أزمه اغنيه بحبك ياحمار

[محمدحسين]

المشاركة الأصلية بواسطة redrose

يا رب بس تيجي علي اد كده وما يقلبش وبعد ما كان بيغنيها للحمار يغنيها لحبيبته . طب والله ممكن!
redrose

يعنى اللى تحب هذا الشخص لابد أن تعرف أن هذه هى طريقه حبه
ومش بعيد لما يقول لها كلام غزل ياخذها بجوار حمار واقف فى الشارع لانه يمثل مصدر الهامه

[yasmina]

والله بجد الاغانى بس مستواها هابط قوى

حتى الحمار بقوا يغنولة


دة كمان بقوا يغنوا للعنب والسمك .....

ايوة بجد بيغونولهم


يا عالم بكرة هيغنوا لاية تانى

[The Caesar]

فين جمعيات الرفق بالحيوان
اهوه بالدليل الذي لا يقبل الشك ..الحمير تعامل معامله رائعه .حيث وصل الامر الي الغناء للحمارذلك المخلوق الوديع
الرقيق ..المسالم ..
طبعا ً لا ننسي ان انكر الاصوات لصوت الحمير
لكن لابأس ان يقوم حمار بالغناء لاخيه الحمار...ربما وصل الامر الي احياء احد افراح الحمير ..واهو كلها سبوبه
و يا بختها يا هناها الحمير
لكن يبقي سؤال
عزيزي الحمار من هو مطربك المفضل ؟

[دقه قلب]

عزيزي الحمار من هو مطربك المفضل ؟

[Half-Magic]

ههههههههههه...

أغنية أسمها بحبك يا حمار .. و مغنى اسمه بعرور ...و واحد تانى كان مكوجى و بقى مطرب مشهور... و التالت سرق أغانى ... ايه ده بس !!!

بجد مفيش تعليق أقدر أقووووله غير ... حسبنا الله و نعم الوكيل !!

الف شكر لك يا محمد باشا على الأخبار الفنية

[ابن مصر]

الحق مش عليهم بجد الناس الى بتسمع الاغانى دى هى الى بتشجعهم على كده
و للاسف فئه كبيره من الشعب فى الوقت الحالى بتقبل على الاغانى دى و بتحبها جدا!!
كان من فتره بيطلق على الاغانى دى "اغانى سواقين" لان مكنتش بتسمعها الا عند سواقين الميكروباص و تستغرب هما بيجيبوا الاغانى دى منين
لكن دلوقت خلاص ... ربنا يعين,

[مستكة]

طيب انا شايفاكم كلكم معترضين علي الاغنيه عشان علي الحمار

معني كده الاغاني التانيه حلوة برضه !!

ولولا اغنية الحمار مكنش حد اتكلم انا متاكده

علي فكره الحمار جدير بانه يتغناله .. لانه يستحق بجد

الحمار هو الكائن الوحيد اللي بيشيييييييل ياما ومبيقولش كفايه

الحمار بيشتغل ومبيقولش تعبت

الحمار عموما حيوان طيب ونافع جداااااا

لكن الاشكاليه هنا .. اني مرضاش ان فلان ده او فلان ده يغني للحمار

لاني كده بظلم الحمير

[Honey1900]

المشاركة الأصلية بواسطة محمدحسين

أزمة الحمار تشتعل بين شعبان عبد الرحيم وسعد الصغير


المطرب شعبان عبد الرحيم قام المطرب شعبان عبد الرحيم بتوجيه إنذار شديد اللهجة لسعد الصغير حذره فيه من الاستمرار في تقديم أغنية (الحمار) التي اعتاد سعد تقديمها في الحفلات والأفراح خلال الفترة الماضية.
شعبولا أكد في تصريح خاص لمصراوى أن الأغنية ملك خالص له منذ 15 عام وسبق له التقدم بها لجهاز الرقابة على المصنفات الفنية قبل سبعة أعوام بهدف إجازتها وإصدارها في البوم غنائي.
إلا أن الرقابة رفضتها ورغم هذا كما يقول لم يتوقف عن أدائها في الأفراح الشعبية بناء على طلب الجماهير ثم فوجئ بسعد الصغير يستولى عليها ويصر على تقديمها دون وجه حق .
ومن جانبه رفض سعد الصغير تحذير شعبان وأكد أن أغنيته تختلف بشكل كامل عن أغنية شعبان عبدالرحيم فهو كما يقول في مطلع أغنيته ( بحبك ياحمار) بينما اغنية شعبان قديمة ويقول فيها (انا بحب الحمار بجد مش هذار) .
ومن هنا كما يقول لن يتراجع عن الاستمرار في أغنيته بل انه اتخذ الخطوات القانونية لرفع دعوى قضائية ضد عصام نجل شعبان عبدالرحيم بسبب سبه وقذفه له فى الافراح والملاهى الليلية عبر أغنية هابطة على حد وصف وتعبير سعد الصغير حيث يقول عصام شعبان عبدالرحيم فى أغنيته : ده حرامي بيحب السرقة امسكوه امسكوه ..وفاصل كبير من الشتائم التي يصعب ذكرها واعتبرها سعد الصغير اهانة بالغه له يجب محاسبته عليها .
ومن جانبه لم ينفى عصام توجهه بهذه الأغنية لسعد الصغير بعد أن تعددت سرقاته الغنائية فبعد استيلاءه على أغنية العنب من المطرب بعرور قام كما يقول بسرقة أغنية البلح منه وهاهو يستولى على أغنية (الحمار) من ابيه .
يذكر أن سعد الصغير أثار أزمة واسعة في برنامج (سهراية ) لصفاء ابوالسعود حيث اصطحب معه حمارا عند توجهه للبرنامج وراح يغنى له ( بحبك ياحمار) وسرعان ما دخل المطرب ريكو فاصل من التحدي معه بتقديمه لأغنية (حمامة) المليئة بالإيحاءات الجنسية وهو ما دفع صفاء ابوالسعود للتعبير عن ندمها الشديد على هذه الحلقة ووعدت بعدم تكرار هذه المسخرة مرة أخرى على حد وصفها.
كان سعد الصغير سافر مؤخرا للولايات المتحدة الامريكية ليشارك كما يقول فى فيلم وثائقي امريكى ضخم لم يتم الاستقرار على عنوان نهائى له حتى الان وستشاركه بطولته النجمة الأمريكية كوركين كوكس واستغل زيارته لامريكا وشارك فى إحياء عدة حفلات بالاشتراك مع فريق (رينجرز) العالمي وحقق نجاح كبير هناك

.

هم يدحك و هم يبكي


شوف العالم بيتكلم ف ايه و المطربين دول بيتكلموا ف ايه؟؟؟؟؟؟؟؟؟؟؟

[الفراشه]

حتى الحمار له اهمية
قمة المسخرة

مش عارفين يعملو ايه ولا ايه
و اتلاقي الناس دلوقتي ما شية و تغنى للحمير

ايه الارف دا
عقلية صغيرة

[محمدحسين]

المشاركة الأصلية بواسطة yasmina

والله بجد الاغانى بس مستواها هابط قوى

حتى الحمار بقوا يغنولة


دة كمان بقوا يغنوا للعنب والسمك .....

ايوة بجد بيغونولهم


يا عالم بكرة هيغنوا لاية تانى

أعتقد أننا عن قريب هنبتكر قاتل للحشرات بالاغانى
يعنى ممكن يكون لديك شريط أغانى لمقاومه الحشرات الطائره والحشرات الاخرى وشريط لقتل الفيران
لاننى أعتقد ان الحشرات لن تتحمل هذه النوعيه من الاغانى وستفضل الموت أنتحارا
وبهذا الأبتكار سنوفر سعر المبيدات على يد مطربينا العظام

[محمدحسين]

المشاركة الأصلية بواسطة The Caesar

فين جمعيات الرفق بالحيوان
اهوه بالدليل الذي لا يقبل الشك ..الحمير تعامل معامله رائعه .حيث وصل الامر الي الغناء للحمارذلك المخلوق الوديع
الرقيق ..المسالم ..
طبعا ً لا ننسي ان انكر الاصوات لصوت الحمير
لكن لابأس ان يقوم حمار بالغناء لاخيه الحمار...ربما وصل الامر الي احياء احد افراح الحمير ..واهو كلها سبوبه
و يا بختها يا هناها الحمير
لكن يبقي سؤال
عزيزي الحمار من هو مطربك المفضل ؟

فكرتنى بمسرحيه العيال كبرت ويونس شلبى يغنى جاموسه حبت جاموسه ... جاموسه حبت جاموسه لقيتها بقره يعينى ياليلى
أعتقد ان برنامج عالم الحيوان لابد ان يخصص جزء من وقته لتقديم الاغانى الحديثه للحيوانات
ومؤلف الاغنيه وملحنها
وان يكون هناك برنامج لاختيار احسن اغنيه للحمير والحيونات خلال العام
ويحصل صاحبها على جائزه البرسيم الذهبيه

[محمدحسين]

المشاركة الأصلية بواسطة دقه قلب

خايف اروح حديقه الحيوان أجد فرقه موسيقيه أمام بيت الحمار تعزف له أغنيه بحبك ياحمار
وأكيد الحمار هيرفس لاعلى أبتهاجا وسعاده

[محمدحسين]

المشاركة الأصلية بواسطة Half-Magic

ههههههههههه...

أغنية أسمها بحبك يا حمار .. و مغنى اسمه بعرور ...و واحد تانى كان مكوجى و بقى مطرب مشهور... و التالت سرق أغانى ... ايه ده بس !!!

بجد مفيش تعليق أقدر أقووووله غير ... حسبنا الله و نعم الوكيل !!

الف شكر لك يا محمد باشا على الأخبار الفنية

خايف بعد كده يغروا الف وليله وليله
وتبقى القصص على
المطرب بعرور
وحماره مسرور
والله حاجه تضحك يامحمد

[محمدحسين]

المشاركة الأصلية بواسطة ابن مصر

الحق مش عليهم بجد الناس الى بتسمع الاغانى دى هى الى بتشجعهم على كده
و للاسف فئه كبيره من الشعب فى الوقت الحالى بتقبل على الاغانى دى و بتحبها جدا!!
كان من فتره بيطلق على الاغانى دى "اغانى سواقين" لان مكنتش بتسمعها الا عند سواقين الميكروباص و تستغرب هما بيجيبوا الاغانى دى منين
لكن دلوقت خلاص ... ربنا يعين,

والله ياابن مصر لك حق لا والموضه الجديده موتوسيكلات عليها سماعات أستريو ويسمع الشوارع اللى بيمشى فيها معاه
ده بقى بيلوث الجو من الأغانى التحت هابطه
أنا فى راى لابد ان يضعوا خط زى خط الفقر للاغانى الهابطه

[محمدحسين]

المشاركة الأصلية بواسطة مستكة

طيب انا شايفاكم كلكم معترضين علي الاغنيه عشان علي الحمار

معني كده الاغاني التانيه حلوة برضه !!

ولولا اغنية الحمار مكنش حد اتكلم انا متاكده

علي فكره الحمار جدير بانه يتغناله .. لانه يستحق بجد

الحمار هو الكائن الوحيد اللي بيشيييييييل ياما ومبيقولش كفايه

الحمار بيشتغل ومبيقولش تعبت

الحمار عموما حيوان طيب ونافع جداااااا

لكن الاشكاليه هنا .. اني مرضاش ان فلان ده او فلان ده يغني للحمار

لاني كده بظلم الحمير

بكره يامستكه تلاقى الحمار واقف على الناصيه بيوقع اتوجرافات لللمعجبين
زى ماقلتى الحمار مفيد ولكن المطرب هو الغير مفيد بل مضر بالاغانى التى تلوث أسماعنا