دور ولف الدنيـــــــا

[عتاب]

كتبت تاني اهو استحملوني

اقروا يالا

دور ولف الدنيا عمرك ماتلاقي زيي

ولا عمرك يوم تصادف حب زي حبي

يا اناني انت فاكر انك ملكت قلبي!!!

طول عمري قلبي ملكي صايناه ومش باخبي

لو يوم او لحظة باضعف بالجأ دايما لربي

عارفة ان هاييجي يوم ويبان المستخبي

واشوف في عينيك دموعك وتيجي لحد عندي




مش عايزاك تيجي تاني وتسمع نفس ردي

خليك هناك بعيد وانا عايشة هنا في سعادتي

صبرت زمان كتير واديني اخدت اجري

جزاء الصبر شفته وادي فرحي ووعد ربي

[كتائب الاقصى]

رائع جدا تسلم يدك مس عتاب

[Mirage]

آه لو كنا نملك قلوبنا
آه لو كان للحب سلطان
آه ثم آه
للاسف ياعتاب هو (او هى) يملك القلب مهما انكرنا
عقلنا لا يريده (او يريدها) لكنه يسكن القلب مهما فعلنا

خاطرتك تفوح منها قوة الاراده ولولا هذا السطر " ولا عمرك يوم تصادف حب زي حبي"
لقلت انك نجحتى فيما فشل فيه الكثيرون على مر العصور
جود ترايل (زى ما الخواجات بيقولوا) وهذى ليس للخاطرة وانما للمحاولة الشبه مستحيلة
خاطرة جميلة و تقرأ باكثر من طريقة

دمتى بود

[بنت فلسطين]

الله الله الله ...

شو هالإبداعات هاي يا ست عتاب ..

شو هالإحاسيس المرهفة هاي

والله طلعتي مش قليلة يا بنت

بجد عتاب تسلم ايديك .. ومفيش طبعا زيك بالدنيا دي يا عسل

تحياتي وياريت تتحفينا بالباقي

[مستكة]

مازلت عندي رايي

[ابو ماجد]

احساسي انها نا بعه من الصميم

تمنياتي لك بحب جميل .. لمن يستحقك

[عتاب]

المشاركة الأصلية بواسطة كتائب الاقصى

رائع جدا تسلم يدك مس عتاب

اشكرك كتائب الاقصى على مشاركتك الجميلة
ومبسوطة اوي ان الموضوع عجبك
عقبال باقي المواضيع

[عتاب]

المشاركة الأصلية بواسطة Mirage

آه لو كنا نملك قلوبنا
آه لو كان للحب سلطان
آه ثم آه
للاسف ياعتاب هو (او هى) يملك القلب مهما انكرنا
عقلنا لا يريده (او يريدها) لكنه يسكن القلب مهما فعلنا

خاطرتك تفوح منها قوة الاراده ولولا هذا السطر " ولا عمرك يوم تصادف حب زي حبي"
لقلت انك نجحتى فيما فشل فيه الكثيرون على مر العصور
جود ترايل (زى ما الخواجات بيقولوا) وهذى ليس للخاطرة وانما للمحاولة الشبه مستحيلة
خاطرة جميلة و تقرأ باكثر من طريقة

دمتى بود

ميراج نورت الموضوع . ده اولا
ثانيا الجملة دي (ولا عمرك يوم تصادف حب زي حبي)
كتبتها من وجهة نظر الانسانة اللي كان ممكن تدي حبها لشخص بس لقيت انه مايستاهلش
وان حبها شيء كبير الانسان ده مايستحقوش . مش معنى كده انها حبت الانسان ده
بالعكس هي شايفه حبها كبير ومفيش زيه في الدنيا وعشان كده مش هاتديه الا للي يستحقه
بصراحة مش عارفة اوصل وجهة نظري ازاي مش عارفة اشرحها
بس كل اللي اقصده انها ماحبتوش وفي نفس الوقت بتقوله انه ماكنش هايلاقي ابدا زي حبها اذا أحبته
واحب ابشرك اني بالفعل نجحت في اللي فشل فيه كتير بشهادة كل من يعرفني

[عتاب]

المشاركة الأصلية بواسطة بنت فلسطين

الله الله الله ...

شو هالإبداعات هاي يا ست عتاب ..

شو هالإحاسيس المرهفة هاي

والله طلعتي مش قليلة يا بنت

بجد عتاب تسلم ايديك .. ومفيش طبعا زيك بالدنيا دي يا عسل

تحياتي وياريت تتحفينا بالباقي

رؤى حبيبة قلبي منورة الموضوع
وكمان عجبها كده انا نجحت
ميرسي ياقمر على مشاركتك
انا بس عايزة اوضح نقطة مهمة في كتاباتي
وهي ان كتير ممكن يعتبروها مكتوبة عن غرور وان الفتاة شايفه نفسها حبتين
لكن انا باعتبرها عن اعتزاز بالنفس لان كرامة الانسان فوق اي شيء
وبالفعل انا مقتنعه ان البنت المفروض تحافظ على قلبها لحد ماتتجوز تهديه لزوجها
يمكن يكون تفكيري غريب حبتين بس الحمد لله ربنا اعطاني القدرة اني انفذه وشايفه ان الموضوع مش مستحيل

[عتاب]

المشاركة الأصلية بواسطة مستكة

مازلت عندي رايي

أي واحد فيهم بالظبط
اني قوية ومفترية والا اني موهوبة
نورتي الموضوع ياجمييييييل

[عتاب]

المشاركة الأصلية بواسطة ابو ماجد

احساسي انها نا بعه من الصميم



تمنياتي لك بحب جميل .. لمن يستحقك

نورت الموضوع ابو ماجد
واشكرك على الدعاء الجميل
ربنا يرزق كل بنات المسلمين بمن يصونهم ويقدر مشاعرهم المرهفة

[محمدحسين]

شايف أننا قريب هنلاقى أغانى من كلمات الشاعره عتاب
لازال راى فيك هو أنك لديك الكثير
وستنجحى لانك لديك الاصرار ولديك الطموح فلا تتوقفى ودعى الطريق يمتد بك لتحققى لنفسك ماتريده

[عتاب]

المشاركة الأصلية بواسطة محمدحسين

شايف أننا قريب هنلاقى أغانى من كلمات الشاعره عتاب
لازال راى فيك هو أنك لديك الكثير
وستنجحى لانك لديك الاصرار ولديك الطموح فلا تتوقفى ودعى الطريق يمتد بك لتحققى لنفسك ماتريده

اغاني مرة واحدة
انا يادوب بكتب اللي بحس بيه على ادي يعني
شكرا لمرورك ومشاركتك الرائعة وتشجيعك اللي دايما بيديني الثقة اللي تدفعني للامام
فعلا محمد حسين ونعم الاخ . ربنا مايحرمنيش من تشجيعك ليا ابدا

[redrose]

قصيده جامده اوي يا عتاب وراها شخصيه رومانسيه وقويه
يارب ما يحرمنا منك ولا من مشاركاتك الاكثر من رائعه
اختك: redrose

[عتاب]

المشاركة الأصلية بواسطة redrose

قصيده جامده اوي يا عتاب وراها شخصيه رومانسيه وقويه
يارب ما يحرمنا منك ولا من مشاركاتك الاكثر من رائعه
اختك: redrose

ربنا مايحرمني منك ولا من مرورك الجميل ده على مواضيعي
ربنا يفرحك زي مافرحتيني كده ويسعدك يا قمر