا بلد يدار كل اقتصاده بنظام الاحتكار وليس سوق فيه منافسه شريفه من الحديد الي السلع الغذائيهالي ما يخطر ببالك وحتي اذا الحكومه ادت مسكن عن طريق خفض الجمارك يذهب ايضا الي المحتكرون بما فيهم الحكومه
وهم ماشين علي مبدا لو شبعناهم هيسالونا انتو بتعملوا ايه

[maestro_nader]

بسم الله الرحمن الرحيم

بصراحة يا شباب انتوا والله ما قصرتم انا بس عاوز اضيف حاجة صغيرة أد كدة وهى تشجيع حكومتنا النظيفة الشريفة العفيفة للشباب الطموح ،،،،
اللى مش عاوز من وشهم اى حاجة غير بس يسبوهم فى حالهم مع المشروع اللى الشاب مننا بيعمل قرض عشانه أو يستلف من طوب الأرض أو يشترك 5 قول 8 ولا 10 افراد من خيرة شبابنا عشان يدوب القرشين يكفوا بداية المشروع والحكومة مشكورة ولا بتجرى وراهم من سجل تجارى ولا ملف ضريبى ولا تأمينات اجتماعية ولا ترخيص من مجلس المدينة ولا الكهربا والجرى على العداد ويسعدك زمانك بقى لو فكرت فى تركيب تليفون ،بصراحة الحكومة عاملة الواجب وزيادة 20 ولا 30حبة والشعب كمان مش مقدر طب بالله عليكم هيعملوا ايه تانى هيقطعوا نفسهم بقى ولا ايه ،،بصراحة من زمن طويل أوى والحكومة بتحاول ترتقى بالمواطن انما المواطن بقى غاوى فقر تقول ايه ...

تخيل المواطن يسيب القطر النضيف اللى الخدمة فيه 7نجوم ويروح يركب الميكروباص ويتشعلق فى الباب كمان عشان يلحق يروح شغله .. تخيل ان الشعب بدل ما ياكل عيش بياكل بيتى فور واحيانا بسكويت ..ولما يحب يغير من زهقه من أكل اللحمة الرخيصة أم 32 و35 وأحيانا 40 جنيه بس ،، تخيلوا بقى بياكلوا ايه ؟ بياكلوا كشرى عدس دا على سبيل التغيير ليس الا ،وساعات بيبدلوا لعدس بشوربة نقول ايه شعب فقرى طب الحكومة عليها ملام كدة ولا فى حد عنده بقى اى لوم عليها !!!!!!

مهو مهما كان برده دى حكومتنا الحبيبة اللى ما تقبلش على نفسها قرش حرام لكن ممكن تقبل مليون قرش حشيش يضربوهم فى اجتماع ولا حاجة ولا مؤتمر لماما سوزان ولا افتتاح اى حاجة متعرفش ايه الفايدة منها ولا الناس اللى فيها اتوظفوا فيها امتى ....

بصراحة انا عاوز اشكر الحكومة على الشفافية والوضوح والأمانة اللى بتتسم بها حكومتنا المحترمة وأراهن اى حد فيكم يقدر يجيب لى حكومة عربية فى مثل أمانة ونزاهة حكومتنا العربية القومية الثورية المهلبية اللى ساحت على بعضها ومعدناش عارفين نقفل الشباك ولا نفتحه نشد الحزام ولا منشدش .طب ولو شدينا الحزام هنفكه امتى بقى دا احنا خلاص قربنا نموت فطيس ....


واخيرا وليس آخرا مش لاقى كلمة شكر للحكومة توفيها حقها بصراحة لكن كل اللى اتمناه من الله العلى القدير ان يرحمنا مما صرنا اليه وأنا أعلم جداً انه كيفما تكونوا يولى عليكم ولكن لا أظن اننا وصلنا لهذه الردجة حتى يولى علينا مثل هؤلاء الولاة يارب خد من قلبى وصر.......

[smsm2000]

هناك مثل مصرى قديم من الزعيم المصرى رحمة الله علية مصطفى كامل ( لم أكن مصريا لوددت أن أكون مصريا )
ازيد على هذا المثل ( لو لم أكن مصريا لوددت أن أكون هنديا ) او سنغاليا

واليوم نقول للحكومة النظيفة لو لم أكن نظيفا لوددت أن أكون نظيفا
كتنا نيلة فى حظنا الهباب ووكسة على الى احنا فية وساكتين علية واخر القول

حسبى الله ونعم الوكيل

[محمدحسين]

المشاركة الأصلية بواسطة mnarh

ولا تزعلوا نظيف قريب اريال بس ده بينظف الهدوم ونظيف بينظف الجيوب

أعتقد أنه أن الأوان لان يلبس المصريين ملابس بدون جيوب طالما الجيوب نظيفه مافائده الجيوب خلينا نوفر قماش نستخدمه فى حاجه تانيه

[محمدحسين]

المشاركة الأصلية بواسطة ashraf_elshref2

يارب ارحم الغلا بة من المصرين

ياترى ماهو تعريف الغلابه النهارده أيهفكرتنى بخط الفقر اللى بدون تعريفخط الفقر اللى بيمر من أسكندريه الى أسوان مرورا بالعشوئيات والمناطق الشعبيه و قرى مصر