مفيش حاجه

[مستكة]

مانيش عايز خلاص حاجة ولا محتاج انا لحاجة ولو عايز صحيح حاجة مخليتوليش ولا حاجة

عموماً بصوا فيه حاجة ...... هقولها بس محتاج لعقول تفهم..

ولو حاجة مهيش مفهومة او حاجة ....نفسرها بكام حاجة ..

نوضحها بكام حاجة وأهى حاجة مع حاجة هتظهر وتبان لنا حاجة

وانا ما بخفش من حاجة مانيش مسنودولا حاجة

لكن ما بخفش من حاجة لكن فرضاً لو هقول حاجة هيحصل إيه ... ولا حاجة

هيعملوا إية.... ولا حاجة ولو بعد الشر .. بعد الشر لو واحد من القاعدين

من السامعين من الضالين فِهِم حاجة هَيعملوا إيه ؟؟؟؟

اكيد برضُه ولا حاجة ....فنتوكل على الستار لوجه الله نقول حاجة فيه

ناس بتعيش علشان حاجة... وناس بتموت علشان حاجة... وناس بتموت على الحاجة

وناس تديلك الحاجه وهى ليها محتاجه... وناس تديلك الحاجه و تاخد قصادها ميت حاجه

وناس تكبر تكون حاجه و ناس تصغر علشان حاجه

وناس منظر ومش حاجة وتلقاه كبير حرس ونفير عليه منظر... وهو جبان وشيخ منصر ولا يبـنش عليه حاجة

كلامى يا خلق فيه حاجة ... لحد دلوقتى فيه حاجه؟ كلام عادى وبسيط جداً .. ولا فِهشِ ولا حاجة

ما انا ما أقدرش أقول حاجه صحيح نفسى أقول حاجه وميت حاجه لكن مش قادر اقول حاجة

لأنى لو هقول حاجه ..هييجى ناس بتوع حاجه وياخدونى ورا الحاجة وهو لو سمع حاجه هيعملوهالى ميت حاجه

عموما ... بصو لو حد من القاعدين عايزنى أبلغه بحاجة يقول مايخفش من حاجة

نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة

وبتقول إيه...مصمصوا إيه.... وخصخصوا إيه....ده كله كلام مفيش

حاجه ... قضية إيه ... ياشيخ روح خلاص مافيش حاجه

حرامى إيه ... ولَكّح إيه ... وهرّب إيه؟ شــفـافـيـه مافيش حاجة

وبتقول إيه ... لالالآلأ عـــيب لافيه تدليس ولاترقيص ولا تدبيس ولا حاجه

سمع مع هووووس انا حاسس انه فيه حاجة دقيقة سكات لَتبقى حداد انا حاسس انه فيه حاجه

زمنكوا ياخلق فيه حاجه ولازموا كام وميت حاجه ده لو يعنى إذا كان فيه

حاجة انا عن نفسى مش حاسس ولا بحاجة ولا متضايق ولا حاجة

سعادتك برضه مش زَيـىِ مافيش حاجة ؟ ..... أهـه بيقول مافيش حاجة

جنابك برضه مش زَيـىِ وعلشان زَيـىِ مافيش حاجة .. أهـه بيضحك بيقول مافيش حاجة

ما أنا قولتلكو من الأول مافيش حاجة عليا النعمه يا اخوانّا مافيه حاجة

ورحمة ابويا ويّا أبوك على إللّى جابوك ما فيه حاجه

وعهد الله . وعهد الله. وعهد الله ما خللولنا ولا حاجه









منقوووووووووووووووول

[عتاب]

فعلا مفيش حاجة
كنت فاكراكي كاتباه طلع منقول ولا حاجة

[مستكة]

كنت فاكراكي كاتباه طلع منقول ولا حاجة

عيب عليكي جدا

انتي بتغلطي فيا ولا ايه

ال اكتبه ال

وانا يوم ماكتب هكتب حاجه

يا بنتي دا انا هكتب حاجاااااااااااااااااااااااااااااااااااات

[دقه قلب]

اولا اعتذر الانى ماشوفتوش غير متاخر بس ظروف البرد بقى ربنا ما يوريكى



ثانيا نقل موفق بجد والكاتب ممتاز يعنى عجبنى اوووووووووووووووى
لو من حقى اديكى تقدير على نقلك اقولك 10/10

ثالثا عشان كده طولت اووى

ناس بتعيش علشان حاجة... وناس بتموت علشان حاجة... وناس بتموت على الحاجة

وناس تديلك الحاجه وهى ليها محتاجه... وناس تديلك الحاجه و تاخد قصادها ميت حاجه

دى عجبتنى جدااااااااااااااااااااااا

كل التحيه للكاتب الرائع و لك ولما نقلتى

[مستكة]

اهلا دقة

اولا اعتذر الانى ماشوفتوش غير متاخر بس ظروف البرد بقى ربنا ما يوريكى

الف سلامه عليك ياجميل

ثانيا نقل موفق بجد والكاتب ممتاز يعنى عجبنى اوووووووووووووووى
لو من حقى اديكى تقدير على نقلك اقولك 10/10

ربنا يكرمك ده من زوقك

بس فعلا بحب الزجل جدا وخصوصا النوع ده منه ... تحسي انه بسيط وغير تقليدي ووري الكلام كلااااااااااااام

طب ايه رايك مش فكرتك (بالبتاع ) للفاجومي

دى عجبتنى جدااااااااااااااااااااااا

كل التحيه للكاتب الرائع و لك ولما نقلتى

هو يقال ان كاتبها واحده اسمها ايمان بكري وهي شاعرة عاميه الفيديو بتاعها هتلاقيه هنا

[هيثم حمدي]

السلام عليكم


نقل ممتاز يا مستكه

وكلمات رائعة وكلها اجمل من بعضها

تسلمي علي النقل

[مستكة]

السلام عليكمنقل ممتاز يا مستكهوكلمات رائعة وكلها اجمل من بعضهاتسلمي علي النقل الحمد لله انها نالت اعجابكم اهلا بيك في الموضوع يا اخ هيثم .. مشكور علي المرور

[نيهال]

تسلم ايديكى على النقل يا مستكه
عجبنى الكلام قوى جدا خالص وتحياتى للى كتبه

[volda]

السلام عليكم ورحمه الله وبركاته

اولا انا عضو جديد معاكم

موضوع مستكه صراحه هو اللى شدني للمنتدى

بجد مش عارف اقولك ايه

القصيده جامده جدا

بدور عليها من السنه اللى فاتت

تخيلو منظري وانا راجع من امتحان --:: كان عندي امتحان فيزيا في الكليه وطلعان عيني::--

وبعدين حاجه كده تشرح صدري كده وتفرحني

اني .......... الاقي القصيده

وكمان منزلاها فيديو

بجد مش عارف والله اقولك ايه

ميرسي لأبعد الحدود

عمــــــــــــــــــــــووووور

[مستكة]

تسلم ايديكى على النقل يا مستكه
عجبنى الكلام قوى جدا خالص وتحياتى للى كتبه

تسلمي يانيهال

الحمد لله انه نال اعجابكم

هو الزجل اجمل مافيه انه واقعي وقريب جدا جدا للقلب

كلماته عاميه اي حد في الشارع المصري يفهمها بسهوله جدا

اسعدني مرورك ... كل سنه وانتي طيبه

[مستكة]

المشاركة الأصلية بواسطة volda

السلام عليكم ورحمه الله وبركاته

اولا انا عضو جديد معاكم

اهلا وسهلا بيك في ابن مصر

حللت اهلا ونزلت سهلا

موضوع مستكه صراحه هو اللى شدني للمنتدى

بجد معقوله دي !!!

بجد مش عارف اقولك ايه

القصيده جامده جدا

بدور عليها من السنه اللى فاتت

تخيلو منظري وانا راجع من امتحان --:: كان عندي امتحان فيزيا في الكليه وطلعان عيني::--

وبعدين حاجه كده تشرح صدري كده وتفرحني

اني .......... الاقي القصيده

وكمان منزلاها فيديو

بجد مش عارف والله اقولك ايه

ميرسي لأبعد الحدود

عمــــــــــــــــــــــووووور

بجد انا اللي شكرا لحضرتك

وكويس انك وجدت ضالتك

بس في الحقيقه انا كنت اول مره اسمع عن القصيده وصاحبتها

وبما ان حضرتك عارفها باه لو عندك زجل تاني ليها ياريت تنزله هنا لينا جميعا

كل سنه وحضرتك طيب

واهلا بيك مره تانيه

[nova jojo]

[color=#000099]عموما ... بصو لو حد من القاعدين عايزنى أبلغه بحاجة يقول مايخفش من حاجة[/COLOR


هو انتي خليتي اية عشان حد يقول حاجة

بس موضوع حلو قوي
وبعدين في حد قالك انو عايز حاجة ؟؟؟؟
لا أبدا المهم انتي اللي عايزة حاجة ولا لأة
ومفيش أبدا حاجة ولو حد عاوز حاجة هيجيب الحاجة عشان يقول الحاجة
شكرا يا مستكة يا عسولة مرة تانية على الموضوع الحلو

واوعو حد يكون عايز حاجة وميقولهاش عشان مظلمهوش
وبردة مفيش حاجة

[طائر ليل حزين]

وأنا فكرك كتباه وطلع ولا حاجه كنت هايز أفهم حاجه بس خفت لبتوع الحاجه ياخدونا كده لمه ورا حاجه وكنت عايز أسئل على حاجه وأختفيتي فجأه ولا حس ولا حاجه وفجأه رجعتي بموضوع ولا حاجه ولو انتي فهمه حاجه ياريت تقوليلي حاجه عشان أفهم بجد ومتخفيش من حاجه ماهي متباعه من غير حاجه ويلا بئه ولا كأني قلت حاجه

[وائل المصري]

بالفعل ياسيدتي الحاجه وحشه.
طيب ممكن اقول حاجه ولا المسئله مش محتاجه.
مع تمنيات وائل المصري بالتوفيق في ايجاد الحاجه.

[د.امال]

بجد قلتى كل حاجه من غير ما يمسكوا عليكى حاجه


لان الحاجات اللى بنقولها بتدخلنا فى جاجات تانيه ما نقدرش نعمل لها حاجه


يبقى نسكت ولا نقلش حاجه لا نروح فى حاجه شرحها يطول



عموما انا ما قلتش حاجه




شكرا على النقل المميز والحاجه اللى ما تقلش فيها حاجه