مفيش حاجه

[hassan omran]

المشاركة الأصلية بواسطة مستكة

مانيش عايز خلاص حاجة ولا محتاج انا لحاجة ولو عايز صحيح حاجة مخليتوليش ولا حاجة

عموماً بصوا فيه حاجة ...... هقولها بس محتاج لعقول تفهم..

ولو حاجة مهيش مفهومة او حاجة ....نفسرها بكام حاجة ..

نوضحها بكام حاجة وأهى حاجة مع حاجة هتظهر وتبان لنا حاجة

وانا ما بخفش من حاجة مانيش مسنودولا حاجة

لكن ما بخفش من حاجة لكن فرضاً لو هقول حاجة هيحصل إيه ... ولا حاجة

هيعملوا إية.... ولا حاجة ولو بعد الشر .. بعد الشر لو واحد من القاعدين

من السامعين من الضالين فِهِم حاجة هَيعملوا إيه ؟؟؟؟

اكيد برضُه ولا حاجة ....فنتوكل على الستار لوجه الله نقول حاجة فيه

ناس بتعيش علشان حاجة... وناس بتموت علشان حاجة... وناس بتموت على الحاجة

وناس تديلك الحاجه وهى ليها محتاجه... وناس تديلك الحاجه و تاخد قصادها ميت حاجه

وناس تكبر تكون حاجه و ناس تصغر علشان حاجه

وناس منظر ومش حاجة وتلقاه كبير حرس ونفير عليه منظر... وهو جبان وشيخ منصر ولا يبـنش عليه حاجة

كلامى يا خلق فيه حاجة ... لحد دلوقتى فيه حاجه؟ كلام عادى وبسيط جداً .. ولا فِهشِ ولا حاجة

ما انا ما أقدرش أقول حاجه صحيح نفسى أقول حاجه وميت حاجه لكن مش قادر اقول حاجة

لأنى لو هقول حاجه ..هييجى ناس بتوع حاجه وياخدونى ورا الحاجة وهو لو سمع حاجه هيعملوهالى ميت حاجه

عموما ... بصو لو حد من القاعدين عايزنى أبلغه بحاجة يقول مايخفش من حاجة

نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة

وبتقول إيه...مصمصوا إيه.... وخصخصوا إيه....ده كله كلام مفيش

حاجه ... قضية إيه ... ياشيخ روح خلاص مافيش حاجه

حرامى إيه ... ولَكّح إيه ... وهرّب إيه؟ شــفـافـيـه مافيش حاجة

وبتقول إيه ... لالالآلأ عـــيب لافيه تدليس ولاترقيص ولا تدبيس ولا حاجه

سمع مع هووووس انا حاسس انه فيه حاجة دقيقة سكات لَتبقى حداد انا حاسس انه فيه حاجه

زمنكوا ياخلق فيه حاجه ولازموا كام وميت حاجه ده لو يعنى إذا كان فيه

حاجة انا عن نفسى مش حاسس ولا بحاجة ولا متضايق ولا حاجة

سعادتك برضه مش زَيـىِ مافيش حاجة ؟ ..... أهـه بيقول مافيش حاجة

جنابك برضه مش زَيـىِ وعلشان زَيـىِ مافيش حاجة .. أهـه بيضحك بيقول مافيش حاجة

ما أنا قولتلكو من الأول مافيش حاجة عليا النعمه يا اخوانّا مافيه حاجة

ورحمة ابويا ويّا أبوك على إللّى جابوك ما فيه حاجه

وعهد الله . وعهد الله. وعهد الله ما خللولنا ولا حاجه









منقوووووووووووووووول

الى العزيزة مستكه

بالرغم أن ما قالش حاجه لكن واضح كل حاجه
والحكاية مش محتاجه حاجه
وأنتى نقلتلى كل حاجه
تبقى مشتركه فى كل حاجه
وأنا أشك إنك مش ناقله حاجه
ومتأكد أنك تكونى كاتبه كل حاجه
وأسمك وكل حاجه
بقت عند اللى ماسك كل حاجه
يا خوفى لا يعملوا فيكى حاجه
تقبلى تحياتى وكل حاجه
...............حسن عمران

[فراق84]

اختيار موفق في كل حاجة
وانتي فعلا ما خليتي ولا حاجة
شكرا على كل حاجة
اختك فراق

[ابتسامة الحياة]

مستكة اخنيار رائع
لأيمان بكرى
تشعرى فيما تكتب بالمصداقية
اختيارك موفق جدااااااااااااااااااااااااااا

[True_Face]

والله يا مستك العنوان بيقول مفيش حاجه

بس اللى ما بين السطور وخلفها اكتر من مليون حاجه

هذا ابداع ويطلق عليه او يصنف تحت النقد الهزلى وهذا من اصعب انواع النقد